मिसळपाव
बांधावरचा पिंपळ सांगे
सोनसावळी दुःखे ओली
फांदी-फांदी जीर्ण पर्णिका
बांडगुळांची गर्दी सगळी
अस्ताईचे सूर अनोळखी
शुष्क पान्हा हळवी देवकी
कशी रुचावी जगण्यालाही
अस्थाईविन बंदिश पोरकी
सुकली पाने सुकली माती
खिन्न विरहिणी होय पालवी
पाणी सुकले बुंध्यापाशी
त्राही त्राही अंकुर डोकावी
कधी अकस्मित ओल मुळांना
कधी मेघांचे हळवे चुंबन
लागे जलदांना ओढ भूमीची
कधी अचानक अधीरे मिलन
नश्वर स्वप्ने, नश्वर दुःखे
नश्वरतेचा शाप सुखाला
शाश्वत ऐसे इथे न काही
श्वासांचा का ध्यास जीवाला ?
सोनसावळा पिंपळ वेडा
शुष्क डहाळ्या तरीही जपतो
आस लाजऱ्या मृगथेंबाची
मनी बाळगून जगत राहतो
विशाल १०-०५-२०१६
काव्यरस
| लेखनविषय: |
|---|
वाचने
4197
प्रतिक्रिया
17
प्रतिक्रिया
अजुन एक
अजुन एक सुंदर रचना.. विशालभौ.. जियो...
हे खासचं....
कविता मस्त ..
कविता मस्त ..
ग्रेस आठवले एकदम
अहाहा, सार्थक झालं. आज
In reply to कविता मस्त .. by गणेशा
अहाहा, सार्थक झालं. आज ग्रेससरांच्या जयंतीदिवशी कवितेला हि दाद मिळणं यासारखं दुसरं सुख नाही. धन्यवाद.
मस्त कविता. आवडली.
मस्त कविता. आवडली.
आस लाजऱ्या मृगथेंबाची
मनी बाळगून जगत राहतो
आपल्या सर्वांचे असेच आहे.
वाह . क्या बात है. आवडली
वाह . क्या बात है. आवडली कविता विशालदा
अप्रतिम....
विलक्षण चित्रदर्शी कविता....
आवडली अतिशय आवडली
पैजारबुवा,
धन्यवाद देवानू !
In reply to अप्रतिम.... by ज्ञानोबाचे पैजार
धन्यवाद देवानू !
इतरांचेही मनःपूर्वक आभार _/\_
कविता मस्तच!
रूपक कविता म्हणून लिहिलीय का विशालभौ?
रुपकच आहे बोकाभाऊ, ज्याला जे
रुपकच आहे बोकाभाऊ, ज्याला जे दिसेल तो अर्थ. धन्यवाद मंडळी _/!\_
वाह विशाल दा
वाह विशाल दा
मस्त
कवीराजांनी म्हटलय आम्ही काय आणखी म्हणणार रे !!!
पिंपळा खालचा मुंजा नाखु
एक नंबर रे!!! तुमच्या रचना
एक नंबर रे!!! तुमच्या रचना सूदिंग असतात विकु!
तलम एकदम! जियो पठ्ठे!
विकु दा -.. अस्थाईविन बंदिश पोरकी .. जब्बर्दस्त
विकु दा -.. अस्थाईविन बंदिश पोरकी .. जब्बर्दस्त
_/\_
_/\_
सुंदर. आवडेश! :)
सुंदर. आवडेश! :)
सोनसावळा पिंपळ वेडा
सोनसावळा पिंपळ वेडा
शुष्क डहाळ्या तरीही जपतो
आस लाजऱ्या मृगथेंबाची
मनी बाळगून जगत राहतो
वाह! काय म्हणावे.... आजकाल चुकून बायको लाजली कि मृगथेंबाची आस मनी जागतेच....
अप्रतिम कविता!
अप्रतिम कविता! हल्ली कुठे गायब आहेस रे विशल्या?