मायेचे वस्त्र जिर्ण झाले विरले फाटले

पाषाणभेद's picture
पाषाणभेद in जे न देखे रवी...
9 Jan 2022 - 11:51 am

मायेचे वस्त्र जिर्ण झाले विरले फाटले
अजूनी होते हवे ते परी न आता उरले

उबदार किती ते वाटे गारठ्यामधे
लेवून अंगी जणू चिलखत ते भासे
कितीही संकटे आली जरी
घाव वर्मी ते सोसतसे

किती निगूतीने वस्त्र निर्माण केले
उभे आडवे धागे प्रेमादराने गुंफले
शिलाई नाजूक टाके अचूक
रंग तयाचे भरदार असले

या वस्त्राची मजबूत न तुटणारी विण
कुणी न विणकर आता न विणणार
भक्कम हाती नक्षीचा ठसा कोरला
पुन्हा कधी न उमटे

आधार होता किती नाही म्हटले तरी
आठव तयाची राहील कायमची उरी
न मिळणार कधी मायेचे पांघरूण
ते कठोर काळाने हिरावले

माझे बाबा देवाघरी गेले

- पाषाणभेद
०९/०१/२०२२

miss you!आठवणीगाणेप्रेम कविताबापजन्मभावकवितावडीलविराणीसांत्वनाकरुणकविताजीवनमानव्यक्तिचित्रण

प्रतिक्रिया

प्रचेतस's picture

9 Jan 2022 - 4:14 pm | प्रचेतस

तुम्हाला ह्या दुःखद प्रसंगातून तरून जायचे सामर्थ्य मिळो.

कर्नलतपस्वी's picture

9 Jan 2022 - 4:53 pm | कर्नलतपस्वी

वो था तो कोई गम न था।
नही है तो आँखे नम होती है।
उसकी यादोमे अक्सर राते
गमगीन होती है।

नसीहत जो कभी
मुसीबत लगती थी।
आज वही मुसीबत मे
राहत लगती है।

रोकता था टोकता था।
अक्सर मन सोचता था
ये ऐसा क्युं है।
आज नही है तो दिल
उसीको खोजता क्युं है।

बरगद का साया था।
हर राझ सिखाया था।
परवरीश मे जिसने
अपना तन मन धन गवांया था।

था वो तो
हर मुकाम मुक्कमल हुआ।
जिंदगी के हर पादान पर
पहाड सा खडा हुआ।

बाप बनके देखो
बाप क्या चिज होती है।
उसकी यादोमे आज भी
आँखे नम होती है।

मै भी एक बाप हूँ।
आज भी कमी महसुस होती है।
कभी अकेला होता हूँ
तो अटलजी की
कवीता याद आती है।

" उठो द्रोपदी वस्त्र संम्भालो
अब गोबिन्द न आयेंगे।"

ॲबसेंट माइंडेड प्रोफेसर's picture

9 Jan 2022 - 5:00 pm | ॲबसेंट माइंडेड ...

भावपूर्ण श्रद्धांजली.

चांदणे संदीप's picture

9 Jan 2022 - 5:49 pm | चांदणे संदीप

ह्या कठीण प्रसंगातून सावरण्याचे धैर्य तुम्हांस मिळो हीच सदिच्छा.

सं - दी - प

सरिता बांदेकर's picture

9 Jan 2022 - 9:50 pm | सरिता बांदेकर

न मिळणार कधी मायेचे पांघरूण
ते कठोर काळाने हिरावले

हे खरं आहे

भावपूर्ण श्रद्धांजली.

भावपूर्ण श्रद्धांजली!
तुम्हाला ह्या दुःखद प्रसंगातून तरून जायचे सामर्थ्य मिळो. +१

आग्या१९९०'s picture

9 Jan 2022 - 10:14 pm | आग्या१९९०

भावपूर्ण श्रद्धांजली.
खूप त्रासदायक असतं पुरुषांसाठी असं दुःख व्यक्त करणे.

मदनबाण's picture

9 Jan 2022 - 11:14 pm | मदनबाण

या कठिण समायातुन तरुन जाण्यासाठी आपणास बळ मिळो ही परमेश्वरा चरणी प्रार्थना करतो. _/\_

श्रीगणेशा's picture

9 Jan 2022 - 11:18 pm | श्रीगणेशा

भावपूर्ण श्रद्धांजली _/\_

टर्मीनेटर's picture

10 Jan 2022 - 11:26 am | टर्मीनेटर

भावपूर्ण श्रद्धांजली 🙏
पितृछत्र हरपल्याच्या दुःखद प्रसंगातून तरून जाण्याचे सामर्थ्य तुम्हाला मिळो.

ज्ञानोबाचे पैजार's picture

10 Jan 2022 - 12:22 pm | ज्ञानोबाचे पैजार

भावपूर्ण श्रध्दांजली,
त्यांना सदगती लाभो ही इश्वर चरणी प्रार्थना
पैजारबुवा,

अनन्त्_यात्री's picture

10 Jan 2022 - 2:56 pm | अनन्त्_यात्री

निमित्ताने आपण गेल्या जून महिन्यात मिपावर प्रकाशित केलेली.. कविता आठवली

बिपीन सुरेश सांगळे's picture

10 Jan 2022 - 9:23 pm | बिपीन सुरेश सांगळे

कविता चांगली आहे असं आत्ता म्हणण्याचे मन होत नाही .
या दुःखातून मी गेलेलो असल्याने त्याची कल्पना मला आहे . आपल्या दुःखात आम्ही सहभागी आहोत .
श्रद्धांजली !

स्मिताके's picture

11 Jan 2022 - 12:11 am | स्मिताके

आपल्याला या दुःखातून सावरण्याचे बळ मिळो ही प्रार्थना.

पाषाणभेद's picture

11 Jan 2022 - 12:39 am | पाषाणभेद

माफ करा. माझे वडील गेल्या मे महिन्यातच गेले आहेत, पण दु:खाचे कढ संपत नाहीत अन मग शब्दांचे रूप घेवून ते येतात.
आपल्या आपूलकी बद्दल आभार.

अत्रुप्त आत्मा's picture

14 Jan 2022 - 10:59 pm | अत्रुप्त आत्मा

___/\____