मांजरे येती रॉयल घरा.. 😺

मांजरे येती रॉयल घरा...🐱

असेच एकदा टाईमपास म्हणून ब्रिटिश न्यूज चॅनेल्स पाहत होतो. आपल्या सुनक साहेबांचे भाषण होणार होतं.  10 डाउनिंग दरवाजा उघडला आणि कॅमेराचा एकदम चकचकाट टीव्हीवर पाहायला मिळाला. पण मग नीट बघितलं तर ब्रिटनचे पंतप्रधान नाही,एक गुबगुबीत मांजर बाहेर आले होते. 

10 डाउनिंग स्ट्रीट मध्ये मांजर?? ते पण असे भटके दिसणारे??? 
आपल्याकडे दर दाराआड काठी तय्यार ठेवलेली घरे अजूनही पाहायला मिळतात. वाजले म्याव की हाण काठी!

इथे चक्क मांजर आरामात चालत बाहेर आले लाल कार्पेटवर आरामात अंग टाकून झोपले सुद्धा!! त्यांना कोणीही त्रास दिला नाहीच उलट फोटो मात्र निघत गेले.

मग लक्षात आलं अरे हा तर लॅरी!

ह्या लॅरी साहेबांचा जन्म अज्ञात. आपल्या कडे असता तर 1 जून अशी अधिकृत वाढदिवस तारीख लावली असती. पण साहेबांना कोणीतरी  लंडनच्या बॅटरसी कॅट्स आणि डॉग शेल्टर मध्ये आणून सोडले.

2011 साली मात्र त्याचे भाग्य उजळलेच. त्यावेळचे ब्रिटिश पंतप्रधान बोरिस जोन्सन आणि त्यांच्या पत्नीने त्याला दत्तक घेतले ते त्यांच्या लहानग्या मुलींसाठी pet म्हणून.

पण त्यांचे विशेष उंदीरमारु कौशल्य बघून त्याची नेमणूक मुख्य उंदीर-मार ( chief mouser ) म्हणून झाली. 2011 पासून लॅरी भाऊ त्या पदावर आहेत.

कित्ती आयले कित्ती गईले हे वैशाली सामंतचे 'दाजीबा' गाणे तुम्हाला नक्की आठवत असेल. लॅरी भाऊंना मराठी येत असते तर दर ब्रिटिश पंतप्रधानांना जाताना आणि येताना पाहून तो हे नक्की म्हणाला असता. 😂

लॅरीने तब्बल 6 ब्रिटिश पंतप्रधानांना येताना आणि जाताना पहिले आहे.

सध्या लॅरी 15 वर्षाचा आहे. म्हणजे माणसांच्या भाषेत वानप्रस्थाश्रमात आहे. साहेब अजून गुटगुटीत आहेत. त्याचे दुसरे बालपण आत्ता सुरु झाले आहे.

जाता जाता एक गंम्मत.

इंग्लंड ची एलिझाबेथ-2 राणी जेव्हा वारली तेव्हा तिच्या मृत्यूसंबंधी चा कोड वर्ड होता London Bridge is down. 
आणि लॅरी साहेबाचा आहे Larry bridge is down.

असा हा लॅरी. ब्रिटिश सरकारचा अधिकृत कर्मचारी आहे. पण त्याला पगार वगैरे काही मिळत नाही बरका! 

त्या ऐवजी 10 डाउनिंग स्ट्रीट च्या स्टाफ पडूनच त्याची सगळी काळजी घेतली जाते. 

जगात असंख्य लॅरी फॅन्स आहेत. त्याच्या हालचाली, असंख्य फ़ोटोज तुम्हाला नेटवर मिळतील. 
लॅरी ला उदंड आयुष्य लाभो अशी सर्वांचीच इच्छा आहे. माझीसुद्धा!

लॅरी असाच लोकांना हसवत रहा....

तुमच्या कडे आहे का असा एखादा लॅरी. प्रतिसादात नक्की सांगा. 

तुमच्या कडे काही भू भू आणि माऊ बाळंच्या आठवणी असतील तरी त्या नक्की लिहा. 

साहित्ययात्री (प्रणव जोशी)