पहिलाच घोट घातक...!

>>ओल्ड मोंक ची २-३ झाकणे नुसती प्यालो अन काय कमाल दुसर्‍या दिवशी सर्दी-खोकला गायब.

आनि त्यानंतर.. ;)
असो, शतकवीर दंगेखोरांच्या प्रतिक्षेत :)

उत्सुकता, मित्र-मंडळींचा आग्रह, कार्यालयातील पार्टी, हाय-फाय सोसायटीतली स्ट्रारहॉटेलातील पार्टी, बीयर म्हणजे दारु नसते, आनंद-दु:ख, रिलॅक्स वाटावं म्हणुन किंवा सत्यमेव जयतेच्या चर्चेत म्हटल्याप्रमाणे अनुवांशिकतेत असतंच फक्त सुरुवात होण्यासाठी निमित्त लागतं, अशा कारणाने पहिला घोटाची सुरुवात होते आणि मग पॅकचं प्रमाण वाढत चालतं. काहींना कळतं कुठे थांबायचं. काहींना नाही. आणि आयुष्याच्या परवडीला सुरुवात होते. काहींना परत येता येतं. काहींना नाही.

आपण पहिला घोट कधी घेतला ?
अवघड प्रश्न विचारला. :)

-दिलीप बिरुटे

होस्टेलमध्ये काही दिवस एका मित्राच्या रूमवर पॅरासाईट म्हणुन राहत होतो. मी दारू सिगारेट त्याआधी कधी प्यायलो नव्हतो. मित्र रोज संध्याकाळी पिऊन यायचा आणि "साX चुX तुला लेकाला ऐशच करता येत नाही!"
.असा उध्दार करायचा.
हे रोजच चालायचे.एके दिवशी म्हटले दाखव मला तुझी ऐश.आणि तिथे सिगारेट दारूशी पहीली ओळख झाली.
त्यादिवशी इतकी पिली कि मित्र घाबरुन रूममध्ये कोपर्यात गपचुप बसला होता.त्यानंतर मात्र त्याने कधी उध्दार केला नाही.
दारुचे व्यसन असे काही लागले नाही.पण सिगारेट मात्र मानगुटीवर बसली.आणि ती सोडायल जाम प्रयत्न करावे लागले.
एकदा तर वर्ष दिडवर्षाच्या गॅपनंतर पुन्हा ओढायला सुरवात केली होती.
नंतर मात्र निग्रह करुन सोडली.
पण माझ्या त्या मित्राची अजुन काही सुटली नाही.
"यार सिगारेट घेतली नाही तर सकाळी प्रेशरही येत नाही" अशी त्याची समस्या होऊन बसली आहे.
आज कधीतरी फोनाफोनी झाली वा प्रत्यक्ष भेट झाली तर मी त्याला म्हणतो
"साX चुX तुला लेकाला ऐशच करता येत नाही!"
आणि तो ही खरंय म्हणतो.

आधी चर्चाप्रस्ताव वाचून आपण "कुनाच्या नरडीचा घोट प्रथम घेतलात" अशा अर्थाचा सवाल आहे का काय असे वाटले.
अर्थातच ते(ही) कधी केलेले नाही.

ब्रँडी जर लिकर मधे मोडत असेल तर २० व्या वर्षी एक चमचा घेतली. एक चमचा बरोबर एक घोट हे बरोबर असेल तर त्यावेळी एक घोट घेतली. त्यानंतर भुशी डॅम येथे गच्च भिजलो असताना पाव ग्लास व्हिस्की ( डायल्यूट न करता ) घेतली. दोन्ही वेळेस औषध या स्वरूपात
फायदाच झाला. पण दारू पिण्यात काय आनंद असतो रे भाउ ? याचे उत्तर कोणी देइल काय?
आयला, आपल्याला करंटा म्हणा हवंतर ! आपल्याला प्रतापगडावरचे ताकच आवडले जास्त !

आमच्या कॉलेजात एक कंपनी टच भाय होता.
त्याचे संपूर्ण घराणे हे कंपनीमय होते. आणि आर्थर रोड मध्ये बहुसंख्य नातेवाईक.
त्यांच्या वाढदिवसाला मला आमंत्रण मिळाले.आमचे वडील चेंबूर वॉर्डात मनपा चे अधिकारी आहेत ही बातमी त्याच्या कानावर आल्याने त्याने माझ्याशी ओळख व्हावी ह्या विशुद्ध हेतूने मला आमंत्रण दिले होते
( नाही जाऊन सांगणार कोणाला )
त्याने एकच प्याला माझ्या हातात दिला व म्हणाला
पोटभर पी
त्याचा आग्रह आणि निग्रह पाहून मी पहिला प्याला एका दमात रिता केला. .

दारू पिणे वाईट असते.

मी पहिला ग्लास इंजिनिअरिंगच्या दुसर्‍या वर्षाला असताना घेतला. (तेव्हा अमुक दारू वगैरे भेदभाव ठाऊक नव्हते. जी मिळाली ती - रम होती).

आताही अधूनमधून घेतली जाते.

तुम्हाला कोणा मित्राला भेटल्यावर त्याच्याबरोबर दारू प्यायलाच हवी असे वाटत असेल - तर ठीक नव्हे
दारू पिण्याचे निमित्त म्हणून मित्राला भेटत असाल- तर ते त्याहूनही वाईट.

तसे होत नाही तोवर काळजी नसावी.

कोणतंही व्यसन वाईटंच. दारु असो पत्ते असो का अजुन काही.

-

उद्या विचाराल व्हर्जिनिटी कधी गेली. तुझ्या जिभेला काही हाड?

'आपण पहिला घोट कधी घेतला?' ह्या शीर्षकात कसला घोट हे न दिल्याने सांगतो. पहिला घोट जन्मतःच (दुधाचा) घेतला.

पण, पुढे विषय दारुकडे वळला. तेंव्हा तो घोटही, माझ्या तान्ह्या वयात मला जबरदस्त सर्दी झाली असता, वडीलांनी स्वहस्ते, गोकर्णाने ब्रँडीच्या स्वरूपात दिला.

पिणं वर्ज्य नाही पण, मिपाखेरीज इतर कुठलेच व्यसन नाही.

त्या आमीरखानच्या नानाची टांग!
अहो,
आषाढी पासून चातुर्मास लागला.
लोक कांदे वांगे लसूणही खात नाहीत. दारवा बंद करतात अन हा भौ पारण्याच्या/करेच्या दिवशी दारूच्या नावाने भोभो करतोय ;)

(आमीरच्या नावाने संध्याकाळीच दोन थेंब शिंपडून आनंदात 'आजारी' पडलेला) गोपाळ
(Drinking is a disease....)

अविनाशकाका मार्गदर्शक आहेत का????????

मिपावरील मान्यवर महिलांच्या (स्वानुभवी) प्रतिसादाच्या प्रतिक्षेत... ;-)

नुस्ता घोटच नाहे, पेग रिचवले.. ते पण व्हिस्की, वोडका, बियर आणि मॉकटेल्स पण. माझी सिलेक्ट झाल्याची / नोकरी लागल्याची पार्टी होती.. घरी आई-वडीलांना सांगून ठेवलेलं होतं, की पाजण्याची ऐपत येईल तेव्हाच पिणार. त्यादिवशीही घरी सांगितलं होतं की आता पितोय.. ;-)

बाकी दारुच्या दुष्परीणामांवर बोलत नाही. जोपर्यंत माझ्या दारु पिण्याने दुसर्‍या कोणालाही आर्थिक, मानसिक, शारीरीक, भावनिक त्रास होत नाही तोपर्यंत मी "दुष्परीणाम" होण्याइत्पत पितोय असं मला वाटत नाही. (कारण एवढं भान ठेवलं तर तुम्ही जास्त पिऊच शकत नाही.)
ह्याबाबतीत आपण लिंकनसाहेब का कुणाचंतरी वाक्य शिरोधार्थ मानतो.. "Your right ends where your hand touches my nose.."

आमच्या लहानपणी वडील आम्हाला समुद्रावर पोहायला घेऊन जायचे. आम्ही किनार्‍यावरच लाटांत डुंबायचो, पण वडील पार क्षितिजापर्यंत पोहून यायचे. त्यानंतर त्यांच्या एका कोळी मित्राकडे जेवायला जायचो. तोही प्रेमाने आम्हाला भरपूर मासे, कोळंबी खाऊ घालायचा. तर असेच एकदा जेवायला बसलो असताना, मी डावरा असल्यामुळे पाणी प्यायला चुकून डावीकडचा ग्लास उचलला आणि तोंडाला लावला! अशा काही झिणझिण्या आल्या जिभेला! मी ओरडल्यावर सगळ्यांचे लक्ष गेले आणि एकच हास्यकल्लोळ झाला. माझ्या डावीकडे अर्थातच वडील बसले होते. तोच माझा पहिला घोट! (त्यावेळी वय वर्ष होते ५)

शाळेत असतानाचा पहिला? की कॉलेज मधला? की नोकरीला लागल्या नंतरचा? की हाता पायात बेड्या पडल्या नंतरचा पहिला?
धागाकर्त्याला नक्की कुठला 'पहिला' घोट अपेक्षित आहे?

मी दारु सोडली
घशाखाली

पहिला घोट कधी घेतला ह्या प्रश्नात तसा काही दम नाही.

'कुठलीही' गोष्ट 'पहिल्यांदा' करतना त्यात एक अवखळपणा असतो, अतिउत्साही घाई असते, नवलाई असते. त्यामुळे चुका होतात / होऊ शकतात. पण एकदा का सवय झाली आणि त्यातली गंमत कळाली की मग जी काही मजा येते ते अशा प्रश्नांची उत्तरे देऊन कळणे शक्यच नाही. :)

- (रोजच, हा पहिला 'घोट' आहे समजणारा) सोकाजी

आपण पहिला घोट कधी घेतला ?
>>>>>अवघड प्रश्न विचारला.
अशि पळवाट बरी नाही ? कधितरीच संधी मिळते माणसाला......!

उत्तर खुप सोपं आहे. पहिल्यांदा ज्यावेळी हातात पगाराचे पैसे आले होते त्यवेळी. खुप विचार केला पण रहावल नही आणी घेतली. इथे मला पटलं (नवलाई असते त्यामुळे चुका होतात / होऊ शकतात)
पण पैसे नसतात त्या त्या वेळी सोडायाची.

आपण पहिला घोट कधी घेतला ?

दुसर्‍या घोटाच्या आधी.