✍ मराठी साहित्य, संस्कृती आणि लेखनाचे व्यासपीठ

ऑफिस आणि फॉर्मल कपडे

बॅटमॅन यांनी
 ·  लेख
लेख
णमस्कार्स मिपाकर्स, बरेच मिपाकर या ना त्या ऑफिसात काम करतात. आयटीपासून कोअरपर्यंत, प्रोग्रॅमर-अशिष्टंट इंजिनिअर-क्लार्क पासून सीनिअर मॅनेजरपर्यंत, तसेच गल्ली-दिल्ली-आम्रविकेपर्यंत मिपाकर जगभरात अनेक प्रकारच्या नोकरी-धंद्यांत असलेले आढळून येतील. काहींचा तर स्वतःचा व्यवसायदेखील आहे. या व्यामिश्र समूहाला काही साधे प्रश्न आहेत. बर्‍याच दिवसांपासून मनात घोळत आहेत. १. फॉर्मल ड्रेस या कल्पनेबद्दल आपल्याला काय वाटते? ऑफिसात येड्यागत काहीतरी घालून येऊ नये हे मान्य पण सूट-बूट यांचा सरसकट आग्रह कितपत ग्राह्य? वेस्टर्न संकल्पनेचा गरजेपेक्षा जास्त प्रभाव आहे असे वाटते का? २. फॉर्मल ड्रेसची पुरुषांवरच सक्ती का? स्त्रियांचा फॉर्मल ड्रेस म्हंजे नक्की काय याची कोणी व्याख्या केली आहे का? असल्यास लिंक इ. द्यावी अशी विनंती. नसल्यास का नाही? ही बातमी यासंबंधात रोचक ठरावी. आय आय एम अहमदाबाद इथे होणार्‍या प्लेसमेंट इंटरव्ह्यूंसाठी आता साडी नेसणे ग्राह्य समजले जाणार आहे. जर साडी ग्राह्य ठरणार असेल तर माझ्या मते कुर्ता-पँट हेही ग्राह्य ठरण्यास अडचण नसावी. या मुद्द्यावर स्त्री-पुरुषांचे मत जाणण्यास आवडेल. बुटांचा अस्थानी आग्रह आणि स्त्री-पुरुष यांच्यातील 'फॉर्मल' भेदभाव हे मला तरी ऑड आणि चूक वाटते. मिपाकरांना याबद्दल काय वाटते हे जाणून घेण्यास उत्सुक आहे. एक एम्प्लॉयी आणि एम्प्लॉयर म्हणून आपल्या मतांत काही अंतर असेल का, हेही जाणण्यास आवडेल. धण्यवाद इण अ‍ॅडव्हान्स :)
41993 वाचन
💬 प्रतिसाद (180)

प्रतिक्रिया

बॅटमॅन
गुरुवार, 04/18/2013 - 01:00 नवीन
"फॉर्मल ड्रेस"बद्दल एखाद्या नोकरदाराला काय वाटते ते कितपत महत्त्वाचं आहे ? एखादी नोकरी स्वीकारल्यानंतर त्या नोकरीच्या नियमांनुसार कपडे घालणं आवश्यक ठरतं. शेवटी अनेकानेक इतर गोष्टींप्रमाणे वेषभूषेबद्दलचे नियम म्हणजे नोकरीच्या वेळी स्वीकारलेल्या लिखित-अलिखित नियमांचा एक भाग आहे. काही नोकर्‍यांमधे गणवेष असतो. त्या नोकर्‍यांच्या संदर्भात घालावयाच्या कपड्यांचे अधिक कडक नियम असतात. हा शेवटी तुम्ही स्वीकारलेल्या अटींचा भाग आहे असं मला वाटतं. शहरी भागातल्या नोकर्‍यांमधे किमान शर्ट पँट घालण्याचा रीतीरिवाज ही भारतीय संदर्भातली गेल्या पन्नासेक वर्षांमधली घटना आहे. तर मग याला पाश्चात्य विचारसरणीचा प्रभाव असं कितपत म्हणता येईल ?
नोकरदाराला काय वाटतं हे तादृश महत्वाचं कदाचित नसेलही- पण मला तरी वाटतं की ते महत्वाचं आहे. शिवाय त्या अटी न स्वीकारून सांगतोय कुणाला? जिथे अगदी जिवावर बेतू शकेल म्हणून काही नियम असतात ते सोडून बाकी केसेसबद्दल म्हणतोय. आणि शर्ट पँट बद्दल म्हणायचे तर पाश्चात्य रीतिरिवाज खोलवर भिनल्यामुळेच त्यांचा वेष स्वीकारला, नपेक्षा दुसरे कारण काय होते? शर्टप्यांट हे धोतर-सदर्‍यापेक्षा जास्त कम्फर्टेबल असतात असे काही मला वाटत नाही. तंग सुरवार हा प्रकारही अगदीच अनहर्ड ऑफ नव्हता. पण रोजबरोज प्यँट घालणे हा अनुकरणातूनच आलेला प्रकार आहे.
"फॉर्मल ड्रेस"ची सक्ती केवळ पुरुषांवरच असते असं वाटत नाही. निरनिराळ्या संदर्भात ती वेगवगळी , वेगवेगळ्या प्रकारची, वेगवेगळ्या शैथिल्याची असू शकते. परंतु काही लिखित-अलिखित नियम हे सर्व नोकरदारांसाठी असतात. स्त्रियांसाठी असले नियमच नसतात किंवा ते नीटसे लिहिलेले किंवा पुरेसे स्पष्ट नसतात असं मला वाटत नाही. तसं तुम्हाला वाटत असेल तर असं प्रतिपादन करणारे या नात्याने ते दाखवून देण्याची जबाबदारी तुमची
चर्चाप्रस्ताव अजून नेमकेपणे लिहायला पाहिजे होता बहुतेक :) असो. स्त्रियांसाठीचे नियम पुरेसे स्पष्ट असतात हे वर काही प्रतिसादांतून दिसतंच आहे. पण पुरुषांना फॉर्मलच्या नावाखाली ऑप्शन्स बैकांच्या तुलनेत लै कमी अलाउड आहेत ही मुख्य रड/तक्रार आहे.
↩ प्रतिसाद: मुक्तसुनीत

मुक्तसुनीत
गुरुवार, 04/18/2013 - 01:14 नवीन
>> तंग सुरवार हा प्रकारही अगदीच अनहर्ड ऑफ नव्हता. पण रोजबरोज प्यँट घालणे हा अनुकरणातूनच आलेला प्रकार आहे. <<< याबद्दल दुमत नाही. परंतु, ही घटना आजची नसेल, अनेक दशकांपासूनची असेल तर तुमची या संदर्भातली तक्रार काय ते मला नीटसं समजलेलं नाही असं म्हणतो. पाश्चात्यांच्या जीवनशैलीचं किंवा विचारसरणीचं अनुकरण करण्याचा मुद्दा अधिक विस्तृत स्वरूपाचा आहे आणि प्रस्तुत धाग्याच्या विषयाशी (म्हणजे मला जो प्रमुख विषय वाटतो आहे त्याच्याशी) ताळमेळ राखणारा वाटत नाही. >>>पुरुषांना फॉर्मलच्या नावाखाली ऑप्शन्स बैकांच्या तुलनेत लै कमी अलाउड आहेत ही मुख्य रड/तक्रार आहे. <<< एका भारतीय पुरुषाला भारतीय स्त्रियांना अन्य अगणित संदर्भात उपलब्ध असलेल्या "ऑप्शन्स"च्या तुलनेत ही रड कितपत महत्त्वाची ठरू शकेल ? :)
↩ प्रतिसाद: बॅटमॅन

बॅटमॅन
गुरुवार, 04/18/2013 - 01:35 नवीन
मुद्दा साधा आहे. शर्ट/कोट अन प्यांट ही जोडी इंग्रजांमुळेच भारतात रूढ झाली आणि फॉर्मल ड्रेस म्हणून हे काँबिनेशन रूढ झाले. बर्‍याचदा गरज नसताना, उकडतबिकडत असतानाही हे पोषाख घालण्याचा आग्रह अस्थानी आहे आणि सबब अजून ऑप्शन्स हवेत. बायकांनी साडी नेसली म्हणून कोणी बोंब मारत नाही. पण तसेच पुरुषांनी धोतर किंवा तत्सम वेष केल्यास ओरड होते. आदूबाळ यांचा प्रतिसाद या दृष्टीने बोलका आहे. तस्मात पुरुषांना फॉर्मल्स मध्ये दिलेले ऑप्शन्स नुस्त थिओरेटिकल नसावेत किंवा दिलेले तरी असावेत. कैक ठिकाणी असे काही नसते. हे चूक आहे, इतकेच सांगणे. बाकी स्त्रियांना जास्त ऑप्शन्स आणि आम्हाला कमी वगैरे छापाची ही रड नाहीच. स्त्रियांना नटायची हौस जास्त, सबब त्यांच्यासाठीचे ऑप्शन्स ज्स्त हे ओघाने आलेच. त्यात काही विशेष नाही. पण जेवढे ऑप्शन्स अगोदरपासून उपलब्ध आहेत, तेवढे वापरायची मुभा तरी दिली जावी. :)
↩ प्रतिसाद: मुक्तसुनीत

यशोधरा
गुरुवार, 04/18/2013 - 08:37 नवीन
बाकी स्त्रियांना जास्त ऑप्शन्स आणि आम्हाला कमी वगैरे छापाची ही रड नाहीच. स्त्रियांना नटायची हौस जास्त, सबब त्यांच्यासाठीचे ऑप्शन्स ज्स्त हे ओघाने आलेच. त्यात काही विशेष नाही. पण जेवढे ऑप्शन्स अगोदरपासून उपलब्ध आहेत, तेवढे वापरायची मुभा तरी दिली जावी
हे फारसे पटले नाही. कामाच्या ठिकाणी कोणी स्त्रिया नटून थटून येताना सहसा पाहिले नाहीये. साडी, सलवार- कमीज, ट्राऊझर्स, फॉर्मल स्कर्ट असे ऑप्शन्स असतात. पुरुषांनी भारतीय वेषभूषा करावी ना. तुमच्या नोकरीत एचारकडे तुम्ही विचारणा केली अहे का? त्यांना पटवून दिले आहे का? आणि नटण्याचे म्हणाल, तर चेन, कानात, ब्रेसलेट, इत्यादि जामानिमा बर्‍यापैकी पुरुष सहकार्‍यांचा पाहिला आहे. बर्‍यापैकी केस वाढवून पोनीटेल घालणारे सहकारी आहेत.
↩ प्रतिसाद: बॅटमॅन

प्रसाद गोडबोले
गुरुवार, 04/18/2013 - 12:06 नवीन
कामाच्या ठिकाणी कोणी स्त्रिया नटून थटून येताना सहसा पाहिले नाहीये.
नटणे थटणे हे बहुधा लिंगसापेक्ष असावे अर्थात स्त्रीया फेशीयल ब्लीच व्यॅक्सिंग हेयर कर्लिंग / आयर्निंग थ्रेडनिंग टोनिंग स्क्रबिंग मॉइश्चरायझिंह हे झाल्या नंतर लिप्स्टिक लिप्ग्लॉस लिप्लायनर बॉडी टोनर बॉडीलोशन आय शॅडो आय मस्करा फांडेशन फेसपावडर रिंग्स ब्रेसलेट नेकलेस नेलपेन्ट चकचकीत वनपीस हाय हील्स मॅचिंग इयररिंग (२ दिवसांच्या प्रवासाचे सामान मावेल येवढी)पर्स त्यात किमान एक परफुम एक आरसा एक डिओ आणि बर्‍याच अज्ञात गोश्टी घेवुन तयार झाल्या की म्हणतात " आज वेळच नाही मिळाला आवरायला ... तशीच गडबडीत निघुन आले " =)) =)) =))
↩ प्रतिसाद: यशोधरा

बॅटमॅन
गुरुवार, 04/18/2013 - 13:07 नवीन
स्त्रिया गरज नसताना उगीच नट्टापट्टा करतात वगैरे माझे मत आजिबात नाही. त्यांचे शरीर, त्यांची इच्छा, मला काय त्याचे? मुद्दा इतकाच आहे की स्त्रियांच्या वेषभूषेत (फॉर्मल ऑर नॉन फॉर्मल) पुरुषांपेक्षा जास्त पर्याय उपलब्ध आहेत. हे का आहेत त्याचे कारण माझ्या मते म्हंजे स्त्रिया पुरुषांपेक्षा स्वतःच्या दिसण्याबद्दल जास्त जागरूक असतात असे असावे. बाकी आमच्या नोकरीत असला त्रास अजूनतरी नाही, सबब विचारणा करण्याचा प्रसंग आला नाही. आला प्रसंग तर अवश्य विचारेन.
↩ प्रतिसाद: यशोधरा

सस्नेह
गुरुवार, 04/18/2013 - 13:58 नवीन
वेगवेगळे पर्याय असले तरी भारतात साडीला जी प्रतिष्ठा आहे ती पंजाबी किंवा जीन्स-कुर्त्याला नाही. साडी घातली की लोक्स भलतेच आदबशीर वागतात असा अनुभव आहे...
↩ प्रतिसाद: बॅटमॅन

मराठे
गुरुवार, 04/18/2013 - 00:22 नवीन
गुपचुप गुपचुप चित्रपटातला प्रो. धोंड जेव्हा त्याच्या कालेजात धोतर,पगडी वगैरे जामानिमा घालून जातो आणि त्याची कशी कानउघाडणी होते तो सिन आठवला.

दादा कोंडके
गुरुवार, 04/18/2013 - 00:25 नवीन
बंगरुळात एका छोट्या कंपनीत पांढरी शुभ्र लुंगी, पांढरा पारदर्शक शर्ट,उपरणं आणि उभा गंध असा गणवेश आहे. बाकी सर्विस बेस्ड कंपन्यात फ्वार्मलची सक्ती जास्तच असते. त्यामानाने बाकीच्या कंपन्यात एव्हडी सक्ती नसते. परवाच एका टेलेक्वानवर एकाने भारतातलं तापमान ऐकल्यावर मग तिकडे तुम्ही श्वार्ट वगैरे घालून आलात का असा निरागस प्रश्न विचारला. थोडक्यात सर्वीसबेस्ड कंपनीने चड्डीत रहावं. :)

दादा कोंडके
गुरुवार, 04/18/2013 - 13:21 नवीन
हॅ हॅ. आपलं काय हो पंत, सायेब म्हणाला कोट घालून या, आलो. उद्या सायेब म्हणाला तसच या, तसच येइन. - दादा भिंगार्डे धागा वाचून एकदम आठवलं, गेल्या पाच-सहा वर्षांपासून फ्वार्मल प्यांटच घेतली आणि घातली नाहीये. मध्यंतरी मुलाखतीला देखिल जिन्सवर जात होतो. :D
↩ प्रतिसाद: बॅटमॅन

आदूबाळ
गुरुवार, 04/18/2013 - 19:27 नवीन
गेल्या पाच-सहा वर्षांपासून फ्वार्मल प्यांटच घेतली आणि घातली नाहीये. मध्यंतरी मुलाखतीला देखिल जिन्सवर जात होतो.
नशीब थोर आहे तुमचं दादानुं...
↩ प्रतिसाद: दादा कोंडके

दादा कोंडके
गुरुवार, 04/18/2013 - 19:56 नवीन
कै नशीब थोर नै. फ्वार्मल ड्रेस घालणं परवडत सुद्धा नै हो. उत्पादन विभागात काम करत असल्यामुळे जिन्स बरी पडती. कष्टमर (कष्ट करायला लाउन मारणारा) मिटींग असली तर ट-सदर्‍या ऐवजी फ्वार्मल शर्ट घालतो, झालं. बाकी बायका जास्त नैत. खूप ठिकाणी जाळीचे जिने असल्यामुळे त्या साडी, स्कर्ट वैग्रे घालून येत नाहीत. (म्हणजे दुसरं कैतरी घालतात)
↩ प्रतिसाद: आदूबाळ

सूड
गुरुवार, 04/18/2013 - 00:30 नवीन
पुण्यासारख्या शहरात एखादा भिकबाळी घालून हापिसात जात असेल तरी लोक 'अजि म्या ब्रह्म पाहिले' असा चेहरा करतात. कान त्याचा, टोचून घेणारा तो, खर्च करणारा तो आणि यांना नसत्या पंचायती.

बॅटमॅन
गुरुवार, 04/18/2013 - 01:02 नवीन
उलट पुण्यातच मी बरेचसे लोक भिकबाळी घालताना पाहिले आहेत. सांगली-मिरजेत असताना लहानपणापासून एखादाही भिकबाळीवाला पाहिल्याचे आठवत नाही.
↩ प्रतिसाद: सूड

अभ्या..
गुरुवार, 04/18/2013 - 01:09 नवीन
अगदी सहमत रे. बालीवाले (कुंडल) मात्र सर्रास. निष्कर्ष सांग की लगेच याचा. ;) फास्टेस्ट फीफ्टी तर झालीच हाय. दबल चेंचुली पन व्हईल.
↩ प्रतिसाद: बॅटमॅन

बॅटमॅन
गुरुवार, 04/18/2013 - 01:15 नवीन
दबल चेंचुली
दाबून चेचल्यागत वाटायलंय =)) चो च्वीट इ.इ., यू नो द ड्रिल =))
↩ प्रतिसाद: अभ्या..

स्पंदना
गुरुवार, 04/18/2013 - 04:08 नवीन
एक अरब सोडले तर बाकी सार्‍यांनी ब्रिटीशबुवांना प्रमाण मानुन फॉर्मल वेअर ठरवलेले दिसते. साडी छान दिसते, पण ती नेसुन जेंव्हा तुम्ही गर्दीच्या ठिकाणांहुन प्रवास करता तेंव्हा ती फारशी व्यवस्थीत टिकणे अशक्य. अर्थात हे मी मुंबईच्या लोकल प्रवासाच्या, बसच्या अनुभवाने बोलते आहे. अन नोकरीचे ठिकाण जर असे दुर प्रवासाचे असेल तर तिथवर पोहोचेपर्यंत शेप मध्ये रहातील असे कपडे सर्वांनीच वापरलेले ठिक. म्हणजे जो साडीचा प्रॉब्लेम आहे तो धोतराचा पण होउ शकतो आणि तुम्ही ऑफीसमध्ये गबाळे पोहोचु शकता. बाकी लेखात बरेच संस्कृत शब्द असताना एकदम फॉर्मल हा शब्द थोडा (अगदी थोडा) खटकला.

बॅटमॅन
गुरुवार, 04/18/2013 - 14:14 नवीन
मान्य. जण्रल तुमचे म्हण्णे पटलेच. फक्त सक्ती होऊ नये इतकंच मागणंय. :) अन फॉर्मल हा शब्द वापरायचे कारण म्हंजे त्याला शिंपीनिर्मित प्रतिशब्द माहिती नसणे हे होय ;)
↩ प्रतिसाद: स्पंदना

बॅटमॅन
गुरुवार, 04/18/2013 - 15:41 नवीन
हम्म....औपचारिक म्हंजे वरवरचा असल्याचा एक भास होतो त्यातून. पण तो सोडल्यास अन्य शब्दही सुचत नाहीये. कार्यालयीन हा शब्द इथे जरा अप्रस्तुत ठरावा काय?
↩ प्रतिसाद: प्रसाद गोडबोले

आतिवास
गुरुवार, 04/18/2013 - 15:52 नवीन
"मान्यताप्राप्त कार्यालयीन परिवेष??" (पण इथं कार्यालय मान्यताप्राप्त असावं असं वाटतंय) :-) किंवा मग "कार्यालयीन मान्यताप्राप्त परिवेष?"
↩ प्रतिसाद: बॅटमॅन

धमाल मुलगा
गुरुवार, 04/18/2013 - 06:26 नवीन
खुळेपणाचा कळस आहे आपल्याकडे. तरी बरं, लेखात अन प्रतिसादात दिलेली बहुतांश उदाहरणं ही आयटी कंपन्यांमधली आहेत. मला सर्वात जास्त दया येते ती मार्केटिंगवाल्या पोरांची. :( भर उन्हाळ्यात ३८-३९ डिग्रीमध्ये वणवण करत हिंडत असतात अन बहुतेक जणांना ते टाय आवळण्याची जबरदस्ती असते हापिसातून. अरे काय बिनडोकपणा आहे हा? नियम अन पॉलिसी करणारे फोकलीचे बसणार गारेगार हापिसात अन ह्या वरावरा हिंडणार्‍या पोरांच्या नरड्याला कशाला तो फास? काय घोंगड्या गोधड्या पांघरायच्या त्या एसी हापिसात पांघरुन बसावं की चिप. आयटीच्या हापिसातल्या तर्‍हा जरा जास्तच. क्लायंट आला की म्यानेजरं वगैरे बेंदरादिवशी झूल चढवल्यागत कोट, गळ्याभोवती टाय..(आणि दिवसातून शंभरदा बंद असलेल्या कॉलरमधून बोटं फिरवून आत हवा जाऊ देण्याचा प्रयत्न). बरं, हे एकवेळ ठीक...पण लोकांनी फक्त इंग्रजीतच बोलायचं! अरे? हे काय तिच्यायला? त्या क्लायंटशी बोलताना लोकं त्याला कळेल असंच बोलतायत ना? आपापसातही कशाला ते? वर आमचे मुसुशेठ म्हणतात,
"फॉर्मल ड्रेस"बद्दल एखाद्या नोकरदाराला काय वाटते ते कितपत महत्त्वाचं आहे ? एखादी नोकरी स्वीकारल्यानंतर त्या नोकरीच्या नियमांनुसार कपडे घालणं आवश्यक ठरतं. शेवटी अनेकानेक इतर गोष्टींप्रमाणे वेषभूषेबद्दलचे नियम म्हणजे नोकरीच्या वेळी स्वीकारलेल्या लिखित-अलिखित नियमांचा एक भाग आहे........
मान्य! पर्याय नाहीच. गरजवंताला अक्कल नसते. 'रेडा दूध देतो का रे? तर 'होय सायेब...चांगला चार शेर दूध देतो' हे आलंच. पण मला असं वाटतं, की मुळात हवामानाशी जुळवून न घेता येण्याजोग्या पोषाखाच्या अट्टाहासाची गरज नाही. शर्ट-प्यांटबद्दल आपलं काही म्हणणं नाही..धोतर,सदरा, सुरवार, झब्बा ह्यापेक्षा सुटसुटीत अन वापरायला सोपा प्रकार असल्यानं त्याविरोधात मत नाही. अहो, भर गर्दीत रस्ता ओलांडताना किंवा हापिसात एका हातात जेवणाचं ताट अन दुसर्‍या हातात पाण्याची बाटली/ग्लास घेऊन टेबलापर्यंत जाताना अचानक सोगा सुटला तर किती पंचाईत? त्यापेक्षा प्यांट उत्तम. होल्डऑल आवळल्यासारखी पट्ट्यानं आवळून बांधता तरी येते :) तसंच शर्टाचं! एकदा तो प्यांटमध्ये खोचला की संपला विषय. झब्बा झालं, सदरा झालं, अंमळ घोळदार खाली फिरत असतो, अन अचानक मूड आला..मस्तपैकी कलकत्ता साधं किंवा एकसो-बीस-तीनसो असं दणदणीत पान खाऊन ब्रम्हानंदी लागली असताना पिचकारी मारल्यावर तीचे शिंतोडे जर (जर कसले? शिंचे शंभरातल्या सत्तरदा तरी नक्कीच) आपल्याच सदर्‍यावर/ झब्ब्यावर उडले तर कितक्याला पडलं ते? तेव्हा प्र्याक्टिकली विचार करता शर्टप्यांट हे प्रकरण विरोध करण्यासारखं नाही. हां, त्यापुढचे प्रकार म्हणजे नरड्याला फास, ती लोकरीची झूल, चामड्याचे बंद बुट ह्या भानगडी मात्र गाढवपणाच्या आहेत. बाकी, कुणी काही म्हणो, दिडशे वर्षांच्या गुलामीनंतर देश स्वतंत्र झाला...पण अजून आमची मानसिक गुलामगिरी गेली नाही हेच खरं!

मुक्तसुनीत
गुरुवार, 04/18/2013 - 07:44 नवीन
माझ्या लिखाणाला उधृत केलेलं आहे आणि त्याच्याशी (बिनशर्त !) सहमती आहे असं दिसतं आहे. बहुत काय लिहिणें. :)
↩ प्रतिसाद: धमाल मुलगा

बॅटमॅन
गुरुवार, 04/18/2013 - 14:11 नवीन
पूर्ण प्रतिसादाशी बिनशर्त सहमती!!!!!!!!!!!! मार्केटिंगवाल्यांचे हाल तर कुत्रा खात नाही. :( आणि मानसिक गुलामगिरी अजूनही गेली नाही ते बाकी एकदमच खरं!!!!
↩ प्रतिसाद: धमाल मुलगा

सुमीत भातखंडे
गुरुवार, 04/18/2013 - 09:26 नवीन
कधी-कधी हे नियम जाचक वाटू शकतात हे खरं असलं तरी असे नियम असावेत असं वाटतं. हे नियम असतानाही ते हवे तसे वाकवून वाट्टेल ते कपडे घालणारे लोक पहिलेत. नियमच काढून टाकले तर काय होईल? बाकी कंठलंगोट हा भयंकर त्रासाचा प्रकार आहे याबाबत सहमत. (हापिसात कंठलंगोट घालणारा)सुमीत

अद्द्या
गुरुवार, 04/18/2013 - 10:40 नवीन
इंटरव्यू घेतानाच बॉस म्हणाला . "you will have to wear formals.. at least 4 days in the week.. not my rules . . even i hate it.. on the rest of the days.. you can wear anything you want.. just make sure you don't come half naked" मी म्हणालो . . thats ok sir.. but.. I wont be wearing any tie.. I dont' think you want your employee to suffocate while talking to your clients.." हसला मस्त. . हा पण . .हापिसात जी मुलगी आहे . ती अक्षरशः काहीही घालून येते. . हि चीटिंग आहे

मृत्युन्जय
गुरुवार, 04/18/2013 - 10:54 नवीन
कार्यालयीन वेशभूषा हा एक अतिशय जिव्हाळ्याचा विषय आहे. मध्यंतरी आमच्या कुंपणीतही कंठलंगोटची टुम निघाली होती. एका शनिवारी गोर्‍या वकिलाबरोबर मीटिंगा होत्या त्यामुळे आम्ही सगळे कंठलंगोट, कोट पाटलूण घालुन गेलो तर हा पट्ठ्या चक्क जीन्स टी शर्ट वर आला होता. स्याटर्डे आहे तर कशाला हा सगळा बोझा असा त्याचा सूज्ञ विचार. आमचे चेहरे बहुधा पाहण्यासारखे असावेत. त्यानंतर ही टुम जशी अचानक आली होती तशी अचानल मेली आणि आम्ही आमच्या रोजच्या कपड्यांवर आलो. त्यानंतर एका मे महिन्यात अजुन एक गोरा आमच्या मुंबैच्या हापिसात सगळा जामानिमा करुन आला. उकाड्याने पार हैराण होउन (तरी बरे वातानुकुलित गाडीतुन आणला होता त्याला). आम्हाला साध्या शर्ट प्यांट वर बघुन गडी लैच खुष झाला. दुसर्‍या दिवसापासुन त्यानेही कोट आणी कंठलंगोट त्याजले. मुंबैच्या वातावरणाला हा पोशाख साजेसाच नाही हे पण त्याने मान्य केले. थोडक्यात इंग्रजाचे अंधानुकरण करण्याची गरज नाही. त्याच्या वातावरणाला कोट, ऑव्हरकॉट, कंठलंगोट सगळे हवे, थंडीपासुन बचाव म्हणुन. इथे घाम घाम होत असताना साधे लंगोट नको वाटते तर हे झेंगट कोणी सांभाळावे. बाकी शर्ट प्यांट सुटसुटीत वाटते. आणी त्याची सवयही झाली आहे. त्यामुळे त्याचा काही त्रास नाही. पारंपारिक झब्बा पायजमा घातला की श्रीखंड पुरी आणी भजी हादडुन वर एक मसाला मघई लावुन ताणुन द्यावी किंवा मित्रपरिवाराबरोबर पत्ते कुटायला बसाबे असे वाटायला लागते. एरवी अमुकच प्रकारचा पोशाख हवा अश्या अट्टाहासाशी मीदेखील असहमत आहे. परंतु हपिसात शिस्त असावी याचा तो एक भाग आहे. सैन्यदलांमध्ये प्रत्येक प्रसंगासाठी आणी कार्यासाठी पोशाख ठरलेला असतो. तो या शिस्तीचाच एक भाग आहे. एक सामान्य नागरिक म्हणुन एवढ्या कडक शिस्तीचा पोशाख कर्मचार्‍यांना आवश्यक नाही. पण अगदीचे सूट दिली की पोरी नितकोर चड्ड्या आणि पोरे पार्श्वभागावरुन खाली घसरणार्‍या जीन्स किंवा केशरी पोपटी रंगाच्या बर्म्युडा घालुन हापिसात येतात. त्यामुळे सुवर्णमध्य म्हणुन फॉर्मल ड्रेस नावाचा पर्याय असण्यास काही हरकत नसावी.

अद्द्या
गुरुवार, 04/18/2013 - 11:19 नवीन
पारंपारिक झब्बा पायजमा घातला की श्रीखंड पुरी आणी भजी हादडुन वर एक मसाला मघई लावुन ताणुन द्यावी किंवा मित्रपरिवाराबरोबर पत्ते कुटायला बसाबे असे वाटायला लागते.
हाहाहा अतिशय पटलेलं आहे हे :D

शिद
गुरुवार, 04/18/2013 - 11:27 नवीन
आमच्या ऑफिसमध्ये देखिल ड्रेसकोड बाबत अगदी जाचक अटी आणि नियम आहेत. सोम-गुरु ला फॉर्मल्स (लांब बाह्याचा शर्ट, ट्राऊजर व चामड्याचे बुट) आणि शुक्र ला जिन्स-टिशर्ट (जिन्स फेडेड, कातरलेली, मळकी, ई नसावी व फक्त कॉलर असलेले टिशर्ट). पण हे फक्त पुरुषांसाठीच; बायकांना काहीही घालण्याचि मोकळीक आहे. वरील ड्रेसकोड जर पुरुष कर्मचार्यांनी पाळला नाही तर त्यांना कंपनीचे सिक्युरिटी आत येण्यास मज्जाव करतात (मला देखील एकदा हा अनुभव आलेला आहे :( ) मला एक कळ्त नाही की कंपनीला कर्मचारी महत्वाचा की त्याचे कपडे? टिशर्टला कॉलर असली काय नसली काय, काय फरक पडतो?

बाबा पाटील
गुरुवार, 04/18/2013 - 12:05 नवीन
भारताल्या कडाक्याच्या उन्हात गळ्यात कुत्र्यासारखा पट्टा आडकुन आणी त्यावर जाड कोटाची फर पांघरुन या लोकांना कस काय राहता येत, देवाक ठावुक! आपण तर आपल्या ओपीडीत जिन्स- टी शर्ट पासुन पुर्ण खादीपर्यंत काय वाटेल ते घालतो.हा फक्त दवाखाना सोडुन जर एखाद्या जागेच्या व्यवहाराची मिटींग असेल तर मात्र पुर्णपणे खादीच वापरतो....

मृत्युन्जय
गुरुवार, 04/18/2013 - 12:20 नवीन
ही गोष्ट केल्यामुळे मला गांधीजींबद्दल प्रचंड आदर आहे. गोर्‍या साहेबाला भेटायला जायचे म्हणुन उगा आपल्या नेहमीच्या पोषाखाला काडी नाही लावली. आहे हे असे आहे. नंगा फकीर म्हणा किंवा अजुन काही म्हणा. मला शष्प फरक पडत नाही. तुमचंच जळतय. हा अ‍ॅटिट्युड लैच आवडतो आपल्याला.
↩ प्रतिसाद: नितिन थत्ते

बॅटमॅन
गुरुवार, 04/18/2013 - 13:07 नवीन
+१११११११११११११११११११११११. तंतोतंत!! महात्मा फुल्यांनीही आपला साधाच वेष केला होता अशाच काहीशा प्रसंगी.
↩ प्रतिसाद: मृत्युन्जय

प्रकाश घाटपांडे
गुरुवार, 04/18/2013 - 12:31 नवीन
कपड्यांविषयी बरेच प्रश्न दिसताहेत. असो आपण आपले स्वतःचे उन थंडी वारा पाउस इ पासून संरक्षण व इतरांचे लज्जारक्षण एवढ्याच हेतुने कपडे घालतो.

मालोजीराव
गुरुवार, 04/18/2013 - 14:39 नवीन
कॉलेज संपल्या संपल्याच आयटीत गेल्याने आणि तिथले ड्रेस कोड बाबतचे स्ट्रीक्ट रुल्स पाहून फॉर्मल ड्रेस हि संकल्पना अत्यंत भिकार आणि दळभद्री आहे असा ठाम समज झाला.
  • शूज च्या ऐवजी बूट घातले म्हणून
  • पँट चे पौकेट साईड नसून फ्रंट आहेत म्हणून
  • फॉर्मल शूज ब्राऊन आणि थोडा काऊबॉय स्टाईल घातला म्हणून
  • पावसाळ्याच्या काळात कपडे न वाळल्याचे कारण देऊन जीन्स घातली म्हणून
  • सॉक्स वाळले नाहीत सो फ्लोटर्स घातले म्हणून
  • माझ्या फुल शर्ट च्या बाह्या दुमडलेल्या असतात म्हणून
  • जेव्हा फुल शर्ट च्या बाह्या दुमडलेल्या नसतील तेव्हा कफ-लिंक वापरतो म्हणून
  • शुक्रवारी (casual day) असताना कॉलरवाल्या टीशर्ट ऐवजी फुटबॉल ची जर्सी घातली म्हणून
  • शुक्रवारी स्पोर्ट शूज रेकमेंडेड असताना मोजडी घालून येतो म्हणून
  • रिस्टब्यांड वापरतो म्हणून
  • केस जास्त वाढलेत म्हणून (अन-प्रोफेशनल वाटत म्हणे)
हापिसनी मला तोंडी व लेखी नोटीसा बजावल्या आहेत. त्यामुळे फॉर्मल ड्रेस चा जाहीर निषेध !!! लाल सलाम

मालोजीराव
गुरुवार, 04/18/2013 - 15:14 नवीन
+१११११११११११११११११११११११ अगदी अगदी…ह्या एचआर वाल्यांना काय इंसेंटीव्ह मिळतो का काय कोण जाणे एव्हड बारीक लक्ष ठेऊन…च्यायला तिच्यावर मी बारीक लक्ष ठेवल तर लाईन मारतो म्हणतात
↩ प्रतिसाद: बॅटमॅन

बॅटमॅन
गुरुवार, 04/18/2013 - 15:26 नवीन
एच आर वाली बघण्यालायक असेल तर मग कोणी काही म्हणोत, टेन्शन नै ;) बघण्यालायक नसेल तर म्हणावे तिच्यावर लाईन मारावी अशी ती नाही म्हणून ;) आयदर वे, टेन्शन इल्ले =))
↩ प्रतिसाद: मालोजीराव

मालोजीराव
गुरुवार, 04/18/2013 - 17:25 नवीन
तुमच्या सबबी नक्कीच "अन-प्रोफेशनल" आहेत..
तुमच्याशी सहमत आहे, पण या क्षेत्रातल्या बर्याच कंपन्यांमध्ये ड्रेस कोड कंपल्सरी नाही,नजरखेचक वाटणार नाहीत असे कुठलेही कपडे घालून आलात तरी चालत.ऐन तारुण्यात जिथे बंधनं नकोशी वाटतात आणि 'वाढीव' गोष्टी कराव्याश्या वाटतात तिथे हे ड्रेस कोडचं बंधन पण जाचक वाटायला लागलं
↩ प्रतिसाद: बाळ सप्रे

बाळ सप्रे
गुरुवार, 04/18/2013 - 17:48 नवीन
काही वेळा कंपन्यांची कर्मचारीसंख्या अति असल्यामुळेही कडक नियम करावे लागतात.. अन्यथा कंट्रोल करणे सहज शक्य होत नाही..
↩ प्रतिसाद: मालोजीराव

गणामास्तर
गुरुवार, 04/18/2013 - 16:56 नवीन
आयला, तरी तुमची परिस्थिती फारचं चांगलीये की हो राजे आमच्या सारख्या हमालां समोर. आम्हाला फॉर्मल ड्रेस सोबत शिरस्त्राण,वाटीवाले पादत्राणे,सेफ्टी गॉगल आणि एयर प्लग येवढा जामानिमा मिरवावा लागतो..शुक्रवारी त्यातल्या फॉर्मल ड्रेस मधून सवलत मिळते हीच पर्वणी समजायची. अशा अवतारात फिरत असताना येच्चार वाले पकडून दाढी वाढलीये म्हणून तोंडी,लेखी नोटीसा देतात त्या वेगळ्या.
↩ प्रतिसाद: मालोजीराव