एक दिलखुलास व्यक्तिमत्व हरवले: मिपा संस्थापक तात्या

व
विजुभाऊ यांनी
 ·  लेख
लेख
इथे असलेल्या नव्या सदस्याना कदाचित ठाऊक नसेल मिसळ पाव हे संस्थळ तात्या अभ्यंकर या कलंदर माणसाने सुरू केले. संगीत साहित्य खादाडी अशा अनेक विषयाम्मधे उत्तम गती असलेला तात्या एक भन्नाट व्यक्तिमत्व होता . होता म्हणताना वाइट वाटतेय. मिपच्या रुपाने आपल्या सर्वांना व्यक्त होण्यासाठी एक मुक्त व्यासपीठ तात्याने दिले . तात्या आणि त्याच्या मुशाफिरीवर खूप काही लिहून होईल. बोलायला वागायला बिंदास असणारा तात्या गाण्यातला दर्दी होता. त्याने खूप ऐकले होते. तो स्वतः गायचा. तात्या ने मिपावरचा वावर बंद केला त्यालाही बरीच वर्षे झाली. फेसबुकावर त्याने शिळोप्याची ओसरी नामक पेज सुरू केले होते तो तेथे लेखन करायचा मिपावर विसोबा खेचर या नावाने लिहीलेल्या त्याच्या संगीतविषयक चित्रपट विषयक लेखांची जंत्री देता येईल . https://www.misalpav.com/node/10995 देवगंधर्वांचं 'पिया कर..', थोडं गोविंदरावांचं आणि थोडं नारायणरावांचं 'मधुकर वन वन' https://www.misalpav.com/node/2455 बसंतचं लग्न ( ही आख्खी लेखमाला आहे) तात्याची रौषनी तर मला कित्येक संस्थळावर वाचायला मिळाली. https://www.misalpav.com/node/1901 गोपाला मेरी करुना https://www.misalpav.com/node/1346 काही ऍब्स्ट्रॅक्ट रागचित्रे! https://www.misalpav.com/node/20610 https://www.misalpav.com/node/805 आज़ जाने की जि़द ना करो... कालच तात्याच्या रौषनी धाग्यावर तात्या भेटणार नाही असे कोणाला तरी म्हणालो आणि आज तात्या गेल्याची बातमी येते हे धक्कादायक आहे. तात्या ने मिपाला आणि मिपाकराना खूप काही दिलंय. या धाग्यावर तात्या तुम्हाला भेटला त्या च्या काही चांगल्या आठवणी शेअर कराव्यात ही विनंती. इश्वर मृतात्म्यास सद्गती देवो ही प्रार्थना _/\_
वर्गीकरण
81200 वाचन
💬 प्रतिसाद (152)

प्रतिक्रिया

विसुनाना
Wed, 05/15/2019 - 15:58 नवीन
तात्या ऊर्फ चंद्रशेखर अभ्यंकर यांच्या अकाली निधनाने वाईट वाटले. मराठी संस्थळांवरच्या सुरुवातीच्या (२००२ पासूनच्या) लेखकांपैकी एक प्रसिद्ध आणि कलंदर माणूस! त्यांच्याबरोबर त्याचे कर्तुम-अकर्तुम सगळे संपले. श्रद्धांजली.

विकास
Wed, 05/15/2019 - 16:46 नवीन
आत्ता आमच्या सकाळी काही मित्रांच्या मेसेजेस मुळे ही बातमी वाचली आणि क्षणभर विश्वास बसला नाही. तात्याला पहिल्यांदा मनोगत संस्थळावर पाहिले होते. तिथल्या शिस्तीच्या विरोधात तो त्याच्या स्वभावाप्रमाणे विरोध करायचा. तिथूनच काही जणांनी उपक्रम हे संस्थळ चालू केले. तेथे पण तो सक्रीय होता. पण परत शिस्तीचे वावडे असल्याने आणि तसेच त्याच्या डोक्यात खरेच मोकळीढाकळी वेबसाईट चालू करायचे आले आणि तशी त्याने मिसळपाव करून दाखवली. तात्याचे या संदर्भातील जे गुण होते ते खरेच एखाद्या entrepreneur ला शोभतील असे होते. त्याने नुसतेच स्थळ चालू केले नाही तर माणसेपण ओढून आणली, मैत्री केली... मराठी संस्थळ अशा पद्धतीने नावारूपाला आणणारा कदाचित तो एकोहम असावा. आणि त्या साठी तो कायम लक्षात राहील. तात्याला भावपूर्ण श्रद्धांजली.

प्रदीप
Mon, 05/20/2019 - 10:36 नवीन
तात्यांचे अकाली जाणे धक्काददयक आहे. माणूस दिलदार होता, दुर्दैवाने त्याचे वाईट दिवस आले व त्यातून तो उठू शकला नाही. ईश्वर मृतात्म्यास सद्गति देवो.
↩ प्रतिसाद: विकास

दुर्गविहारी
Wed, 05/15/2019 - 16:51 नवीन
कलंदर व्यक्तिमत्व काळाच्या पडद्या आड गेले. त्यांनी अश्या काही विषयावर लिहीले की क्वचितच त्यांना कोणी हात घालेल. वर त्यांच्या लिखाणाची लिंक दिलेली आहे, त्यातील घागे वाचल्यानंतर याचा प्रत्यय येईलच. हल्ली त्यांच्या लिखाणाच्या पोस्ट व्हॉटस अ‍ॅपवर फिरायच्या. असो. एका चौफेर लिखाण करणार्‍या अवलियाला माझी श्रध्दांजल__________/\______________

सुजल
Wed, 05/15/2019 - 16:53 नवीन
मिसळपाव चे ते जनक आहेत हे माहिती नव्हतं . माझे फेसबुक फ्रेंड आहेत . काही दिवसांपूर्वी त्यांची एक व्हाट्स अप वर पोस्ट पण फिरत होती आयुष्यभराची शिदोरी अशा पद्धतीची गणपतीत मध्ये पुजा सांगायला जातात अशी . धक्कादायक विनम्र श्रद्धांजली

बाळकृष्ण
Wed, 05/15/2019 - 17:06 नवीन
तात्यांना भावपूर्ण श्रद्धांजली. आजच त्यांचे जुने लेख वाचत असतानाच ही दुर्दैवी बातमी समजली. ईश्वर त्यांच्या आत्म्यास सद्गती देवो.

चेतन सुभाष गुगळे
Wed, 05/15/2019 - 18:04 नवीन
चंद्रशेखर होतं की बिपिन? त्याने मला tatya7@gmail.com या इमेल पत्त्यावरुन ईमेल पाठविली होती त्याखाली बिपिन अशी सही होती.

गणपा
Wed, 05/15/2019 - 18:34 नवीन
सकाळीच फोन आला,अन काय एेकतोय यावर क्षणभर विश्वासच बसेना. तात्याला प्रत्यक्ष कधी भेटलो नाही पण १-२ वेळा फोनवर बोलणं झालेलं. तात्याशी ओळख झाली ती मनोगत संस्थळावर, मिपाच्या जन्मा आधी. त्याच्या त्या ओघवत्या पण रांगड्या लेखणीचा मी फॅन होतो. अगदी पुलंच्या रावसाहेबासारख्या मधेच येणाऱ्या दोनचार शीव्याही कानाला गोड वाटत. व्यक्तिचित्रण लिहिण्यात त्याची हातोटी होती. अनेकदा त्यात पुलंचा भास होत असे. अलविदा तात्या. _/\_

तिमा
Wed, 05/15/2019 - 18:44 नवीन
बातमी जरा उशीराच कळली. अतिशय दु:खद आणि धक्कादायक! त्यांच्या अत्यंत दिलखुलास आणि बेधडक प्रतिक्रियांचा मी चाहता होतो. जिथे कुठे असतील तिथेही असेच स्वतंत्र राहोत!

सौंदाळा
Wed, 05/15/2019 - 18:44 नवीन
तात्याला भेटायची अनेकांची खुप इच्छा होती पण खुप कमी लोक तात्याला भेटले असे दिसतयं. या सर्व लोकांनी तात्याच्या आठवणी सांगाव्यात ही विनंती.

मैत्र
Wed, 05/15/2019 - 18:54 नवीन
धक्कादायक बातमी. वाईट वाटले. दिलखुलास कलंदर माणूस. त्यांच्या मुळे इथे लोक जमत गेले. नवीन लेखनाला खूप प्रोत्साहन द्यायचे. अनेक जण लिहिते झाले. वाचनीय बरंच काही मिळाले आज बरेच ग्रुप आहेत जे मिपा मुळे बनत घडत गेले. फार अचानक आणि लवकर गेले तात्या. श्रद्धांजली..

माझीही शॅम्पेन
Wed, 05/15/2019 - 19:02 नवीन
तात्याला अप्रत्यक्षरीत्या भेटलो होतो म्हणजे तो माझ्या लग्नाला बायको कडून आला होता , हेहि मला बऱ्याच कळालं , एक हरहुन्नरी ,वादळी माणूस , लेखन कौशल्यात कोणीही हात धरू शकणार नाही , एकदा / दोनदा आपण नक्की भेटूया एवढ्यावरन पुढे सरकलोच नाही. पुढे अनेक वादविवाद पुढे आल्यावर भेटावं असं वाटलं नाही , पंडित भीमसेन (अण्णा ) ह्यच्या बद्दल भरभरून लिहायचा , अण्णा गेल्यावर सैरभैर होऊन लेख लिहिला होता. इतक्या लहान वयात आंतरजालावर लोकप्रिय असणारे व्यक्तिमत्व हरपणे हे निश्चित दुःखदायक आहे

उपयोजक
Wed, 05/15/2019 - 19:07 नवीन
तात्यांना भावपूर्ण आदरांजली! _/\_

उपयोजक
Wed, 05/15/2019 - 19:08 नवीन
तात्यांना भावपूर्ण आदरांजली! _/\_

उपयोजक
Wed, 05/15/2019 - 19:08 नवीन
तात्यांना भावपूर्ण आदरांजली! _/\_

दीपक११७७
Wed, 05/15/2019 - 19:11 नवीन
बोका ए आज़म यांच्या नंतर ही दुसरी बातमी! तात्यांना भावपुर्ण श्रद्धांजली

अत्रुप्त आत्मा
Wed, 05/15/2019 - 19:24 नवीन
मला एकदोन वेळा फोन केलावतान तात्यानी. बाकी प्रत्यक्ष भेट नव्हती झाली कधी! पण फेसबुकवर त्यांची प्रत्येक पोस्ट वाचायचो मी. गेले वर्षभर तात्या आणि धोंडोपंत आपटे फेसबुक वरून बाहेर होते त्यामुळे जागा रहीती जाणवायची प्रचंड!!! आता त्यातली एक जागा तर गेलीच कायमची. :(

खिलजि
Wed, 05/15/2019 - 19:25 नवीन
या आभासी जगात , आभासी जागेत , मराठीचे स्थान बळकट करणारे , मिपाचे संस्थापक कै. तात्या अभ्यंकर यांना विनम्र श्रद्धांजली ... त्यांना बघितलं नाही पण एक मात्र नक्की त्यांनी आपल्यासारख्या बर्याच जणांना एक अशी अनमोल जागा निर्माण करून दिलीय कि त्याला या आभासी जगात कुठेच तोड नाही आहे . मिपा जसेजसे वृद्धिंगत होत जाईल , तशी तशी त्यांची महती दिगंत होत जाईल . हे लवकरात लवकर व्हावे , हि शंभू महादेवाकडे प्रार्थना ...

बाबा योगिराज
Wed, 05/15/2019 - 19:32 नवीन
तात्याला मी फक्त मिपावरील लेखनसाहित्यामुळेच ओळखत होतो. मध्यंतरी फार काही कानावर आलं होतं, पण मला तात्याच लिखाण फार आवडायचं म्हणून मी त्याकडे कधी लक्ष दिलं नाही. सुरवातीला मी तात्याला भेटायचा एक दोन वेळेस प्रयत्न केला होता परंतु भेट काही घडली नाही. कुणासाठी तो कसाही असो माझ्यासाठी तरी तो माझा आवडता लेखक होता. आणि काहीही घडलेलं असलं तरी आपल्या सगळ्यांना मिपाच्या माध्यमातून एकत्र आणणारा होता. तात्याच अकस्मात आणि अश्या पद्धतीने निघून जाण फार धक्कादायक आहे. तात्या मिसळपाव साठी खरच धन्यवाद. तुझ्या आत्म्यास शांती लाभो. ओंम शांती शांती शांती: _____/\____ तुझ्या लेखनाचा पंखा बाबा योगीराज.

मंदार कात्रे
Wed, 05/15/2019 - 19:35 नवीन
मिसळपाव.कॉम चे आद्य प्रणेते व संस्थापक आणि हरहुन्नरी लेखक चंद्रशेखर उपाख्य तात्या अभ्यंकर याना भावपूर्ण श्रद्धांजली . आज सकाळी ९ च्या सुमारास वेन्गुर्लेकर अनिरूद्ध प्रभू यान्चा फोन आला व त्यानन्तर मिपा कायप्पा समूहावर व थोबाडपुस्तकावर पोस्ट टाकली . तात्यांशी तीनचार वेळा फोनवरून बोलणे झालेले . फेसबुकवर काही काळ मित्रयादीत होते , इतका हरहुन्नरी अन हॄदयस्पर्शी लेखन करणारा लेखक माझ्या परिचयात नाही ! आदरांजली !

अकिलिज
Wed, 05/15/2019 - 19:47 नवीन
बऱ्याच दिवसांत न भेटलेलं घरचंच कोणीतरी गेल्यासारखं वाटलं. तात्यांना शांती लाभो.

अभ्या..
Wed, 05/15/2019 - 20:09 नवीन
खरोखर वाईट बातमी, मी मिपावर आलो तेंव्हा तात्या सक्रीय नव्हते पण त्यांचे खूप लेखन आणि प्रतिसाद वाचलेले होते. निकम्मा तम्मा तात्या किंवा बाझवलाभेंचो सारख्या शिव्या देऊन सतीसभौ(मोकलाया फेम) समोर आपली शुध्दलेखनाची हार मानणारे प्रतिसाद, अनुष्का शेट्टीचे फोटो टाकून "हिच्यावर आमचा भारी जीव" असे प्रतिसाद, थिंकमहाराष्ट्रच्या चर्चेनंतर साडेतीन टक्क्याचे ब्रॉडबॅन्ड बूड हलवून ड्रिंकमहाराष्ट्र करायला पळणारे तात्या, मिपासदस्यांशी कौटुंबिक पातळीवर गप्पाटप्पा हाणणारे रंगेल, कलंदर, संगीताचे दर्दी तात्या अशीच इमेज डोळ्यासमोर होती. मध्यंतरी काही कालावधीपुरते ते परत मिपावर लिहिते झालेली. त्यावेळी एकदा माझ्याशी संपर्कही केलेला(त्यांना माझा नंबर कुणी दिला हे अजुनही कळले नाही, आता तर बिलकुल कळणार नाही) होता. थोड्याश्या कौतुकाच्या आणि इतर गप्पानंतर सम्पर्क धंडावला. त्यानंतर तीनचार वर्षानी डायरेक्ट काल विजुभौचा रोषनीवर प्रतिसाद पाहुनच आठवण होते तो हि बातमी. विजुभउंना काय दिसले की काय स्वप्नात असे विचारावे वाटलेले पण सकाळी व्हाटसपावर सॅड न्युज कळली. अशा आत्म्यांना शांती देवो असे आम्ही पामर काय म्हणणार. त्यांच्या दैवतासमान आण्णांच्या संगीताचा, खादाडीचा ते तृप्त मनाने आस्वाद घेत मनसोक्त बैठका रंगवोत इतकीच इच्छा. इत्यलम

अविनाशकुलकर्णी
Wed, 05/15/2019 - 20:47 नवीन
तात्या अभ्यंकर ठाणे पूर्व यांचे आज निधन झाले. मध्ये त्यांचा एक लेख आपल्या ग्रुपवर आला होता. ते अचानक वारले वय ५० जेमतेम नचिकेत परांजपे शी बोललो. तो तिथेच आहे. त्याने सांगितले की सकाळी ७/७.३० वाजता गेला. त्याची आई घरात होती. तिला हलता येत नाही त्यामुळे तिने आरडाओरडा केला आणि पोलिसांनी येऊन दार फोडले. आता त्याला सिव्हिल ला नेले आहे तिकडे PM करणार आहेत. डॉक्टर म्हणाले की जोरदार हार्ट अटॅक आला होता असो मृतत्म्यास सद्गती लाभो

जेम्स बॉन्ड ००७
Wed, 05/15/2019 - 20:49 नवीन
काल-परवाच रोशनी धाग्यावर तात्यासंबंधी चर्चा वाचली आणि आज अशी बातमी.. धक्कादायक आहे.

मनो
Wed, 05/15/2019 - 21:11 नवीन
तात्या ओळख https://youtu.be/R0aRJcLp_Z4 यमनकल्याण https://youtu.be/UYt5vnxQpHw सागरा प्राण तळमळला https://youtu.be/tG06flT0N_8 राग बिहाग https://youtu.be/toWTWN-GO5o सोन्याचा पिंजरा https://youtu.be/eQ-m1NKVucg दैव ज्यात दुःखे भरता https://youtu.be/CMh1YdWtibc ईश्वर मृतात्म्यास शांती देवो

फुटूवाला
Wed, 05/15/2019 - 21:39 नवीन
तात्या अभ्यंकर यांना भावपूर्ण श्रद्धांजली.....

शशिकांत ओक
Wed, 05/15/2019 - 21:44 नवीन
गेले नाहीत! त्यांच्या या संस्थलाची देणगी देऊन आपल्याला सांस्कृतिक, संगीतिक, वात्रट व खुसखुशीत लेखनाचा वारसा चालवून त्यांची परंपरा चालू ठेवायची जबाबदारी सोपवली आहे...

डॉ.प्रसाद दाढे
Wed, 05/15/2019 - 21:47 नवीन
मिसळपावमुळे म्हणजे खरं तर तात्यांमुळे माझ्यासारखे अनेक जण 'लिहिते' झाले. इथे अनेक समविचारी मित्र मिळाले. रामदास, बिपीन, विजुभाऊ, भडकमकरमास्तर, चतुरंग, पिवळा डॅमबिस, केशवसुमार, धमु, प्रभाकर पेठकर आणि अर्थात स्वतः तात्या अश्या अनेक दिग्गजांनी मारलेले चौकार, षटकार आणि त्यावरच्या एकेकाच्या अफलातून प्रतिक्रिया हा सगळा एक सोहळा होता. तात्या फॉर्ममध्ये होते तेव्हाचे धमाल किस्से इथल्या जुन्या मंडळींच्या आठवणीत आहेतच. त्या आठवणीच आता सोबत राहतील

कलंत्री
Wed, 05/15/2019 - 22:43 नवीन
यह जिंदगी मेले दुनियामे कम ना होंगे, अफसोस हम ना होंगे, अशीच काहीशी प्रतिक्रिया तात्याची असेल. आजचा दिवस खुपच हुरहूर लावणारा ठरला. आईसमोरच मुलाचा मृत्यु ही गोष्टच छळणारी आहे. ईश्वरीच्छा बलियसी.

पिवळा डांबिस
Wed, 05/15/2019 - 22:45 नवीन
अतिशय दु:ख्खद बातमी. मृतात्म्यास आदरांजली... तात्याच्या लिखाणामुळेच तर मी मिपावर आलो. वर डॉ. दाढेंनी म्हंटल्याप्रमाणे सुरवातीच्या काळात एक इरसाल ग्रूप जमला होता. तात्याशी चर्चा, थट्टामस्करी आणि हो, वादही भरपूर घातले. कुणाचं काही चांगलं लिखाण अतिशय आवडलं की तो ख-प-लो, असं म्हणून त्याचा स्वतःचा हार घातलेला फोटो प्रतिसादात द्यायचा. इतक्या लवकर ते खरं ठरेल असं अजिबात वाटलं नव्हतं... कुणी मिपाकर गेल्याचं कळलं तर दु:ख्ख होतंच पण त्यात जर ती व्यक्ती माझ्यापेक्षा वयाने लहान असेल तर जास्त यातना होतात.. असो. ईश्वरेच्छा.

श्रीगुरुजी
Wed, 05/15/2019 - 22:50 नवीन
माझा तात्यांशी व्यक्तिगत परिचय नव्हता. त्यांच्याशी कधीच संबंध आला नाही. परंतु इतर अनेकांच्या बोलण्यातून त्यांच्या अष्टपैलू व्यक्तिमत्वाचा परिचय झाला. मिसळपाव हे संकेतस्थळ हे त्यांचे सर्वात मोठे काम. ५० वर्षे हे काही जायचं वय नाही. फार अचानक अकाली गेले तात्या. ६ महिन्यांपूर्वीच बोका-ए-आझम आणि आता तात्या. तात्यांच्या आत्म्यास शांती लाभो. तात्यांना भावपूर्ण श्रद्धांजली!

दादा कोंडके
Wed, 05/15/2019 - 23:15 नवीन
तात्यांना भावपूर्ण श्रद्धांजली!