Skip to main content

साक्षात्कार

लेखक अनन्त्_यात्री यांनी सोमवार, 12/06/2017 21:23 या दिवशी प्रकाशित केले.

माझ्या चित्रातले पक्षी चौकट तोडून मोकळ्या आकाशात आले
तेव्हा दिसलं
इंद्रधनुष्य कवेत घेण्यासाठी
रिमझिमतं आभाळ तर
कधीचं ओथंबून वाकलंय

वीट वीट पारखून बांधलेल्या माझ्या कुंपणापलीकडे मी पाहिलं
तेव्हा दिसलं
मी सहज फेकलेल्या विटेवर
माझं श्रेय-प्रेय तर
कधीचं उभं ठाकलंय

अंधार पीत पीत मी इथवर आलो उजेडाच्या प्रतीक्षेत
तेव्हा दिसलं
माझ्या रोमरोमात तर
पहाटेचं तेज
कधीचं फाकलंय

काव्यरस
कविता माझी
लेखनविषय:
वाचने 2857
प्रतिक्रिया 13

प्रतिक्रिया

इडली डोसा बुधवार, 14/06/2017 11:02

माझ्या रोमरोमात तर
पहाटेचं तेज
कधीचं फाकलंय

हे विशेष आवडलं

सनकी गुरुवार, 15/06/2017 20:31

"रिमझिमतं आभाळ तर, कधीचं ओथंबून वाकलंय". भिडलं मनाला अगदी! चौकटीबाहेरचा विचार करून आत्मविश्वासाने पुढे पाऊल टाकायचीच काय ती खोटी... सारं जग तुमचंच आहे.

सत्यजित... बुधवार, 21/06/2017 00:43

शेवटचा बंध अगदीच क्लासिक!

अवांतर—वातावरण म्हणा किंवा काय,पहिला नि तिसरा बंध वाचताना,पावसाळ्यातली एखादी ओलसर,कुंद पहाट-ऊषा,आठवुन गेली!

सत्यजित... शुक्रवार, 23/06/2017 00:31

मेळविता एकेक पणती,उजळता प्रकाश-पंक्ती
सूर्य व्हाव्या लक्ष ज्योती,अखंडीत!