गझल - आणि हा खेळ झाला

व — वेल्लाभट,
जरा हासलो आणि हा खेळ झाला तुझा भासलो आणि हा खेळ झाला तसा संयमी नित्य मी राहणारा जरा त्रासलो आणि हा खेळ झाला मला वाटले वेळ आलीच होती तरी वाचलो आणि हा खेळ झाला मला मोडणे मान्य होते तरीही पुन्हा वाकलो आणि हा खेळ झाला जरा शेवटी हात जोडावयाला उभा ठाकलो आणि हा खेळ झाला अता थांबता येत नाही अपूर्व जरा धावलो आणि हा खेळ झाला - अपूर्व ओक
4296 वाचन
💬 प्रतिसाद (20)

निश
Wed, 06/29/2016 - 17:32 नवीन
मला मोडणे मान्य होते तरीही पुन्हा वाकलो आणि हा खेळ झाला .....ह्या ओळि एकदम मस्त...

pj
गुरुवार, 06/30/2016 - 01:37 नवीन
प्रत्येक शेर जमलाय!

चतुरंग
गुरुवार, 06/30/2016 - 23:16 नवीन
नेहेमीप्रमाणेच आमची पोचपावती.... जरा हासलो आणि हा घोळ झाला 'तिचा' भासलो आणि हा घोळ झाला! नसे संयमी नित्य मी चापणारा जरा ग्यासलो आणि हा घोळ झाला! रमा बोलता वेळ झाली भिशीची उगा नाचलो आणि हा घोळ झाला! सुरा सोडणे मान्य होते तरीही पुन्हा प्यायलो आणि हा घोळ झाला! असे तातडी, नाडि सोडावयाला उभा ठाकलो आणि 'हा घोळ' झाला! कवी तिंबती आज 'रंग्यास' जाली जरा चावलो आणि हा घोळ झाला! (घोळदार)रंगा

वेल्लाभट
Fri, 07/01/2016 - 07:34 नवीन
वावा जबर घोळ घातलात !वा!
↩ प्रतिसाद: चतुरंग

पैसा
Fri, 07/01/2016 - 09:47 नवीन
=))
↩ प्रतिसाद: चतुरंग

प्रा.डॉ.दिलीप बिरुटे
Fri, 07/01/2016 - 07:43 नवीन
वेल्लाभट आणि रंगासेठ दोघांच्याही रचना खासच. -दिलीप बिरुटे (गझलप्रेमी)

नाखु
Fri, 07/01/2016 - 15:39 नवीन
आणि पुढचा घोळ दोन्ही फर्मास.. घोळसलेला खेळाडु नाखु

चाणक्य
Sat, 07/02/2016 - 22:51 नवीन
छान गजल

सत्यजित...
Wed, 05/03/2017 - 01:48 नवीन
ज ब र द स्त! त्यातही...त्रासलो,वाचलो आणि वाकलो...गजब शेर! >>>मला मोडणे मान्य होते तरीही पुन्हा वाकलो आणि हा खेळ झाला>>>पहिलीच ओळ कितीतरी पुरेशी आहे खरं तर आणि त्यात ही दुसरी!लाजवाब!

वेल्लाभट
Wed, 05/03/2017 - 12:08 नवीन
अरे वा. इतके दिवसांनी या ग़ज़लेचा धागा वर आलेला बघून छान वाटलं. प्रतिसादकांना मनापासून धन्यवाद. सत्यजित, मदनबाण, मितान, दशानन!