लग्नासाठी नकार- मजेशीर कारणे

स
सतिश पाटील यांनी
 ·  लेख
लेख
माझ्या एक मित्राचे हात पिवळ करण्याचे त्याच्या पालकांनी ठरवलय. मागच्याच महिन्यात मुलगी पाहण्याच्या कार्यक्रमाची बोनी झालिये. २८ वर्ष वय, MBA, बऱ्यापैकी देखणा, सधन कुटुंब,भरपूर बागायती शेती, पुण्यात आईटी मधे नोकरी, चांगला पगार,५;९ उंची लग्नाच्या बाजारात मुलींच्या अपेक्षा फारच वाढल्या आहेत असे ऐकून होतो. (माझ्या बाबतीत मात्र पहिल्याच फटक्यात पोरगी गटवली. त्यामुळ ऐकून आहे , अनुभव नाही.) त्याने ज्या २ मुली पहिल्या त्या दोघिन्नी त्याला नकार दिलाय. त्याची मजेदार कारणे एकंदरीत अशी. 1) मुलगी पहायला गेल्यावर चहा पोहे हदाडून झाल्यावर पोरीचा बा म्हणतो, आम्हाला सरकारी नोकरी करणारा पाहिजे हाय...तवा तुमी या... आयला पोरगा आपल्या पोरीला लग्नासाठी बघायला घरी येतोय तेव्हा त्याच्याबद्दल एवढी जुजबी माहिती देखील त्या पोरीच्या "बा" ला नसेल का्य? २) कालच दूसरा नकार आला आहे. त्याचे कारण तर कहर आहे. म्हणे मुलाचे वजन कमी आहे. ऐशाप्पथ... याला का्य त्या पोरीच्या बा ने उचलून पहिला? का च्या पिउन झाल्यावर वजन काट्यावर उभा केला? अणि खरच तो मुलगा एवढा लुकड़ा फुकड़ा नाहीये दिसायला.६५ किलो वजन असेल त्याचे. काल पासून मला फ़ोन करुन " साला जिन्दगी झंड झालिये बे माझी, असा सुर लावायला लागलय. ये आपण बसुया म्हणून आमंत्रण देतोय... साला ही का्य कारणे असतात यार नकार द्यायची? पोरगा एकत्र कुटुंब पद्धतीला मानतो, कारण तरी स्पष्ट सांगा न राव? असो..सुरुवातीला मला खुप हसू येत होते, परन्तु आता लक्षात येते आहे की म्याटर सीरियस आहे......
वर्गीकरण
लेखनविषय (Tags)
मांडणी
लेखनप्रकार (Writing Type)
विचार
19375 वाचन
💬 प्रतिसाद (98)

प्रतिक्रिया

अभ्या..
Mon, 10/17/2016 - 18:11 नवीन
सुरुवातीला मला खुप हसू येत होते, परन्तु आता लक्षात येते आहे की म्याटर सीरियस आहे.
अभिनंदन. पुत्रजन्माबद्दल.

कपिलमुनी
Mon, 10/17/2016 - 18:57 नवीन
कित्ती चांगला आहे तुमचा मित्र ! माझे निर्लज्ज , हलकट मित्र कितीतरी पोरींनी हाकलल्यानंतरसुद्धा बसायला बोलवत नाहीत. एक ठाणेकर मित्र तर पुणे ते लंडन व्हाया थायलंड नकारघंटा घेउन आलाय पण बसायचे नाव घेइना !

माम्लेदारचा पन्खा
Mon, 10/17/2016 - 21:14 नवीन
आमालाबी कळूंद्या...
↩ प्रतिसाद: कपिलमुनी

नाखु
Tue, 10/18/2016 - 09:36 नवीन
त्या घेतलेल्या पत्यांचे पुढे काय करतात ते कळेना. आम्च्या कॅटमधून घेतलेल्या किलवर छक्का आणि बदाम गुलामचे काम झाले असेल तर परत देणे . अखिल मिपा उगा पत्ते नका मागू आणि फुका नावे नका सांगू या संघटनेचा सक्रिय सभासदांकडून मिपा कट्टाहितार्थ जारी
↩ प्रतिसाद: कैलासवासी सोन्याबापु

विशुमित
Tue, 10/18/2016 - 17:47 नवीन
काही लोक तर बळेच दुसऱ्या बिचाऱ्याचा पत्ता देऊ का म्हणतात त्याला न विचारता..
↩ प्रतिसाद: मोदक

अनिरुद्ध.वैद्य
Tue, 10/18/2016 - 21:41 नवीन
पण थायलंडमध्येही नकारघंटा? कठीणे. आपणच घेउन बसायला हव अशावेळी.
↩ प्रतिसाद: कपिलमुनी

चित्रगुप्त
Mon, 10/17/2016 - 19:11 नवीन
त्याच्या छातीवर केस आहेत ना ? मिळेल मग मुलगी. (कुणीतरी दुवा द्या रे आधीच्या धाग्याचा).

सानझरी
Mon, 10/17/2016 - 19:16 नवीन
पोरगा एकत्र कुटुंब पद्धतीला मानतो,
हेच नको असेल पोरिंना.. माझ्या दादासाठी मुली बघत होतो तेव्हा हा अनुभव आलेला. आमचे २ फ्लॅट्स एकत्र आहेत. मुलीला बघायला गेलो तेव्हा मुलीचे वडील सरळ म्हणाले की हां, लग्नानंतर वेगळे करुनच घेऊ.. ओळख पाळख नसताना, पहील्याच भेटीत ते हा निर्णय घेऊन मोकळे झाले. आम्ही हे ऐकुनच चाट पडलो..

विवेकपटाईत
Mon, 10/17/2016 - 20:36 नवीन
आपण काय बोलणार, आमच्या (स्वर्गीय) मातोश्रीने अस्मादिकांना न विचारता मुलगी ठरवून टाकली होती. बहुतेक तिला हि विचारले गेले नसावे. अस्मादिक मातृभक्त, एक हि प्रश्न विचारला नाही. होकार / नकार काय प्रकार असतो, याचा अनुभव घ्यायला मिळाला नाही. असो.

खटपट्या
Mon, 10/17/2016 - 21:30 नवीन
दोन नकारात एवढं निराश होण्यासारखं काये? अजून कीमान एक डझन बघ म्हणाव. काय फरक पडतोय. मागे जे काही झाले ते विसरुन परत तयार रहा. (हायला मला हा अणुभव नाय मिळाला...:(

महासंग्राम
Mon, 10/17/2016 - 22:03 नवीन
सायबा तुमच्या मित्राच्या दुःखात सहभागी आहे मी ... कधी त्याला म्हणावं घाबरू नको तू एकटा नाहीयेस बसायला.

शंतनु _०३१
Tue, 10/18/2016 - 22:09 नवीन
बैठा कट्टा कधी आहे ते सांगता का ? अशा दुख:द प्रसंगात बसायला आम्हीही येवु
↩ प्रतिसाद: महासंग्राम

पैसा
Mon, 10/17/2016 - 22:10 नवीन
महाराष्ट्रात स्त्रिया ९२५ प्रति एक हजार पुरुष. तुमच्या मित्राचा नंबर त्या ७५ मधे लागू नये ही सदिच्छा. बाकी मला तर मुलगा बघणे प्रकाराचा अनुभव नाही. कोणाला नकार दिलेला नाही. साहजिकच असली काही कारणे मी सांगू शकणार नाही. इतर अनुभवी लोकांच्या प्रतिक्रियांच्या प्रतीक्षेत पॉपकॉर्न घेऊन फांदी पकडून बसत आहे. आता त्या संस्कृती, भावना, आशा, अपेक्षा, विनोद वगैरे येऊ देत सावकाश.

प्रभाकर पेठकर
गुरुवार, 10/20/2016 - 13:52 नवीन
लग्न न झालेली ७५ मुले वाजपेयी, मोदी, अडवाणी वगैरे बनतात. बाकीचे, ३ शिट्ट्या झाल्या की गॅस बंद करतात.
↩ प्रतिसाद: पैसा

शब्दबम्बाळ
गुरुवार, 10/20/2016 - 13:57 नवीन
काल पर्वा पर्यंत तरी कलाम सर होते या जोक मध्ये! अडवाणींची एन्ट्री झाली वाटत आता! :D शतप्रतिशत भाजपा! ;)
↩ प्रतिसाद: प्रभाकर पेठकर

संदीप डांगे
गुरुवार, 10/20/2016 - 14:20 नवीन
मोदींचेही
↩ प्रतिसाद: अनुप ढेरे

प्रभाकर पेठकर
Fri, 10/21/2016 - 09:09 नवीन
नांवात काय आहे? असे कोणीतरी म्हणून ठेवले आहेच. (कोणी? ते नांव आठवत नाही) नांवे कोणाचीही लावा ३ शिट्ट्यांचा हिशोब कांही चुकत नाही.
↩ प्रतिसाद: प्रभाकर पेठकर

अजया
Mon, 10/17/2016 - 22:34 नवीन
नाही आवडलं तर द्यावा लागणार ना नकार.मग काहीतरी कारणं शोधावी लागतात.म्हणून पत्रिका मागतात लोक! नाही जुळली हे बर्यापैकी मन न दुखवणारे कारण असावे ;)

आदिजोशी
Tue, 10/18/2016 - 13:12 नवीन
आमच्या एका मित्राला घरात कमोड नाही म्हणून नकार मिळालेला आहे :)

पाटीलभाऊ
गुरुवार, 10/20/2016 - 14:29 नवीन
लग्नात सासऱ्याकडून कमोड मागायला पाहिजे होता मग :D
↩ प्रतिसाद: आदिजोशी

रेवती
Tue, 10/18/2016 - 17:51 नवीन
असू द्या, नका वाईट वाटून घेऊ. पूर्वी नै का मुलीला गाता येत नाही, स्वयंपाकघरातल्या प्रश्नांची उत्तरं देता येत नै म्हणून नकार यायचे तश्यातला प्रकार समजून विसरून जायचं. आता ज्या मुलींना गाता येत असे त्यांनाही असे काय मोठे प्रोत्साहन मिळायचे सासरी? पण आपलं उगीच काहीतरी. स्वयंपाकघरातील प्रश्नाचं उत्तर चुकलं तर आयुष्यभर तसंच राहणारे का? शिकेलच की ती! पण नाही! समदं कसं रेडीमेड पायजे.

गिरिजा देशपांडे
Wed, 10/19/2016 - 11:40 नवीन
+111
↩ प्रतिसाद: रेवती

बरखा
गुरुवार, 10/20/2016 - 13:21 नवीन
रेवती यांच्याशी अगदी सहमत. मागील काही काळ असा होता कि मुलं कसलीही शुल्लक कारणं मुलींना देउन नाकारत होते. त्यावर परत उलट जाब विचारता पण येत नसे. त्या वेळी त्या मुलींची मानसिक स्थिती काय होत असेल? मुली सुध्धा आता त्यांच्या अपेक्षा स्पष्ट सांगत असतिल तर त्यात नवल का वाटाव? मुलांनी या गोष्टीचे वाईट वाटून घेउ नये. आज ना उद्या कुणीतरी मिळेलच.
↩ प्रतिसाद: रेवती

महासंग्राम
गुरुवार, 10/20/2016 - 14:19 नवीन
अपेक्षा सांगणे वाईट नाहीच, पण त्या काय अवाच्या सव्वा नसाव्यात... माझ्या एका मित्राला ४ चाकीगाडी, फ्लॅट या बरोबर आई-वडील सोबत रहायला नको अशी अपेक्षा व्यक्त केली. घर, गाडी त्याने सगळं मान्य केलं पण आता त्याच्या आई वडिलांना तो एकटाच मुलगा होता त्यांना कुठे ठेवणार. तसेही आताचे पालक समंजस झाले आहेत. ते मुलाच्या संसारात जास्त लक्ष घालत नाहीत. आई वडील सोबत नको हि अपेक्षाच चुकीची आहे.
↩ प्रतिसाद: बरखा

महासंग्राम
गुरुवार, 10/20/2016 - 14:32 नवीन
हाहाहा... असतीलही दुर्मिळ पण मग ते सारे दुर्मिळ पालक आमच्या मित्रांचे आईवडील आहेत असं म्हणावं लागेल. कसला लकीये ना मी ;) कायम शिंगल मंदार
↩ प्रतिसाद: संदीप डांगे

त्रिवेणी
गुरुवार, 10/20/2016 - 20:57 नवीन
करेक्ट.
↩ प्रतिसाद: संदीप डांगे

रेवती
गुरुवार, 10/20/2016 - 19:18 नवीन
ते मुलाच्या संसारात जास्त लक्ष घालत नाहीत असं काही नाही. मुलग्यांच्या संसारात त्यांचे आईवडील लक्ष घालतात पण आजकाल मुलींचेही आईवडील यात अ‍ॅडवले आहेत. तुम्हाला वेळ असेल तर अपर्ना रामतीथकर बाईंचे व्हिडिओज बघावेत असे सुचवीन. मिपाकरीण पिराच्या लाडक्या आहेत त्या! ;)
↩ प्रतिसाद: महासंग्राम

पिलीयन रायडर
गुरुवार, 10/20/2016 - 19:28 नवीन
सकाळी सकाळी प्रातःस्मरणीय ताईंची आठवण काढलीस! चला, त्या आनंदात आपल्या डिग्र्या चुलीत घालुन त्यावर इकडच्या स्वारीसाठी भाकर्‍या भाजायला घेऊ!!
↩ प्रतिसाद: रेवती

रेवती
गुरुवार, 10/20/2016 - 19:35 नवीन
खी खी खी.
↩ प्रतिसाद: पिलीयन रायडर

धर्मराजमुटके
गुरुवार, 10/20/2016 - 21:16 नवीन
ताई, डिग्र्या चांगल्या भारी आहेत ना ? बीए बीकॉमच्या डिग्र्यांच्या जाळावर भाजलेल्या भाकर्‍या टेस्टी लागत नाहीत म्हणे !
↩ प्रतिसाद: पिलीयन रायडर

पिलीयन रायडर
गुरुवार, 10/20/2016 - 21:39 नवीन
डिग्र्या दणदणीत आहेत हो.. अगदी विंजिनेरिंग वगैरेच्या! पण कसंय ना की त्यांना फक्त चुल पेटण्याशी मतलब आहे. तुम्ही शास्त्रज्ञ असा वा प्राध्यापक (का अगदी अंतराळात जाऊन आलेल्या असा..) घरी येऊन नवर्‍यासाठी भाकरी करता आलीच पाहिजे असा सोप्पा नियम आहे. तेव्हा स्वतःला का जाळेनात, भाकर्‍या होण्याशी मतलब!
↩ प्रतिसाद: धर्मराजमुटके

संदीप डांगे
गुरुवार, 10/20/2016 - 21:41 नवीन
कोण आहेत ह्या अपूर्ण रॅमतीर्थंकर बाई?
↩ प्रतिसाद: पिलीयन रायडर

पिलीयन रायडर
गुरुवार, 10/20/2016 - 21:45 नवीन
https://www.youtube.com/results?search_query=aparna+ramtirthakar+speech ह्या बाई कोण आहेत नक्की ते मलाही माहिती नाही. सामाजिक कार्यकर्त्या असाव्यात, वकिल आहेत. पण बायकांनी काय करावे आणि काय नाही ह्याबाबत मतं जहाल आहेत. नवर्‍यांनी काय करावे ह्या बद्दल बोलण्याची पद्धत आपल्याकडे नसल्याने अर्थातच त्या ते सांगत नाहीत.
↩ प्रतिसाद: संदीप डांगे

कैलासवासी सोन्याबापु
गुरुवार, 10/20/2016 - 21:51 नवीन
नवर्‍यांनी काय करावे ह्या बद्दल बोलण्याची पद्धत आपल्याकडे नसल्याने अरे वा! सहिये, मी काय म्हणतो ताई आमच्या प्रकरणांस काढून देतो मिपा आयडी, तिला जरा समजावा नवऱ्याने काय करावे ते ठरवायची रीत नसते भारतीय संस्कृतीत म्हणून ! काय सांगू माझा सासुरवास (माझ्यापाशी पदर नाही/नसतो/कधीच नसेल म्हणून नाहीतर आत्ता बोळा तोंडात कोंबून हुंदका काढून दावला असता). ललिता पवारीणीला शरद तळवलकर नवरा मिळणे ह्यालाच कार्मिक न्याय म्हणतात का, असा एक भाबडा प्रश्न मला हल्लीच पडलाय :P :P
↩ प्रतिसाद: पिलीयन रायडर

पिलीयन रायडर
गुरुवार, 10/20/2016 - 22:23 नवीन
हीच ती पुरुषांची मुस्काटदाबी!! ह्याच अन्यायाला तोंड फोडतात अपर्णाताई.. उगी उगी.. चला डोळे पुसा! बापुंसारखा दणकट माणुन तोंडात बोळा कोंबुन हुंदका काढतोय! आमचा पार्वतीच आठवला!! =))
↩ प्रतिसाद: कैलासवासी सोन्याबापु

कैलासवासी सोन्याबापु
गुरुवार, 10/20/2016 - 22:31 नवीन
सद्ध्या दणकट बापू टाईम प्लिज घेऊन बसलाय म्हणजे बघा हे आपला पार्वती विग गुडघ्यावर ठेऊन विड्या ओढतोय हो! =)) =))
↩ प्रतिसाद: पिलीयन रायडर

सुबोध खरे
Fri, 10/21/2016 - 10:07 नवीन
नवर्‍यांनी काय करावे ह्या बद्दल बोलण्याची पद्धत आपल्याकडे नसल्याने कोणत्याही बाईला आपल्या नवऱ्याने काय करावे हे "दुसऱ्या" "बाई"ने( किंवा माणसाने सुद्धा पण माणसे दुसऱ्या माणसाला सांगायला जाणार नाहीत) सांगितलेले पटणार नाही. आणि जरी ते पटण्यासारखे असले तरी ते केवळ "दुसऱ्या बाई"ने सांगितले म्हणून त्यांना मान्य होणार नाही
↩ प्रतिसाद: कैलासवासी सोन्याबापु