अवघा महाराष्ट्र सैराटमय

प
प्रमोद देर्देकर यांनी
 ·  लेख
लेख
नागराज मंजुळे या माणसाने अवघा महाराष्ट्र सैराट झालाय. आधी फँड्री आणि आता सैराट. नागराज मंजुळे यांच्या दिग्दर्शनातून तयार झालेली ही प्रेमकथा सर्व चित्रपट गृहात उद्या २९ एप्रिलला प्रदर्शित होतेय. पण त्या आधिच संपुर्ण महाराष्ट्रात त्याचा बोलबाला झालाय. याआधी असा बोलबाला बिनधास्त या चित्रपटाचा झाला होता पण त्यासाठी निर्माता / दिग्दर्शकाने जाहिरातीसाठी अमाप पैसा खर्च केला होता. पण सैराटची प्रसिद्धि (सांगोवांगी) माउथ टु माऊथ जास्त झालेली आहे. हा चित्रपट सर्व रेकॉर्ड मोडणार हे निश्चित. त्यातल्या अभिनेत्री रिंकुला राष्ट्रिय पुरस्कार मिळालाय आणि तिची बुलेट सुसाट निघालीय. तर काही जणांना ती साऊथची हिरोईन असेल असे वाटंत. अजय अतुल या जोडीने संगिताच्या बाबतीतही एक रेकॉर्ड केलाय तो म्हणजे सर्व गाण्यचे ट्रॅक्स हे परदेशातुन अमेरिकेतील सोनी स्टूडीयोमधुन तयार केले आहेत. या आधी कोणत्याही भाषेच्या चित्रपटासाठी अगदि हिंदीसाठी सुध्दा असा प्रयोग झाला नव्हता. प्रेमाची नवी परिभाषा सांगणा-या यातील नायक आणि नायिका आगामी काळात या क्षेत्रात कुठवर प्रगती करतील ते काळच ठरवेल. कारण लोकांना नविन चेहरे हवे असतात. अवांतर :- तरुणाई चित्रपटातील अनुकरण करतात असं असताना नायक नायिकेने बुलेटवर बसताना शिरस्त्राण घालायला हवे होते असे काही लोकांचा सुर आहे. काही नाही कलाकारांकडुन चुकीचे पायंडे पडू नये यासाठी फक्त.
वर्गीकरण
लेखनविषय (Tags)
चित्रपट
लेखनप्रकार (Writing Type)
अभिनंदन
आस्वाद
बातमी
66868 वाचन
💬 प्रतिसाद (231)

प्रतिक्रिया

गामा पैलवान
Wed, 05/04/2016 - 23:41 नवीन
तजो, दावा बरोबर आहेच. पण त्यामागचा कार्यकारणभाव उलगडत नाहीये. जाणकारांनी कृपया प्रकाश टाकावा. आ.न., -गा.पै.
↩ प्रतिसाद: तर्राट जोकर

बोका-ए-आझम
गुरुवार, 05/05/2016 - 16:49 नवीन
जगात कोणीही चित्रपट पाहून बिघडत नाही किंवा सुधरत नाही. तुमच्या म्हणण्याचा एक अर्थ असा होतोय की समाजातले प्रश्न चित्रपटांनी हाताळूच नयेत, कारण लोक त्यावरून वाईट संदेश घेऊन दुष्कृत्य करतील. लोक एवढे बावळट नसतात. कुणी माणूस जर चित्रपट बघून त्यावरुन गुन्हेगार बनायचं ठरवत असेल तर त्याच्यात मूळ गुन्हेगारी वृत्ती असते आणि म्हणूनच त्याने असा अर्थ काढला असं म्हणता येईल. वीरप्पन, ओसामा, रामन राघव, जोशी-अभ्यंकर हत्याकांडातले गुन्हेगार, यांनी जे चित्रपट पाहिले असतील-नसतील, तेच चित्रपट हजारो लोकांनी पाहिले असतील. सगळेच गुन्हेगार झाले की काय? काहीही बोलता राव! अपेक्षा नव्हती खरं सांगायचं तर तुमच्याकडून!
↩ प्रतिसाद: गामा पैलवान

सोत्रि
गुरुवार, 05/05/2016 - 17:03 नवीन
है शब्बास! दावा करायचा, तो बरोब्बर असल्याचाही दावा करायचा पण तो सिद्ध करण्याची जबाबदारी मात्र जाणकारांची! मज्जाच आहे! :) असो, लगेहात जाणकार कोण कोण आहेत तेही कळेल ;) - (अजाण) सोकाजी
↩ प्रतिसाद: गामा पैलवान

कानडाऊ योगेशु
गुरुवार, 05/05/2016 - 16:21 नवीन
स्वदेश नाही पण जुन्या काळी बहुदा व्ही.शांताराम यांचा सख्खे शेजारी चित्रपटा नंतर हिंदु मुस्लीम दंगे थांबले होते असे ऐकले आहे.
↩ प्रतिसाद: तर्राट जोकर

तर्राट जोकर
Wed, 05/04/2016 - 20:05 नवीन
खरोखर.:(
↩ प्रतिसाद: वगिश

बोका-ए-आझम
गुरुवार, 05/05/2016 - 12:23 नवीन
तुमचे मुद्दे बरोबर आहेत. लोक चित्रपटांमधल्या फक्त वाईट गोष्टी उचलतात आणि नंतर पकडले गेले की त्यांच्यावर बिल फाडतात. मनुष्यस्वभाव! उद्या मला कुणी काही बोललं तर मी मिपाचं नाव घ्यावं काब्रे?

गामा पैलवान
गुरुवार, 05/05/2016 - 19:40 नवीन
बोका-ए-आझम, म्हणूनच वाईट कृत्य घडण्याआधी काही करता येईल का? आ.न., -गा.पै.
↩ प्रतिसाद: बोका-ए-आझम

गामा पैलवान
Sat, 05/07/2016 - 11:47 नवीन
बोका-ए-आझम,
>> कुणी माणूस जर चित्रपट बघून त्यावरुन गुन्हेगार बनायचं ठरवत असेल तर त्याच्यात मूळ गुन्हेगारी >> वृत्ती असते आणि म्हणूनच त्याने असा अर्थ काढला असं म्हणता येईल.
मीही नेमकं हेच म्हणतोय. चित्रपट पाहणारे सर्वजण गुन्हेगार नसतात. त्यातले अत्यल्प लोकं गुन्हेगारी प्रवृत्तीचे निपजतात. मात्र अशांना उत्तेजन मिळतंय ते मिळू द्यावं का? असा प्रश्न आहे. गुन्ह्यांची जबाबदारी चित्रपटांवर ढकलणे हा माझ्या चर्चेचा हेतू नाही. आ.न., -गा.पै.

अंतरा आनंद
Sat, 05/07/2016 - 12:38 नवीन
चित्रपट पाहणारे सर्वजण गुन्हेगार नसतात. त्यातले अत्यल्प लोकं गुन्हेगारी प्रवृत्तीचे निपजतात. मात्र अशांना उत्तेजन मिळतंय ते मिळू द्यावं का? असा प्रश्न आहे
अगदी पटतय. मला तर वाटतं त्या अत्यल्प लोकांचा विचार करुन हे सिनेमे वैगेरे बनवणं बंदच केलं पाहिजे. नस्ते धंदे करतात. तिन्हीत्रिकाळ रामायण महाभारताचा रतीब घालायला हवा. हो, त्या रामायणातून रावणाचं पात्र ही काढून टाकावं. उगाच वाईट संस्कार नको व्हायला. हे सगळं कसं राबवायचं त्याचं काही वर्षांपूर्वीचं अफ़गाणी मॉडेलही आहे आपल्या समोर.
↩ प्रतिसाद: गामा पैलवान

प्रा.डॉ.दिलीप बिरुटे
Sat, 05/07/2016 - 13:44 नवीन
=)) भारी प्रतिसाद. लंबर एक. -दिलीप बिरुटे
↩ प्रतिसाद: अंतरा आनंद

बोका-ए-आझम
Sun, 05/08/2016 - 03:05 नवीन
कुंभकर्ण, मेघनाद, शूर्पणखा वगैरे सगळे काढा. उगाचच टेन्शन नको. दादासाहेब फाळके चुकलेच. उगाचच चित्रपटसृष्टीची सुरुवात केली.
↩ प्रतिसाद: अंतरा आनंद

पूर्वाविवेक
Sat, 05/07/2016 - 12:44 नवीन
सैराट आवडलाय , गारुड केलंय मनावर पण एके ठिकाणी सैराट च्या निमित्ताने जुन्या आठवणी लिहिल्या आहेत त्या वाचल्या. ती बाजूही पटली. त्यासाठी पुढील लिंक पहा. https://www.facebook.com/priya.prabhudesai.9/posts/1066214120115948

तर्राट जोकर
Sat, 05/07/2016 - 12:54 नवीन
चित्रपट न पाहताच केलेले परिक्षण, भन्नाट आहे. ह्या ताइंचा नेमका प्रॉब्लेम काय आहे ते नाही कळले.
↩ प्रतिसाद: पूर्वाविवेक

पूर्वाविवेक
Sat, 05/07/2016 - 13:17 नवीन
कुठल्या ताई? कसला नेमका प्रॉब्लेम ? तुम्हाला काय कळत नाहीये ? का एवढा त्रास करताय जीवाला? पिक्चर हाय तो शेवटी.......... :):)

तर्राट जोकर
Sat, 05/07/2016 - 13:26 नवीन
तुम्हीच लिंक दिलीय ना फेबुवरची. ते समग्र लिखाण म्हणजे चित्रपट न पाहता अंदाजे पंचे आपली मते, आठवणींच्या स्वरुपात मांडली आहेत. आता प्रेमप्रकरणांबद्दल प्रत्येकाला आपली मते असण्याचा अधिकार आहे. ज्याच्या नशिबी जसे आयुष्य येते तसे त्याचे विचार होतात. पण त्याला न पाहिलेल्या चित्रपटाशी जोडून नकारात्मक, हिणवल्यासारखे लिहिणे पटले नाही. हिणवणं हा ही विरोधाचाच एक प्रकार असतो. ट्रेलरमधे ताईंना हिरोईनचे उन्नत उरोज दिसले, जे आम्हाला पुरुष असून आख्खा पिच्चर पाहतांना कधी जाणवले नाही.
↩ प्रतिसाद: पूर्वाविवेक

पूर्वाविवेक
Sat, 05/07/2016 - 14:14 नवीन
ती ताई आहे 'प्रिया प्रभुदेसाई', मी तिला अनेक दिवसापासून फोलो करते. ती जे लिहिते ते मला आवडत, पटत. तिने आजवर अनेक नव्या -जुन्या हिंदी, इग्रजी सिनेमाची परीक्षणे लिहिली आहेत. तिच्यामुळे मी अनेक जुने सिनेमे शोधून शोधून पहिले. हे माझे व्ययक्तिक मत आहे. असो...... आपल्याला वाटते हे लिहिण्याचा प्रत्येकाला पूर्ण अधिकार आहे. कुणाला काय आवडले? कुणाला काय खटकले ? कुणाला काय दिसले? हा ज्याचा त्याचा प्रश्न आहे. मान्य तुम्ही 'सैराट' fan क्लब चे सदस्य झाले आहात म्हणून तुम्हाला आवडेल असेच दुसऱ्याने बोलावे का? मलाही सैराट अत्यंत आवडला. प्रोमो पण आवडले, पहिल्याच दिवशी बघितला आम्ही. गाणी अजूनही सतत ऐकत आहे. पण म्हणून या निमित्ताने जर दुसरी बाजू कुणी मांडत असेल तर ती समजवूनही घ्यायची नाही का? इथेही मिपा वर 'सैराट : माझीही एक भर' या लेखावर अंतरा आनंद यांनी लिहिलंय........ 'नक्की बघा. मुलांनाही दाखवा. मुलगी पसंत, सासू हवी, आणि लाडकी सून या मालिकांमधल्या किंवा नुस्त्या पाठांतरावरल्या संस्कारांपेक्षा मुलांना विचार करायला लावेल असा हा सिनेमा दाखवायला काहिही हरकत नाही. प्रेमाचा रस्ता लग्नापर्यंतच नाही तर त्यापुढे जास्त निसरडी असतो हे त्यांनाही नीटच कळेल, आणि त्या वाटेवर पाय रोवून ठामपणे उभं रहाणं सुद्धा.' हे पण पटलं. कारण सैराट हा मला सिनेमा म्हणून खूप आवडला असला तरी मी दोन मुलींची आई पण आहे. माझ्या आई असलेल्या मनाला दुसऱ्या बाजू विचार करायला भाग पडतात. ही काळजी सैराट बघितला आणि मनात अचानक निर्माण झाली असे नाही, ती असतेच कायम. सैराटच्या निमित्ताने लोक लिहू लागलीत. वेगवेगळे पैलू समोर आले. वाचून ज्या गोष्टी पटल्या त्या मान्य करणे म्हणजे गुन्हा आहे कि काय?
↩ प्रतिसाद: तर्राट जोकर

तर्राट जोकर
Sat, 05/07/2016 - 14:34 नवीन
त्यांनी जे लिहिले तो लिहिण्याचा अधिकार मी कुठे अमान्य केलाय का? त्यावर मीही त्यांचे लेखन 'माझे न आवडल्याचे मत मांडले' तर जो तुम्ही त्यांच्या "न आवडण्याच्या अधिकारा"साठी पवित्रा घेत आहात तोच माझ्यासाठी का नाही? आपल्याला वाटते हे लिहिण्याचा प्रत्येकाला पूर्ण अधिकार आहे. कुणाला काय आवडले? कुणाला काय खटकले ? कुणाला काय दिसले? हा ज्याचा त्याचा प्रश्न आहे. मान्य तुम्ही 'प्रिया प्रभुदेसाई' fan क्लब चे सदस्य झाले आहात म्हणून तुम्हाला आवडेल असेच दुसऱ्याने बोलावे का?
↩ प्रतिसाद: पूर्वाविवेक

अंतरा आनंद
Sat, 05/07/2016 - 17:18 नवीन
माझ्या लिखाणाच्या पद्धतीमुळे मला म्हणायचे आहे त्याचा चुकीचा अर्थ घेतलात आपण. हा पॅरा मला असा लिहायला आवडेल बेगडी संस्कार शिकवण्यापेक्षा मुलांना विचार करायला लावेल असा हा सिनेमा दाखवायला काहिही हरकत नाही. प्रेमाचा रस्ता लग्नापर्यंतच नाही तर त्यापुढे जास्त निसरडी असतो हे त्यांनाही नीटच कळेल, आणि त्या वाटेवर पाय रोवून ठामपणे उभं रहाणं एकमेकांना समजून घेत किती सुंदर होऊ शकतं हेसुध्दा (आणि त्या सुंदरतेचा आपल्या अंहभावाने कसा विचका होऊ शकतो हे आपणही बघावं) . मला वाटतं हे जास्त स्पष्ट आहे.
↩ प्रतिसाद: पूर्वाविवेक

पूर्वाविवेक
Sat, 05/07/2016 - 15:25 नवीन
खिक्क्क ....... बोला बोला हवे ते बोला :) :P

तर्राट जोकर
Sat, 05/07/2016 - 15:29 नवीन
;))
↩ प्रतिसाद: पूर्वाविवेक

गामा पैलवान
Sat, 05/07/2016 - 20:00 नवीन
अंतरा आनंद, तुमचा इथला प्रतिसाद वाचला. १.
>> मला तर वाटतं त्या अत्यल्प लोकांचा विचार करुन हे सिनेमे वैगेरे बनवणं बंदच केलं पाहिजे. नस्ते धंदे >> करतात. तिन्हीत्रिकाळ रामायण महाभारताचा रतीब घालायला हवा.
उत्तम कल्पना आहे. फक्त व्यासवाल्मिकींची प्रतिभा अंगी बाणवायची. हाय काय नाय काय! २.
>> हो, त्या रामायणातून रावणाचं पात्र ही काढून टाकावं. उगाच वाईट संस्कार नको व्हायला.
एकदा का प्रतिभेचा दुष्काळ संपला की अशा अडचणी चुटकीसरशी दूर होतील. चिंता नसावी. ३.
>> हे सगळं कसं राबवायचं त्याचं काही वर्षांपूर्वीचं अफ़गाणी मॉडेलही आहे आपल्या समोर.
अफगाण मॉडेल? हे कशाशी खातात? आ.न., -गा.पै.

तर्राट जोकर
Sat, 05/07/2016 - 20:21 नवीन
अहो, व्यासवाल्मिकींची प्रतिभा अंगी बाणवायची काय गरज आहे, तयारच आहे ना रामायण म्हाभारत? तालिबान्यांसारखे सर्व च्यानेल्वरुन, सर्व थेटरात, सर्व भारतात तेच ८०च्या दशकातल्या रामायण म्हाभारत शिरेली दाखवायच्या
↩ प्रतिसाद: गामा पैलवान

गामा पैलवान
Sun, 05/08/2016 - 18:52 नवीन
त्यामुळे काय होईल? -गा.पै.
↩ प्रतिसाद: तर्राट जोकर

तर्राट जोकर
Sun, 05/08/2016 - 20:36 नवीन
अत्यल्प लोकं गुन्हेगारी प्रवृत्तीचे निपजतात. अशांना उत्तेजन मिळतंय ते मिळू शकणार नाही.
↩ प्रतिसाद: गामा पैलवान

गामा पैलवान
Wed, 05/25/2016 - 17:18 नवीन
लोकहो, आज एक बातमी वाचण्यात आली : बीड जिल्ह्यातून १३ अल्पवयीन आणि अंबड (जिल्हा जालना) येथून १० प्रेमीयुगुल यांचे पलायन ! थोडक्यात काय की, सैराट पिक्चर चांगलं आहे. फक्त पळून जाणाऱ्यांत आपलं मूल नसेल तरंच. आ.न., -गा.पै.