Skip to main content

आनंद - कार्लसन डाव - ३

लेखक चतुरंग यांनी मंगळवार, 12/11/2013 15:20 या दिवशी प्रकाशित केले.
तिसरा डाव सुरु झालाय. पुन्हा कार्लसनने रेटी सदृश खेळ्यांनी सुरुवात केली आहे परंतु तिसर्‍या खेळीला पहिल्या डावापासून फारकत घेतलीये. डाव खेळून बघता येईल. आणि तूनळीवरती या डावाचं फार सुरेख विश्लेषण आलंय तेही मदतीला घ्या! एन्जॉय माडी!!:) http://www.youtube.com/watch?v=D4mRcBHdlfw&list=PL9JCz2Gsbqe71hz5eKe9mV…
लेखनविषय:
लेखनप्रकार
वाचने 35834
प्रतिक्रिया 228

प्रतिक्रिया

रमताराम मंगळवार, 12/11/2013 15:22
दरवेळी नवी ओपनिंग करण्याच्या आपल्या परंपरेला छेद देऊन कार्लसनने पहिल्या सामन्यातील रेटी'चाचा वापर केलाय. त्याने ऑफर केलेले सी प्यादे चटकन स्वीकारून आनंदने त्याला थोडा गोंधळात टाकलाय. वजीराला पुढे आणून आनंदचे प्यादे टप्प्यात राखून कार्लसनने पॉप्युलर पद्धतीकडे डाव वळवलाय.

प्रा.डॉ.दिलीप बिरुटे मंगळवार, 12/11/2013 15:28
वाचतोय आणि पाहतोय. :) -दिलीप बिरुटे

चतुरंग मंगळवार, 12/11/2013 15:26
कार्लसनकडे बघून त्याच्या प्रतिक्रियांचा अंदाज घ्यायचा प्रयत्न करतोय! एरवी फार क्वचित तो मला असा दिसलाय. दोघांचे किल्लेकोट झाले. राजाच्याच बाजूला झालेत.

चतुरंग मंगळवार, 12/11/2013 15:29
सी१ वरुन जी ५ वरती घेऊन वजिरापुढचा घोडा पिन करायचा विचार आहे असे वाटते. आनंद कार्लसनच्या वजिरावर हल्ला करेल का काही दुसरे खेळेल?

चतुरंग मंगळवार, 12/11/2013 15:31
जी५ वरती येऊ बघणार्‍या उंटाला किंवा घोड्याला रोखले

केदार-मिसळपाव मंगळवार, 12/11/2013 15:35
उंटाला रोखले. पहिलीच वेळ आहे धावते बुद्धीबळ विश्वचषक स्पर्धा बघण्याची..

चतुरंग मंगळवार, 12/11/2013 15:34
बी ई ६ असेल बहुदा पांढर्‍या वजिराला हाकलून लावायला. आता कार्लसन काय खेळतोय? उंटाची प्रगती करायला त्याला दोन वाटा आहेत. बी डी २ किंवा बी प्यादे सरकवून कर्णातून उंट काढ्णे (ती शक्यता मला कमी वाटते कारण प्याद्याची एक मूव वाया जाते.)

चतुरंग मंगळवार, 12/11/2013 15:39
जाणवलेला म्हणजे कोणीच पाणी, ज्यूस, चहा/कॉफी इ. चे ग्लास त्यांच्या टेबलावर आणलेले दिसत नाहीये. फक्त ब्रेकरुमला जाऊनच ते घ्यायचे आहे की काय? असा काही नियम झाल्याचे ऐकले नाहीये.

रमताराम मंगळवार, 12/11/2013 15:45
फक्त ब्रेकरुमला जाऊनच ते घ्यायचे आहे की काय? >> नाही. परवा आनंदचा फेवरिट ग्रीन टी आला होता त्याच्या साठी.

चतुरंग मंगळवार, 12/11/2013 15:48
मग हरकत नाही. माझ्या नजरेतून सुटला.

चतुरंग मंगळवार, 12/11/2013 15:42
कार्लसनचा उंट पुढे सरकला. आता बहुदा बी ई६ खेळणार आनंद, मग वजीर ए ४ असा वजीर मागे जाईल का?

चतुरंग मंगळवार, 12/11/2013 15:45
काँएंटरीत सहभागी झालेले बघून अतिशय आनंद झालाय. सगळ्यांचे स्वागत आहे!

चतुरंग मंगळवार, 12/11/2013 15:47
कपाळाला गंध लावले आहे का? तुम्हाला कोणाला दिसतंय का मलाच दिसतंय?

रमताराम मंगळवार, 12/11/2013 15:52
बरेचदा असते, दिसेल न दिसेल असे. छेन्नैचा अन्नाए तो.

चतुरंग मंगळवार, 12/11/2013 16:00
आणि श्रद्धाळू आहे. तो मन शांत करण्यासाठी त्याची प्रार्थना सुद्धा म्हणतो! रंगमुरुगन

केदार-मिसळपाव मंगळवार, 12/11/2013 15:49
आता मार लेका घोडा.. मुख्य घोडा गेला तर पुढे आक्रमण कसा करशिल?

केदार-मिसळपाव मंगळवार, 12/11/2013 15:50
घोडा मारला तर वजीरावजीर्..प्यादे शाबुत... ह्म्म्म

रमताराम मंगळवार, 12/11/2013 15:49
आनंदचे ई-५ प्यादे मस्त बसले आहे. त्याला सपोर्ट न देण्याचा निर्णय घेऊन आनंदने कार्लसनला ते घेण्यात एक मूव दवडण्याचे आव्हान दिले आहे. नाही घेतले तर कार्लसनचे काही मोहर्‍यांच्या हालचालीवर मर्यादा पडतात. टु बी ऑर नॉट टु बी.

चतुरंग मंगळवार, 12/11/2013 15:51
घोडा उडी मारुन डी४ वर टाकलान की. आनंद आक्रमक खेळतोय. आता घोड्यांची मारामारी होईल का? पंढर्‍या वजिराला अजूनत्री त्याने दुर्लक्षित केले आहे. आनंदचा काहीतरी टॅक्टिकल डाव दिसतोय मला!

रमताराम मंगळवार, 12/11/2013 15:55
ई पट्टीतले प्यादे घोड्यांच्या मारामारीनंतर एक फळी पुढेही सरकते आणि वजीराच्या पाठिंब्याखाली येते. म्हणजे मागची प्यादी न हलवता हे प्यादे वाचलेच पण आणखी एक फळी पुढे जात कार्लसनची डोकेदुखी आणखी वाढवते. ते लवकरात लवकर उचलणे त्याला अत्यावश्यक होऊन बसते. दुर्लक्ष केलेले प्यादे अचानक महत्त्वाचे होऊन बसते.

चतुरंग मंगळवार, 12/11/2013 16:05
शिवाय त्या प्याद्याने डी प्याद्याचा मार्ग रोखला शिवाय आता पांढरा घोडा ई४ वर आल्याने ई प्यादे सुद्धा काहीकाळ मागासलेले ठेवावे लागणार कार्लसनला.

रमताराम मंगळवार, 12/11/2013 16:05
हे प्यादे खूपच कामात येणार. जी-७ मधला उंटाच्या कर्णात असल्याने भक्कम तर बसलेच पण त्याच बरोबर उंटाचा कर्ण मोकळा करण्याचे स्वातंत्र्य आता आनंदकडेच असणार आहे. पुढील पटावर हे प्यादे पुढे टाकून प्याद्याने एका मोहर्‍यावर नि उंटाने दुसर्‍या मोहर्‍यावर मोर्चा लावण्याची परिस्थिती निर्माण करणे त्याला शक्य होईल.

प्रसाद गोडबोले मंगळवार, 12/11/2013 15:51
हायला ही तानिया माझ्यापेक्षाही लहान आहे ... http://en.wikipedia.org/wiki/Tania_Sachdev चला परत एकदा कॉम्पीटेटीव्ह् चेस मधे उतरायला इन्सेन्टीव्ह मिळाला ;)

अविनाश पांढरकर मंगळवार, 12/11/2013 15:51
पहिलीच वेळ आहे धावते बुद्धीबळ विश्वचषक स्पर्धा बघण्याची..

प्रा.डॉ.दिलीप बिरुटे मंगळवार, 12/11/2013 15:54
कार्लसन सारखं डोकं धरुन बसतो. वरीजनल आनंदच्या खेळीचं ओझं असेल का त्याला ? -दिलीप बिरुटे

चतुरंग मंगळवार, 12/11/2013 15:56
डोक्यात अनेक डाव सुरु असतात त्यांच्या. एकाच वेळी साधारण पाचपन्नास डावांचे अ‍ॅनालिसिस एकेका खेळीसाठी सुरु असते.

चतुरंग मंगळवार, 12/11/2013 15:58
कार्लसनने. प्याद्याने घोडा घेतला. छान आता घोडा हलवणे भाग आहे बहुदा ई४ वरती. आणि मग आनंद बहुदा उंट बाहेर आणेल ई ६ वरती.

चतुरंग मंगळवार, 12/11/2013 16:03
मला सामना बघताना एवढी प्रचंड उत्सुकता कधी वाटली नव्हती. आनंद्-टोपलोव किंवा आनंद्-गेल्फंड्च्या वेळी सुद्धा! यावेळी मात्र मी जाम उत्सुक आहे.

प्रसाद गोडबोले मंगळवार, 12/11/2013 16:05
सी७ वीकनेस आहे ... आर सी १ नंतर कार्ल्याला ओपन फाईल्चे अ‍ॅडव्हान्टेज मिळेल ...

केदार-मिसळपाव मंगळवार, 12/11/2013 16:08
बहुतेक बी-सी तले प्यादे हलवावे कि कार्ल्सन चा वजीर हलवावा त्याचा विचार करत असेल कारण आता कार्ल्सन चा हत्ती हालचाल करणार..

चतुरंग मंगळवार, 12/11/2013 16:12
खेळला आनंद. वजीर सी १ मधे आणून एच ६ प्याद्यावर हल्ला करेल का? आनंदला त्याचा पांढरा उंट आणि वजीर चटकन पुढे आणून हत्तींचा समन्वय करावा लागेल. मॅग्नुसला काँप्लिकेटेड पोझीशन्स आवडतात कारण तो पोझीशनल खेळतो. आनंद टॅक्टिकल खेळतो पण तोही काँप्लिकेटेड पोझीशन्स खेळण्यात वाकबगार आहे.

रमताराम मंगळवार, 12/11/2013 16:15
मॅग्नस काही अनपेक्षित खेळला नाही (बहुधा वजीर पहिल्या फळीत परत जाईल) तर आता आनंदचा उंट ई-६ मधे येऊन बसेल. जेणेकरून मागचा घोडा पुढे दामटणे शक्य होईल. दोन्ही मूव जमल्या तर मध्यपटावर आनंदचे वर्चस्व निर्माण होईल.

रमताराम मंगळवार, 12/11/2013 16:17
आनंदचा घोडा दाबला कार्लसनने. तरीही ई-६च होईल बहुधा वजीर नि हत्तींना मोकळे करणे गरजेचे आहे आता.

केदार-मिसळपाव मंगळवार, 12/11/2013 16:20
वाटतेय खरे..

केदार-मिसळपाव मंगळवार, 12/11/2013 16:13
कि अजुन काही वेगळी चाल?

केदार-मिसळपाव मंगळवार, 12/11/2013 16:15
बहुधा हत्ती हालवेल..

आतिवास मंगळवार, 12/11/2013 16:17
बाकी चेसबाबतची चॅट रुममध्ये (इतरत्र) चालू असलेली चर्चा कंटाळवाणी आहे. मला वाटायचं असल्या चर्चांचा मक्ता फक्त तथाकथित क्रिकेटप्रेमींकडे आहे :-)

चतुरंग मंगळवार, 12/11/2013 16:20
नाही नाही, असे मक्तेदार सगळीकडे असतात. कणेकरांच्या म्हणण्याप्रमाणे लोकशाही असल्याने सगळ्यांना क्रिकेटमधलं सगळं कळतं असं चेसमधे सुद्धा आहे! "अरे जरा चान्स मिळायचा अवकाश की मी आनंद झालोच असतो रे!" टाईप पब्लिक खूप असते! :)

चतुरंग मंगळवार, 12/11/2013 16:18
बी ४. घोडा हत्तीला पिन केलाय्.आता हत्ती ई ८ घेतला तर पांढरा घोडा डी ६ येऊन त्याच्यावर हल्ला करेल त्यामुळे आता बहुदा उंट ई६ वर घेऊन पांढर्‍या वजिराला हाकलून लावेल आनंद.

रमताराम मंगळवार, 12/11/2013 16:22
आताची ट्विट कोणी ऐकली का? एल-साल्वादोर मधे लोक लाईव 'ऐकताहेत'. feeling awesome

चतुरंग मंगळवार, 12/11/2013 16:29
यावेळी आंतरजालाने या गेमला प्रचंड प्रसिद्धी मिळाली. भारतीय बुद्धीबळ महासंघाचे मला कौतुक करायचे आहे!! त्यांनी ही इवेंट चांगली मॅनेज केली आहे.

चतुरंग मंगळवार, 12/11/2013 16:23
आता वजीर बहुदा सी २ ला जाणार. ओह, वजीर सी १ ला गेला.