जीवाला जप तुझ्या, त्यात जीव माझा गुंतला आहे निम्मा रस्ता इतक्यातच संपला आहे पुढच्या वळणावर राहू परत उभे हातात हात घालून जाऊ सोबत दोघे जीवाला जप तुझ्या, त्यात जीव माझा गुंतला आहे सावर सगळे काळजीने, आयुष्य जग आनंदाने पुढचा रस्ता खुप खडतर आहे जीवाला जप तुझ्या, त्यात जीव माझा गुंतला आहे फिरुनी सोबत जगण्यासाठी उमेद ठेव जराशी उमेदिसोबत शारीर न झुकणार आहे जीवाला जप तुझ्या त्यात जीव माझा गुंतला आहे

मनात ही हूर हूर आज प्रियासाठी रागावू नकोस मन वेडे तुझ्यासाठी तू अन तूच तर सखा का आरसा माझ्या मनाचा ?? घे पूर्ण आनंद या जगण्याचा, तुझ्या-माझ्या मैत्रीचा क्षण मौलिक हे मिळणारे, घे जागून तू मुक्तपणाने जग येईल कवेत तुझ्या, तू घे भरारी आनंदाने

आज अचानक तो क्षण आठवे माझे श्वास स्तब्ध गोठवे दिवस अन रात ती एकमेकांसवे अवीट असे ते गावे गोडवे कालचक्र फिरुनी उलटे क्षणोक्षण वाटे हे माझे हवे वास्तवाची जाणीव होता अस्तित्वही मग चटकावे तुझे जाणे असे घडावे हूरहूर मनास सतावे कधी या पक्ष्याने पिंजऱ्यातून उडावे ?

सहज वाटे धावत जावे गावाच्या आठवणीत क्षणभर थांबावे तो गाव मज आठवे सुर पारंब्या, मन जेथे झुलवे ती आंब्यांची न्याहारी त्या रात्रीच्या गप्पा धुंडाळला लपंडावात वाड्याचा हरेक कप्पा त्या संध्याकाळच्या वेळी गप्पा न् रानापर्यंत फेऱ्या रसाळ रानमेवा तो रानातल्या झाडावरील साऱ्या लाडिक हट्टाने घेतलेल्या त्या वाण्याकडील गोळ्या नव्या कोऱ्या लोणच्यासोबत त्या धबाडक्या पोळ्या त्या भुताखेतांच्या गोष्टी ते गोधडीसाठीचे भांडणे मिळता पांघराया गोधडी भावंडांना चिडवून रडवणे सारे हरवले आता हे, सर्व आहे मज ठावे तरीही मन पुन्हा पुन्हा गावाकडेच धावे

हुरहूर मनी दाटता चाहूल तुझी लागता क्षणात वाटे आला वारा अलवार केस उडवणारा तुझा तो तनगंध करे मज बेधुंद हळुवार तलम स्पर्श फुलवे मनी हर्ष कधी जातील विरह क्षण कधी संपतील हे वर्ष

3

3

3