कॉफीचं कॅथार्सिस अर्थात चिडचिड-ए-सोमवार

आ — आदूबाळ,
अरबट कॉफी चरबट कॉफी | कागदाच्या कपात करपट कॉफी || डोक्याची ग्रेव्ही, इनबॉक्सचं मटण | कॅफेनची किक, बुळबुळीत बटण | पहिला ढकलतोय, चारच बाकी | कागदाच्या कपात करपट कॉफी ||१|| परीट घडी, टायचा बावटा | आकड्यांची उसळ, एक्सेल पावटा | बॉस निकम्मा, टीम पापी | कागदाच्या कपात करपट कॉफी ||२|| पायांची घडी, मांडीवर पोट | अप्रेझल मीटिंग, बोका भोट | परफॉर्मन्स मदिरा, रेटिंग साकी | कागदाच्या कपात करपट कॉफी ||३|| गारगिट्ट पोळ्या, बकाबकाबका | सिग्रेटचा धूर, फकाफकाफका | पगार, पीएफ, बोनस टॉफी | कागदाच्या कपात करपट कॉफी ||४||
8019 वाचन
💬 प्रतिसाद (29)

प्रचेतस
Mon, 01/20/2014 - 20:26 नवीन
जबरा. अशोककुमारांची 'रेलगाडी' आठवली.

सस्नेह
Wed, 01/22/2014 - 22:28 नवीन
आणि मर्ढेकारी थाट्सुद्धा ! बाकी, इतकी वर्षे कॉफी पितेय पण कधी अरबट चरबट किंवा करपट नाही बॉ लागली. अरभाटच लागली प्रत्येक वेळी !
↩ प्रतिसाद: प्रचेतस

प्रा.डॉ.दिलीप बिरुटे
Mon, 01/20/2014 - 20:27 नवीन
आवडेश. -दिलीप बिरुटे

तिमा
Mon, 01/20/2014 - 21:00 नवीन
छान कविता लिहिली आहे, मर्ढेकरी बाज वाटला.

पैसा
Mon, 01/20/2014 - 22:54 नवीन
भयानक्,हास्य, करूण सगळे रस अगदी नीट उतरलेत!

आयुर्हित
Mon, 01/20/2014 - 23:37 नवीन
होई सायंकाळ, ऑफिस खलास| रिचवा रेडवाईन, हातात ग्लास|| रंगबेरंगी ढग, हवेत गारवा| फ्रेश होऊन आता, ऐका मारवा|| डोक्यावरून फिरेल मायेचा हात| वाईट परिस्थिती वर कराल मात|| सुख दु:ख हे असेच येईल अन जाईल| जन्म जन्मांतर हे नाते टिकून राहील|| आपला मिपास्नेही :आयुर्हीत

आतिवास
Tue, 01/21/2014 - 07:41 नवीन
आवडली.

आदूबाळ
Tue, 01/21/2014 - 20:28 नवीन
सर्व वाचकांचे आणि प्रतिसादकांचे आभार! कमीत कमी ओळींत जास्तीत जास्त चिडचिड ठासण्याच्या नादात थोडी दुर्बोध झाली - तथास्तु यांची सूचना रास्त आहे!

जॅक डनियल्स
Tue, 01/21/2014 - 20:33 नवीन
लैच भारी झाले आहे. हे लिहीताना पण हातात "अरबट कॉफी चरबट कॉफी" चाच कप आहे. क्याफिन धोसल्या शिवाय डोक्याची चक्रे फिरतच नाहीत.

राजेंद्र मेहेंदळे
Tue, 01/21/2014 - 20:45 नवीन
मंडे सीकनेस मस्त पकडलाय. बरे झाले सोमवारी सकाळी कविता वाचली नाही...डोक्याची मंडई झाली अस्ती. (कृ. ह. घ्या) अवांतर-- कोणत्यातरी ऐटी कंपनीत काम करता काय?

चाणक्य
Tue, 01/21/2014 - 23:06 नवीन
झकास झालीये. टोटल भा.पो.

नाखु
Wed, 01/22/2014 - 08:46 नवीन
ना लांबड ना क्रमशः ची जिल्बी सगळ एका झटक्यात (थेट)... "तुमचं आमच सेम असते" अ‍ॅप्रेझल दिंडीतला "वारकरी"

चित्रगुप्त
Wed, 01/22/2014 - 08:51 नवीन
मस्त. (तो मायेचा हात कुणाचा, तेवढं सांगा).

आयुर्हित
Wed, 01/22/2014 - 10:13 नवीन
अर्थात आपल्याला समजून घेणाऱ्या प्रिय व्यक्तीचाच !(ती प्रिय व्यक्ती कोण हे प्रत्येकाने आपल्या categery प्रमाणे ठरवावे!)
↩ प्रतिसाद: चित्रगुप्त

विटेकर
Wed, 01/22/2014 - 10:41 नवीन
आवडली.. मर्ढेकरांचे उंदीर "पिपात मेले" आणि आपले "कपात मरताहेत" .. हाच काय तो फरक ! आयुष्य " आयटी" असले तरीही "बेकेलायटी" आहे हेच जास्त खरे आहे ! उत्तम !

म्हैस
Wed, 01/22/2014 - 12:05 नवीन
लय भारी.
बॉस निकम्मा, टीम पापी | कागदाच्या कपात करपट कॉफी ||२||
हे जास्त

प्यारे१
Wed, 01/22/2014 - 18:47 नवीन
आवडली. टाय सूट काढा नि जीन्स शर्ट हेल्मेट घाला. नॉन ऐटी असूनही सहमत. - 'आप बहुत ज़्यादा होपलेस काम कर रहे हो' चं पालुपद सगळ्यांना ऐकवणार्‍या बुडबत पांडेचा सबार्निडेट