[या बातम्यांचा मुख्‍य उद्देश विनोदनिर्मिती नसून फक्त रिपोर्टींग आहे. एक टैम्पास कल्पना म्हणून आनंद घेणेत यावा इति विज्ञापना.] नमस्कार! मिपा बुलेटिनमध्‍ये सादर आहेत आजच्या ठ्ळ्ळ-क* बातम्या (*मनसेच्या खळ्ळं-फट्याक सारखं हे ठ्ळ्ळ-क वाचावं) मिपावार अचानक-काम वाढलं आमचा वार्ताहर कळवतो....सध्या मिपावर कामात बरीच वाढ झाली आहे. वस्तुतः सदर कामात अग्रे-सर डॉ.दिवटे यांचा हात-खंडा असुनही अनेकांना तो अजुनही थंडाच असल्याचा भास होतो आहे,पण सदर लेखक यामुळे अजिबात न डगमगता ''सगळे धागे उडाले तरी चालतील,पण मी टाकतच राहिन'' अश्या निर्धाराने लेखन करीत आहे.पण त्याचेमुळे मिपाचे मानसीक आरोग्य बिघडत चालल्याचा अनेक संवेदनशील आयडींना भास होत आहे.म्हणुन आंम्ही डॉ.दिवटे यांस फोनवले असता,त्यांनी -हम्म,,,'बोला काय काम काढले आज अमच्याकडे..?' असा प्रश्न विचारुन,आंम्हास मुलाखतीचे प्राथमिक बीज-पेरणे अशक्य करुन फाट्यावर मारले. ताजी बातमी-यात भरिस-भर म्हणुन एका नवागतानी ''समलिंगी संमंध'' नवाचा खळबळ जनक धागा काढल्याचेही कळले आहे,त्या धाग्याबद्दल विशेष वृत्तांकन करण्यास आमच्याच काही वार्ता-हरांनी चिंताजनक नकार दर्शविल्यामुळे त्या धाग्यावर आलेल्या एकुण प्रतिक्रीयकांपैकी बहुसंख्य उत्तर-क्रीयकांचा विचार करु जाता,तो धागा बराचसा सम-लैंगिकच राहिला हे विशेषत्वाने नमुद करावेसे वाटते. नव अभ्यागतांचे जागरण/गोंधळ सध्या मिपावर नवकविंचे सुप्रजनन जोरात सुरु असुन,त्यांच्या जिलब्यांनी हैराण होऊन मिपावरचे २नवविडंबक शुंभ/निशुंभ कोलित घेऊन त्यांच्या पाठिस पडले आहेत.त्यामुळे नवागतांच्या(ही) गोटात चिंतेचे वातावरण पसरले आहे.याबाबतीत स-खोल तपास केला असता,हाती आलेल्या वृत्तानुसार,एका नवकवीने खाजगीत शुंभ/निशुंभास ''जिवंत सोडण्याचे..? किंवा,अर्धमेलं करण्याचे किती आणी काय घ्याल..?'' असा प्रश्न विचारल्याचे कळले आहे.यामुळे बेचैन होऊन दोहोतल्या एका विडंबकानी पूर्ण मारण्याच्या विडंबन पद्धतीवरुन-''अ व्ह्यु टु अ किल'' नावाची कादंबरी लिहायला घेतल्याचे समजते,दुसर्‍यानेही ''अर्ध-मेलं'' या विषयाला धरुन ''हाफ/फ्राय'' नावाचे खंडन/मंडनात्मक काव्य प्रसवावयास घेतल्याचे आमचा वार्ताहर सांगतो.ही परिस्थिती चिंताजनक असुन यावर लवकरच कारणे व उपाय शोधण्यासाठी मिपाप्रशासन काही जुने खंदक-कवी नेमण्याच्या विचारात आहे,असे समजते. अत्ताच हाती आलेल्या ताज्या वृत्तानुसार यातल्याच एका खंदक-कवीने,नवकवींचा पक्ष उचलुन धरण्यासाठी-'' नवकविंची दैना-कुंथले तरी होइना'' या मथळ्या खाली एक सदर चालवुन विडंबकांचा कोथळा काढण्याचे योजिले आहे,असे कळते. मद्याचार्य सोत्री यांचा ट्रिपल दणका... गेल्या काही दिवसात मिपाचे आद्य मद्याचार्य सोत्री यांनी सामान्यपणे एकाच अठवड्यात तिन निरनिराळ्या विषयांना हात घालुन आपले सो-त्री हे आयडीनेम सार्थ केले आहे. ''विषय कोठलाही असला तरी शेवट पर्यंत घट्ट पकड'' हे त्यांचे अभ्यासू वैशिष्ठ्य ओळखुन मिपाचे आद्यखाद्य साहित्तीक-मा.गणपाभाऊ त्यांचा कोंबडी देऊन उदर सत्कार करणार असल्याचे समजते.याविषयी अधिक जाणुन-घेण्यासाठी आमचे एक विशेष वार्ताहर त्यांचेकडे गेले असता,ते सध्या मिपावरिलच एक अट्टल तंबाखुबाज सदस्य ''अत्रुप्त आत्मा'' यांना 'गाथा तंबाखुची' नावाचे सदर सुरु करण्यास मदत करायला गेल्याचे समजले. (त्यावेळी अत्रुप्त आत्मा,हे खाता तंबाखु-ही किकं लागे जीवा नावाचे विडंबन काव्य लिहिण्यात दंग होते,असेही समजले ;-) ) मदनाच्या-बाणाने कबुतरे उडाली येथिल हौशी फोटुग्राफर या उपनामाभिधानाने वावरणार्‍या एका पक्षीप्रेमी आयडीने थंड-पडलेल्या कलादालनास नवचैतन्याचे धुमारे फोडल्याचे आम्चा वार्ताहर सांगतो. या धाग्याबाबत ''अप्रीय पण वेचले पाहिजे'' अश्या धोरणानी काढलेले कबुतरांचे फोटो पाहाण्यास पक्षी-प्रेमींनी एकच गर्दी केल्याचे समजते.विशेषतः शेवटच्या तिन/चार फोटोस दाणे टाकावयास आलेल्या काही नवोत्सुक पक्षीप्रेमींची ''अरे यांचे मिलन पाहु नका, त्यातुन पुढे सं-कटाची चाहुल लागते'' असे भविष्य वर्तवुन मा.किचेन तैंनी या नवोत्सुकांस कबुतरांसारखे पांगवले.परंतु शेवटी/शेवटी,,,'' हे कबुतर नसुन-पक्षी-पारवा आहे'' असा एकांनी मराठमोळा वाद उपस्थित करुन स-मस्त कबुतर्‍यांचे चबुत्रे उडवले.या वादास अजुन एक खमक्या मिपा सदस्या...पियुशा यांनी फक्त याच आयडीच्या धग्यावर वापरायचे,स्पेशल मुन्नाभाई हिंदी टिकास्त्र काढुन समस्तांची बोळवण केली.परंतु या उप्परही अनेकांनी या पक्ष्याची यथेच्छ घाण काढुन बर्‍यापैकी विरोध नोंदवल्याचे कळते. पाक-कृती विभागावरिल प्रस्थापितांची पकड ढिली मिपा बुलेटिन पाक्षिकाचे गेल्या संपूर्ण पंधरवड्याचे जमेस पडणारे वृत्त म्हणजे वरिल मथळ्यातील आशय...या विभागात अनेक नविन खेळाडुंनी दणक्यात हजेरी लावल्याचे आग्रहाने नमुद करावेसे वाटते..तरिही प्रस्थापितांना हादरा देणारी तशी एकही पाक-कृती यात आलेली नाही.हा नवोदितपणाही लक्षात घेण्याजोगा असल्याचे आमचा(एक) वार्ताहर म्हणतो. कॉमन म्यान शिरल्याच्या अफवेनी मिपाकर त्रस्त गेल्या काही दिवसापासुन मिपा शहराच्या काही जनामनातल्या गल्ल्यांमध्ये व काथ्या-कूट मेगा हायवे वर सर्व सामान्य विषयांच्या गाड्या अडवुन एका कॉमन म्यानने हैदोस घातल्याचे समजते.हा सदर इसम धाग्यावर येणार्‍या नवागतास व सर्वसामान्य आयडीस फसविणे साठी,,,साध्याविषयाचे पिठात जड शब्दांच्या गुंगीचे औषध घालुन त्याच्या प्रथमदर्शनी वाचनात पडावे अश्या म्याटरची जिल्बी खावयास देतो.व नंतर त्यांची वैचारिक लुट करतो.मिपा शहर गुप्तहेर विभाग या इसमास खराखुरा पकडण्यासाठी डोळ्यात तेल व मेंदुत त्याचे नावाचे- इ-मेल घालुन प्रचंड मेहेनत करित असल्याचे समजते.तरिही मि.पा.पोलिस निरिक्षक श्री. छोटा डॉन प्रतिहल्लावादी,यांनी सर्व मिपाकरांस अशी विनंती केली आहे,की मिपावर गर्दीचे वेळी काही विशिष्ट धाग्यांवरुन फिरताना आपले विचारधन नीट जपुन वागवावे.कुणास कुणाचाही...''हाच तो असावा'' असा संशय आल्यास...तातडिने मिपाचे बिन-तारी विभागात कळवावे...तिकडली लाइन एंगेज लागल्यास सं.पा.दक. असे आपल्या(च) मोबॉइल वर टाइपुन पुढे समस्या लिहुन तो संदेश चल-हट-चल-हट-चल-हट या नंबरवर त्वरित पाठवावा....परंतु कोणत्याही परिस्थितित कायदा कि-पॅडवर घेऊ नये. हे पाक्षिक यक्कू प्रतिष्ठानचे परवानगिने श्री.अत्रुप्त आत्मा यांनी आज रोजी प्रसारित केले,सदर वृत्तांकामधे काही अक्षेपार्ह भाग अढळल्यास तो लेखकाच्या केवळ टंक-लिखिताचा भाग समजावा,यक्कूप्रतिष्ठान वर त्याची कोणतीही जबाबदारी नाही ;-)