मिसळपाव
मी तुझा
या नभातील तारका तू मी तुझा गं चांदवा
सावली माझी जणू तू मी तुझ्यातील गारवा ।।
रंग हे तारांगणीचे रंगले नयनी तुझ्या
छंद माझे गंध होऊन दंगले स्वप्नी तुझ्या
तू असे आकार माझा मी गुलाबी ही हवा
सावली माझी जणू तू मी तुझ्यातील गारवा ।।
अंतरीचे ते चिरंतर स्वप्न तु जे पाहीले
तेच माझ्या या मनाच्या अंतरीही रंगले
तुच सारी राञ माझी मी नशीला काजवा
सावली माझी जणू तू मी तुझ्यातील गारवा ।।
काव्यरस
![.](https://c2.staticflickr.com/6/5809/22696884128_563f4175fa_b.jpg")
चितळेंचे भारतातून आणलेले इन्टंट गुलाबजामचे पाकिट संपले. गिट्स चे मला आवडत नाहीत आणि दुधापासून खवा करायचा तर आटवताना त्या दुधालाही कंटाळा येतो तर मला कुठचा उत्साह असायला? पण दिवाळीपाडव्याला गुलाबजाम तर हवेच होते आणि घरचेच हवे होते. म्हणून मग पेढ्यांकरता केला तसा सारखा इन्स्टंट खवा केला. पण मिल्क मेड खूप गोड असते ना, पेढ्यांना ते चालले पण इथे जरा वेगळी परिस्थिती होती म्हणून मग जरा वेगळा खवा प्रयोग केला.