अलिकडेच माधुरी दीक्षितला लिहिलेलं अनावृत्त पत्र आणि त्यावरून झालेली चर्चा वाचली. काही जणांनी असा सूर लावला की माधुरी दीक्षित ही काही फार मोठी अभिनेत्री नव्हे. इतरांनी त्या विरोधात नि बाजून मतं मांडली. हे सगळं वाचताना असे विचार मनात येत होते की, माधुरी दीक्षित म्हणा किंवा अन्य अशा स्वरूपाच्या एकेकाळच्या किंवा आताच्या लोकप्रिय नटनट्यांबद्दलची चर्चा वाचताना आपण यामधे मनाने गुंतत नाही आहोत. उदाहरणार्थ या प्रकरणी ही व्यक्ती चांगली अभिनेत्री आहे की नाही हा प्रश्नच मला महत्त्वाचा वाटेनासा होता.