चल उसात दंगा करू

पाषाणभेद · 25/02/2010 - 11:48 · जे न देखे रवी...

लेखनविषय:

नृत्य

काव्यरस

चल उसात दंगा करू मंडळी, आप्ला ह्यो हिरो आन हिरवीन मस्तपैकी श्येताव आल्याली हायेत. त्ये काय करूं र्‍ह्यायलेय त्ये पाहू चला: (पैकं नसल्यांनं एका डबड्यात ग्येल्येल्या पिच्चरमंधी ह्ये गानं टाकेल हाय.) हिरो:

पिक आलं वयात आता नको उशीर तू ग करू अग पारू... चल उसात दंगा करू

हिरो:

डोईवरी पदर घेवूनी आलीस मोठ्या नखर्‍याने सांग सजणी भ्यालीस का तू माझ्या असल्या वागण्याने?

हिरवीन:

गाव बोलंना काहीबाही पन लगीन आपलं र्‍हायलंय ठरू लाजायची येळ गेली अन मी फिकीर कशाची आता करू

हिरो:

आसंच आसलं तर मग अग पारू... चल उसात दंगा करू

हिरो:

पाटपान्यात भिजलेत पाय लागल्यात मासोळ्या दिसू हात लागता हाताला मग डाळींबी दाण्यांना आलं हसू

हिरवीन:

मी तर मैना लाडाची रे सच्या तुच माझा राघू तरीबी सांगते नका उगा कौतीक करू

हिरो:

आरं..र्रर्रर्र.... अग पारू... चल उसात दंगा करू

वाचने 2958 वाचनखूण प्रतिक्रिया 10

पाषाणभेदजी

नंदू 25/02/2010 - 12:03

पाषाणभेदजी, आज दादा कोंडके असते तर त्यांनी तुम्हाला डोक्यावर घेतलं असतं. ;)

मला कवितेच

Dhananjay Borgaonkar 25/02/2010 - 14:14

मला कवितेच शिर्षकच लै भावलं... येक नंबर... दंगा चालुदे...

तुमचा

चतुरंग 25/02/2010 - 14:28

'ऊस लावणी ' ते 'उसातली लावणी' असा प्रवास पाहून अत्यानंद झाला! :D (ऊस तोडणी कामगार)चतुरंग

हाहाहा

प्रा.डॉ.दिलीप बिरुटे 25/02/2010 - 19:59

>>>'ऊस लावणी ' ते 'उसातली लावणी' असा प्रवास पाहून अत्यानंद झाला! =)) आरं आवरा रे कोणी या चतुरंगाला...! बाकी गाणं लिव्हित राव्हा....! -दिलीप बिरुटे [तमाशा आणि लावणीचा रसिक]

चल जोसात

शुचि 25/02/2010 - 19:29

"चल जोसात दंगा करू" असं शीर्षक द्यायचं होतं का तुम्हाला? :) ते अमेरीकेत कसं नवी लोकं "सॅन होसे" ला "सॅन जोसे" म्हणतात माहीत नसल्यानी तस काहीतरी. ********************************** या जगात दुर्लभ असे काही असेल तर ती सद्वासना आहे - वाचनात आलेला सद्विचार (ज्ञनेश्वरीतील ओवीवर आधरीत)