सिलिकॉनदरीत/वसे तो जेसन शिका हा लेसन / तरुणींनो त्याच्या डोक्यामध्ये / आज्ञावली फक्त संगणकी रक्त/ खेळतसे रस्त्याने चालता / एका प्रात:काली बेडकी बोलली / शेजारून "अरे राजपुत्रा/ राजकन्या मीही बेडकाचे देही/ शापग्रस्त मला उचलून / स्वगृही नेशील आणिक घेशील / चुंबन ते प्रगटेल माझे / मानवी शरीर "कामा" स उशीर / मग नाही जन्मभर तुझी/ होईन मी कांता आनंदा अनंता/ मुकू नको " जेसनने तिला / मग उचलले आणिक ठेविले / खिशामाजी घरामध्ये तिला / दिले छोटे घर खायलाही चार / किडे बिडे आठवडे झाले/ कित्येक दिसांचे पण चुंबनाचे / नाव नाही बेडकी अखेर/ झालीसे हताश स्वरात निराश / प्रश्न करी "अरे प्रिय म

पृथ्वीगोलाच्या पोटात अगदी मध्यावर एक विस्तीर्ण दालन आहे ज्यात सर्व हरविलेले मोजे जातात. त्यांचा प्रतिदिन वाढणारा ढीग पाहून देव कपाळाला हात लावतो. एकाही मोज्याची जोडी हजर नसते. तुम्ही जर तुमच्या लाडक्या मोज्याची जोडी शोधत बसाल तर एक अब्ज वर्षे लागतील. या वरून हे सिद्ध होते की मानवाच्या दोन बाजू सारख्याच असल्या पाहिजेत हा नियम निसर्गालाही मान्य नाही. पुरुषांनी दोन वेगळे मोजे घातले तर बायकांनी त्यांस हसू नये असा नियम करता येईल.पुरुषांनीही हसू नये (पुरुषांना). बायका असे होऊ देतच नाहीत. बहुधा त्या एकाच प्रकारचे शेकडो मोजे विकत घेत असाव्यात. हुशार असतात. xxx Milind Padki

थेट रात्रीचे नऊ वाजता हजारएक हात इमेल बघायला स्तब्ध असताना मुळे सर पोतडीतून आज मारायचा विजयी शब्द काढतात प्रमाथी,दुरंत,अक्षुन्ण किंवा ग्रामीणपणे यंग्राट,अत्रंग,आडभंग एक मिनिटात अर्थ सांगणे दूरच,मात्र काही स्त्रिया त्यांच्या शब्दांनी कामोत्तेजित होतात व सर्व पुरुष खजील, असे मानले जाते. शब्द-घोडा दुबईतील इंजिनियर,अमेरिकेतील संगणक-अभियंते, दिल्लीतील भाग्यनियंते, लंडन-मधील वेटर्स पर्यंत जाऊन न मरता परत येतो, एक मिनिटात सर पुढची इमेल पाठवितात: 'हात रांडेच्च्यो" कॉम्प्युटर बंद करतात, आणि विजयी मुद्रेने आपल्या वांगणी (चोराची) या गावी झोपी जातात. उद्याचा घोडा मनात हळूहळू आकार घेऊ लागतो. xxx : मिलिंद