Skip to main content

आनंद - कार्लसन डाव - ३

लेखक चतुरंग यांनी मंगळवार, 12/11/2013 15:20 या दिवशी प्रकाशित केले.
तिसरा डाव सुरु झालाय. पुन्हा कार्लसनने रेटी सदृश खेळ्यांनी सुरुवात केली आहे परंतु तिसर्‍या खेळीला पहिल्या डावापासून फारकत घेतलीये. डाव खेळून बघता येईल. आणि तूनळीवरती या डावाचं फार सुरेख विश्लेषण आलंय तेही मदतीला घ्या! एन्जॉय माडी!!:) http://www.youtube.com/watch?v=D4mRcBHdlfw&list=PL9JCz2Gsbqe71hz5eKe9mV…
लेखनविषय:
लेखनप्रकार
वाचने 35929
प्रतिक्रिया 228

प्रतिक्रिया

चतुरंग मंगळवार, 12/11/2013 16:25
न करणे हा कार्लसनचा स्थायिभाव आहे, कारण त्याने प्रतिस्पर्ध्याच्या मनात गोंधळ वाढतो. परंतु आनंद तसा गोंधळून जाणारा नाही. वो कार्लसनका बारसा जेव्या है! ;)

प्रा.डॉ.दिलीप बिरुटे मंगळवार, 12/11/2013 16:54
कुठं आहात तुमची मला कालच आठवण आली होती. कोणी तरी तुमच्या समुपदेशन लेखनाचं कौतुक करत होतं. :) दिलीप बिरुटे

चतुरंग मंगळवार, 12/11/2013 16:36
आनंदने उंट डावाच्या मध्यात आणला डी५! आता कार्लसन काय खेळतोय? वजीर एफ ४ ला आला तर राजाच्या बाजूला प्रेशर वाढेल. आनंद पुढची खेळी एफ ५ करुन पांढर्‍या घोड्यावर हल्ला करेल. जेणेकरुन घोडा तिथून हल्ला की पांढर्‍या उंटांची मारामारी घडवून आणायची असा आनंदचा डाव असावा!

रमताराम मंगळवार, 12/11/2013 16:43
कार्लसन आल्रेडी माघारीच्या तयारीत? साहेब बरोबरीच्या शोधाला लागले की काय?

चतुरंग मंगळवार, 12/11/2013 16:45
कार्लसनने त्याच्या शिरस्त्याप्रमाणे प्यादी पुढे रेटायला सुरुवात केली! कारण तो जागा व्यापायला बघणार. आता आनंदने प्यादे ए ५ वर घेतले तर उंट ए३ असा मागे जाऊ शकेल, घोड्याची पिन तशीच ठेवायला.

रमताराम मंगळवार, 12/11/2013 16:49
पण ए प्यादे आधी पुढे गेल्याने बी प्यादे अडकले (शिवाय आनंदचा जी पट्टीतला उंट कर्णात बसल्याने ते तसेही जरा नाजूक आहे जोवर हत्ती हलत नाही तोवर). आनंदचा उंट त्याला पुढे येऊ देणार नाही. म्हणजे फक्त ए प्यादेच विकसित होऊ शकते आहेत या क्षणी. फारसे कामात येईलसे वाटत नाही. याउलट मध्यभागी बस्तान बसवलेला आनंद आता.

चतुरंग मंगळवार, 12/11/2013 16:53
पण या स्थितीत ड्रॉ व्हायची शक्यता नाहीये.

रमताराम मंगळवार, 12/11/2013 16:55
कार्लसन बाबा ड्रॉ साठी खेळायला लागले. उंटाने घोडा घेतला आणि ए-५ खेळून हत्ती एक्सेंच करण्याचा प्रयत्न चालू आहे.

रमताराम मंगळवार, 12/11/2013 16:57
बी-५ खेळून प्याद्यांची मारामारी टाळू शकत नाही. कारण मग कार्लसन घोडा पुढे काढून उंट एक्स्चेंज करेल नि आनंदचे सी प्यादे उघडे पडेल.

चतुरंग मंगळवार, 12/11/2013 16:57
बी ५ खेळून प्याद्यांची मारामारी टाळता येईल पण मग ए६ असे प्यादे सरकले तर अवघड आहे!

चतुरंग मंगळवार, 12/11/2013 16:55
आता ए५ वरचे प्यादे मारले तर पांढरा हत्ती ए५ वर येणार आणि काळ्याचे ए आणि पांढर्‍यचे बी प्यादे आयसोलेटेड

रमताराम मंगळवार, 12/11/2013 17:00
आनंद वजीर बी-४ खेळून हत्तींची मारामारी टाळू शकतो. त्याचवेळी कार्लसनच्या घोड्याच्या डी-६ जागेवर लक्ष ठेवून राहू शकतो. पण बरोबरी करण्याची इच्छा दिसत असलेला कार्लसन वजीरावजीरी करेल.

रमताराम मंगळवार, 12/11/2013 17:06
आता तर वजीर बी-४ ला यायलाच हवा. मग आनंदच बी पट्टीतले प्यादे कार्लसनच्या ए प्याद्याशी एक्स्चेंज करून हत्ती आणि वजीर कनेक्ट करू शकेल. सॉलिड फॉर्मेशन मिळेल.

चतुरंग मंगळवार, 12/11/2013 17:05
आता बी ६ चे प्यादे मारले तर ए प्याद्याने पुन्हा मारुन सी ५ वरचे प्रेशर आनंद काय्म ठेअव्तो. त्यानंतर एफ ५ खेळला तर घोड्याला मागेच जायला लागते. कार्लसन ई १ खेळलाय.

चतुरंग मंगळवार, 12/11/2013 17:11
दोन उंट आहेत ही चांगली गोष्ट आहे. आता कार्लसन बहुदा हत्ती ए ६ असा आणेल. आनंदने अजूनही पांढर्‍या घोड्याला उचकवले नाहीये कारण पटाच्या मध्यावरचा त्याचा पांढरा उंट मस्त बसलाय!

चतुरंग मंगळवार, 12/11/2013 17:16
क्वीन एक्स्चेंज करायचा चंग बांधून घुसलेत आत. वजीर एफ ४. आता पुढची खेळी वजीर डी६. उंट ई५ वर घेणे शक्य नाहीये कारण एच प्यादे हँगिंग आहे. आनंद हत्ती डी १ वर घेईल असे दिसते

चतुरंग मंगळवार, 12/11/2013 17:18
हत्ती आगया डी ८ में! आता घोडा मागे जाणार. कारण आनंदसाठी वजीर पटावर असणे महत्त्वाचे आहे.

कपिलमुनी मंगळवार, 12/11/2013 17:19
वजिरा वजीरी केली तर कार्ल भाउ जिंकण्यासाठी भरपूर प्रयत्न करेल..

केदार-मिसळपाव मंगळवार, 12/11/2013 17:21
आधिच घोडा उडवायला पाहिजे होता. आता तो पोतडीतुन काहीतरी नवीन बाहेर काढणार..

रमताराम मंगळवार, 12/11/2013 17:29
तिथे प्यादे आहे ना? डी-६ म्हणायचे आहे का? तिथे आनंदचा हत्ती आणि वजीर दोघेही लक्ष ठेवून असतील. काळजी नसावी. :)

चतुरंग मंगळवार, 12/11/2013 17:31
आधी राजाची बाजू सावरायला हवी नाहीतर "मोरीला बोळा आणि दरवाजा मोकळा!" अशातली गत व्हायची!!

सुहासदवन मंगळवार, 12/11/2013 17:36
कार्ल भाउचे जिंकण्याचे चान्सेस वाढलेत कदाचित कारण आनंदचे समांतर असलेले दोन हत्ती

अग्निकोल्हा मंगळवार, 12/11/2013 17:47
आनंदचा वजीर अडकून पडलाय, कार्लचा वजीर मध्यावर आहे अन तो आनंदला त्याचा वजीर हलवायला प्रवृत्त करतोय. आनंद बचावात्मक खेळतोय अन कार्ल सुरेख आक्रमण रचतोय.

केदार-मिसळपाव मंगळवार, 12/11/2013 17:37
अजुन एक एच४ म्हणजे ऊंट बाहेर काढणार आणि आनंद च्या वजीरावर दबाव आणणार..

चतुरंग मंगळवार, 12/11/2013 17:41
आनंदची पोझीशन जरा इन्फीरिअर आहे! आनंदला एच प्यादे थांबवायला हवे. तो बहुतेक एच ५ खेळेल. मी आधी म्हटल्याप्रमाणे आनंद एच ७ खेळला आता त्याचा उंट मोकळा झाला.

पिलीयन रायडर मंगळवार, 12/11/2013 17:45
मला काहीही कळत नाही पण वाचायला मजा येतेय.. आणि एवढं वाटतय की ते ड्रॉ वगैरे होऊ नये. जिंकावा आनंद..

चतुरंग मंगळवार, 12/11/2013 17:50
आता पांढर्‍या उंटांची मारामारी करणार बहुदा. उंट ई५ आणला तर पांढर्‍या वजिराला जी ४ मधेच जावे लागते. मग जर एच ५ असे प्यादे आले तर काळ्या वजिराची मारामारीची तयारी असेल का?

चतुरंग मंगळवार, 12/11/2013 17:54
ड्रॉची शक्यता गेली. आता खरी मजा येणार! वजीर थेट मागे एच १ मधे गेला.