पोटपुजेची ठिकाणे

भेळ १. नारायणगाव येथे कोठेही .. (जुन्नर -खेड- मंचर जवळ) फरसान भेळ पण खुप जबरी लागते .. २. लोणी भापकर, बारामती (पणधरे जवळ) येथील भेळ ही वेगळी आणि तिखट चुरमुर्याची मिळते, अतिशय उर्कृष्ठ आहे.. ३. कैलास .. निअर शिंदेवाडी, पुणे-बँग्लोर हायवे. ४. सरदवाडि (शिरुर जवळ) ५. गणेश भेळ, पुण्यात कोठेही मस्तच ...

चला आता २-३ दिवस नाहिये ... तेच हो पोटपुजेसाठीची एकदोन नविन ठिकाणे नक्कीच पाहण्याचा प्रयत्न करीन गुड नाईट

सातारामागे टाकुन कोल्हापुरकडे जाताना खींड लागते. डाव्याहाताला पेट्रोलपंपाला लागुन आत जायचे. तेथे "कणसे धाबा:" लागतो. चिकन, मटण, काजुकरी एकदम मस्तच. खूप गर्दी असते. पण सर्व्हीस चांगली आहे.

माझं गाव विदर्भात - उमरखेड जि. यवतमाळ .. तीथल्या काही जागा** १) मुत्तुराज वडेवाला - याच्याजवळ वडे, मिरची भजे अप्रतिम मिळतात. एका प्लेट मध्ये कधीच समाधान होत नाही. २) याच्याच बाजुला एक ऑम्लेटवाला होता - आता आहे का नाही माहित नाही पण त्याच्याजवळ ऑम्लेट मस्त मिळायचे ३) बिकानेर मिठाई - समोसा, कचोरी आणी ईम्रती साठी .. बाकी मिठाई पण मस्तच ४) संजय टॉकीज (बहुतेक) जवळ एक भेळवाला असायचा .. त्याच्याकडे पाणीपुरी, दहीपुरी, भेळ छान मिळायची ५) वसंत टॉकीज समोरच्या गल्लीत एक मिठाईचं दुकान होतं .. त्यात समोसा मस्त मिळायचा आणि याच्याच जवळ एक हॉटेल होते त्यात फाफडा मस्त मिळायचा .. सोबत तळलेली मिरची .. ६) एक हॉटेल होते पुसद रोडवर .. शाळेत जातांना लागायचे .. तीथला पेढा अप्रतिम असायचा .. एकसारख्या आकारात करुन न ठेवता चौकोनी वगैरे तुकडे करुन तराजुत मोजुन मिळायचा .. ७) पुसद रोडवरच एक जयस्वाल वाईन मार्ट आहे .. त्याच्याकडे पुर्वी सांभारवडी (कोथींबीर रोल) मिळायचे .. मस्त होते ८) फक्त उन्हाळ्यात एक ज्युस सेंटर उघडायचे .. तो पाईनॅपल ज्युस मस्त बनवायचा सध्या एवढेच आठवतायत .. अजुन विदर्भातले काही ठीकाणं सांगेन .. कीतीजणांना याचा उपयोग होईल हे माहिती नाही तरीपण या धाग्यावरुन मला आठवल्या :) ** ही सर्व माहीती जवळपास ३ ते ७ वर्षापुर्वीची आहे .. त्यामुळे सध्याची परीस्थिती माहिती नाही

बरं आहे हा धागा महाराष्ट्रापुरताच सीमित ठेवला आहे. जगभरातली पोटपुजेची ठिकाणे विचारली असती तर सगळे (फ्रींटुकबृहत्कथयाकथित) का.प्रे.न.झा. उच्चमध्यमवर्गीय उत्तेजित झाले असते आणि हा धागा एव्हाना टॉपला पोचला असता. ;-)

अरे तात्या कडे तर सगळी यादीच होती.. दक्षिण मुंबईतल्या दिल्ली दरबार पासून अगदी गिरगावतल्या बोरभाटलेन मधल्या समर्थ भोजनालय, अनंताश्रम आणि बरच बरच.. ह्या सगळ्या ठिकांणांच्या हॉटेलांची एक छान यादी कुठे मिळेल कुणी सांगू शकेल का.. मुंबईतले बरेच आणि पुण्यातले काही झालेत भेट देऊन पण एखादी साईट असेल जिथे ही यादी मिळेल तर लय उपकार होईल.. माझे दोन प्रश्न - १. मुंबई (विशेषतः मध्य ते दक्षिण) मध्ये कँडल लाईट डिनर साठी काय सुचवाल.. एकदा शोधताना हवा निघाली होती पण मनासारखा (आणि खिशाला परवडेल असाही) पत्ता मिळालाच नाही, म्हटलं तयारी असावी ;) २. मुंबई च्या जवळ चांगला धाबा कुठे आहे (कृपया दादरचा प्रितम-दा-धाबा सांगू नका.. ).. धन्यवाद!

नासिक ला पाणीपुरी खायची म्हटली कि गाडी आपोआप कॉलेज रोड ला " नंदन" कडे वळते.शेव दहीपुरी तर अशी भारी कि खाणारा खातच राहतो.... तसे बिग बझार समोर पण एक गाडी असते पेपे शोरूम जवळ तिथे पण पाणीपुरी मस्त ... आणि सायंतारा चे साबुदाने वडे तर उपास असो नसो खावेसे वाटतात.चटणी पण मस्त असते....रेसिपी मिळवणार आहे एकदा मी! ....टायगर हिल्स म्हणून पांडवलेणे येथे हॉटेल आहे तिथे नोंव्हेज पण मस्त मिळते .मिसळ पाव साठी गंगापूर रोड वरचे "विहार " पुण्याला भरपूर चापायचे असेल तर दुर्वांकुर बेस्ट आहे!आणि सेनापती बापट रोड च्या बाजूने एक लेन जाते तिथे मॉन्सून मोमो म्हणून आहे ....अप्रतिम! वेज आणि नोन व्हेज दोन्ही + व्हेज क्लीअर सूप अहाहा ! वडा पाव म्हणाल तर जोशी वडे वाले आहेत पण रोहित वडे पण मस्त लागतात. बाणेर रोड वरचा डोमीनोचा burst पिझ्झा तर लई भारी ! सध्या परदेशात असल्याने फक्त आठवणी जवळ आहेत ....!

. पोटपुजेची ठिकाणे चांगली मिसळ, वडा, भजी कुठे मिळते ? या दोन धाग्यावरची माहिती वाचुन आता कुठे जायचे कळेनासे झाले आहे. शहर, पत्ता, खाण्याचे पदार्थ अश्या क्रमाने मार्गदर्शक पुस्तक (त्याला मराठीत "गाईड" म्हणतात) बनवले तर खूप उपयोग होईल. (कॉम्प्युटरवर कोण काम करून देउ शकेल हे सगळ्यांना माहीत आहेच). ;)

मुंबईतील पारसी डेअरी म्हणजे पेढ्यांचा व दुधाची पर्वणी (कृपया चितळ्यांची बरोबरी करण्याचा हेतू नाही ) ह्याची नोंद घ्यावी आम्हला मिपा वर राहायचे म्हटलं .

काहिहि आसो, पण घरच्या जेवणाचि चव कुठेच नाहि.

खाते रहो

सहज हा धागा पाहिला.. पुन्हा वर काढत आहे.. कोणाला काही हेल्प मिळेल या अनुशंघाने.. लवकरच.. जुनी-नवी ठिकाणे मिळुन सुची करण्याचे काम हाती घ्यावे म्हणतो.. कोण तयार असले तरी चालेल

कराडला गेलात तर दत्त चौकात गजानन ची मिसळ आणि चावडी चौकात बॉम्बे ची आंबोली खाऊनच पहा ...

हॉटेल शिवेंद्र (कोंढवा -फुरसुंगी रोड)- मटण दालचा एकदम खल्लास ! जगदंबा ,खेड शिवापूर - मटण भाकरी तुपातला भात जबरी, आजपर्यंत अनेक ठिकाणी मटण भाकरी खाल्ली, त्यात इथली झकास होती. भोर कडून वरंध घाटाकडे जाताना आपटी गावाच्या पुढेच एक मटण खानावळ आहे, बोउल भर मटण आणि रस्सा कितीबी वरपा, ठिकाणहि निसर्गरम्य नदीला लागुनच तोरणा आणि वेल्ह्याची भटकंती 'स्वप्नील' शिवाय पूर्ण नाहीच, इथली मटण भाकरी उत्तम, मिरच्या घातलेलं आम्लेट पण मस्त…आणि जाताजाता तिथला चहाही !

गावठी चिकन आणि तान्दळाची भाकरी झकास. क्वार्टर घेउन गेलात तर फक्त सर्विस चार्ज लागतो.

पुण्यातील अलका चोकातील रिगल हॉटेलजवळ गौरीशंकर नावाचे छोटेसे दुकान आहे तेथील पोहे अप्रतीम असतात. शिवाय साबुदाणा खिचडी, उपमा व शिरा देखील बेस्ट. जंगली महाराज रोडवरील सोहम व मथुरा एक नं. पेरुगेट पोलिस चौकीजवळील साईबा मधील भडंग भेळ व पाणीपुरी खूप आवडीची. गिरीजा मधील मेथी पिठलं व भाकरी म्हणजे स्वर्गच. मुंबईमध्ये माटुंगामध्ये इडली हाउस मध्ये खाल्लेली इडली व त्याचा अजून एक प्रकार (नाव आठवत नाही) क्लासच. अशी चव पुन्हा कुठएही मिळाली नाही.

पत्ता द्या

कर्वे रस्त्यावरून डेक्कन कडे जाताना सह्याद्री हाॅस्पिटल खाली बिपीन स्नॅक. ईडली ब. वडा पोहे मस्त मिळतात. कासट च्या दुकानाशेजारून आत सीड ईन्फोटेक कडे जाताना भाडाईत मिसळ मिळते. अप्रतीम चव आहे. ताथवडे बागे समोर मनिषा भेळ. रगडा पॅटीस सोडून बाकीचे पदार्थ छान. ही झाली पुण्यातली यादी सोलापूर बद्दल बोलायचं म्हणलं तर कन्ना चौकात मिळणारी पापु सारखी कुठेच नाही मिळत. पुतळ्याला वळसा घालुन आपण आत ढंगे फर्नीचर कडे जाते त्याच कोपर्यावर हा पाणीपुरी वाला उभा असतो. तळहात झाकला जाईल ईतकी मोठी आणी कडक पुरी आणी आतलं थंडगार पाणी..... सात रस्त्यावर संगमेश्वर काॅलेज च्या लेडीज हाॅस्टेल शेजारी बाबुराव ची भेळ आणी कृष्णा फालुदा. बाळे गावात बारशी रोड ला असणारा हज्जू चा वडापाव आणी भजी. अगदी पुर्वी मी लहान असताना नव्या पेठेत एक स्वीट मार्ट होत. तिथली कचोरी फार फार आवडायची. झालच तर चित्रमंदिर च्या कॅन्टीन चा (जिथे आता इंदोर कपडा सेल लागतो) त्याचा सोडा. गदग चा डोसा. ह्या सगळ्यात एक लई महत्त्वाचं ठिकाण रायल. मंगळवार पेठ मीठ गल्लीत असलेलं सुधा ईडली गृह.

हुतात्मा बागेकडचा वसंत पैलवान चा रस किंवा टिळक चौकातले कंदले आणी डफरीन चौकातले पुणेकर कामठे याला पर्याय नाही

(वारजे पुणे) येथील एकदा हा चहा ट्राय करून पहा. https://goo.gl/maps/aCo3djFvP9P2

भरपूर प्रतिसाद झाल्याने कोणीतरी आता नवीन धागा (पुढचा भाग) काढावा.

कोथरूड पुणे येथे कोकण एक्सप्रेस च्या डायगोणली समोर, स्फूर्ती मिसळ मधे हिरवट पोपटी टिंज ग्रेव्ही वाली मटार उसळ मिळते, अगदी ग्रेट नाही, पण तेच अन तेच लाल भडक ग्रेव्ही ला जर कंटाळला असाल तर् ट्राय करून पाहा....

अरे मी बाळेकरच आहे. बाकी चिकीता चा ऊल्लेख कसा काय राहुन गेला कुणास ठाऊक. आद्य हाॅटस्पाॅट होता तो. अजुनही असावा . अर्थात महिना अखेरीस येणार आहे तेव्हा समक्ष जाऊन बघते.