Skip to main content

चला हेल्मेट घाला रेऽऽऽ........

लेखक मनिषशिल्पाअनुसे यांनी शुक्रवार, 22/07/2016 10:20 या दिवशी प्रकाशित केले.
काही ही हां ... दिवाकर साहेब थोड्याच वेळा पूर्वी बातम्या पाहिल्या , हेल्मेट परिधान केलेल्यांनाच् पंपा वर पेट्रोल मिळणार , दिवाकर रावतेंचा आदेश. काय म्हणावे याला , हेल्मेट सक्ती साठी काय नवीन नवीन शक्कल लढवली जाते यापेक्षा सार्वजानिक वाहतूक कशी समक्ष यासाठी अशी शक्कल का लढवत नाही रावते साहेब ??? मुळातच हेल्मेट अत्यंत जरुरी आहे पण त्यासाठी सक्ती कशा साठी करता..आणि हेल्मेट ही पूर्णपणे सुरक्षित आहे का , पुण्यात मंध्यतरी अपघातात हेल्मेट धारक दोन महिलांचा मृत्यु झाला मग यास जबाबदार कोण. हेल्मेट पेक्षाही महत्वाचे आहे वेगावर नियंत्रण आणि संयम व सक्षम वाहतूक प्रणाली ,उत्तम रस्ते. हे राहिले बाजूला आणि हेल्मेट सक्ती करता ,आधी हे सांगा पुण्यात 30 लाख दुचाकी वाहने आहेत तितके हेल्मेट उपलब्ध आहेत का ??? मग कुठल्या निकषा वर करता अशी हेल्मेट सक्ती. -मनिष अनुसे ७०५७२१८१०६
वाचने 24623
प्रतिक्रिया 126

प्रतिक्रिया

मनिषशिल्पाअनुसे शुक्रवार, 22/07/2016 10:49
मान्य आहे की,हेल्मेट हे सुरक्षेचे साधन आहे....म्हणुन काय सक्ती????मुळात आपले रस्ते नीट नाही,ते राहील बाजुला.आणि बाकीचे ’उद्योग’ सुरु झाले आहेत......

पी. के. शुक्रवार, 22/07/2016 11:14
दु चाकी स्वरांनी हेल्मेट घालावं हा प्राथमिक नियम आहे तो न पाळल्यामुळे सरकार ला सक्त्ती करावी लागतीय. रस्ते नीट नाही आणि हेल्मेट या दोन गोष्टीचे लॉजिक नाय समजलं. डोकं फुटून आपला जीव गेला तर यमाला असं नाय म्हणू शकत की रस्ते खराब केले ते लोक आगोदर उच्चल.

रॉजरमूर रविवार, 14/08/2016 21:09
खड्डे आणि हेल्मेट च्या संबंधातील लॉजिक नसेल कळत तर आजची ही बातमी वाचा . सगळे लॉजिक क्लिअर होतील . इथे खड्डे ही आहेत आणि हेल्मेट ही आहे . हेल्मेट घातले की जणू तुम्हाला जीवन सुरक्षा कवच प्राप्त होते असा समज असणार्यांनीही ही आणि म्हणून त्याचा धोशा लावणार्यांनीही बातमी अवश्य वाचावी .

पी. के. मंगळवार, 16/08/2016 15:08
आतिशय दुःखद बातमी. अशी दुःखद बातमी दाखवून लॉजिक क्लिअर करण्याची काय हि मानसिकता.. हेल्मेट मुळे वाचला आशा खूप बातम्या असतात पण नकारात्मक चस्मा घातलेल्याना त्या नाही दिसतं. हेल्मेट घातलं म्हणून वाचलो सांगणार भेटतात, हेल्मेट नाही घातलं म्हणून वाचलो सांगणार नाही भेटत.

थॉर माणूस बुधवार, 17/08/2016 23:44
हे तुमचे हेल्मेट न घालण्यामागचे लाॅजिक असेल तर तुम्हाला हेल्मेटची गरजच नाही. हेल्मेट आघात कमी करण्याकरीता असते, ते काही अभेद्य कवच नाही. पण हेल्मेट मुळे वाचलेले किमान 5-6 लोक मला माहिती आहेत. 2 केस नव्या को-या रस्त्यावर घडलेल्या. त्यामुळे हेल्मेट घालायचे नसेल तर राहूद्या, फक्त हा कायद्याने दंडनीय अपराध असल्याने (MVA 1988 section 129) अडवल्यावर पावती फाडली की रस्ते खराब म्हणून रडू नका.

अभ्या.. शुक्रवार, 22/07/2016 11:47
हा, जोपर्यंत पंपवाले ह्यात पडत नाहीत तोपर्यंत चांदीय. एकदा त्यांनी पंपावरच दोरीने बांधून हेलमेट लटकावले कि आपला बाजार उठला.

जागु शुक्रवार, 22/07/2016 11:11
मला तर माझ्या घरातूनच सक्ती आहे. गेले ८-९ वर्षापूर्वी मी गाडी घेतली आणि ऑफिसला नेणार हे ठरले तेव्हा नवर्‍याने आधीच ताकिद दिली की हेल्मेट घालून गाडी नेणार असशील तर ने नाहीतर नको नेऊ. ह्यात पुर्ण काळजी होती. सात-आठ दिवस जरा मला जड गेल पण नंतर सवय झाली. आणि आता इतकी सवय झाली आहे की हेल्मेट नसेल तर मला त्रास होतो. ही सक्ती मला एकदा लाभदायक ठरलेली. ऑफिसच्या रोडला रेल्वे ट्रॅक आहे. एक दिवस ट्रेन आल्याने फाटक बंद होते व पुढे खुप गर्दी होती म्हणून एका झाडाखाली उन होत म्हणुन गाडी बाजूला घेऊन तिथेच थांबले. इथे रस्ता पूर्ण मोकळा होता. पण एक मागून क्रेन आली आणि माझ्या अ‍ॅक्टीवाच्या पुढच्या भागाला धडक दिली. ती दिल्या बरोबर गाडी पडून मी पाठच्या बाजूने डोक्यावर पडले. मला कळलेच नव्हते काय झाले कारण अपघात होण्यासारखी परिस्थितीच नव्हती. नंतर पाहीले क्रेन पुढे जात होती. त्याला ओरडून थांबवले. माझ्या गाडीचा पुढचा भाग तुटला. हेल्मेटला खालच्या बाजूने थोडी चिर गेली. तेव्हा मला जाणवले की जर आज हेल्मेट नसते तर काय झाले असते. कोणताही प्रसंग सांगून येत नाही. आता रोड चांगला होता, ट्रॅफिक नव्हती की काही नव्हत. त्या क्रेन वाल्याने क्लिनर बरोबर घेतला नव्हता ही त्याची चुकी होती. ह्या वरून मी हे शिकले की आपण स्वतःच्या सेफ्टीचा विचार करावा. सरकार सक्ती करतोय म्हणुन नाहीतर आपल्या स्वताच्या सेफ्टीसाठी हेल्मेट घाला. कोणाला त्याचा अगदीच त्रास होत असेल तर ती गोष्ट वेगळी.

चौकटराजा शुक्रवार, 22/07/2016 11:19
कोर्टाने आदेश दिल्याचा संदर्भ देत दिवाकर रावते हे हेलमेट सक्तीच्या पाठीमागे लागले आहेत आपल्याकडून कोर्टाची बेअदबी होउ नये म्हणून कोणताही राज्यकर्ता हेच करील. त्यात त्याना दोष देण्याचे कारण नाही. याच प्रमाणे पिंपरी चिंचवड मधील ६६००० अनधिकृत बांधकामे पाडून टाका म्हणूनही कोर्टाने आदेश दिलेला आहे. जोपर्यंत त्यातील एखाद्या बांधकामाच्या ढिगार्‍याखाली एखादे बालक सापडणार नाही तो पर्यंत ती कोर्टाची बेअदबी झाली हे राजकारणी ठरवणार नाहीत. त्यात मतदानाचा मोठा भाग आहे. त्याला मग माणुसकीचा मुलामा नगरसेवक द्यायला एका पायावर तयार असणार आहेत. या संदर्भात पेट्रोल पंप चालकानी पोलिस खात्याची उपस्थिती पेट्रोल पंपावर मागितली आहे. आधीच वहातुक पोलीसांची संख्या कमी ( कॅमेरा सेक्शन मधे पुणे शहरासाठी केवळ ६ पोलिस आहेत) असताना ह्या पेट्रोल पंपासाठी नवीन भरती करावी लागेल. लोक या आदेशातून पळवाट अशी काढतील की हेलमेट घेऊन जायचे. पंपावर प्रवेश करताच घालायचे व पंपाबाहेर आल्यावर काढून टाकायचे. खरी तळमळ दिवाकर रावतेंची तेंव्हाच सिद्ध होईल जेंव्हा चौकाचौकात- ते ही पूर्ण महाराष्ट्राच्या, निर्दयपणे झेब्रा लाईन, सिग्नल तोडणे,उलट्या दिशेने घुसणे चुकीचा ओव्हरटेक ई बाबत जबरा दंड वसूल केला जाईल त्यावेळी हेलमेट सक्तीवर कोणालाच काही बोलता येणार नाही. पण या साठी वहातुक पोलिसांवर नजर ठेवण्यासाठी पुन्हा स्पेशल कॅमेरे बसवावे लागतील कारण खरी गोची तिथेच आहे. हे जो पर्यंत होत नाही तो पर्यंत लोक म्हणत राहतील की हेल्मेट सक्ती हे कायद्याने बंधनकारक आहे व कोर्टाच्या आदेशामुळे सरकारचा नाईलाज आहे. पण मनातून नागरिकाना वाटेल की कुणाची तरी हेल्मेट खपविण्यार्या लॉबीचा यात वाटा आहे. सिग्नल सुधारणे, वहातुक पोलिसांच्या कामगिरीकडे करडी नजर ठेवणे झाल्यास, रस्ते सुधारल्यास, झिब्रा मार्किंग नेहमी अद्ययावत ठेवल्यास लोक आनंदाने हेलमेट घालतील. पण ..... पण.....

स्वीट टॉकर शुक्रवार, 22/07/2016 11:56
काही वर्षांपूर्वी हेल्मेटसक्ती आली आणि खूप विरोध झाल्यामुळे विरून गेली. तेव्हां त्याबद्दल एक विनोदी लेख माझ्या वाचण्यात आला होता. त्याचा गाभा असा. सरसकट हेल्मेटसक्ती करणं चूक आहे. काही जण हेल्मेटसक्तीला विरोध करतात त्यात त्यांचा काहीही दोष नाही. ते सर्व बिनडोक असतात. त्यामुळे त्यांच्या डोक्याचं रक्षण करण्यात काहीच पॉइन्ट नसतो. मात्र त्यांचा मेंदू नेमका कुठे असतो हे नीट माहीत नसल्यामुळे शासनाने प्रत्येक दुचाकीस्वाराला चॉइस द्यायला हवा. एक तर डोक्यावर हेल्मेट घाला किंवा सबंद शरीरावर चिलखत! ;-)

बाबा योगिराज शुक्रवार, 22/07/2016 12:03
पयले माझ्या मापाच हेमलेट अणुनसनी द्या मग बगू...!

एकुलता एक डॉन शुक्रवार, 22/07/2016 12:22
स्थळ पुणे. दोन युवक. अतिशय आनंदात. तिसरा मित्र भेटतो. मित्र: काय रे? आज एकदम एवढे खुश ? युवक 1: अरे तुला सांगणारच होतो फोन करून, आम्हाला दोघांना नोकरी लागली. मित्र: दोघांना एकदम? युवक 2: एकदम सोड. एकाच ठिकाणी. एकाच पेट्रोल पंपावर. मित्र: वा. मस्त. गम्मत आहे नाही ! युवक 1 : काम पण सोपं आहे. हा एंट्रन्स ला हेल्मेट देतो.कस्टमर पेट्रोल भरतो. आणि मी, पेट्रोल भरून झालं की त्या कस्टमर कडून एक्झिट ला ते कलेक्ट करतो.

विनायक प्रभू शुक्रवार, 22/07/2016 12:29
हेल्मेट सक्ती राज्य उलथवु शकते इंदिरा गांधी की जय

उडन खटोला शुक्रवार, 22/07/2016 13:24
वि प्र सर, जरासं अडीच तीन फूट वर या. ;)

कविता१९७८ शुक्रवार, 22/07/2016 12:31
आमच्या ऑफीस मधे सक्ती आहे हेलमेटची आणि ती बरोबरच आहे असे मला वाटते कारण यामुळे मी रोज न चुकता हेलमेट घालते अगदी ऑफीस बाहेरही . सक्ती नसती तर कदाचित मला रोज हेलमेट घालायची सवय लागली नसती. लोकांना एलियन पाहिल्यासारखं वाटतं पण मला माझ्या सेफ्टीची जास्त चिंता आहे, हेलमेट घातल्याने कधी ट्रॅफीक पोलिसानेही अडवलं नाही इथे. इथे रस्त्यावर इतके खड्डे आहेत की रोज कुणा न कुणाचं अ‍ॅक्सिडंट होतच असतं मग तेव्हा लोकांना हेल्मेट ची आठवण येते . सक्ती केल्याशिवाय लोकांना हेलमेट घालण्याची सवय लागणार नाही हे माझे मत.

चौकटराजा शुक्रवार, 22/07/2016 13:02
सरकारने एखाद्या रस्त्यावर इतकया इतक्या मापाचे इतके इतके खड्डे असलेच पाहिजेत असेच टेण्डर काढावे. रोज चार पाच म्रुत्यू झाले की सक्ती न करताच सर्व हेल्मेट घालायला लागतील. अशीच सोय आयुर्विमा, गाडीचा विमा, घराचा विमा, टीव्हीचा विमा, पासपोर्टचा विमा, रेशनकार्ड , क्रेडिट कार्ड , आधार कार्ड चोरीला जाण्याची शक्यता, मधुमेह बी पी होण्याची शक्यता , मूल न होण्याची शक्यता , आगीचा विमा, परदेश प्रवासात विमान रद्द होण्याचा विमा अशी दोन उत्तरे असलेल्या सर्वा॑ची भिति समाजाला घालावी. सर्वीस सेक्टर फोफावून मजबूत सर्वीस टेक्स सरकारला मिळेल.

आदूबाळ शुक्रवार, 22/07/2016 17:43
आमच्या ऑफीस मधे सक्ती आहे हेलमेटची
उकडत असेल नै दिवसभर हेल्मेट घालून बसायचं म्हणजे...

अभ्या.. शुक्रवार, 22/07/2016 18:05
यात काय हल्कत्पना? पुढे लिहिलय की
यामुळे मी रोज न चुकता हेलमेट घालते अगदी ऑफीस बाहेरही
वाचले नै का? ;)

उडन खटोला शुक्रवार, 22/07/2016 20:31
जौ द्या ओ, कुठे या लोकाना प्रतिसाद द्यायचा. आपण आपली सुरक्षितता सांभाळायची हेल्मेट घालून. ऑफिसमध्ये काय, बाहेर काय, हेल्मेट मस्ट, सेफ्टी फर्स्ट.

अद्द्या शुक्रवार, 22/07/2016 13:31
मुळात , सक्ती करावी लागेपर्यंत लोकांना अक्कल येत नाही.. मग रडत बसता असले धागे काढत . चालूदे

मोदक शुक्रवार, 22/07/2016 13:40
अहो... गरजेचे आहेच आहे. आजचे उदाहरण बघा. मी ऑफिसला येतो त्या एका सिमेंटच्या रस्त्यावर एकदम कमी प्रमाणात ऑईल सांडले होते. त्यात रिमझिम पाऊस पडत होता. सिमेटचा रस्ता + ऑईल + जी असेल नसेल तितकी माती / चिखल यामुळे माझ्या आधी २, नंतर मी आणि माझ्यानंतर ३ असे ६ दुचाकीस्वार ३० च्या वेगाने जातानाही पडले. माझ्या गाडीवर आणि हेल्मेटवर अपघाताच्या खुणा शिल्लक आहेत. आणि मी ऑफिसात बसून प्रतिसाद लिहित आहे. :)

अनिरुद्ध.वैद्य शुक्रवार, 22/07/2016 13:46
हेल्मेट घाला. नाय तर फाईन भरा!!

इरसाल शुक्रवार, 22/07/2016 18:00
त्यांना हेल्मेट घालयची गरज नसते.फक्त समोरुन येणारे किडे, धुळ, वारा यापासुन बचावाला ते वायजर घालतात. त्यांनी बांधलेल्या पगडीमधे खुप पेडे (स्तर म्हणा हव तर) असतात. पगडीधारी शीख गाडीवरुन पडला तरी डोक्याला मार लागायची शक्यता फार कमी असते. हो, चेहरा घासणे किंवा त्याला दुखापत होणे हे अपघात कसा झाला यावर अवलंबुन असते.

श्रीगुरुजी शुक्रवार, 22/07/2016 15:02
तुमचं घर गळतंय का? मग वॉटरप्रुफिंग, दुरूस्ती इ. करू नका. त्याऐवजी मग घरात रेनकोट/छत्री वापरायची सक्ती हवी. घरदुरूस्ती वगैरेच्या फंदात पडू नका. रावत्यांच्या डोक्यात पुन्हा एकदा हेल्मेटसक्तीचा कीडा आलेला दिसतोय. पुणेकरांनी कितीही वेळा हेल्मेटसक्ती फोल ठरविली तरी ठराविक कालांतराने हेल्मेटसक्ती पुन्हापुन्हा येतच असते. यावेळीही हेल्मेटसक्ती फोल ठरून पुणेकरांचाच विजय होणार आहे.

शिद शुक्रवार, 22/07/2016 15:26
श्रीगुरुजी...या धाग्यावर तुमच्याच प्रतिसादाची वाट पहात होतो आणि अपेक्षित प्रतिसाद दिल्याबद्दल धन्यवाद _/\_. मला वाटलं मागे काढलेल्या हेल्मेटच्या धाग्यावर आलेले सल्ले पाहून तुम्ही एव्हाना हेल्मेट वापरयला सुरूवात केली असेल. असो. तुमची मर्जी.
पुणेकरांचाच विजय होणार आहे
ह्यात विजय होण्यासारखं काय आहे?
रावत्यांच्या डोक्यात पुन्हा एकदा हेल्मेटसक्तीचा कीडा आलेला दिसतोय.
आत्ता मोदींनीच आवाहन करायला हवं हेल्मेटसक्तीच असं वाटतंय. (ह.घ्या) :)

श्रीगुरुजी शुक्रवार, 22/07/2016 15:29
मोदी असोत वा फडणवीस वा मोह्न भागवत वा अजून कोणी . . . हेल्मेटेसक्तीला आमचा विरोधच राहील.

बोका-ए-आझम शुक्रवार, 22/07/2016 17:30
लोकांना रस्ते अपघातात डोकं फुटून मरायचं स्वातंत्र्य असलंच पाहिजे. उद्या हाच विरोध लायसन्स, पीयुसी, इन्शुरन्स वगैरे सगळ्या गोष्टींना झाला पाहिजे. In fact, गाड्यांवर नंबर प्लेट तरी का लावायची म्हणतो मी! यापुढे तर आईवडिलांनी मुलाला शाळेत घालण्याअगोदर driving school मध्ये घालावे आणि driving शिकवावे असा सरकारी GR निघेपर्यंत या आंदोलनाची तीव्रता कमी होता कामा नये!

पगला गजोधर शनिवार, 23/07/2016 12:47
लायसन्स शिवाय ड्रायवर .... इतरांच्या जीवाला धोका .... पीयूसी शिवाय गाडी ..... प्रदूषणामुळे इतरांच्या जीवाला धोका .... नंबरप्लेट शिवाय गाडी .... इतरांच्या संपत्तीला धोका चोरी /हस्तांतर चा .... म्हणून इथे कायदा .... पण हेल्मेट शिवाय चालक ..... इतरांच्या जीवाला / संपत्तीला धोका ????? आहे का ?

चौकटराजा शनिवार, 23/07/2016 15:08
एकूणच जीवन जगताना आपला विचार व इतरांचा विचार असे दोन प्रकारे विचार करून माणूस आपल्या निर्णयांची आखणी करीत असतो. कोणता विमा किती घ्यायचा हे उदाहरण घ्या. माझे माझ्या कुटंबावर किती प्रेम आहे व त्याचा माझ्या आर्थिक क्षमतेशी किती मेळ आहे याने विम्याची रक्कम आपण ठरवतो. मी जर माझे नातेवाईक हे जीवनप्रवासातील काही काळ माझ्या बरोबर रहाणारे पांथस्थ आहेत त्यांच्यात इतके काय गुन्तून रहायचे ( उड जाएगा हंस अकेला ... जग दोन दिनका मेला ) असे ठरवले की विम्याची रक्कम कमी होणार. आता सार्वजनिक जीवनातही आपल्याला दुसर्‍याचा विचार हा करावा लागतो. त्यासाठी या उदाहरणात गाडीला ब्रेक्स नीट असणे, वायपर चालत असणे, हेड लॅम्प टेल लॅम्प चालू असणे, गाडीवर योग्य तेवढेच वजन नेणे या वहानाशी संबंधित गोष्टींचा सम्बंध दुसर्‍याच्या जगण्याशी येतो कारण यातील दुर्लक्षामुळे दुसर्‍यास आपण जखमी करू शकतो. यास्तव कायद्याने वहान योग्यता ही तपासण्याची प्रक्रिया ठरविली आहे. त्यालाच आपण गाडीचे पासिंग म्हणतो जसे पॅसिव्ह स्मोकिंगचा धोका आहे म्हणून सार्वजनिक ठिकाणी अ‍ॅक्टीव्ह स्मोकिंगला बंदी आहे. तसे पॅसिव्ह स्मोकीम्ग गाडीही करायला लावते सबब पासींग प्रोसेस मधे प्रदूषण नियंत्रण परीक्षा गाडीला पास व्हावे लागते. आता हा विचार झाला गाडीचा -- आता चालकांची प्रोफाईल पाहू. वाहन चालविताना वेग योग्य कोणता हे कायद्याने रस्त्याची परिस्थीती पाहून ठरवलेले असते सबब त्या प्रमाणे पाट्या लावल्या जातात. सिंग्नल ची वेळ , त्याचा सिक्वेन्स हा ही काय द्याने परिस्थीती पाहून ठरवला जातो.झिब्रा पट्टा आखताना पादचार्‍याचा विचार असतो. एकदिक मार्ग ठरवतानाही कित्येक वेळा देशातील किती पेट्रोल वाया जाईल अस विचार न करता किती वाहने सुरक्षितपणे अमुक रूंदीच्या रस्त्यावरूना धावतील याचा विचार केला जातो. आपण गाडीचा विमा काढताना पूर्ण विमा काढण्याचे कायदेशीर बंधन आपल्यावर नाही पण थर्ड पार्टी विमा सक्तीचा आहे. कारण त्यात दुसर्याचा किमान विचार करण्याचे बंधन आहे. हे सगळे पुराण सांगण्याचे कारण वरील सर्व बाबतीत चालकाला निर्णयाचे स्वातंत्र्य नाही. घटनेची पायमल्ली झाली असा दावा कोणालाही करता येत नाही. कारखान्यात काम करताना वेल्डर्स ना गॉगल घालण्याचे बंधन आहे ते या हेलमेटच्या बंधनासारखेच आहे का ? माझ्या मते नाही. कारण तो वेल्डर दुसर्‍याच्या कारखान्यात कामाला आहे. वेल्डरला काही नुकसान झाले तर त्याची कायदेशीर जबाबदारी मालकावर येउ शकते. सबब तिथेही दुसर्‍याचा विचार आहेच. पण हेलमेटचे तसे नाही. इस्पितळात डॉ व नर्सेस मास्क घालतात त्यात डॉ चे इन्फेक्शन रोग्याला वा रोग्याचे इन्फेक्शन डॉ ला होऊ नये असा उद्देश आहे. म्हणजे दुसर्‍याचा विचार इथे लाच. आता हेलमेट ची सक्ती कोणाला करायची. तर माझ्या मते मी जर रायडर असेन तर पिलियन रायडर साठी मी हेलमेट सक्तीने घेतलेच पाहिजे कारण त्यात दुसर्‍याचा विचार आहे. हे थर्ड पार्टी विम्यासारखेच आहे. हेलमेट रायडरने घातलेच पाहिजे व पिलियन रायडर नेही घातलेच पाहिजे असा जगातील बर्‍याच देशात कायदा आहे. याचाच अर्थ हेल्मेट हा एक सवयीचा भाग आहे. त्याने होणारे तोटे हे कारण वाजवी असते तर जगात हा कायदा मोडीत निघाला असता. आजही भारतात हाय वे वर दोघानाही हेलमेट सक्तीचे करा असेच हेल्मेटला विरोध करणारे ही म्हणत आहेत.पुण्यात वहातुक सुधारा रस्ते सुधारा मग तुम्हाला हेलमेट ची सक्ती करायचा नैतिक अधिकार आहे असे काहींची मागणी आहे. १९८८ सालच्या कायद्यातील हेलमेटची सक्ती किमान मेन रायडर साठी ही वरील विचारांच्या संदर्भात घटनाबाह्य आहे असे माझे मत आहे. पण....यावर कोणी हुशार वकिलाने आतापर्यंत घटनेतील व्यक्तिस्वातंत्र्याचा दाखला देत कसलाही अर्ज केल्याचे ऐकिवात नाही.

चौकटराजा शनिवार, 23/07/2016 15:11
हे काय ? हेलमेट नाही... तुमची घरी कोणी वाट पहातंय हे विसरलात वाटतं ... असली आवाहने बोगस आहेत . त्यापेक्षा वहाने जपून चालवा... विचारात गढू नका... वन वे चे नियम पाळा.. आपले वाहन वरचेवर तपासा ... आपले घरी आपली कोणीतरी वाट पहातंय हे आवाहन अधिक रास्त आहे.

मार्मिक गोडसे शनिवार, 23/07/2016 15:32
त्यापेक्षा वहानेजपून चालवा... विचारात गढू नका... वन वे चे नियम पाळा.. आपले वाहन वरचेवर तपासा ... आपले घरी आपली कोणीतरी वाट पहातंय हे आवाहन अधिक रास्त आहे.
हे सर्व पाळले तर अपघात होतंच नाही असे आपल्याला वाटते का? रस्त्यावर अचानक आलेल्या कुत्र्याला वाचवताना कीतीतरी दुचाकीस्वारांच गंभीर अपघात झाले आहेत.

अभ्या.. शनिवार, 23/07/2016 16:15
रस्त्यावर अचानक आलेल्या कुत्र्याला वाचवताना कीतीतरी दुचाकीस्वारांच गंभीर अपघात झाले आहेत.
अरे हे तर खुप नॉर्मल आहे गोडसेसाहेब, एकदा आमच्या गावाकडे येऊन पहा. कुठला प्रसंग कधी घडेल सांगता येत नाही. एकतर गावातले रोड खुप अरुंद आहेत. काही रस्ते मात्र अत्यंत प्रशस्त्/डीव्हायडरवाले केलेत पण नागरिकांना कोण शिकवणार ड्रायव्हिंग. अ‍ॅक्सीलेटर पिळता आला की ड्रायव्हिंग आले असा समज असतो बहुतेकांचा. कॉलेजची मुले बेधुंदपणे कश्याही पॉवरबाइक्स ताणत असतात. कॉलेजच्या मुलींबाबत तर बोलायलाच नको. अगदी ठरवून सगळे नियम तोडतात. ट्रिपलसीट, वनवे, राँग साइड, विदौट पेपर कश्याही गाड्या पळवीत असतात. पोलीसानी पकडले तर रडगाणी चालूच असतात. सांसारिक माणसे कुठल्या तंद्रीत गाड्या चालवतात त्यांनाच माहीत. अचानक थांबणे, अगदी स्लो स्पीडने रस्त्याच्या मधूनच चालवणे, मोठमोट्या पिशव्या विथ साईडने बसलेल्या काकू अस्ल्याने बॅलन्स न होणे हे प्रकार कायम. अ‍ॅक्टीव्हाकाकू हे तर भयानक प्रकरण. दोन्ही साईडला पाय सोडून स्पीडब्रेकरच्या आधीच ५ फूटावर गाडी थांबवुन नंतर फुल्ल थ्रॉटलने ब्रेकरवरुन पास होणार्‍या काकवा पाहण्यात आहेत. इंडीकेटर वगैरे न दाखवता भस्सकन वळणे, दुसर्‍याच वाहनधारकाची चुक दाखवुन उध्द्दार करणे हेही नेहमीचेच. रिक्षा बिक्षा, टमटम, मॅजिक, स्कूलबसा आणी प्रायव्हेट बोलेरोंची मस्ती अवरणनीय अशीच. सामान्य पादचारी ही कमी नाहीत. प्रत्येक १५ फूटाला कोणीतरी आडवे जातेच. बुरखेधारी मंडळ ७-८ जणाच्या ग्रुपने कोठेही न पाहता निघत असतात. म्हशी, गायी, कुत्री हे पण अधुन मधुन असतात. पोलीस ग्रुप करुन नाकेबंदी करतात. मध्यमवर्गीयच हमखास आडवले जातात. दोन दिवसापूर्वी संपणार्‍या इंशुरन्स साठी अडवलेले पोलीस बिना णंब्ररप्लेटच्या एक्स्युव्ही/ऑडी जाउ देतात. काही कारवाई झालीच तर लोकसेवकांचा फोन येतोच. एवढे असुन गावचा टिपिकल माजुरडेपणा असतोच. ज्याचा माजुरडेपणा कमी तो माघार घेतो, पैसे भरतो अथवा दवाखान्यात जातो एवढेच. सगळ्यात स्वतः अवलंबलेला चांगला मार्ग म्हणजे ड्रायव्हिंग करतेवेळी आणि रस्त्यावर असताना प्रत्येक सेंकंदाचा पार्ट अ‍ॅलर्ट राहणे, त्यावेळी मोबाईल न वापरणे. हेल्मेट तर कंपलसरीच वापरतोय. आधी अगदी काय चंद्रावर जायचेय का अशी हेटाळणी व्हायची ती कमी झालीय पण हेल्मेट मस्टच आता.

कैलासवासी सोन्याबापु शनिवार, 23/07/2016 16:58
हे सगळे बाडीस शिवाय एक जोडतो, सगळ्यात डांबिस प्राणी डुक्कर हा हो! बेटे कुठे वळल काय पत्ता नसतो, रस्ता क्रॉस करेल म्हणावे अन डुकराच्या बुडाच्या बाजूने गाडी पुढे न्यावी म्हणली तर लेकाचे पिच्छे मुड करतं अन गाडी खाली तडमडतं अन मागे वळेल म्हणावे तर लेकाचं प्रेमभंग्या आशिक रेल्वेबुडी उड्या मारतात तसे दंडवत प्रणिपात घालतात, गाडी म्होरं, बरं गंमत अजूनच वायली, चांगली बुलेट जरी डुकरावर चढली तरी डुकराला शष्प फरक पडत नाही (शष्पचे ग्रामीण भावंड वापरायचा मोह टाळतो आहे) आमच्या एका मित्राची सुझुकी जिक्सर खाली डुक्कर आले म्हणून येरबडली होती गडी थरथरत उठून बघतो ते डाव्या बाजूचा टाकी ते टेललॅम्प बाजार उठलेला अन डुक्कर निवांत डुरकत रस्त्यापलीकडे पोचलेले. त्यात लेकुरवाळी डुकरीण असली तर अजूनच कल्ला तिच्यायला! थोड्याफार प्रमाणत मानवी पोरे अन डुक्कर पोरे सिमिलर असतात ह्या बाबतीत =))

चौकटराजा रविवार, 24/07/2016 10:31
वरील विधान हेलमेट व वहान व्यवस्थित चालवणे यात अधिक महत्वाचे काय ते सांगण्यासाठी आहे. आता हे सर्व केले तरी मृत्यूच्या तावडीतून सुटका होईल काय ? याचे उत्तर कायदाही व सरकारही देउन शकणार नाही. केवळ नियति ( अस्तित्वात असली तर) देउ शकेल. आत्मघात व अपघात या घटना परिणामांती एकच असल्या तरी त्यात मोठाच फरक आहे. आत्मघातात तो घडवून आणणार्‍या मनाला त्याची जाणीव असते. अपघात ही माणसाच्या अष्टवधानी पणाला मर्यादा आहेत व यंत्रच आहे ते काय कधीही बिघडू शकते या दोन मुख्यत्वे शक्यतांचा संयोग होऊन घडत असतात.उद्या हेलमेट काय अंगावर पूर्ण चिलखतासारखे कवच असताना भूकंप होऊन धरणीनेच स्वाराला गिळून टाकले तर काय...... या तर चे उत्तर नियति हेच असते. तुम्ही कितीही काळ॑जी घ्या रस्त्यावरचा दोन बाय दोन सेंमी चा एखादा खडा, तेलाचा एखादा छोटासा डाग, एक फूट बाय एक फूटात पसरलेली रेती तुमचा जीव घेउ शकते. हेलमेट घातले तरी जबर अति रक्तस्त्राव ची केस असली तरी माणूस मरतोच. थोडक्यात आयुष्यात सार्‍याच गोष्टींची प्रि़कॉशन ही घेऊन जगता येत नाही. स्वता:च्या नशीबावर विश्वास ठेवतच जगणे भाग असते. नाहीतर प्रत्येक दिवशी गाडीची हवा, ब्रेक्स, टेल लॅम्प हेड लॅम्प , ब्लिन्कर्स ई ई चेक करूनच घरातून बाहेर जावे लागेल. हेलमेट घालणारे हे सर्व रोज करतात का ?

संदीप डांगे रविवार, 24/07/2016 10:44
नाहीतर प्रत्येक दिवशी गाडीची हवा, ब्रेक्स, टेल लॅम्प हेड लॅम्प , ब्लिन्कर्स ई ई चेक करूनच घरातून बाहेर जावे लागेल. हे तर ड्रायविंगचे बेसिकच आहे चौराकाका, दिवसाची सुरुवात करण्याआधी आपण आंघोळपांघोळ करतोच तसं हे रोज करायलाच हवं. नशिबाचंच म्हणाल तर मग डोळे बंद करुन, सीटवर मस्तपैकी मागे झोपुनही गाडी चालवायला काय हरकत आहे!

मार्मिक गोडसे रविवार, 24/07/2016 16:04
प्रत्येक दिवशी गाडीची हवा, ब्रेक्स, टेल लॅम्प हेड लॅम्प , ब्लिन्कर्स ई ई चेक करूनच घरातून बाहेर जावे लागेल. हेलमेट घालणारे हे सर्व रोज करतात का ?
हो, गाडीचा हॉर्नही चेक करतो, स्वतःबरोबर दुसर्‍यांच्या जीवा़ची काळजी घेण्यासाठीच हे करतो. हेल्मेट फक्त स्वतःसाठी वापरतो.

पगला गजोधर शनिवार, 23/07/2016 17:53
संख्याशास्त्र अभ्यासानुसार भारतात रस्त्यावरील अपघातातील होणाऱ्या, दुचाकी चालकांच्या मृत्यूचे, 'डोक्याला इजा ', हे एक महत्वाचे कारण आहे, असा दाखला हेल्मेटसक्ती मागे काही जण करतात... मग त्या ऐवजी दुचाकी वापरावरच बंदी का नाही ?? (न राहेगा बांस , न बजेगी बांसुरी ... ) जर ऐकून अपघातातील मृत्यूतील (दुचाकी धारकांचे मृत्यू वगळून) उदा. कार चालक / प्रवासी , रिक्षा चालक / प्रवासी, पादचारी इ इ यांच्या मृत्यूचं मोठे कारण सुद्धा डोक्याला इजा हे आहे, मग.... त्यांना सुद्धा हेल्मेटसक्ती करणार काय ?

मार्मिक गोडसे शनिवार, 23/07/2016 15:27
१९८८ सालच्या कायद्यातील हेलमेटची सक्ती किमान मेन रायडर साठी ही वरील विचारांच्या संदर्भात घटनाबाह्य आहे असे माझे मत आहे.
मग चारचाकी चालकाला सीट बेल्टची सक्ती करणे कितपत योग्य आहे?

चौकटराजा शनिवार, 23/07/2016 20:28
ती ही सक्ती घटना बाह्यच ..... चालकाने स्वतःच बंधन घालून घेतले तर बेल्ट वा हेल्मेट फ्रंट गार्ड सारेच मोलाचे.

अनिरुद्ध.वैद्य शुक्रवार, 22/07/2016 15:38
सगळ्यांनी व्यवस्थित नियमांमध्ये राहुन, खड्डेविरहित रस्त्यांवरुन दुचाकी हाकली तर अपघात होणार नाही का? अन अपघात झाला तर आपण आपली सुरक्षा आपण न करता कोणी करावी?