Skip to main content

मलाही कविता सुचली

लेखक दमामि यांनी गुरुवार, 21/05/2015 या दिवशी प्रकाशित केले.
मलाही कविता सुचली मलाही कविता सुचली ।। ध्रु. ।। सक्काळी सक्काळी उठून ब्रशला पेस्ट मी लावली आणि काय सांगू चक्क मला कविता सुचली ।। १ ।। आंघोळीसाठी दरवाज्याची कडी मी लावली आणि काय सांगू चक्क मला कविता सुचली ।। २ ।। हाफिसात निघताना बुटाची लेस मी बांधली आणि काय सांगू चक्क मला कविता सुचली ।। ३ ।। बायकोच्या आज्ञे वरून रात्री भांडी मी घासली आणि काय सांगू चक्क मला कविता सुचली ।। ४ ।। कवी - अथक घासकडवी (माझा पहिलाच प्रयत्न आहे तरी गोड मानून घ्यावा ही विनंती . तुम्हाला कधी सुचते हो कविता ? )
काव्यरस
अभय-काव्य
अभय-लेखन
लेखनविषय:
वाचने 7407
प्रतिक्रिया 29

प्रतिक्रिया

खेडूत गुरुवार, 21/05/2015
अतिसुंदर! अथकपणे अश्याच कविता करा! मात्र ही कविता 'अभय-काव्य' प्रकारात येत नाही. त्यासाठी काही काळ अभ्यास करा.
तुम्हाला कधी सुचते हो कविता ?
स्वप्नातही नाही ! मात्र सर्व कविता आवडतात … (आणि हो! तुम्ही गुर्जिंचे कोण? या प्रश्नाचं उत्तर शोधून ठेवा . )

दमामि गुरुवार, 21/05/2015
धन्यवाद! गुर्जी कोण यावर प्रश्नाचे उत्तर अवलंबून आहे.

चित्रगुप्त गुरुवार, 21/05/2015
ब्रश करणे आणि आंघोळ, यामधील काळात वर्तमानपत्र नेल्याने कविता सुचली नाही वाटते. चला, एकदाचे सुचलेली कविता लिहूनका होईना, मोकळे होणे बरे.

पैसा गुरुवार, 21/05/2015
बरं बरं. इथे काहीजणांना कविता होतात.

विवेकपटाईत गुरुवार, 21/05/2015
बायकोच्या आज्ञे वरून रात्री भांडी मी घासली आणि काय सांगू चक्क मला कविता सुचली या ओळी मात्र सत्य कथन आहे.

तिमा रविवार, 24/05/2015
आंघोळीसाठी दरवाज्याची कडी मी लावली आणि काय सांगू चक्क मला कविता सुचली ।। कडी लावली नसतीत तर इतरांना पण कविता सुचली असती.