मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

टाटा नॅनो कार घ्यावी काय ?

अक्षरमित्र · · काथ्याकूट
नमस्कार. मी मुंबईत राहत असून गेली १०-१२ वर्षे मोटरसायकल वापरत आहे. आता माझी पहिली चारचाकी गाडी घेण्याची मानसिक तयारी झाली असून मिपाकरांकडून उपयुक्त माहिती हवी आहे. माझे बजेट साधारण ३ लाखांपर्यंत आहे. दैनंदिन वापर : घर ते ऑफीस रोज : ५० किमीपर्यंत. गावी जाण्यासाठी (साधारण २०० किमी अंतर वन वे) - वर्षातून २ ते ३ वेळा. जुन्या ऑल्टो, वॅगन आर घ्यावात की नॅनो घ्यावी यावर खुप विचार करुनदेखील निर्णय होत नाहीये. नॅनो कार खरोखरच अतिशय वाईट आहे काय ? नेटवर अगदी चांगले तर अगदीच वाईट रिव्यू आहेत. इथे कोणी नॅनो वापरणारे आहेत काय ? कृपया मदत करा. टीप : कृपया महागड्या गाड्या सुचवू नका. सध्या तेवढी आर्थिक ताकद नाहिये. सुरक्षिततेबाबत म्हणाल तर मोटरसायकलपेक्षा तुलनेने कोणतीही कार नक्कीच जास्त सुरक्षित वाटतेय सध्या तरी.
वाचने 46824 वाचनखूण प्रतिक्रिया 151

वेल्लाभट Fri, 06/05/2015 - 20:37
मी नॅनोत बसलोय, चालवलीय, फर्स्ट हँड रिव्ह्यू ऐकला आहे. नॅनो बसायला अत्तिशय आरामदायक आहे. स्विफ्ट पेक्षाही भारी. हेड रूम, लेग रूम (मागे सुद्धा) अफाट. टाटा ने स्पेस युटिलायझेशन पहिल्यापासून सरस केलेलं आहे. नॅनो अपवाद नाही. चालवायला सुद्धा वाईट नाही. थोडा आवाज येतो. पण नव्या मॉडेलमधे तो नाहीये/कमी आहे असं ऐकलं. एसी मस्त. आता ऑटोमेटेड मॅन्युअल ट्रान्स्मिशन आहे. ब्लूटूथ म्युझिक सिस्टीम आहे. एकंदरित सुरेख फीचर्स. लगेज स्पेस आताच्या नव्या मॉडेलला आहे थोडीशी. बाकी त्या बाबतीत मार्क कमी. अर्थात गाडी ज्या पर्पज साठी बनवली आहे ते बघता ठीक आहे. दोन चारशे किमी सहज जाईल. फक्त ६०-८० च्या पुढे नेण्याची ही गाडी नव्हे माझ्या मते. ब्रेक्स आर मिडिऑकर अँड कॉर्नरिंग कॅन बी क्वाईट अ थ्रिल. त्यामुळे.... बाकी काहीच हरकत नाही. गरीबांची कार, चारचाकी रिक्षा वगैरे अशी मतं ज्याची झाली असतील किंवा टाटा म्हणजे.. हं ! असं म्हणणारा जो असेल त्याला नॅनो कधीच आवडायची नाही. पण इट्स अ प्रॅक्टिकल कार, अँड अ डिसेंट मशीन टू हॅव. बाकी तुमच्यावर :) हा रिव्ह्यू बघू शकता. http://www.team-bhp.com/forum/official-new-car-reviews/164034-tata-nano-amt-automatic-official-review.html

अक्षरमित्र Fri, 06/05/2015 - 22:45
नवीन नॅनोचे रिव्ह्यूज वाचले आहेत आणी बर्‍यापैकी पॉझीटीव्ह वाटत आहे. शिवाय सुरक्षिततेच्या दृष्टीने नव्या नॅनोत इंपॅक्ट कुशनिंग क्रंपल झोन आहेत तसेच आणि अँटी रोलर बार दिलाय असे नॅनोच्या संकेतस्थळावर म्हटले आहे. क्रंपल झोनबद्द्ल साधारण कल्पना आली पण अँटी रोल बार काय आहे ते अभ्यासावे लागेल. शिवाय गाडीचे मायलेज देखील जास्त आहे ही देखील जमेची बाजू म्हणता येईल.

कॅप्टन जॅक स्पॅरो Tue, 06/09/2015 - 23:33
ब्रेक्स आर मिडिऑकर अँड कॉर्नरिंग कॅन बी क्वाईट अ थ्रिल.
टिफ नीडल (फिफ्थ गिअर) ची आठवण झाली रे.

गणेशा Fri, 06/05/2015 - 21:00
नॅनो चा अनुभव नाही.. पण मुंबईत रोज गाडी वापरायची असेन तर सीएनजी वाल्या जास्त परवडतात... गावी जाण्याला नॅनो जास्त सुरक्षित नाही असे माझे मत ... त्यात टाटा आणि असे काही नाही.. जर सीएन्जी घ्यायची असेल तर वॅगनार कधी ही चांगलीच .. माझे तर असे मत आहे... जर चालवण्याची हौस असेल तर बजेट आनखिन थोडेशे वाढवुन .. स्विफ्ट पेट्रोल कींवा रिट्झ घ्यावी.. रिट्स दिसायला फक्त चांगली नाही... बाकी आतुन स्विफ्ट्च आहे... बाकी हे सर्व तुमच्या मनावर आहे.. कसे आणि काय ते .. मी फक्त सांगितले माझे मत . मी जुन्या गाड्या कधी प्रेफर करत नाही... नविनच घ्यायची.. आणि घेतानाच एकदा चांगली घेतली की पुन्हा काही जास्त टेंशन नाही...

ब़जरबट्टू Mon, 06/08/2015 - 09:35
सीएन्जी वर गाडी एका दमात जास्तीत जास्त १५०-१६० किमी जाते.. त्यामुळे दररोज ५० किमी जाणा-यांसाठी हे एक आव्हानच आहे. सीएन्जी पंपाची रांग व दर तिस-या दिवशी १ तास वाया घालवणे परवडेबल नाही..

कपिलेश Fri, 06/05/2015 - 21:01
एसी मस्त. आता ऑटोमेटेड मॅन्युअल ट्रान्स्मिशन आहे. ब्लूटूथ म्युझिक सिस्टीम आहे. एकंदरित सुरेख फीचर्स. १००% सहमत मि गेलि ३ वर्षे नॅनो वापरत आहे. ऑल्टो, वॅगन आर पेक्षा मुंबईत ऑटोमेटेड मॅन्युअल ट्रान्स्मिशन नक्कि उपयोगि होइल.

आदूबाळ Fri, 06/05/2015 - 21:56
मी नॅनोचा अत्यंत सुखी कष्टंबर आहे. कोणत्याही प्रकारचं वाहन चालवणं हा वैताग वाटतो. तांत्रिक काही कळत नाही. पण घेतलेला अनुभव गोड मानून घ्यावा. लाँचच्या दिवशी नॅनो बघताक्षणी आवडली होती. तेव्हा चारचाकी घ्यायचा कोणताही विचार नव्हता. नंतर सुरक्षेच्या कारणासाठी गाडी घ्यायची वेळ आली, तेव्हा विचार केला - आपली नेमकी गरज काय? चार चाकं, डोक्यावर छप्पर, गुबगुबीत सीट आणि गाणी ऐकायला म्यूझिक सिस्टिम! बास! सीसी, टॉर्क, एबीएस, अ‍ॅलॉय व्हील्स वगैरे न समजणार्‍या गोष्टीत डोकं का घाला? तेव्हा मागे पाहिलेली नॅनो आठवली आणि तीच पक्की केली. तेव्हा नॅनो लॉटरी सिस्टिमवर मिळत असे. नॅनोच्या किमतीएवढी रोकडही हातात नव्हती. एरवी योगबिग असल्या गोष्टींवर विश्वास नाही ठेवावासा वाटत, पण अशा घटना घडत गेल्या की एक दिवस पुण्यातली चौथी नॅनो घरी आली! ऐन पावसाळ्याचे दिवस. बालगंधर्व चौकात स्विमिंग पूल तयार होतो. होंडा सिटी सारख्या ग्राऊंड क्लियरन्स कमी असलेल्या गाड्या बंद पडताना पाहिल्या. ते पाणी कापत उंचनिंच नॅनो मात्र दिमाखात जात असे. एकूण लांबी कमी असल्याने लोकांच्या गाड्या जिथे आडव्या लावतात, तिथे मी नॅनो उभी पार्क करत असे! बारकुंड्या गल्ल्यांमध्ये इतर गाड्या वळण्यासाठी उलटसुलट प्रयत्न करत असताना नॅनो मात्र एका फटक्यात गोल वळत असे. (पुण्याची माहिती असणार्‍यांसाठी - बॅ० गाडगीळ स्ट्रीट, कोकण एक्स्प्रेसशेजारची गल्ली.) ड्रायव्हिंगचा कंटाळा असल्याने पुण्याबाहेर फारशी नेली नाही, पण जेव्हा नेली तेव्हा हायवेवर त्रास झाला नाही. पिरंगूट-पुणे चढबिढ व्यवस्थित चढली. साडेतीन वर्षांच्या काळात नॅनोने काही म्हणता काही त्रास दिला नाही. रोज तीसेक किलोमीटर गर्द ट्रॅफिकमधून हाणत असे. माझ्या दिव्य ड्रायव्हिंगमुळे मी मात्र नॅनोला चिक्कार त्रास दिला - मुरारबाजीसारख्या अनेक जखमा अंगावर वागवत होती. नेहेमीच्या सर्व्हिसिंगव्यतिरिक्त काहीही जास्त केलं नाही. पुढे भारताबाहेर जाताना नॅनो विकायची वेळ आली. मित्रांच्या मते हे डबडं कोणी घेणार नव्हतं. पण नॅनोला बघता बघता चक्क चार मागण्या आल्या! त्यातल्या एकाला विकली. (डबडं म्हणणार्‍यांपैकीच एकाला - त्यांच्या घरी माणसापेक्षा जास्त मान गाड्यांना आहे. त्यामुळे मुलगी सुस्थळी पडली आहे अशी खात्री होतीच.) तो अजूनही वापरतो. __________ त्या काळी नॅनो नवी असल्याने अशक्य किस्से घडत. नॅनोचे दोन किस्से सांगितल्याशिवाय रहावत नाही: १. संचेती हॉस्पिटलच्या सिग्नलवर थांबलो होतो. शेजारी एक टू-सीटर ऑडी येऊन थांबली. नेहेमी न पहायला मिळणारी भारी गाडी शेजारीच आल्याने मी पहात होतो. ऑडीची काच उघडली, आणि आतला माणूस माझ्याइतक्याच उत्सुकतेने नॅनोकडे पहायला लागला! मी त्याच्याकडे पहातोय हे लक्षात आल्यावर विचारलं, "कशी आहे हो गाडी?" मी म्हटलं, "चांगली आहे." मग बावळटासारखं विचारलं, "तुमची कशी आहे?!" २. रात्री आठ-साडेआठला कर्वेनगरातल्या एका गल्लीत नॅनो थांबवून शांतपणे बिडी मारत उभा होतो. शेजारी एक मर्सिडीज येऊन थांबली. मर्सिडीजला शोभेल असा, मध्यमवयीन माणूस उतरला, आणि म्हणाला, "मी चालवून बघू का? तुम्ही शेजारी बसा." मग मला शेजारी बसवून त्याने कर्वेनगरातल्या गल्ल्यांमधून गोल गोल फिरवलं. परत मूळ जागी आल्यावर थँक्यू-पूर्वक उतरला, आणि म्हणाला, "छान बनवली आहे गाडी, पण अजून रिक्षासारखा आवाज बंद नाही करता आला त्यांना..." हे गृहस्थ टाटा मोटर्सला कोणतातरी पार्ट पुरवणार्‍या अ‍ॅन्सिलरी कंपनीचे मालक होते. त्यांना बरेच दिवस नॅनो चालवून बघायची होती, आणि मी निवांत उभा दिसल्यावर त्यांना मोह आवरेना!

पैसा Fri, 06/05/2015 - 22:27
भारी किस्से! मारुती ८०० आता बास असे वाटल्यानंतर जास्त पयशे घालायची इच्छा नसल्याने माझ्या नवर्‍याने आमच्या बजेटमधल्या ४ गाड्यांमधे बसून पाहिले ज्या २ गाड्यांमधे त्याच्या डोक्याच्यावर थोडी जागा शिल्लक रहात होती त्या त्याला एकदम कम्फर्टेबल वाटल्या. त्या म्हणजे मारुती वॅगन आर आणि नॅनो. बाकी अल्टो आणि सांत्रो एवढ्या कम्फर्टेबल वाटल्या नाहीत. मात्र आमचे रत्नागिरी-गोवा प्रवास बरेच होत असल्याने वॅगन आर चे पारडे जड ठरले.

असंका Sat, 06/06/2015 - 14:02
मग बावळटासारखं विचारलं, "तुमची कशी आहे?!"
काय तो साळसूदपणा!!! रच्याकने, असा प्रसंग माझ्यावर आला अस्ता आणि मला असं बोलायचं सुचलं असतं त्यावेळी, तर मी तर हेच बोललो असतो...

त्रिवेणी Fri, 06/05/2015 - 22:10
ड्वा ले पा णा व ले गा डी चे कओ तु क ए कु ण. न व रा २ व र्ष झा ले चा ल व तो य. का ही त्रा स ना ही. आ णि आ म ची मी ठ भा क री टा टा क डु न च मि ळ ते. घ्या बि न धा स्त.

रेवती Fri, 06/05/2015 - 23:05
या भारतवारीत न्यानोमध्ये बसायला मिळालं. माझ्या जाऊबाईंनी लक्षुमी रोडसारख्या गर्दीच्या रस्त्यांवर फिरायला ही वेगळी गाडी घेतलीये (त्या फक्त शॉपिंगलाच जातात असे नाही तरी सगळे चिडवतात). उंच मनुष्यालाही व्यवस्थित बसता येते हा सुखद अनुभव होता. मलातरी फारच आवडली! ते सगळेजण पुण्यापासून दोन ते तीन तासांसाठी प्रवास करताना आरामात नियमीत वापरतात. काहीही त्रास नाही असे बोलताना समजले. मला कधी भारतात गाडी घ्यायची वेळ आल्यास हा पर्याय नक्कीच असेल.

संदीप डांगे Fri, 06/05/2015 - 23:45
सिटी कार म्हणून णॅणोला दहापैकी दहा मार्क. आउटडोअर म्हणाल तर दोन येड्यांनी लदाख टूर मारली आहे नॅनोमधून. नवीन नॅनो सर्वोत्तम चॉइस. बाकी भंगार गाड्यांत बजेट वाढवून पैसे घालवण्यापेक्षा ही बरी... कार चालवण्याचा अनुभव नसेल आणि जुन्या गाड्यांमधे इच्छा असेल तर भरपूर चॉइस २ लाखात मिळतील. वरचे एक लाख बाजूला ठेवा पुढच्या चार-सहा वर्षाच्या मेंटेनन्स साठी. चार वर्षांनी नविन गाडी घ्या. (माझी वेळ होती तेव्हा मी नॅनोऐवजी २००० सालची १० वर्षे पण उत्तम कंडीशनवाली जुनी लान्सर दिड लाखात घेतली. तेवढ्याच पैशात दहापट कम्फर्ट, पॉवर, पिकप आणि स्टाईल, इत्यादी इत्यादी मिळाले. बाकी अपना अपना चॉईस..) कुठलाही निर्णय घेण्याआधी आपल्या बजेटमधे येणार्‍या सर्व नव्या जुन्या गाड्यांची ट्रायल घ्या. नंतर पस्तावायला होत नाही. कारण किमान ५ वर्ष दिवस रात्र ती गाडी आपल्याला चालवायची असते. इन दी एन्ड, एवरी मशीन चूजेस इट्स मॅन...

आजानुकर्ण Sat, 06/06/2015 - 00:13
माझ्या भावाने जुन्या मॉडेलची नॅनो रिलीज झाल्याझाल्या घेतली आहे. सहप्रवासी म्हणून बसायला अतिशय आरामदायक. उत्तम लेगरुम. एसी, म्युझिक सिस्टम असे बाकीचे सर्व फीचर्स फारच छान. मायलेजही चांगले मिळते. मुख्य म्हणजे महागड्या कॉम्पॅक्ट सेगमेंट गाड्यांचे जितके डेप्रिसिएशन होते तितक्या किमतीत नॅनो येते. उदा. मी पाच लाखाला आय-१० घेतली होती. दोन-तीन वर्षानंतर ती विकावी लागली तेव्हा साधारण तीन लाखापेक्षा थोडे कमी पैसे मिळाले. त्याचवेळी भावाला सर्व खर्च पकडून सव्वालाखात नवी नॅनो मिळाली. आता विकायची म्हटले तरी त्याला साठसत्तर हजार सहज मिळतील. मात्र नॅनोच्या जुन्या मॉडेलला पॉवर स्टिअरिंग नसल्याने मला चालवायला तितकीशी मजा येत नव्हती. पॉवर स्टिअरिंगवाली नॅनो असल्यास अवश्य घ्या असे सांगावेसे वाटते.

श्रीरंग_जोशी Sat, 06/06/2015 - 08:36
प्रश्न वाचून नेमका प्रश्न काय आहे याचा उलगडा होत नाहीये.
  • नवशिक्या ड्रायव्हरने पहिली स्वतः चालवायची गाडी म्हणून नॅनो घेणे कितपत बरोबर ठरेल सुरक्षेच्या दृष्टीने?
  • नवशिक्या ड्रायव्हरने पहिली स्वतः चालवायची गाडी म्हणून आॅटो गिअर कार घेणे कितपत बरोबर ठरेल सुरक्षेच्या दृष्टीने?
  • नवशिक्या ड्रायव्हरने पहिली स्वतः चालवायची गाडी म्हणून आॅटो गिअर नॅनो घेणे कितपत बरोबर ठरेल सुरक्षेच्या दृष्टीने?
मला अजुनही मॅन्युअल ट्रान्समिशनवाली कार चालवता येत नाही. पण सुरक्षेच्या दृष्टीने मी चांगला ड्रायव्हर आहे हे खात्रीने सांगू शकतो.

संदीप डांगे Sat, 06/06/2015 - 09:13
अगदी अ‍ॅक्टिवा स्कूटीसारखे आहे ते. ऑटो असेल तर गच्च ट्रॅफीकमधे नवशिक्या ड्रायवरची तारांबळ उडणार नाही. शिवाय ड्रायवर प्रथम गीअरलेस कार चालवेल तर त्यालाही त्याची सवय होईल. पेट्रोलबचत होईल ते वेगळे, वर मेंटेनन्स कमी. मॅ. ट्रा.चीही सवय असू द्यावी म्हणजे अडीअडचणीला दुसर्‍याची कार चालवायची तर उपयोगात येते.

श्रीरंग_जोशी Sat, 06/06/2015 - 09:08
माझ्या स्वतःच्या अनुभवाप्रमाणे चारचाकी गाडीचे सुरक्षित ड्रायव्हिंग अन गाडी मॅन्युअल ट्रान्समिशनची आहे की ऑटोगिअरची या घटकाचा फारसा संबंध नाही. इतरांचे मत वेगळे असू शकते.

मृत्युन्जय Sat, 06/06/2015 - 13:40
फायदे १. लेग स्पेस सर्वोत्तम २. जोरात पळते ३. कुठेही पार्क करता येते ४. मायलेज उत्तम ५. रहदारीत चालवायला उत्तम तोटे १. इंजिन मागच्याबाजूला असल्याने मागच्या सीटवर बसल्यावर एसी फुल चालु असुनही गरम वारा अंगावर येतो. २. मी ज्या २ -३ गाड्यांमध्ये मागे बसलो त्यांच्यात मागच्या सीटवर इंधनाचा वास यायचा. ३. जुन्या गाडीत तरी पॉवर स्टीयरिंग नसल्याने वळवण्यास फार सोप्पी नव्हती. ४. हायवेवर गाडी स्टॅबल नाही वाटत. ५. रिक्शासारखा आवाज येत असल्याने आपण कव्हर्ड रिक्षात बसल्याचा फील येतो. माझे मत घरी एक गाडी असेल आणि दुसरी घ्यायची असेल तर जरुर विचार करावा. लांब पल्ल्यासाठी किंवा अधिक आरामशीर पर्याय म्हणून दुसर्‍या गाडीचा विचार करता येण्यासारखे असेल तर शहरात चालवण्यासाठी उत्तम. महागडी दुचाकी घ्यावी किंवा नॅनो घ्यावी या संभ्रमात असाल तर उत्तम. फक्त शहरात चालवण्यासाठी, उन / पावसापासुन संरक्षण म्हणुन, चारचाकी हवीच आणि बजेटमधेच हवी वगैरे कारणासाठी घेणार असाल तर उत्तम पर्याय. फक्त शहरात चालवणार असाल तर उत्तम पर्याय. गाडीत एकटेच (किंवा दुकटेच) बसणार असाल तर उत्तम पर्याय.

अक्षरमित्र Sat, 06/06/2015 - 20:20
गरम वारा अंगावर येतो हा गंभीर मुद्दा म्हणावा लागेल. जर १००-१५० किमी प्रवास एका दमात करायचा असेल तर नक्कीच त्रासदायक वाटेल. अर्थात नव्या गाडीत हा प्रश्न कसा हाताळलाय हे देखील बघावे लागेल.

असंका Sat, 06/06/2015 - 14:14
टाटा नॅनो टाटा नैनो माझ्याकडेही कार आहे? जुन्या चर्चा... काही काही गोष्टी अजूनही रीलेव्हंट असाव्यात... सगळ्या लिंका इथेच उघडतील.... त्या वेगळ्या टेबमध्ये उघडण्यासाठी काय करावे ते मला लक्षात नाही.

श्रीरंग_जोशी Sat, 06/06/2015 - 20:36
नव्या टॅबमध्ये दुवा उघडला जावा यासाठी दुव्याच्या कोडमध्ये target = "_blank" जोडावे उदा. <a target = "_blank" href="http://www.misalpav.com/node/6365">टाटा नॅनो</a> माझ्या चला जुजबी एचटीएमएल शिकुया या लेखात याविषयी खूपच थोडक्यात लिहिले होते. तिथे आता नव्या प्रतिक्रियेद्वारे तपशीलवार लिहिले आहे. हा प्रश्न उपस्थित केल्याबद्दल मनःपूर्वक धन्यवाद.

श्रीरंग_जोशी Sun, 06/07/2015 - 03:03
गेल्या महिन्यात क्रोमबुक घेतले. त्याच्या टचपॅडला राइट क्लिकचे बटनच नसते. त्यावर दुवा नव्या टॅबमध्ये उघडण्यासाठी कंट्रोल की दाबून ठेवून क्लिक करावे लागते. फोनवरून किंवा टॅब्लेटवरून असे काही करणे क्लिष्ट असू शकते. आपला उद्देश जर सर्व युझर्सची सोय बघणे असा असेल तर हा एक उत्तम पर्याय आहे.

श्रीरंग_जोशी Tue, 06/09/2015 - 00:23
मी जालावर शोधून जी क्लृप्ती वापरत असतो ती बहुधा Alt + Ctrl व लेफ्ट क्लिक करून राईट क्लिकचा मेनू मिळवणे आहे. आता हापिसात असल्याने खात्रीशीरपणे सांगू शकत नाही. घरी जाऊन तपासून पाहिन. डबल क्लिकपण सोपा पर्याय आहे.

बाबा पाटील Sat, 06/06/2015 - 20:08
चार वर्षापुर्वी मी इंडिगो बदलली त्यावेळी मी सफारीची टेस्ट ड्राइव्ह घ्यायला गेलो होतो.तेंव्हा शोरुम मधल्या डिस्पेला ठेवलेली पिवळी नॅनो लेकीने पाहिली आणी बया त्यागाडीत जावुन बसली,त्यातुन परत उतरायचे मात्र नाव घेइना.कस बस खेचुन तिला त्यातुन बाहेर काढव लागल होत.रिलेशनशिप मॅनेजरच्या म्हणन्यानुसार टाटाच्या शोरुमला येणार प्रत्येक लहानमुल हा गोंधळ घालतच. एकुनात गाडी नक्की आकर्षक आहे.आणी मसुरी नैनीतालच्या डोंगरावर पण नॅनो फिरताना पाहिलीय म्हणजे गाडी नक्की दणकट असणार.

अक्षरमित्र Sat, 06/06/2015 - 20:24
नॅनो गाडी लहान मुलांना तिच्या वेगळ्या डिझाईनमुळे जास्त आवडते असे माझेही निरिक्षण आहे. मात्र बायडी लोकांना ती गाडी आवडत नाही असेही निरिक्षण आहे. (गाडी नवर्‍याला जास्त वापरायची असते पण बायकांनाच नवर्‍याच्या स्टेटसची काळजी नवर्‍यापेक्षा जास्त असते असे वाटते.) कृ. ह. घेणे नाहितर नॅनोचा गाडी भलत्याच रस्त्याला लागायची.

काळा पहाड Sun, 06/07/2015 - 00:01
टाटा अशा चुकी कशा करतं कळत नाही. इंडिका विस्टाला इंडिका म्हणायची काय घाई झाली होती? नुसतं व्हिस्टा म्हटलं तर चाललं नसतं? नॅनो ला गरीबोंकी कार अशी प्रोजेक्ट करायची काय गरज होती?

पिवळा डांबिस Sun, 06/07/2015 - 10:28
कारण नॅनो ही चार चाकंवाली रिक्षाच आहे!!!!!! पूर्वी एकदा हिच्यात बसण्याचं दुर्भाग्य लाभलेलं आहे!!!!! नव्या कोर्‍या, खळगे नसलेल्या रस्त्यावरचा हिचा परफॉर्मन्स देखील अगदीच बेकार जाणवला!!!!

केवळ_विशेष Mon, 06/08/2015 - 16:38
मी अगदीच लेटेष्ट म्हणजे २ जूनला ऑटोमॅटीक नॅनो घेतली आहे. अतिशय उत्तम गाडी आहे. मी पहीली नॅनो बाय बॅक करून ही घेतली. जुनी नॅनो सुद्धा मी मुंबई- पुणे द्रुतगती मार्गावर चालवली आहे अनेक वेळा. डेअरिंग करून १०० पर्यंत नेऊन पाहीली. एकदम स्टेबल आहे. पण नंतर इमानदारीत ८० नी चालवली. व्यवस्थित आहे. जुनी आणि नविन मधला फरक मुख्यतः पेट्रोल कपॅसिटी आहे. २४ लि. क्षमता आहे. जुन्याची १५ आहे. ग्राउंड क्लिअरंस १८० मि.मि आहे. जर ऑटोमॅटीक घ्याल तर डिकि कपॅसिटी मॅन्युअल पेक्षा थोडी कमी आहे. पुण्यात ३,४७ ला जाते ऑटोमॅटीक टॉप एंड मॉडेल. पण ऑटोमॅटीक घ्या. सुख आहे चालवण्यात. किंमतीमध्ये अंदाजे २०-२५,००० चा फरक पडतो. पण शहरातला वाहतूकीचा वेग पाहता, उत्तम पर्याय आहे. आणि सर्वांत मुख्य म्हणजे डिकि बाहेरून उघडते. बाकी ब्लुटूथ टेप व कनेक्टीविटी वगैरे उत्तम (वैयक्तिक अनुभवः- आय फोन ६ कनेक्ट करता आला नाहीये. प्रयत्न चालू आहेत)

श्रीरंग_जोशी Mon, 06/08/2015 - 18:41
माझा अंदाज - पंचतारांकीत हॉटेलच्या प्रवेशद्वारापाशी जसे आरशाने कारच्या खाली स्फोटके वगैरे जोडली आहेत का तपासले जाते तसे नॅनो बरोबर केले जात नसावे.

संदीप डांगे Mon, 06/08/2015 - 16:52
अभिनंदन!!! प्रतिसाद थोडा त्रोटक आहे. 'प्रथमतुजपाहता' म्हणजे फस्ट इम्प्रेशन रीव्यू चा लेख टाका. त्यानंतर एक फर्मास ओनरशीप रीव्यू येऊ द्या १,००० किमी झाल्यावर.

धमाल मुलगा Mon, 06/08/2015 - 23:53
तुमची गरज तुम्ही खालीलप्रमाणे नमुद केलेली आहे:
माझे बजेट साधारण ३ लाखांपर्यंत आहे. दैनंदिन वापर : घर ते ऑफीस रोज : ५० किमीपर्यंत. गावी जाण्यासाठी (साधारण २०० किमी अंतर वन वे) - वर्षातून २ ते ३ वेळा.
तर, ह्या गरजेनुसार तुम्हाला चारचाकी ही लांबच्या प्रवासासाठी नसून 'सिटीकार' ह्या वर्गवारीत मोडणारी हवी आहे असं दिसतं. ह्या निकषांवर उतरणारी दुसरी गाडी मला तरी दिसत नाही. (महिंद्राची एक अशीच छोटी चारचाकी आहे, पण तिचे रिव्ह्यू वगैरे ठाऊक नाहीत, अन नॅनोइतकी विकलीही गेलेली नाही.) माझी २०१२ ची नॅनो LX झक्कास चालतेय. रोजचे जवळपास ७० कि.मी.(घर-हापिस-घर) आणि दोनेक महिन्यांतून पुणे-बारामती चक्कर अशी दामटली जायची. काहीही अडचण नाही. वर काही प्रतिसादात वाचल्याप्रमाणे मागच्या सीटवर गरम वारं लागणं, इंधनाचा वास येणं वगैरे अनुभव आले नाहीत उलट ताकदवान एसीमुळं गाडी पटकन थंड होते. हां, आता इंजिनाचा आवाज येतो बॉ बाहेरच्यांना, पण आपण खिडक्या लावल्या अन एसी चालू केला की आपल्याला काही येत नाही बॉ आवाज. आरामदायीपणाबद्दल (कंफर्ट) बहुतांश तुलना असतात, पण मुळात ह्या गाडीचं सेगमेंटच वेगळं आहे त्यामुळं तिची तुलना अगदी इतर हॅचबॅक्स / स्मॉल कार्ससोबतही होऊ शकत नाही. नेमकी तिथेच चूक करतो आपण अन मग नॅनोमध्ये कमतरता आहे वगैरे म्हणतो. सिटी(पुरती)कार म्हणल्यावर, जे काही हवं आहे ते जवळपास सगळंच आहे. रोजचं अंतर कापण्यात दुचाकीवरुन ये-जा करणं आणि नॅनोमधून ये-जा करणं ह्या निकषावर ती तुलना व्हावी असं मला वाटतं. ऑटो-ट्रान्स्मिशनची नॅनो घेतली तर उत्तमच. निदान २०१२ च्या गाड्यांमध्येतरी क्लच बराच त्रासदायक होता. बंपर-टू-बंपर ट्रॅफिकमध्ये असताना डावा पाय दुखायला लागेल की काय असं वाटण्याइतपत क्लच घट्ट/हार्ड होता. जर सुरुवातीच्या नॅनोपेक्क्षा २०१२ ची इतकी चांगली असेल तर २०१५ची ऑटो-ट्रान्समिशनची तर अधिकच उत्तम असेल असा माझा अंदाज. तस्मात, घ्या बिन्धास्त. तुम्ही काय गाडी घेऊन रस्त्यात शिटा भरुन वाशी-पुणेस्टेशन अशी लाईन लावणार नाही ना? मग सगळं येवस्थित असतंय, नका जास्त विचार करत बसू. ह्याच धाग्यावर बर्‍याच नॅनोमालकांनी फर्स्टहँड अनुभव सांगितले आहेत ते वाचा न ठरवा. हाय काय अन नाय काय! :)

चिगो Tue, 06/09/2015 - 17:43
च्यायला.. लै भारी धागा आहे हा. लै मोठेमोठे लोक हजेरी लावताहेत.. रा.रा.श्री. धमुपण अवतरले.. ;-) नॅनोचा फर्स्टहँड अनुभव नाही.. पण आमच्या शिलाँगात भारी चढ-उतार असणार्‍या रस्त्यांवर नॅनोंना बुंगाट पळतांना बघतोय रोज.. त्यामुळे तिच्या ताकदीबद्दल शंका नसावी.. बाकी आम्हीपण टाटा गाडीवालेच असल्याने पार्शल तर आहोतच..

केतकी Tue, 06/09/2015 - 12:01
सेफ्टीच्या दृष्टीने नॅनो कशी आहे? आजकाल बाकी गाड्यांमधे ABS, Airbags वगैरे फीचर्स येतात, यात तसं काही आहे का? पुढे इंजिन नसल्यामुळे जर समोरुन जोरात धडक बसली तर चालकाला गंभीर इजा होण्याची शक्यता इतर गाड्यांच्या तुलनेने जास्त नाहीये का?

रॉजरमूर गुरुवार, 06/11/2015 - 02:00
काय केतकी ताई nano बाबत चर्चा चाललीय ऑडी विषयी नाही . हे सगळे फीचर्स हवे असतील तर ऑडी घ्या . एकदम latest proven लेडी सलमान खान . कालच इस्टर्न एक्स्प्रेस हाय वे वर एका वकिलीण बाई ने ओम्नी ला तुडविले . ओम्नी चा भुगा करून २ जणांचे वरचे तिकीट कापले . पण या बाईंना साधे खरचटले पण नाही . कारण ? या बाई ऑडी चालवत होत्या . वाचा . लेडी सलमान खान काहीही हं श्री मी शिकलीय गाडी

खटासि खट Tue, 06/09/2015 - 23:22
नॅनो मला आवडत नाही. तिचा मागचा लूक सिक्स सीटर रिक्षा पेक्षा कमी नाही. अधांतरी लटकल्यासारखी वाटखीरी सायलेखीरीची नळकांडी धूर ओकताना फार वाईट दिसते. तोच पाईप ग्रीव्हजच्या सिक्स सीटरप्रमाणे वर नेता नेता राहीला की काय अशी शंका येते. समोरून सुद्धा फारसा चांगला लूक नाही. आत बसल्यावर मात्र चांगला फील येतो हे नक्की. आवाज अजिबात डिसेंट नाही. सहाशे सीसीच्या इंजिनला चौदा ते सोळा मायलेज मिळणं हे काही चांगलं लक्षण नाही. या पेक्षा ८००सीसी / १००० सीसीची अल्टो चांगली. शेवीची १००० सीसीची स्पार्कसुद्धा खूप चांगली. स्पार्कला ग्राउंड क्लिअरन्स चांगला आहे. त्यात्यामधे ही लेगस्पेस भरपूर आहे (उंंचावर बसत असल्याने). सीएनजी वर अल्टो हायवेला ३४ -३६ तर स्पार्क २८ + असा मायलेज देते. सेकंड हँड कार्सची किंमत खूप कमी आहे आणि या कार्स आहेत सुद्धा चांगल्या. बाकी, तुम्ही ऐकावे जनाचे.. या उक्ती प्रमाणे तुम्हाला आवडेल ती कार घ्याल म्हणा. शुभेच्छा !

खटासि खट Fri, 06/12/2015 - 05:42
@ वेल्लाभट चौदा ते सोळा हा या धाग्यावर आदुबाळ यांनी सांगितलेला मायलेज आहे. अनेक दिवसांपासून ती पोस्ट आहे. कुणी चॅलेंज न केल्याने तो बरोबर असावा या समजुतीने स्विकारला आहे.

खटासि खट गुरुवार, 06/11/2015 - 11:27
Meet punyat ९.५ kg gas bharala. Ghat sodun itaratra ac vaparala. Pune to satara avg speed ७०. Traffic can diversions. Sahara te nipani speed ११०. Tank ajara chya pudhe empty jhala. Trip Meyer २८० kms. Gas bhartana ०० reading set kelela. Car - spark. Mazya sobat santro gala hota tyala ३० molala mileage. Punyat mitrane sangitala ki Alto ३४ dete. Mazyakade alto nahi

सुबोध खरे Wed, 06/10/2015 - 13:05
आल्तो CNG २२ किमी देते ARAI च्या आदर्श परिस्थितीत आणी शहरात १३-१५ देते. तेंव्हा ३५-३६ देते हे सांगणारा स्वतः ला फसवत आहे कि लोकांना फसवत आहे कि मारुती कंपनीला हे कळत नाही. राहिली आल्तो ची गोष्ट. CNG लावला तर गाडीची शाळेती कमी होते वातानुकूलन आहे कि नाही अशी शंका असावी इतपत चालते. माझ्याकडे मारुती ८०० होती( अल्टो हि तिचीच बहिण आहे ) आणी माझ्या वडिलांकडे नॅनो आहे. नॅनोचे सर्वात मोठे फायदे म्हणजे आतमध्ये अल्टो पेक्षा जास्त जागा आहे आणी त्याची वातानुकुलन यंत्रणा अतिशय उत्कृष्ट आहे.आणी मी महिन्याच्या दुपारीसुद्धा आतमध्ये थंडावा आहे. याच्या तुलनेत आल्टोची वातानुकुलन यंत्रणा जेमतेम आहे. नॅनोच्या आतमध्ये इंजिनचा आवाज अजिबात येत नाही कि मागच्या सीट वर गरम होत नाही. फक्त नॅनोला डिकी जेमतेम आहे त्याचे स्टीअरिंग घट्ट आहे. पण जर पॉवर स्टीअरिंग असेल तर नॅनो चालविणे हा एक आराम दायक अनुभव आहे. नॅनो मधून तिन्ही बाजूचा रस्ता स्पष्टपणे दिसतो आणी शहरातील भरगच्च रस्त्यावर हि गाडी चालविणे हे अल्टोपेक्षा नक्कीच जास्त सोपे आहे. हे सर्व माझे स्वतःचे अनुभव आहेत. जाताजाता ३५-३६ CNG वर अव्हरेज मिळत असेल तर मी होण्डा युनिकोर्न विकायला तयार आहे.

सुबोध खरे गुरुवार, 06/11/2015 - 18:51
http://www.carwale.com/marutisuzuki-cars/alto800/mileage/ माझा प्रतिसाद वरील दुव्यावरून होता.येथे सी एन जी चे मायलेज २१. ९८ दिले आहे. हि एक माझी चूक झाली कि मारुतीचे अधिकृत आकडे दिले नाहीत. http://www.marutisuzuki.com/alto800.aspx येथे ते पहा. परंतु मारुतीच्या अधिकृत जाहिरातीत तेच ३०.४६ आहे. यात केंद्र सरकारच्या वाहन विषयक नियमानुसार केलेल्या चाचण्यात मिळालेले मायलेज आहे. हे वाहनाच्या टायरची हवा बरोबर हवी. त्यातील वंगण व्यवस्थित व्हिस्कोसिटी चे हवे, बाहेरील तापमान ५-३२'सेल्सियस हवे, सरळ सपाट रस्ता, ताशी वेग ४०, वार्याचा वेग ४० किमी पेक्षा कमी गाडी ३०० किमी चालवलेली हवी अशा अनेक अटीनुसार केलेले असते. तेंव्हा या अटी प्रत्यक्ष वापरात असणे अशक्यच आहे. आणि साधारणपणे प्रत्यक्ष वापरत हे २५ ते ४० टक्के कमीच मिळते जास्त नाही. आपण एक गल्लत करीत आहात ती म्हणजे आपण आल्तो k १० ची तुलना न्यानो बरोबर करीत आहात. आपण तुलना अल्टो ८०० शी करणे आवश्यक आहे के सिरीज ची इंजिने नवीन श्रेणीतील आहेत आणि हे इंजीन खरं तर वैगन आर चे इंजिन असून ते अल्टोला लावले आहे.हे ९९८ सी सी चे इंजिन असून त्याची शक्ती ६८ बी एच पी आहे ( पहिल्यांदा हि अल्टो १.१ होती जिला वैगन आरचे १०६१ सी सी चे इंजिन होतेआणि त्याची शक्ती ६४ बी एच पी होती ).तेंव्हा मारुती अल्टो के १० ची तुलना नानो बरोबर करणे म्हणजे घोडा आणि गाढवाची तुलना करण्यासारखे आहे.

खटासि खट गुरुवार, 06/11/2015 - 21:06
तुलना कशाशी करावी असं काही या धाग्यावर ठरलेय हे दिसलेलं नाही. १. मी स्पार्कचा स्वतःचा अनुभव दिलेला आहे. २८० किमी मधे फक्त घाट सोडून इतर अंतर एसी लावून. २०० किमी धरा. जर एसी नसता तर ३० च्या वर मिळाला असता मायलेज. २. मित्राची कार बहुधा हुंद्याईची आय १० होती. मी सँट्रो म्हटलेलं आहे. ३. पुण्यात आल्यानंतर सीएनजी च्या मायलेबद्दल सांगितलं असता मित्राने त्याचा अनुभव सांगितला. त्याची नवी अल्टॉ आहे. मी अल्टो असंच म्हटलेलं असताना तुमचा प्रतिसाद अगदीच जाहीर निर्भत्सना केल्याच्या थाटात आलेला दिसला. त्याबद्दल मी खंत, खेद, निषेध वगैरे लोकशाही आयुधं न वापरता फक्त फॅक्टस ठेवल्या आहेत. ४. मी दिलेली लिंक मोबाईल वरून दिलेली आहे. तीत सीएनजीचा मायलेज ३२.४ दिलेला आहे. आणखी एक दोघांचे अनुभव असेच आहेत. जुन्या कारची तुलना का करावी ? ५. मारुतीची सेलेरिओ ही १००० सीसी ची सीएनजी कार हायवेला ३१.७ इतका मायलेज देते. तिचं डिझेल वर्जन २७.८ इतका मायलेज देते. ते ७९३ सीसी इंजिन आहे. पेट्रोल चं ७९३ सीसी इंजिन २३ - २४ मायलेज देते. जर या कारला बाहेरून सिक्वेन्शिअल किट बसवून घेतलं तसुही सुद्धा निश्चित ३२ च्या पुढे मायलेज देईल. ६. आता घोडा आणि गाढवाची तुलना इथपर्यंत प्रगती झालीच आहे तर हळू पळणा-या कमी गर्दभशक्तीच्या गाढवाने कमी खाल्ल पाहीजे, तर जास्त अश्वशक्तीच्या घोड्याने जास्त खाल्लं पाहीजे. पण जर गाढव जास्त खात असेल आणि घोडा कमी खाऊन जास्त कार्यक्षमता दाखवत असेल तर विचार करायला पाहीजे, ६०० सीसी च्या कारला इंधन कमी लागेल की १००० सीसीच्या ? बाकी सगळं ठीक आहे टायर मधे हवा आहे. मुलं शाळेत जाऊ लागली आहेत. बकरीला पिल्लं झाली. दोन कोंबड्या खुडूक झाल्या. ओढ्यावरचा पूल वाहून गेला आहे. पण आम्ही तिथपासून २५० किमी अंतरावर राहत असल्याने फारसा धोका नाही. काळजी करू नये. आपला ६०० गदर्भशक्तीचा झोपाळू नाना

कॅप्टन जॅक स्पॅरो गुरुवार, 06/11/2015 - 21:40
६०० सीसी च्या कारला इंधन कमी लागेल की १००० सीसीच्या ?
चुकीच्या पद्धतीने विचारलेला प्रश्ण. इंजिन लाँगॅटिव्हीटी हा मुद्दा फाट्यावर मारुन जर का लिन मिक्स्चर दिलं तर १००० सी.सी. च्या गाडीला ६०० पेक्षा कमी इंधन लागेल असं ट्युनिंग करुन घेता येईल.

सुबोध खरे Fri, 06/12/2015 - 00:29
जाऊ द्या साहेब तुमचा इगो दुखावला असेल तर माफ करा. पण मूळ मुद्दा त्यांचे बजेट ३ लाख पर्यन्त आहे. त्यात येण्यासारखी गाडी म्हणजे नवी नानो आहे जुन्या सी एन जी अल्टो के १० पेक्षा ती बरी पडेल असे मला वाटते. राहिली गोष्ट आपण मला कारदेखो चा दुवा दिलात मी आपल्याला कारवालेचा दुवा दिला. ते सर्व इतर लोक आहेत. परंतु मारुती कंपनीचा दुवा जर ३० चे मायलेज म्हणत आहे तर कंपनी आपले मायलेज कमी का दाखवेल? बकरीला पिल्ल झाली कोंबड्या खुडूक झाल्या हा आपला इगो दुखावला असल्याची लक्षणे दाखवतात. मी मारुती कंपनीने दिलेल्या आदर्श परिस्थितीतील मायलेज मोजण्याच्या पद्धतीबद्दल लिहिले आहे. जी मोटार वाहतूक कायद्याप्रमाणे असावी लागते. अशी आदर्श परिस्थिती फक्त कागदोपत्री उपलब्ध असल्यामुळे प्रत्यक्ष शहरात मिळणारे मायलेज हे २५ ते ४० टक्के कमी असते. एका धाग्यावर हेरो च्या मोटार सायकलचे मायलेज १०३ म्हणले आहे हे असह आदर्श परिस्थितीत आहे. प्रत्यक्ष त्यांना फक्त ७०-८० इतकेच मिळते. असो मुंबईत आल्तो के १० सी एन जी ची किंमत ४ लाख ६८ हजार आहे. तेंव्हा तीन लाखाच्या आत दुसर्याने वापरलेली चांगली अल्टो के १० मिळणे जरा कठीणच आहे. म्हणून हि तुलना अनाठायी आहे असे वाटले. ४. ६८ आणि २. ५ लाखाच्या गाडीची( नानो) तुलना घोडा आणि गाढव अशी केली ती कदाचित चूक झाली पण हीच तुलना सफरचंद आणि संत्र अशी करायला हवी होती. राहिली गोष्ट आपण टोयोटा प्रायसपण सुचवू शकता.आपल्याकडे अल्टो नाही पण तरीही आपण ऐकीव माहितीवर वाद घालू इच्छिता. माझ्याकडे मारुती तसेच नानो या दोन्ही गाड्या असून मी त्यांची सर्व्हिस पासून सगळे स्वतः पाहिलेले आहे. मी सांत्रो किंवा स्पार्कबद्दल काहीच म्हणत नाही. जो माणूस त्यांना सेकंड hand गाडी विकतो तो बर्याचवेळेस त्यात काहीतरी कटकट असल्याशिवाय विकणार नाही. अशी कटकट असलेली गाडी आपण स्वानुभव नसताना का घ्यायला सांगता आहात हे कळले नाही? असो मी काही इंजिनियर नाही तेंव्हा आपण जास्त बरोबर असाल ठीक आहे माझी चूक मान्य करतो आणि वाद संपवतो

खटासि खट Fri, 06/12/2015 - 00:56
इगो दुखावला हे मला माहीत नव्हतं. गाढव आणि घोडा असा नॅनोचा प्रवास सुरू झाल्याने मजा केली फक्त. खरं म्हणजे आपण असा दावा करणारा मनुष्य स्वतःला फसवतोय का, की इतरांना की मारुतीला असा दावा करून १८ चं मायलेज दिलं होतं. आता आपणाला अल्टो ८०० चं मायलेजही १८ च्या पुढे असल्याचं लक्षात आलंच असेल. १८ आणि ३० मधे फरक आहे. ह्सर्वात महत्वाचं, ज्या पोस्टला आपण उत्तर देताना इतकी अ‍ॅग्रेसिव्ह भाषा वापरली आहे, त्या पोस्ट मधे ३ लाखामधे सेकंड हँड गाडी येईल असं म्हटलं आहे. स्पार्क २ लाखात मिळते. तीन लाख बजेट आहे हे ध्यानात असल्याने तसं लिहीलं होतं, ज्याला आपण अमूक तमूक तुलना करू नये असं म्हटलेलं आहे. ते कशासाठी हे अजून गुलदस्त्यातच आहे. किमान कारण तरी जाणून घ्यायचं होतं. मला नॅनो आवडत नाही म्हणून मी असा सल्ला दिला. सिंपल. मनाला लावून घेऊ नका आणि उत्तेजित होऊ नका. शुभरात्री !

खटासि खट Fri, 06/12/2015 - 01:02
बरं इनोव्हा माझ्याकडे खरेच आहे. मी त्यांना तसं म्हटलेलं नाही कारण इनोव्हा काही तीन लाखात मिळत नाही. आपण खूप घोळ घालत आहात. मित्राने दिलेली माहीती ऐकीव आणि तुम्ही दिलेली माहीती मात्र ऑथेंटिक असा भेदभाव का बुवा ? की मित्राने इथे लिहीलं की ती लिखीत माहीती होऊन ऑथेंटिक होते ? लॉजीक कळेल का यामागचं ? मी आपल्याला एक सोडून चार ठिकाणचे दाखले दिलेले आहेत. हायवे मायलेज म्हटल्यावर शहरात किती चालते हे कशासाठी ? की हा सारा शब्दच्छल पहीली पोस्ट बरोबरच होती यासाठी ? आता पुन्हा एकदा माझी मूळ पोस्ट वाचा , त्यावर तुमचं उत्तर वाचा आणि आता काय म्हणत आहात हे ही वाचा. आपली रजा घेतो बरं का डॉक्टरसाहेब. नाहीतर आणखी काही दुखावले जाईल हो..

सुबोध खरे Fri, 06/12/2015 - 10:02
मित्राने दिलेली माहीती ऐकीव आणि तुम्ही दिलेली माहीती मात्र ऑथेंटिक असा भेदभाव का बुवा ? की मित्राने इथे लिहीलं की ती लिखीत माहीती होऊन ऑथेंटिक होते ? लॉजीक कळेल का यामागचं ? मी आपल्याला एक सोडून चार ठिकाणचे दाखले दिलेले आहेत. ऑथेंटिक किंवा विश्वासार्ह हि मारुती कंपनीचीच म्हणायला पाहिजे (ज्यांनी ती कार बनवली आहे) . ते तर आदर्श परिस्थितीत ३० च म्हणताहेत. वर त्याच्या खाली तारांकित डीस्क्लेमरही आहे. मग शहरात किंवा हाय वे वर ३६ देणाऱ्या मित्राचेच आपल्याला बरोबर म्हणायचे असेल तर तसं आपण मान्य करून टाकू. बाकी इनोव्हा किंवा सांत्रो किंवा स्पार्क चे येथे प्रयोजन मला कळले नाही. असू द्या. माझ्या मंद बुद्धीमुळे असेल. किंवा फाटे कसे फोडतात ते माहिती नसल्यामुळे असेल. तुम्ही म्हणता ते बरोबर हे मान्यच करून टाकू. मग ठरलं तर अल्टो ३५ ते ४० मायलेज शहरात देते. विषय संपला.

खटासि खट Fri, 06/12/2015 - 12:54
Adarsh paristhiti chi detonation kaay ?tumhala standard tests condition mhanyachey ka ? Aadhi १४ mhanat hota. १४ varun ३० paryant alat yabaddal thanx. ३० chya pudhe ka denar nahee ? Tumhee posts meet vachat chala. Sequential kit jast mileage deil. Adarsh paristhiti madhe kit konate. Load kiti, speed kiti he sanga.

खटासि खट Fri, 06/12/2015 - 12:59
. बाकी इनोव्हा किंवा सांत्रो किंवा स्पार्क चे येथे प्रयोजन मला कळले नाही. असू द्या. माझ्या मंद बुद्धीमुळे >>> Tumhala uddeshun posts lihayachya hotya ka? Dhaga kartya chya prashnala nahee ka ? Innovative cha ullekh tumheech kelat na ? Asa ka bar kartay ? Tumhee ha vishay prestige issue cha kelay. So full stop from my side. Thanks

खटासि खट Fri, 06/12/2015 - 14:37
इनोव्हा असं टाईप केलं की मोबाईल वर कधी शब्द बदलतो कळत पण नाही. अनेक ठिकाणी ततपप केलं आहे. हा मोबाईलचा प्रॉब्लेम आहे की ब्राऊझरचा की मिपाचा हे कळेना (आताही असं होतंय पीसी वरून)

वेल्लाभट गुरुवार, 06/11/2015 - 17:16
डॉक्टर साहेब, ८०० वापरलीय, आता अल्टो के१० वापरतो गेली २ वर्ष.
याच्या तुलनेत आल्टोची वातानुकुलन यंत्रणा जेमतेम आहे
यावर तीव्र असहमती आहे. बोन चिलिंग्ग एसी आहे गाडीचं. अ‍ॅव्हरेज म्हणाल तर १७-१९. पेट्रोल आहे.

सुबोध खरे गुरुवार, 06/11/2015 - 19:02
वेल्लाभट साहेब वर खटासि खट यांना लिहिलेला प्रतिसाद पहा आपण तीच चूक करीत आहात. अल्टो ८००च्या वातानुकूलन यंत्रणेची के १० शी तुलना होऊ शकत नाही. ४८ बिएच पी आणि ६८ बी एच पी शक्तीची इंजिने अनुक्रमे आहेत. अल्टो के १० ची मुंबईत प्रत्यक्ष किंमत ४ लाख ६८ हजार आहे. http://www.carwale.com/new/quotation.aspx#pqid=129924116&t=1-3822 हि किंमत वरच्या श्रेणीतील कार ची आहे (ए श्रेणीतील नव्हे तर बी श्रेणीतील) या किमतीला अल्टो क्घेण्यापेक्षा थोडेसे पैसे (१४% किंवा ६०,०००) ५ .२ लाख जास्त टाकून मी WAGON R पसंत करेन. http://www.carwale.com/new/quotation.aspx#pqid=129924543&t=1-2784 आता तुम्हांला मायलेज १७ ते १९ मिळते आहे.( ते अर्थातच प्रत्यक्ष आहे दाखवायचे नव्हे). ते कुठे आणी ३६ कुठे?

वेल्लाभट गुरुवार, 06/11/2015 - 19:42
बर ८०० के १० मधली माझी गल्लत झाली. मी अल्टो के१० व्हीएक्सआय सगळ्या अ‍ॅक्सेसरीज सकट ४.०८ ला ऑन रोड घेतलीय.

सुबोध खरे गुरुवार, 06/11/2015 - 20:15
अल्टो व्हीएक्सआयची किंमत ठाण्यात ऑन रोड ४. ३१ लाख दाखविली आहे. (पण हे पेट्रोलचे मॉडेल आहे सी एन जी नव्हे) त्यात आपल्याला मिळणारा डिसकाउंट ३० ते ३५ हजार असेल वरची किमत अ‍ॅक्सेसरीजची. असाच डिसकाउंट ( हा ३७ हजार आहे) आपल्याला wagon R ला हि मिळेल. http://www.autocarindia.com/auto-news/best-car-discounts-for-june-2015-395548.aspx/1

खटासि खट गुरुवार, 06/11/2015 - 21:23
अल्टो ८०० सीसी चा सीएनजी मायलेज http://www.cardekho.com/maruti/maruti-alto-800-mileage.htm अल्टो के १० चा सीएनजी मायलेज http://www.cardekho.com/maruti/maruti-alto-k10-mileage.htm

खटासि खट गुरुवार, 06/11/2015 - 21:16
डॉक्टर सुबोध खरे आपण आमच्यावर फसवणुकीचा गुन्हा दाखल केला आहे. आम्ही के १० चा मायलेज सांगितलेला आहे. तिला अल्टोच म्हणतात. आपण फसावणुकीचा गुन्हदाखवलल करताना जे आरोप लावले आहेत त्यात मायलेजचा उल्लेख आहे. आता एसी, बीएचपी हे नवेच मुद्दे आलेले आहेत. आपला मायलेजचा मुद्दा खारीज झाला आहे का ? नव्या मुद्यांसाठी आम्ही न्यायालयात नवी सफाई देऊच. पण आधीच्या खटल्यात निर्दोष मुक्तता झाली किंवा नाही हे समजल्यास आपला आभारी राहीन. आमच्या वकिलास एक शंका आहे की के १० चा उल्लेख करू नये असा या धाग्य्वार कुठे करार, तह, एमओयू झालेला आहे का ? आम्ही सेकंड हँड कार नॅनो पेक्षा चांगली पडते असं म्हटलेलं आहे. ६०० सीसी ची कार के १० किंवा ८०० सीसी च्या इंजिनपेक्षा जास्त चांगलं कुलिंग कसं काय देईल हा एक नवा प्रश्न उपस्थित झालेला आहे. टाटाची सिएरा नावाची एक कार आलेली होती. या कारचा एसी भयंकर तापदायक होता. सुरुवातीच्या इंडीका कार्समधेही बोंब होती. एसी ही टाटासाठी नामुष्की बनलेली होती एकेकाळी. के १० ची तुलना करू नये या मुद्याशी मी सहमत नाही. तो तुमचा प्रश्न आहे.

अक्षरमित्र Wed, 06/10/2015 - 13:56
नॅनोच्या जन्मापासूनचा प्रवास आणि या धाग्याचा प्रवास दोघांमधेही खूप सारखेपणा जाणवतोय. सुरुवातीला नॅनोच्या वाट्याला आलेली तुच्छ गाडीची इमेज बदलून ती नक्कीच चांगली होत आहे ही आनंदाची बाब आहे. शिवाय या धाग्यावर जवळजवळ बर्‍याच दिग्गज मिपाकरांनी लावलेली हजेरी आणि स्वतःचे सांगीतलेले अनुभव नक्कीच उपयुक्त आहेत. थोडे दिवस अजून काही प्रतिसाद येताहेत काय हे बघून लवकरात लवकर निर्णय पक्का करतोय.

गणेशा Wed, 06/10/2015 - 19:33
वरील सगळॅ रिप्लाय वाचले आहेत... माझ्यासारखे नॅनोबद्दल निगेटीव्ह रिप्लाय खुप कमी आहेत.. पण ज्यांनी खरे युज केली आहे त्यांचे म्हणे खरेच आहे.. त्यामुळे काही हरकत नाही... पण तरीही ३.४५ का काय कोणी म्हणाले ना.. येव्हडी किंमत दिली तर आणखिन १-२ लाख अजुन घातले तर चांगली गाडी येइल.. जिच्या मध्ये सेफ्टी जास्त असेल तुलनेने... फॅमिली बरोबर बाहेर जायचे म्हणजे सेफ्टी जास्तच हवी.. मी असे म्हणात नाही.. ५ लाखाच्या गाडीचा भरोसाच आहे, पण नॅनो पेक्षा जास्त सेफ्टी... मी आता पुन्हा नविन गाडी घेताना, पुर्ण सेफ्टी फीचर सहीत घेइन.. बाकी गाडीच्या दिसण्यावर असण्यावर थोडेफार पोझीटीव्ह निगेटीव्ह असतेच .. तुम्हाला सेफ्टी पेक्षा, फक्त सिटीमध्ये आरामात .. टुव्हीलर च्या ऐवजी गाडी हवी असेल तर नॅनोच बरोबर... पण तुम्हाला त्यच बरोबर फँमिली ट्रीप.. गावाकदे जाणे वगैरे साठी गाडी हवी तर थोडी सेफ्टी वाली जास्त चांगली.. भले तुम्ही १ वर्षांनतर गाडी घ्या पण ती योग्य घ्या ...

आनंदी गोपाळ गुरुवार, 06/11/2015 - 09:23
५ लाखांच्या कोणत्या गाड्यांत कोणते सेफ्टी फीचर्स उपलब्ध आहेत याबद्दल थोडी माहीती देणार का?

ब़जरबट्टू गुरुवार, 06/11/2015 - 09:55
आयला, कमीतकमी नॅनोच्या लुक बद्दल फार कमी निगेटीव्ह रिप्लाय येतात..तुमच्या सेफ्टी ची नक्की व्याख्या काय आहे ?. क्रश टेस्ट हा जर निकष असेल तर भारतात बनणा-या ४-६ लाख या रेंज मधील सर्व गाड्या यामध्ये नापास आहेत..अगदी स्विफ्ट सुध्दा..ही लिन्क बघा.. Indian Car Unsafe मुळात रतन टाटा यांना या गाडीची संकल्पना, भर पावसात एका दुचाकीवर लहान मुलांना घेऊन जाणा-या वडिलांची ताराम्बळ पाहून सुचली होती.. दुचाकीवाल्यांना स्वस्तात चारचाकी का खिशात नसावी ही मुळ कल्पना..डोक्यावर छत्र व दुचाकीला पर्याय...त्यांनी जेव्हा ही कल्पना मांडली, तेव्हा १ लाखात गाडी कशी बनेल, म्हणून टाटांना स्वता:च्या कंपनीकडूनच खूप विरोध झाला.. एक छान वाक्य आहे टाटांचे त्यांच्या इन्जीनियर्सला " जेव्हढा वेळ आणी त्रास तुम्ही मला हे अशक्य आहे, हे पटवून देण्यासाठी घेताय, त्यापेक्षा थोडा जास्त वेळ हे कसे शक्य होईल यासाठी द्या." एव्हड्या कमी बजेटमध्ये बनली म्हणून असेल, पण लक्झरी असणे हे या गाडीच्या संकल्पनेत नव्हतेच कोठे.. पण भारतात ही कल्पना रुचली नाही.. गरीबाला गरीब म्हंटलेले चालत नाही.. म्हणून मार्केटींग पुर्ण फसले... आता हीच गाडी नवीन रुपात आली..लक्झरी आहे, रिफाईनमेंट आहे.. त्यामुळे बेस्ट आहे बघा.. हीच गाडी आता घरोघरी सेकन्ड कार ची जागा नक्की घेणार यात शंका नाही...

गणेशा Fri, 06/12/2015 - 13:07
तुम्ही म्हणता तसे असू शकते... आणि गरीबाला गरीब म्हंटलेले आवडत नाही हे वाक्य खरेच... काही हरकत नाही नॅनो नविन घेतल्यावर ... मी नॅनो वापरली नसल्याने रोखठोक काही म्हणत नाही, माझ्या सेफ्टीची व्याखा आहे असे काही नाही.. पण पुढून जर थोडीशी धडक बसली तर मागचा आणि पुढचा भाग एकच होयील ही भिती... बाकीच्या गाड्या तश्या होणार नाहीत असे नाही.. पण तुलणेने त्या नॅनो पेक्षा अधीक चांगल्या असे माझे उगाचच गाडी बघुन मत.. ओमनी गाडी पण मला ह्याच मुळे आवडत नाही... डायरेक्ट पुढे ड्रायव्हर असतो .. अल्टो गाडी उंची ला कमी आहे... बाकी जर ३.५ लाख आणि ५ ते ६ लाखात काहीच जास्त सेफ्टी फिचर चा फरक नसेल तर नॅनोच चांगली मग...

चौथा कोनाडा Wed, 06/10/2015 - 20:04
हा घ्या अजून एक नॅनोवाला रोचक धागा : :::::: नॅनो कार घेण्याचा विचार चालू आहे :::::: नॅनो खरे तर नॅनो ही वेगळी गाडी असल्यामुळे इतर "कार्स" ची तुलना उचित ठरत नाही. स्वतः वापरुन मत बनवावे. गेली चार वर्षे वापरतोय. आमचा अनुभव चांगला आहे.

बबन ताम्बे गुरुवार, 06/11/2015 - 17:51
स्वतः वापरताहेत. अनुभवाचे बोल. चौ,को;साहेब, अजून माहीती द्या ना! आरामदायीपणा (सस्पेन्शन), हाय स्पीडला गाडीची स्टॅबीलीटी,अ‍ॅव्हरेज, चालवतानाचा कम्फर्ट, एसीची कार्यक्षमता, मेन्टेनन्स कॉस्ट, डीलर सर्व्हिस वगैरे.

मनिष गुरुवार, 06/11/2015 - 11:16
नक्की घ्या, फक्त अ‍ॅटो ट्रांसमिशन नको कारण ३.५ लाखात अल्टो मॅन्युअल जास्त चांगला पर्याय आहे .मारुती गाड्यांचे जास्त आयुष्य, कमी देखभाल खर्च आणि चांगली रिसेल व्हॅल्यू ह्यामुळे मारूतीचे अल्टोचे पागडे (माझ्या मते) जड आहे. नॅनो अ‍ॅटो ट्रांसमिशन घ्यायची असेल तर हे अवश्य वाचा - http://www.team-bhp.com/forum/official-new-car-reviews/164034-tata-nano- amt-automatic-official-review.html स्लॅग्/डीले मुळे चढावावर (अगदी फ्लायओव्हर असला तरी) तारांबळ उडू शकते - खासकरून पहिल्यांदाच गाडी चालवत असाल तर! नॅनो मॅन्युअल एक खरंच उत्तम पर्याय आहे!

योगी९०० गुरुवार, 06/11/2015 - 16:56
आमच्या बाबाची न्यानो कार आहे. त्याने ती त्याच्या बॉसकडून घेतली. त्याचा बॉस न्या म्ह्णत होता पण बाबा नो म्हणत होता म्हणून बहुतेक या कारला न्यानो असे म्हणतात. शेवटी बाबाने प्रमोशन आणि कार एकदम बॉसकडून घेतले. बॉस ने आता टोयाटो का काहीतरी घेतली आहे. पुढच्या प्रमोशनला आमच्याकडे टोयाटो असणार आहे.

खटासि खट गुरुवार, 06/11/2015 - 21:36
एक वर्षांपूर्वी छोट्या कार्समधे टर्बोचार्जर नसायचा. हल्ली सर्रास वापर होतो. त्यामुळे इंजिनची पावर आणि मायलेज या दोन्हीमधे वाढ होते. मारुतीची नवी ६६० सीसी ची कार ४९ - ५१ सीसी इतकी अश्वशक्ती निर्माण करते. भारतात यायला अवकाश आहे. इंजिनची कार्यक्षमता हा निकष असायला हवा. किंमत हा निकष ठेवला तर हा धागा चर्चेला ठेवण्याची गरज नाही. दोन फटफट्या मधे वेल्ड केल्या आणि वरून हूड ओढलं तरी स्वस्तात कार मिळेल. कल्याण मधे डुक्कर रिक्षा मिळायची तशी कार सहज बनवून देता येईल. इंजिन ३५० सीसी. चंदीगढ मधे उप्र मधे हाताने बनवलेली रिक्षा मिळते. ती सहज कार मधे कन्व्हर्ट होईल. खूप स्वस्तात काम होईल. झालंच तर लॉनमूव्हरचं इंजिन वापरून पत्रे ठोकून कार बनू शकते. काही वर्षांपूर्वी सिक्स सीटर्स आल्या होत्या अशा.

आनंदी गोपाळ Fri, 06/12/2015 - 09:31
एक चारचाकी ठेला घेऊन त्यावर खुर्ची छत्री फिट केली अन ढकलत न्यायला माणूस नोकरीवर ठेवला तर कसे राहील? अशीही सिटी ट्रॅफिकमधे कितीक स्पीडने जाते गाडी? "आमची कार" असा बोर्ड लावायचा समोर, की झाले.

स्वच्छंदी_मनोज Fri, 06/12/2015 - 13:21
धाग्याची शंभरी ओलांडली, तरी सत्कार कसा नाही झाला अजून.. जेपी भौ कुठे गेलेत? पण शंभराच्या वर प्रतीसाद होऊनही नॅनो घ्यावी की घेवू नये त्याचा उलगडा काय झाला नाही. धाग्याचा प्रवास मात्र नॅनो वरून हातगाडी पर्यंत झाला :)

काळा पहाड Fri, 06/12/2015 - 13:51
मायलेज आणि सेफ्टी मध्ये गाडं अडकलंय. मायलेज मधे मारूती अल्टो सीएन्जी पुढेच असणार नेहमी. सेफ्टी मधे कोण पुढे असेल सांगता येणार नाही. अल्टो नॅनो पेक्षा जास्त सेफ आहे का?

गणेशा Fri, 06/12/2015 - 13:56
माझ्या अंदाजाने, धागाकर्त्याला मात्र उलगडा झाला असेल, असे रिप्लाय वरुन वाटत आहे.. आलेले रिप्लाय आणि नॅनो बद्दल थोडासा घ्यावी का म्हणुन सोफ्ट क्वार्नर यामुळे ते नॅनोच घेतील असे मला ९९ % वाटते आहे.. चांगले आहे.. नविन गाडी बद्दल शुभेच्छा !..

टवाळ कार्टा Fri, 06/12/2015 - 14:19
गाडी स्वतः कधीही ६०-७० च्या पेक्षा जास्त स्पीडने चालवणार नसाल आणि गाडीच्या आजूबाजूने ६०-७० च्या पेक्षा जास्त स्पीडने जाणार्या गाड्या नसतील तर बिंधास्त घ्या वरच्या पैकी एखादी कंडिशन नसेल तर मात्र सेफ्टीचा विचार सगळ्यात आधी करा आणि मायलेजचा नंतर माझ्यामते चारचाकी घेताना खाली दिलेले मुद्दे सगळ्यात आधी विचारात घ्यावे (दिलेल्या क्रमाने) सेफ्टी (एबीएस, एअर बॅग्स, ई.) लेग स्पेस स्पेअर्स आणि सर्विसिंग सेंटर्स 1. Safety first ABS, Air bags, etc. 2. Internal usable space you may not go for long drive now...but in future you will definitely go for it 3. Spares cost and servicing cost and service center availibility Buying any car is very easy, maintaining it is difficult as well as costly या तिन्ही मुद्द्यांवर मला नॅनो कुठेच फिट्ट बसलेली दिसत नाही अजून १ महत्वाची गोष्ट, जी घरी नॅनो असणार्या कुठल्याच मिपाकराने लिहिलेली नाहिये जर कधी चुकुन माकून एखादी बाईक्/रिक्शा/चारचाकी नॅनोला हलकेच चुंबन/गळामिठी देउन गेली आणि सुदैवाने आतल्या माणसांना साधे खरचटले सुध्धा नाही तरीही बॉडीच्या दुरुस्तीचा खर्च अंदाजे किती असेल?

काळा पहाड Fri, 06/12/2015 - 15:06
नॅनो कुणीतरी घेवून जाताना दिसलं की का कुणाक ठावूक, पण एक दयाभाव मनात दाटून येतो. कदाचित नॅनो घेवून कुणीच माजोरडे पणानं लेन कटींग करून चालवू शकत नाही म्हणून असावं, पन नॅनो वाले नेहमीच सज्जन माणसासारखे गाड्या चालवतात. मोठ्या गाड्या पण नॅनो ला फारसं पींपींपाँपाँ करताना दिसत नाहीत. निमूट वळसा घालून ओव्हर टेक करतात.
जर कधी चुकुन माकून एखादी बाईक्/रिक्शा/चारचाकी नॅनोला हलकेच चुंबन/गळामिठी देउन गेली आणि सुदैवाने आतल्या माणसांना साधे खरचटले सुध्धा नाही तरीही बॉडीच्या दुरुस्तीचा खर्च अंदाजे किती असेल?
मोठ्या गाडीएवढाच (इंडिका) असावा. टाटावाले (उदा: पंडित ऑटो) लुटायलाच बसलेले आहेत असा माझा माझ्या गाडीमुळं अनुभव आहे. मारूतीचे स्पेअर्स टाटा पेक्षा स्वस्त आहेत का?

आदूबाळ Fri, 06/12/2015 - 17:08
हो हो. दयाभावाबद्दल अगदी खरं आहे. "गरीब बिचारा माधुकरी" छाप नजरा झेलायची सवय झाली होती. - आमच्या हपीसातला पार्किंगवाला रखवालदार अगदी दयार्द्र मुद्रेने कोपर्‍यातली जागा देई. तिथे नॅनोव्यतिरिक्त कोणतीच गाडी बसू शकत नसे. - एकदा रिवर्स घेताना एकाची गाडी पाडली. मला वाटलं होतोय आता राडा. पण त्याने स्वतःची गाडी वगैरे उचलली आणि मागे उभा राहून मला "यूंद्या..यूंद्या..बास..." करत सुरक्षितपणे रस्त्यावर काढलं!

nanaba Tue, 08/16/2016 - 14:31
टाटा nano घेण्यापेक्षा ऑटो घ्या किंवा चांगली bike घ्या! असली भिकार दिसणारी आणि चालणारी गाडी मी जगात पहिल्यांदा पहिली! >> can we buy auto for personal use? where to buy in Maharashtra/pune?do we need special license for driving? How much does it cost?

आनंदी गोपाळ Tue, 08/16/2016 - 20:46
खासगी वापरासाठी रिक्षा घेता येते. रजिस्ट्रेशन खासगी वापराचे केले की झाले. रिक्षाला रंग वेगळा द्यावा लागतो. पण, तीन चाकी अनस्टॅबिलिटीपेक्षा चार चाके बरी. रिक्षा एसी कशी करणार? पाऊस आत येतो म्हणून ताडपत्र्या झाकाव्या लागतात इ.

बिहाग Tue, 06/23/2015 - 11:33
नॅनो ला नेहमी दयेच्या दृष्टीने पहिले जाईल पण गर्दी मध्ये घुसवायला , पटकन पार्क करायला नॅनो सारखी दुसरी गाडी नाही . घरात एकच गाडी वापरली जाणार असेल तर आल्तो बरी , जर दुसरी गाडी असेल तर शहरामध्ये चालवायला नानो सारखी दुसरी गाडी नाही ( रेवा आहे पण किमत काहीच्या काही आहे . )

nanaba Tue, 08/16/2016 - 14:31
टाटा nano घेण्यापेक्षा ऑटो घ्या किंवा चांगली bike घ्या! असली भिकार दिसणारी आणि चालणारी गाडी मी जगात पहिल्यांदा पहिली! >> can we buy auto for personal use? where to buy in Maharashtra/pune?do we need special license for driving? How much does it cost?

अकिलिज Tue, 08/16/2016 - 21:58
कित्ती मोठ्ठं आहे नाही. जरा हे पहा. अशा दिसणार्‍या गाड्या जगात भरपूर आहेत. आणि चालतात ही. https://en.wikipedia.org/wiki/Mitsubishi_i-MiEV https://en.wikipedia.org/wiki/Toyota_Aygo https://en.wikipedia.org/wiki/BMW_i3

आनंदी गोपाळ Tue, 08/16/2016 - 21:22
आज रिकामा वेळ सापडल्याने धागा परत वाचला. एकंदर सगळे प्रतिसाद वाचून, त्यातल्या त्यात धाविघाभु श्री काळापहाड यांचे सर्वव्यापी प्रतिसाद वाचून मनात एक (छोटीशी) शंका दाटून आली. इच्चारूनच टाकतो. कापासैब, तुम्ही पूर्वी टाटा मधे नोकरीला होता का हो? आय मीन, नोकरी का सोडावी लागली वगैरे काही इतिहास आहे का? हलके घ्या, रागावू नका.

मोदक Wed, 08/17/2016 - 14:16
डॉक... हा वैयक्तीक प्रश्न काय रूचला नाय ब्वा. 'हलके घ्या असे लिहून असे प्रश्न विचारणे' म्हणजे 'आपल्याला कोणीतरी असाच प्रश्न अशाच डिस्क्लेमरसह विचारण्याची परवानगी देणे' आहे असे वाटत नाही का..?

आनंदी गोपाळ गुरुवार, 08/18/2016 - 10:52
मोदका, धागा पूर्ण वाचून फक्त या एकाच महोदयांचे अनेक प्रतिसाद, तेही अगदी कळकळीने अँटी नॅनो दिसले. सहज वाटलं, भै इतनि खुन्नस कायको? त्यांना प्रश्न विचारला तर तो वैयक्तिक झाला. पण हा प्रश्न त्यांना नको विचारू तर कुणाला विचारता येईल? ;)

मोदक गुरुवार, 08/18/2016 - 18:24
बरोबरै.. पण तुम्ही विचारलेल्या प्रश्नाचा टोन पटला नाही इतकेच.

नपा Wed, 08/17/2016 - 12:30
कोणती गाडी घ्यावी याचा गुगलाभ्यास करताना हि website सापडली.. http://www.vahanpurchase.com/ निर्णय घेणं सोपं होते का बघा.

सुबोध खरे Wed, 08/17/2016 - 12:46
मी माझा भाऊ आणि आमचे वडील या तिघांत मिळून मारुती आणि टाटा च्या ९ गाड्या वापरल्या आहेत. यात नॅनो, इंडिका(पेट्रोल) सुमो आणि सफारी येतात, शिवाय मारुती ८००, अल्टो , वॅगन आर आणि स्विफ्ट येतात. टाटा च्या गाड्यांचे पत्रे आणि चॅसीस मारुतीच्या पेक्षा नक्कीच जास्त शक्तिमान आहेत त्यांचे सुटे भाग सुद्धा एकंदर जास्त स्वस्त आहेत आणि गाड्यांच्या देखभालीचा खर्च सुद्धा मारुती पेक्षा थोडासा कमी आहे.नॅनो मध्ये अल्टो पेक्षा जास्त आतील जागा आहे. अल्टोपेक्षा ए सी कितीतरी जास्त चांगला आहे.पण नॅनो स्वतःला चालवायला अल्टोपेक्षा कठिण वाटते( पॉवर स्टिअरिंग नाही आणि आहे हा फरक असल्याने) शिवाय मारुतीची इंजिने टाटा पेक्षा जास्त मुलायम आहेत. ऍव्हरेज मध्ये फारसा फरक पडत नाही. बाकी लोक काय म्हणतात याच्याशी आम्हाला कर्तव्य नाही. ज्याला नॅनो आवडेल त्याने ती घ्यावी असेच मी म्हणेन.

टर्बोचार्जड फिलॉसॉफर Wed, 08/17/2016 - 15:20
मी नॅनो आणि अल्टो दोन्ही वापरल्या आहेत ,नॅनोसारखी आटोपशीर गाडी नाही,अल्टोचे इंजिन स्मुथ असले तरी तीचात नॅनोएवढी स्पेस नाही हे खते आहे.लोकं नॅनो घेऊन् लेह लडाख करुन आले आहेत ,आता बोला?

सुबोध खरे गुरुवार, 08/18/2016 - 10:32
What’s most impressive though is the phenomenal amount of space the Nano has. Legroom, both in the front and the back, can easily rival larger saloons and despite its petite exterior dimensions, it manages to be one of the most spacious hatchbacks across segments. http://www.autocarindia.com/auto-features/tata-nano-twist-vs-maruti-alto-800-comparison-373333.aspx/0

महेश श्री देशमुख गुरुवार, 08/18/2016 - 07:12
आमच्याकडे २ नॅनो आहेत, पहिली (Basic Model) लाँच झाली तेव्हा घेतली होती आणि दुसरी (Topend mannual) २०१५ च्या दसऱ्याला घेतली होती. दोन्ही गाड्या ताशी ५५ ते ७० प्रतिकिमी च्या वेगाने चालवल्या तर सरासरी अनुक्रमे २४, २२ चे माईलेज देतात हे अनूभवातून सागतो आहे. माझ्याकडे नवीन नॅनो असते, दर आठवड्याला अंदाजे ३०० किमीचा प्रवास होतो ( चिंचवड-सातारा-चिंचवड). आताच माझे ९७०० हजार किमी पुर्ण झालेत. अतिशय चांगली गाडी,कोणती तक्रार नाही. कसलाही इंधनाचा वास येत नाही, हा मात्र आवाज येतो पण बाहेरच्याना ! तशीही गाडी आतून आपली असते :) तुमच्या २ चाकी पेक्षा कमी सर्वीस खर्च. बिनधास्त घ्या.