'तू माझ्या कवितेची प्रेरणा आहेस....' असं काही नसतं गं कारण तू जवळ असताना मला कविता लिहावीशी वाटणं हा तुझा अपमान तरी आहे . . . किंवा पराभव तरी....

नोटा (चाल : गे मायभू तुझे मी) नोटा अनेक असती येती तुझ्याकडे त्या मी नोट शोधतो माझी परक्याच भासती साऱ्या दूरस्थ योजना* त्या खुणवी सदा मनाला मी गुंतवित जाता बुडतात घेऊनि मजला मागावयास जाता देती कुणी न काही नोटांनी भरले पाकिट मी स्वप्नी रोज ते पाही * योजना - बँका, पतपेढ्या इ. आणतात त्या नवनवीन "स्कीम"

( धुंदी कळ्यांना धुंदी फुलांना.. ह्या भावगीताच्या चालीवर म्हणता येते.) दोन जीवांची इथे भेट झाली रात्र सारी आज चांदण्यात न्हाली ||धृ || तुला पाहता मन हे मोहरले तुझे माझे नेत्री शब्द अश्रूरूप झाले शब्दावीण संवाद अंतर्यामी झाला तुझे माझे मनी आज अनुराग झाला ||१ || तुझे लाजणे ते अन् हसून बघणे मोग-यांचे गजरे केसांत गं माळणे तुझ्या स्पर्शाने तनु रोमांचित होई तुझा आणि माझा श्वास एकरूप होई ||२ || तुझे माझे नाते चिरंतन राहो प्रेमभाव आपुल्या मनी वृद्धिंगत होवो एकमेका साथीने जीवन जगणे शरीरे वेगळी मन एकरूप होणे ||३ || कवी आणि गीतकार : वैभव दातार भ्रमणध्वनी :८८९८४८२३८२