अशीहि एक धर्म निरपेक्शता

लेखासंबंधी: वपुस्टाइल मांडणी चांगली आहे. लेखनशैलीही चांगली आहे. काय चुकले? धर्मनिरपेक्ष हा शब्द वापरून. ती बाई मुस्लिम होती-नव्हती हा भाग वेगळा. इथे लेखकाच्या मनातच धर्म किती रुतून बसला आहे याचे प्रत्यंतर आले. ऐकीव माहितींवरून व सतत एकतर्फी प्रचारावरून सुशिक्षितांचीही मते कशी मातकट होतात याचे हे उदाहरण. अफझलखानाचा वध करणारे शिवाजी हे हिंदू-विरुद्ध-मुस्लिम चे प्रतिक म्हणून प्रचार करून शिवाजींची प्रतिमा/इतिहास बदलण्याचे पातक काही विशिष्ट लोकांनी केले. खरे काय? शिवाजी महाराज हे प्रजेवर अन्याय करणार्‍या सत्तेच्या विरोधात उभारले होते, सत्ताधारी केवळ मुस्लिम होते म्हणुन नाही हे सत्य जाणीवपुर्वक लपवले जात आहे. कित्येक आप्तस्वकियांनाही शिवाजींनी यमसदनास पाठवले तर कित्येक मुस्लिमांस आपली पडछायेचा दर्जा दिला. कुणाचीही निवड धर्म-जाती-पंथ याआधारे न करता केवळ गुणवत्ता व निष्ठा या दोन गुणांवर करणारे खरे धर्मनिरपेक्ष एकमेवः शिवाजी महाराज. त्यांचीच अशी धर्माभिमानी-मुस्लिमद्वेष्टा प्रतिमा उभी करून आपल्या राजकिय पोळ्या शेकून घेतल्या गेल्या. कथेचं काय? इथे ती बाई व्यवसायहेतू हे पुतळे विकते, तीचे शिक्षण-विचारसरणी-मूल्ये लेखकांइतकी उच्च नक्कीच नसतील. ती अर्थव्यवस्थेच्या गरजेअनुरूप वागत आहे. त्यात तिला स्वतः न जाणवणारी धार्मिक बाब लेखकांना जाणवते व लेखकराव त्यांनीच शोधलेल्या तिच्या (गरजेपोटी आलेल्या) धर्मनिरपेक्षपणाचं कौतुक करण्याचा प्रयत्न करतात. अफझलखानास मुस्लिम धर्म चिकटवतात व शिवाजींस हिंदू धर्म चिकटवतात. स्वतःचीच धर्मांध प्रतिमा या कथेतून उभं राहतांना त्यांना जाणवत नाही पण ते अशिक्षित गरीब बाईंच्या धार्मिक मूल्यांची मोजदाद करण्याचा प्रयत्न करतात. प्रतिसादकांचं काय? नेहमीचे यशस्वी लोक आपआपली नेहमीची आयुधे घेऊन नेहमीचे तीर सोडतायत. कंटाळा कसा येत नाही तेच तेच सतत टंकून? कथेवर चर्चा सोडून भलतेच विषय घेऊन एकमेकांवर फुटकळ शरसंधान करण्यात काय मिळतं? खरंच ही कथा शिवाजी-अफझलखान भेटीवर आहे? असो. प्रत्येकाच्या मनोरंजनाचे आपआपले फंडे असतात. कुठल्या दुखर्‍या नसा कोण कुठं कुरवाळीत बसेल ज्याचे त्याला ठवुक. धन्यवाद!

" कंटाळा कसा येत नाही तेच तेच सतत टंकून?" तेही बरचसं धडधडीत खोटं.. अगदी असंच मला नेहमी वाटत या सेक्युलर लोकांच्या बाबतीत. यांच्या म्हणण्याप्रमाणे अफजलखान विजापूरहून निघून वाई ला येईपर्यंत काय शांतीचा संदेश पेरत आला होता असंच असं असतांना करंटे लोक आफ्जुल्याची दाढी बघतात म्हणजे काय? !!! बरं मग मग जर अफजलखानाचा वधाचे चित्र लावून खाली "दहशतवाद असाच संपवावा लागतो" असं चित्र दिसला तरी या सेक्युलर आणि शांती प्रिय लोकांना का मिरची लागते हे मात्र न कळलेले कोडे आहे !! मग ते शांतीप्रिय लोक चित्रे फाडतात, दगडफेक करतात अगदी मग हिंदू दैवतांच्या मूर्तींची विटम्बना होते, जाळपोळ आणि दंगल होते. त्यांना हेच ज्ञानामृत पाजण्याचे शानपन ( पक्षी: धारिष्ट्य) हे सेक्युलर विचारवंत लोक का दाखवत नाहीत असं विचारणे म्हणजे विचारणारे अजून धर्मांध. असो. लोकशाही है. चल्नेकाच . .

नेमके हेच चित्र लावण्यावरून सांगली, मिरज सारख्या संवेदनशील भागात अनेक हिंदू- मुस्लिम दंगली झाल्या आहेत.

काय बदनाम करताय ओ उगा फुकाफुकी आमच्या गावाला. बाबरीच्या वेळीही दंगली नाय झाल्या अन तरी आमचा भाग संवेदनशील? तेसुद्धा एका दंगलीपायी?

खरी धर्मनिरपेक्षता आज मला उमजली होती!!

केहेना क्या चाहते हो, हे मात्र आम्हाला उमजत नाही.... !!!

तसं म्हटलं तर मग कशालाच अर्थ नाही. अनेक वर्षे प्रार्थना न झालेली एक वास्तू पाडली असंही म्हणू शकतो पण तेव्हा सेक्युलर लोकांच्या नाकाला मिरच्या का झोंबतात? जगात प्रत्येकाला मृत्यू आहे. एखादा मेला दुस-याने मारलं म्हणून. काय फरक पडतो? इथे एखादाच्या ऐवजी दाभोळकर, पानसरे आणि कलबुर्गी यांची नावं घाला. मग बघा काय प्रतिक्रिया येते ती. आणि अजून एक, तुम्हाला (व्यक्तिगत घेऊ नका) ज्या गोष्टींनी फरक पडतो किंवा पडत नाही त्याच गोष्टींनी इतरांनाही फरक पडला पाहिजे असा आग्रह धरणं हेही फॅसिझममध्ये येतं. दुस-याच्या न पटणा-या मतावर प्रतिक्रिया देणं हे कधीपासून फॅसिस्ट व्हायला लागलं? अजून एक. सेक्युलर या शब्दाचा खरा अर्थ धर्मनिरपेक्ष आहे म्हणजे सर्व धर्मांना समानता. ज्यांचा सेक्युलॅरिझमला विरोध आहे त्यांचा विरोध राजकीय पक्षांनी ज्या पद्धतीने त्याला विकृत स्वरूप दिलंय आणि sickular बनवलंय त्याला आहे आणि अल्पसंख्यांकांच्या मतांसाठी आणि सत्तेसाठी चाललेल्या अनुनयाला (appeasement ) आहे. तुमच्या सेक्युलर मुक्त भारत या प्रश्नाचं उत्तर तेच आहे. जिथे धर्म हा प्रमुख मुद्दा असणार नाही आणि एखाद्या माणसाच्या मृत्यूची बातमी ही त्याच्या धर्मावर दिली जाणार नाही असा देश.