अशीहि एक धर्म निरपेक्शता

साध्वी प्रज्ञा कैदेत असण्याचं एक साधं कारण म्हणजे त्यांना अजूनही जामीन मिळालेला नाही. जामीन देणं आणि तेही दहशतवादविरोधी खटल्यात - हे पूर्णपणे न्यायाधीशांच्या हातात असतं. असा न्यायव्यवस्थेत हस्तक्षेप करता येत नाही आणि खटला अजून चालूच झालेला नसल्यामुळे साध्वी प्रज्ञा निर्दोष आहेत असं म्हणून सोडूनही देता येत नाही. काँग्रेस सरकारने कट करुन त्यांना डांबले असं मी म्हटलेलं नाही. आताच्या सरकारपुढे हे पर्याय आहेत - १. आरोप मागे घेऊन साध्वी प्रज्ञा यांना निर्दोष सोडणे २. खटला चालवून गुन्हा सिद्ध करणे किंवा सिद्ध होत नाही हे मान्य करणे. जर सिद्ध झाला, तर शिक्षा होईल, नाही झाला तर सुटका होईल. काँग्रेसने कायदा बदलला तेव्हा आकांडतांडव केले आणि स्वतःवर वेळ आली ... - रच्याकने काँग्रेसने कायदा जेव्हा बदलला तेव्हा घटनेच्या चौकटीत राहून बदलला आणि शरियत कायद्याला मुस्लिम पर्सनल लाॅचा भाग बनवून टाकलं. त्यामुळे ते आता धर्मस्वातंत्र्यात समाविष्ट होतं, जो मूलभूत हक्कांमध्ये येतो. त्याला हात लावायचा तर घटना बदलावी लागेल. आता सांगा. तुमचंच आधीचं विधान घेऊन - फक्त १३% लोकांसाठी घटना बदलायची का? आणि तेही असे लोक जे तुमच्या पक्षाला मत देणार नाहीत? त्यापेक्षा त्यांची मनोवृत्ती बदलण्यासाठी प्रयत्न करणं किंवा त्यांचं ते बघून घेतील म्हणून सोडून देणं हे जास्त constructive नाही का? कारण परत धार्मिक स्वातंत्र्य वगैरे मुद्दे येतील. तसंही जेव्हा आता AIMPLB च्या लोकांनी तीन वेळा तलाकचं समर्थन केलं तेव्हा स्त्रियांचे हक्क वगैरेंवर बोलणारे सेक्युलर्स मिठाची गुळणी धरूनच तर बसले होते. वरती तुम्ही आणखी एक मुद्दा मांडलेला आहे - ८०% जनता झोपलेली आहे का? - आपल्या देशात बहुसंख्य लोक माणूस,जात, धर्म वगैरे बघून मत देतात.आख्खं दुसरं महायुद्ध जिंकून देऊनही चर्चिलला नाकारणा-या ब्रिटिश मतदारांएवढी परिपक्वता भारतीय मतदारांमध्ये अजून आलेली नाही. पक्ष, विचारसरणी, कामगिरी वगैरे गोष्टींवर आपल्या लोकांनी लक्ष दिलं असतं तर काँग्रेसचं पानिपत व्हायला २०१४ साल उजाडावं लागलं नसतं. त्यामुळे ८०% जनता झोपली होती का? नाही. त्यांनी झोपेचं सोंग घेतलं होतं. त्यातल्या काही जणांनी अजूनही घेतलेलं आहे.

अशाच बातम्या कुणा मुस्लिम तरुणाबद्दल असत्या तर कोण हळहळलं असतं का? समाजात विखार पसरला आहे. त्याला आवर घालणे महत्त्वाचे. कोण चूक कोण बरोबर च्या भांडणात आपलेच लोक एकमेकांची डोकी फोडून नुकसान करून घेतात. हाच इतिहास आहे. आणि आजुन आपण काहीही शिकलो नाही असेच म्हणावे लागेल.

यातल्या शेवटच्या भागाबद्दल सहमत. पण आधीचा जो मुद्दा आहे - लोक हळहळण्याचा - त्यातही भेदभाव होतोच. आता दादरीमध्ये मारला गेलेला तरुण जर हिंदू असता आणि पोर्क खाण्यावरून किंवा तत्सम कारणावरून मारला गेला असता तर प्रसारमाध्यमं आणि राजकीय पक्ष यांनी आता दिलीय तीच प्रतिक्रिया दिली असती का? अरविंद केजरीवाल आणि राहुल गांधी एका हिंदू माणसाच्या परिवाराला भेटायला गेले असते का? जर तुम्ही खरंच सेक्युलर असाल तर तुम्ही मृत माणसाचा धर्म कोणताही असो, तिथे जायला पाहिजे पण तसं होत नाही. गुजरात दंगलींबद्दल इतकं बोललं जातं, लिहिलं जातं पण नंदीग्राम आणि सिंगुर इथल्या हत्या आणि अत्याचारांबद्दल काहीही बोललं गेलं नाही. कुठल्याही तहलका किंवा कोब्रापोस्टला तिकडे स्टोरी किंवा स्टिंग आॅपरेशन करावंसं वाटलं नाही. अशा selective वागणुकीमुळे लोकांमध्ये राग निर्माण होत असेल तर त्याला फक्त लोक जबाबदार नाहीत. साठपेक्षा जास्त वर्षे राज्य करणारे अाणि सेक्युलर हा शब्द घटनेत अंतर्भूत करणारेही तेवढेच जबाबदार आहेत.

त्याच्यासाठी निव्वळ राज्यसभा नाही तर राज्यांच्या विधानसभांमध्येही बहुमत लागेल कारण हा मूलभूत हक्कांचा प्रश्न आहे.

आपल्याला हा निर्णय आवडलेला नाही हे जनतेने मतपेटीतून पुढील निवडणुकात दाखवून दिले. १९८९ च्या लोकसभा निवडणुकीत काँग्रेसच्या खासदारांची संख्या ४१४ वरून १९५ वर घसरली.

हे अत्यंत फारफेच्ड आहे. यामागे बोफोर्स घोटाळ्याचे आरोप हे मुख्य कारण होतं राजीव गांधींच्या पराभवामागचं.

या महान जावईशोधांसाठी इतिहासाचे नवीन नोबेल पारितोषिक घडवायला पाठवले आहे !

या धाग्यावरील नानासाहेबचा प्रत्येक प्रतिसाद सहस्त्र नोबेल पारितोषिकांच्या योग्यतेचा आहे!