Skip to main content

दोरीवरचे कपडे

लेखक पाषाणभेद यांनी बुधवार, 04/09/2019 14:37 या दिवशी प्रकाशित केले.
दोरीवरचे कपडे दोरीवर कपडे कसेही वाळत असतात कपडे वाळत असतांना ते कसे दिसतात? शर्ट कधी हॅंगरला चिमट्याने टांगलेला असतो फाशी दिलेल्या कैद्यासारखा हालत असतो (यावरूनच फाशीला इंग्रजीत हॅंग करणे म्हणत असतील.) पॅन्टही अशीच असते हवेत तरंगत दोन पाय आधांतरी भुतासारखे लटकत नाडीच्या परकरांची गोष्ट निराळी असते भडक रंगाचे तंबूच वाटतात सर्कसचे साडी घालून घडी बसते वाळत वा-याने तिचा पदर असतो हालत किरकोळीच्या गोष्टी टॉवेल सॉक्स रुमाल गणतीत नका घेवू बाकीचे कपडे आहेत कमाल दोरीवर पडतात अंडरपॅन्ट बनियन ब्रा अन निकर वाईट दिसतात, काढून घ्या, तसेही वाळतात लवकर गाऊन उलटा असतो, खाली डोके वर पाय त्यात बाई घातली अन गाऊन खाली सरकला तर काय? कपडे वाळत असतांना आपण बाहेरून बघतो पण वा-याची मात्र मजा असते, तो आतून पाहतो - पाषाणभेद ०४/०९/२०१९
काव्यरस
काहीच्या काही कविता
फ्री स्टाइल
मुक्त कविता
रतीबाच्या कविता
हास्य
लेखनविषय:
वाचने 9269
प्रतिक्रिया 12

प्रतिक्रिया

खिलजि बुधवार, 04/09/2019 15:11
अहो मीच तो वारा कुणालाच दिसत नाही तरी आहे मी खरा मी तर बाबा कपडे घालतो वाळायलाही आणि अंगावरही मीच सुकवतो माझे कपडे मोठे छोटे आणि तोकडे मीच तो जो अलवार फुंकरतो ,गुदगुल्या करतो मीच तो जो देतो इशारे मीच तो जो शहरतो अंग सारे मीच तो फुलवतो प्रेम सर्वदूर मीच तो जो नेतो कपडे दूरदूर मीच तो जो वाहतो कधी सैरभैर मीच तो जो करतो सर्व कपड्यांची सैर मीच तो जो पाहतो अंतरंगी मीच तो जो छेडतो नक्षी सप्तरंगी मीच तो असतो तरीही नसतो मीच तो जाणवतो अन खुणावतो विज्ञानास मीच तो वारा ,,, खट्याळ नाठाळ तरीही हवाहवासा तुम्हा सर्वास

पाषाणभेद शुक्रवार, 06/09/2019 01:55
छान. आपले आणि सर्व प्रतिसाद देणारे अन वाचन करणार्‍यांचे आभार.

नाखु गुरुवार, 05/09/2019 12:03
तश्या वाळवणाच्या कविता प्रकार आहे तर! कल्पना रोचक आहे. वाचकांची पत्रेवाला नाखु

चामुंडराय शुक्रवार, 06/09/2019 08:15
छान, असा देखील एक विषय असतो तर ! आता ह्याचं इडंबन काय करायचं? बारमधील बाटल्या?

पाषाणभेद शनिवार, 07/09/2019 00:12
विडंबन झाले तर ठिकच आहे. पण विडंबनात दारू डोक्यात जाते. अर्थात ती वैयक्तीक आवड असू शकते. पुर्वी लेखाचेही विडंबन यायचे. पुर्वीचे मिपा राहीले नाही.

चित्रगुप्त रविवार, 15/09/2019 00:18
खूपच अर्थपूर्ण, अनोखी आणि गंमतशीर कविता. .... पण ..... नाडीच्या परकरांची गोष्ट निराळी असते भडक रंगाचे तंबूच वाटतात सर्कसचे... सर्कशीचा तंबू एकखांबी असतो, त्यामुळे यातून आणखी काही गूsssssssढ वगैरे सुचवायचे आहे की कॉय, असा प्रश्न पडला आहे.

माहितगार बुधवार, 18/09/2019 11:18
कविता पोचली प्रेरणा किंवा विडंबन करण्याची इच्छा आहे पण पाहू केव्हा मुहूर्त लागतो ते बाकी
सर्कशीचा तंबू एकखांबी असतो
@ चित्रगुप्त : प्रत्यक्षात दोन पावले असलेले चालते दुमडता येणारे खांब असतात परकरी तंबूला !!