मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

काळ्याशार भुईवर हिरवी क्रांती

गणेशा · · जे न देखे रवी...
लेखनविषय:
कविता
जीवनमान
काव्यरस
शृंगार
रानातली वाट.. एक न संपणारा परिघ -२ कोसळल्या सरी.. दूर डोंगरमाथी... भरारल रान सारं, गंधाळली माती गच्च ओल शिवार.. फुललेली कांती हिरव्या पात्यावर,. मोत्यांची नक्षी पांढर्‍याफटुक ढगांची रेशमी दुलई काळ्याशार भुईवर हिरवी क्रांती बांधावर उभी कोवळी रानजाई नटलेल्या सृष्टीवर आभाळाची प्रीती कोसळल्या सरी.. दूर डोंगरमाथी... भरारल रान सारं, गंधाळली माती || झिम्माड गर्द रानात.. टिफण चालती सर्जा-राजाच्या पायामधी भिंगरी फिरती औंदाच्या पावसात बांधणार चारभिंती घराच्या छप्पराला स्वप्न टांगली कौलांची ------------- शब्दमेघ ( १६ जुन २०११, रानातली वाट.. एक न संपणारा परिघ) १. आभाळाच्या मांडवाला भुई ची रे हाक ३. टिपुर आशेचं दाणं
वाचने 4035 वाचनखूण प्रतिक्रिया 14

प्रकाश१११ 16/06/2011 - 21:15
गणेशा -खूप छान कविता. आवडली.अगदी मनापासून. कविता वाचून मन भरून गेले. खूप शुभेच्छा !!

मिसळलेला काव्यप्रेमी 17/06/2011 - 12:04
पांढर्‍याफटुक ढगांची रेशमी दुलई काळ्याशार भुईवर हिरवी क्रांती बांधावर उभी कोवळी रानजाई नटलेल्या सृष्टीवर आभाळाची प्रीती
क्या बात! क्या बात!! जियो!! वाचनखुण साठवलेली आहे!! :)