Skip to main content

काळ्याशार भुईवर हिरवी क्रांती

लेखक गणेशा यांनी गुरुवार, 16/06/2011 17:55 या दिवशी प्रकाशित केले.
रानातली वाट.. एक न संपणारा परिघ -२ कोसळल्या सरी.. दूर डोंगरमाथी... भरारल रान सारं, गंधाळली माती गच्च ओल शिवार.. फुललेली कांती हिरव्या पात्यावर,. मोत्यांची नक्षी पांढर्‍याफटुक ढगांची रेशमी दुलई काळ्याशार भुईवर हिरवी क्रांती बांधावर उभी कोवळी रानजाई नटलेल्या सृष्टीवर आभाळाची प्रीती कोसळल्या सरी.. दूर डोंगरमाथी... भरारल रान सारं, गंधाळली माती || झिम्माड गर्द रानात.. टिफण चालती सर्जा-राजाच्या पायामधी भिंगरी फिरती औंदाच्या पावसात बांधणार चारभिंती घराच्या छप्पराला स्वप्न टांगली कौलांची ------------- शब्दमेघ ( १६ जुन २०११, रानातली वाट.. एक न संपणारा परिघ) १. आभाळाच्या मांडवाला भुई ची रे हाक ३. टिपुर आशेचं दाणं
काव्यरस
शृंगार
लेखनविषय:
वाचने 4051
प्रतिक्रिया 14

प्रतिक्रिया

पप्पु अंकल गुरुवार, 16/06/2011 18:35
..................पण अजुन काहीतरी हवय !

प्रकाश१११ गुरुवार, 16/06/2011 21:15
गणेशा -खूप छान कविता. आवडली.अगदी मनापासून. कविता वाचून मन भरून गेले. खूप शुभेच्छा !!

मिसळलेला काव्यप्रेमी शुक्रवार, 17/06/2011 12:05
अहो ननि, पावसाचा परिणाम प्रत्येक संवेदनशील माणसावर होतच असतो, कविला व्यक्त करता येतो, इतकेच!! :)

मिसळलेला काव्यप्रेमी शुक्रवार, 17/06/2011 12:04
पांढर्‍याफटुक ढगांची रेशमी दुलई काळ्याशार भुईवर हिरवी क्रांती बांधावर उभी कोवळी रानजाई नटलेल्या सृष्टीवर आभाळाची प्रीती
क्या बात! क्या बात!! जियो!! वाचनखुण साठवलेली आहे!! :)