मास्टर ब्लास्टर - वृत्तराज - मिस्टर.बॅटमॅन ऊर्फ वाघुळशास्त्री यांनी आमच्या काव्यकिड्याला वृत्तात नीट-बसवून त्याचा पतंग न होता एकदम Fullपाखरू केले आहे. ;-) मला त्यांनी व्यनीतून पाठवलेला हा अप्रतिम रचना प्रकार आपल्या आस्वादासाठी सादर करत आहे. ============================================================================== @वृत्तराज मास्टर ब्लास्टर.बॅटमॅन ऊर्फ वाघुळशास्त्री पुनर्रचित- =============================जलाष्टक=================================

चालः आली लग्नघटी समीप नवरा

जातां चाळजिन्यातुनी लगबगी, जैं बादली सांडली | तेव्हा येवुनि देशपाण्डिणिसवे, शिंदीण ती भांडली ||धृ.|| डोळे ते जणु पूर्णतःचि फुटले, आहे पुढे लक्ष का? आत्ता आणलि बादली भरुनिया, गोटे शिरी घालु का? मेली ही इकडे कशी कडमडे, आत्ताचि ऐशा पळीं...||१|| तोरा तो तव सर्व ठाउक मला, भारीच शिस्तीचि तू कार्ट्याने तव टूथपेस्ट गिळुनी , केली जिन्याते थु-थू मी तेथे पडले पहा घसरुनी, ही चूक का जाहली? ||२|| गेले ते जल वाजती जधि दहा, आणू कुठूनी अता? हंडा एकचि जो घरी मम; शिरी हाणू कुणाच्या अता? होती एकच बादली तवगुणे तीही अशी सांडली ||३|| आसो देचि अता; घरोन मम तू घेवोन पाण्यासि जा प्रातःकाळि पिपाणि ऐकुनि तुझी डोस्क्यास होई सजा एका बादलिने जणों मम पुरी इष्टेट का नष्टली? ||४|| ठेवी गे तव बादली तुजसवे, घे मस्तकी ओतुनी काढी थांब जळा ड्रमामधुनिया, जो पूर्ण काल् पासुनी नक्को जा, उपकार ते तव, तुझी इष्टेट ती दीसली ||५|| ऐसे भांडण भांडिता उभयतां "हूऽ" कार तो काढुनी गेल्या त्या परि एकमेक जणु हो निष्कासनें मोदुनी ;-) ==== बोला सुमुर्त ब्याट-म्यान ;-)