Skip to main content

सखे..फुलांसवेच आज माळ चांदवा!

लेखक सत्यजित... यांनी शुक्रवार, 18/05/2018 16:48 या दिवशी प्रकाशित केले.
बघूच धावतो कसा? खट्याळ चांदवा... सखे..फुलांसवेच आज माळ चांदवा! अजून पाहिली न मी भरात पौर्णिमा उगाच दावतो मला घड्याळ चांदवा! नभावरुन एकदाच हात फेरला उद्या कळेल बातमी..'गहाळ चांदवा!' शशीस चेहरा तुझा म्हणू कसा? प्रिये, तुझ्यापुढे दिसे मला गव्हाळ चांदवा! निळ्या नभावरी पिठूर साय पांघरु... उधाणला उरातुनी दुधाळ चांदवा! तनू-तनू तहानली सहाण वाटते हळूच वेच चांदणे,उगाळ चांदवा! पहाटही नभावरी गुलाल रंगते मिठीत लाजला तिच्या मधाळ चांदवा! —सत्यजित
काव्यरस
gazal
मराठी गझल
शृंगार
लेखनविषय:
वाचने 17603
प्रतिक्रिया 24

प्रतिक्रिया

सस्नेह शुक्रवार, 18/05/2018 17:31
दिल चांदवा चांदवा हो गया !

सत्यजित... मंगळवार, 22/05/2018 04:30
छोटासाच पण खूप सुंदर बोलका प्रतिसाद! वाह् म्हणून दाद द्यावासा! खूप धन्यवाद!

प्राची अश्विनी शुक्रवार, 18/05/2018 19:32
आहा!

एस शुक्रवार, 18/05/2018 23:47
तनू-तनू तहानली सहाण वाटते हळूच वेच चांदणे,उगाळ चांदवा!
जियो! अप्रतिम कल्पना...! एकेक शब्द मनात घोळवत घोळवत हे कडवं म्हणतोय केव्हापासून. सये तुझ्या तनूवरी हा चंद्र मी उगाळतो चांदण्यांच्या वणव्यात साऱ्या जीव कसा पोळतो

सत्यजित... मंगळवार, 22/05/2018 04:22
प्रतिसादाबद्दल मनःपूर्वक धन्यवाद एस! आपण लिहिलेल्या ओळीही सुंदर आहेत! त्यांतील पहिल्या ओळीवरुन अजून दोन ओळी सुचल्या,ज्या सदर गझलेसाठीच,दुसरा मतला—'हुस्नेमतला',असू शकतील... "सये तुझ्या तनूवरी उगाळ चांदवा, दिसेन मग जरा तरी नव्हाळ चांदवा!" धन्यवाद!

पद्मश्री चित्रे शनिवार, 19/05/2018 08:10
छानच अगदी.

शिव कन्या शनिवार, 19/05/2018 08:32
+१११

श्वेता२४ शनिवार, 19/05/2018 13:39
शशीस चेहरा तुझा म्हणू कसा? प्रिये, तुझ्यापुढे दिसे मला गव्हाळ चांदवा! हे भारी आवडलं. असं कधी वाचनात नव्हतं आलं. मस्तच

प्रा.डॉ.दिलीप बिरुटे सोमवार, 21/05/2018 17:15
आवडली रचना. -दिलीप बिरुटे

सत्यजित... मंगळवार, 22/05/2018 04:40
शाली,प्राची,प्रचेतस,पद्मश्री,शिव कन्या,संजय पाटिल,सविता,अभ्या,बिरुटे सर,यशोधरा... आपण सर्वांनी अनेकवेळा अवर्जून प्रतिसाद नोंदवून दाद दिलीत,लिखाणास प्रोत्साहन दिलेत,त्याबद्दल आपणा सर्वांचे मनःपूर्वक आभार!

खिलजि मंगळवार, 22/05/2018 16:44
सत्यजित साहेब , आपल्या कविता मला फार भावतात . आपण फारच सुंदर विचार करता . सुंदर कविता .. सिद्धेश्वर विलास पाटणकर

मिसळलेला काव्यप्रेमी बुधवार, 23/05/2018 16:52
सुरेख आणि रेखिव रचना.