Skip to main content

आनंद - कार्लसन डाव ५

लेखक चतुरंग यांनी शुक्रवार, 15/11/2013 14:58 या दिवशी प्रकाशित केले.
एक डोळा तिकडे मुंबईत आणि दुसरा चेन्नै अशी अवस्था झाली होती. त्यापैकी आता फक्त चेन्नैत जीव अडकला आहे!बहुप्रतीक्षित असा डाव क्र. ५ सुरु होतोय.
लेखनविषय:
लेखनप्रकार
वाचने 36422
प्रतिक्रिया 215

प्रतिक्रिया

सुहासदवन शुक्रवार, 15/11/2013 16:58
तुम्ही आम्ही जर बुद्धिबळ खेळत असलो तर गेम खूप खुला आणि बेसिक लेवलला असतो. हे दोघे जसे खेळताहेत ते पाहता पुढची खेळी काय असेल हे सांगणे कठीण आहे. मुळात एक खेळी ठरवून, प्यादी विकसित करून पुढे जातच नाहीयेत दोघे जण. ह्या क्षणी कार्लसन कडे एक घोडा ज्यादा आणि दोन हत्ती आहेत त्यावर गेम चा निर्णय लागायला हवा पण तो लगेच आक्रमण करणार नाही, समोरच्याचा पेशन्स पाहणार आणि आनंद काही पुढे जाणार नाही.

चतुरंग शुक्रवार, 15/11/2013 16:58
आता सी ६ वरचे दुबळे प्यादे एक्प्लॉईट करायला बघणार. घोडा ई४ मधे आणला त्याने. आता पुढची खेळी घोडा सी ५ अशी होऊन डी७ वरच्या उंटावर दबाव येणार आणि ए८ वरचा हत्ती धोक्यात येऊ शकतो. आनंदची पोझीशन नाजूक होत चालली आहे.

चतुरंग शुक्रवार, 15/11/2013 17:01
दुसरीकडे लिहितोय हो. जास्त लिहीत राहिलो तर खेळ बघता येत नाही!

चतुरंग शुक्रवार, 15/11/2013 17:06
पुढच्या ४ खेल्या पटापट झाल्या! एकाच रंगाचे उंट आहेत आता प्याद्यांची संख्या सुधा समान आहे. आता आनंद त्याचे हत्ती डबल करणार का?

केदार-मिसळपाव शुक्रवार, 15/11/2013 17:11
त्याला त्याची प्यादी सुरक्षित करावी लागतील ऊंटा पासुन

चतुरंग शुक्रवार, 15/11/2013 17:11
एकतर ई स्तंभ धरला गेला आणि आता एच मधला हत्ती हलू शकत नाहीये कारण एच२ प्यादे पडेल उंटाने! आनंदने बी ५ वर ह्त्ती आणलाय.

चतुरंग शुक्रवार, 15/11/2013 17:15
ई४ वरचा उंट घट्ट बसलाय. त्याला कोणत्याच प्याद्याची थ्रेट नाहीये. आता आनंद हाती ई४ मधे आणून उंटाला हलवायला बघणार. डी १ मधला हत्ती मदतीला आला तर सी ४ असे प्यादे येते.

सुहासदवन शुक्रवार, 15/11/2013 17:35
मला तरी हा डाव निकालात निघणार ह्याची खात्री नाहीय ह्या दोघांच्या मुव्सकडे मिपाकरच नाही तर संपूर्ण जगातील अनेक चाहते डोळे लावून बसले आहेत. त्यांच्या खेळ्या, त्या रचत असलेल्या चाली, सरकणारे प्यादे ह्याकडे अनेक नवबुद्धीबळपटू एक खाद्य म्हणून बघत असणार. पण त्या मानाने फारच बचावात्मक (खास करून आनंद) आणि सपक खेळताहेत दोघे जण.

अग्निकोल्हा शुक्रवार, 15/11/2013 17:39
विशेषत: आजचा डाव अतिशय बोरिंग भासतोय! विश्रांती नंतर ही अपेक्षा नक्कीच न्हवती.

चतुरंग शुक्रवार, 15/11/2013 17:31
ई४ मधे घेईल आनंद असे वाटते. कारण मग जी ५ आणि एफ ५ असा हत्तीवर हल्ला होऊ शकतो आणि डी४ असा हत्ती आला तर सी ५ असे प्यादे येऊ शकते. करेक्ट आनंद जी ५ असा हत्तीवर आला.

चतुरंग शुक्रवार, 15/11/2013 17:46
आनंद तेच खेळलाय! एच ५ हत्तीला पट्टी बंद करुन टाकली. पण धोका असा आहे की उंट आत शिरुन प्याद्यावर मागून हल्ला करु शकतो. मग प्यादी काळ्या घरात आणून ठेवणे भाग पडते.

रमताराम शुक्रवार, 15/11/2013 17:46
रंगाकाकांच्या लाडक्या पुतणीला आणि आमच्या फेवरिट रमेशचाही अजून प्रेडिक्शन बरूबर येईना आणि आम्ही कसले डोंबलाचे तर्क करतोय. दोघेजण आपल्या सगळ्यांची फिरकी घेताहेत झालं. :)

चतुरंग शुक्रवार, 15/11/2013 17:56
हत्ती डबल झालेत. पण आनंदने उंट ई८ मधे आणून चांगला बचाव केलाय. पण हत्ती आता एफ ६ असा आत घुसू शकतोच!!

सुहासदवन शुक्रवार, 15/11/2013 17:57
बुद्धिबळ हा फक्त पटावर नाही तर समोरच्या व्यक्तिमत्वाशी देखील खेळायचा असतो. दोघांना माहित आहे, जो पहिला डाव जिंकेल तो वरचढ होईल आणि मग इतर डावांत त्याचाच वरचष्मा राहील. म्हणून मग आधी समोरच्याचा पेशन्स आणि खेळी जोखायच्या आणि मग आक्रमण करायचे. ह्या पटाबाहेरील खेळीत कार्लसन उजवा ठरला आहे. त्यामुळेच पहिल्या काही डावात कार्लसन आधी बचावात्मक होता आणि डाव दर डाव कार्लसन आक्रमणावर भर देतोय. त्याच वेळी आनंद मात्र बचाव सोडून बाहेर पडण्याचा सेफ धोका सोडत नाहीये.

आतिवास शुक्रवार, 15/11/2013 18:09
कार्लसनच्या पेशन्सचा अंत पाहणे ही आनंदची रणनीति दिसतेय. ती कितपत यशस्वी होईल, माहिती नाही!

चतुरंग शुक्रवार, 15/11/2013 18:09
घुसला हत्ती आतमधे एफ ६. आता आनंदचा बचाव काय असेल? ओके. आनंदने एच ४ असे प्यादे टाकले. तसेही आत्ताच्या स्थितीत कार्लसनचे हाती लगेच काहीकरु शकत नाहीत म्हणा! उंट बी२ वर आला तर आनंदचा हत्ती ई५ मधे येऊन डिफेंड करु शकतोच.

शैलेन्द्र शुक्रवार, 15/11/2013 18:19
त्याचा उद्देश एफ ६ ला सपोर्ट द्यायचा आहे.. ई-एफ आणि जी पट्यात बरीच मारागीरी होइल

आतिवास शुक्रवार, 15/11/2013 18:30
कालु? भारतीयीकरण आवडलं नावाचं :-)

चतुरंग शुक्रवार, 15/11/2013 18:27
आणला आनंदने. जी आणि एच प्यादी पुढे सरकवून एक्स्चेंज करवणे आणि मग एच पट्टीतला हत्ती मोकळा करुन घेणे अशी आयडिया दिसतेय.

चतुरंग शुक्रवार, 15/11/2013 18:38
हत्ती डी ८ मधे. आता कालूचा उंट डी३ मधे येऊ शकत नाही! मस्त आता हत्ती डी४ असा घुसलाय आनंदचा. कालूचे हत्ती राजाच्या बाजूला आणि आनंदचे वजिराच्या बाजूला चढाई करताहेत!

चतुरंग शुक्रवार, 15/11/2013 18:41
आनंदला शह देऊ शकत नाहीये आणि त्याचा सी २ वरचा उंट अडकल्यासारखा झालाय तो ई४ वरचे प्यादे हलवू शकत नाहीये. त्याला एफ पट्टीतला हत्ती मागे घ्यायला लागणार बहुदा.

चतुरंग शुक्रवार, 15/11/2013 18:46
आनंदने थेट डी८ मधे नेला ऊंट! आता कालूचा उंट बी१ असा गेलाय. आनंद कदाचित ए ४ असा खेळेल कारण मग प्याद्यंची मारामारी होऊन मॅग्नुसचा राजा उघडा पाडता येईल!

चतुरंग शुक्रवार, 15/11/2013 18:52
प्यादे पुढे येऊन हत्तीला सपोर्ट झाला. आनंदने ई५ प्यादे सुद्धा पुढे ढकलून ई४ प्याद्याची वाट बंद केली.

आतिवास शुक्रवार, 15/11/2013 19:06
ई प्यादे पडल्यावर आनंदला काय पर्याय राहतील या विचारांत.

चतुरंग शुक्रवार, 15/11/2013 19:10
राजा डी ६ मग हत्ती एच५ जाईल मग हत्ती डी८ असा उंटावर जाऊ शकतो.

चतुरंग शुक्रवार, 15/11/2013 19:19
डी८ आला तर राजाला मागे जावे लागेल किंवा उंट डी३ आला तर प्यादे सी४. मग ऊंटाला जागा राहत नाही.