मोदी सरकारच्या नवीन योजना

उत्तर दिलेलं आहे. http://www.misalpav.com/comment/813299#comment-813299

तुमचे सर्व विचार पटले. सर्वप्रथम, मोदी काम करत आहेतच. १९९१ नंतर होणारा एक मोठा बदल मोदी आल्यापासून भारतात झालाय. सकारात्मकता वाढलीये, उर्जा वाढलीये. काही केंद्रिय मंत्री जबरदस्त काम करत आहेत. स्वराज, पर्रिकर, प्रभू, गडकरी, गोयल ह्यांची खाती अपेक्षेपेक्षा कैक वेगाने आणि क्षमतेने काम करत आहेत. अनेक चांगले निर्णय घेतले गेले, युपीएच्याही काही योजना रेंगाळत पडलेल्या त्या निगुतीने मार्गी लावल्या गेल्या. त्याचबरोबर काही घुमजावही आहेत. काही प्रकरणं नीट हाताळण्यात कमीही पडले आहेत. सरतेशेवटी मी असे म्हणेन की मागच्या दोन्ही सरकारपेक्षा भाजप हे ३०-४०% तरी अधिक चांगलं काम करत आहेत. अगदी आकाशात उडायच्या गप्पा मारण्यापेक्षा आपण चालत होतो, आता धावण्यासाठी तयारी सुरु झाली आहे. मागच्या सरकारांनीही बरीच चांगली कामं केलीत, त्यांचे श्रेय त्यांनाही द्यायला हवे, त्यांच्या काळात आपण चालता चालता थांबतो की काय अशी भीती वाटत होती, ती आतातरी नाही. दुसरा मुद्दा. भक्त-विरोधक. कोणी म्हणो न म्हणो हा एक गंभीर प्रश्न आहेच. थोडं मागे जाऊन बघितलं ही सुरुवात मोदीभक्तांनी केली आहे. जालावर आज आहेत तसे व तितके मोदीविरोधक कधीच नव्हते. जे मोदीविरोधक आहेत ते एकेकाळी न्युट्रल होते, कित्येक तर कट्टर काँग्रेसविरोधक होते. अनेकांनी भाजपचे २०१४ साठी कँपेनिंगही केलंय. पण जसे मोदी पंतप्रधान झाले तसे मोदीभक्त पिसाटले, त्यांना हर्षवायु झाला. रोज नवीन नवीन बाता मारल्या जाउ लागल्या, अतिशयोक्तीची परमावधी, तथ्यांना सोयिस्करपद्धतीने मांडून मोदी कसे महान आहेत ह्याचा रातंदिन घोषा लावल्या जाऊ लागला. सोशल मिडियावर फोटोशॉप इमेजेसची रेलचेल होउ लागली. हे तर आहेच पण भाजपशी संबंधित अनेक फ्रिंज एलिमेंट्स नी उचल खाल्ली. विकासाचा मुखवटा घेऊन निवडणूक लढवलेल्या भाजपने ह्या पिलावळींना शांत करन्याबद्दल काहीच केले नाही. उलट तेव्हा तुम्ही कोठे होते चे नारे सुरु केले. हे सगळे बघून माझ्यासारखे न्युट्रल लोक भडकणारच. ते भडकले तर त्यांना खान्ग्रेसी, आप्टार्ड्स, फुरोगामी, इत्यादी लेबलं लावून चिडवले जौ लागले. जो प्रश्न करेल तो कॉन्ग्रेसचा गुलाम आहे अशी मानहानी सुरु झाली. सगळीकडे नुसता बेलगाम धुमाकूळ ह्या भक्तांनी घालायला लागल्यावर, वरुन सरकारची त्यास साथ असल्यावर धुमश्चक्री रोखणार कशी? माझ्यासारख्या न्युट्रल लोकांवर मोदी महानच आहेत हे मान्य करा असा अघोषित दबाव आनला जाऊ. भाजपाला आणले देशाचा विकास करायला, ते सोडून हे मोदींची आरती दिन-रात गाऊ लागले तर कुणाच्याही डोक्यात जानार. शेवटी मोदीही एक माणूस आहेत, त्यांनी जादूगार असावे, मसिहा असावे अशी आमची कल्पना नव्हती. त्यांनाही मर्यादा असणार, ह्या विशालकाय देशाला सांभाळतांना हजार खटपटी, लटपटी, वेगवेगली माणसे, त्यांचे टॅण्ट्रम्स सांभाळायला लागनार हेही समजते. मोदी एकटे काहीच करु शकत नाहीत पण करण्याचे स्फुल्लिंग चेतवू शकतात. त्यांची भाषणे स्फूर्तीदायक असतात. कामही नीट होतंय. पण अशा जमीनीवर पाय असलेल्या व त्याची चांगली जाण असलेल्या नेत्याला हे भक्त लोक उगाच तारणहार, सर्वव्यापी परमेश्वराच्या ठिकाणी ठेवायला लागले तर जमणार नाहीच. मोदींवर गुजरात दंगलीचा आरोप २००२ पासुन सतत चालू आहे, तो आरोपाचा लोड घेणं मोदींनी केव्हाच सोडून दिलंय. पण राजदिप-बरखा द्वयींनी इतकं हॉण्टींग केलंय की विरोधक मोदींबद्द्ल काही बोलला की तो राजदिप-बरखाचेच अपत्य आहे असे समजून तुटून पडतात. असे अनेक मुद्दे आहेत. भक्तांचे प्रतिसाद बघितले की एकाच साच्यातले वाटतात. मिपावर भाजपसमर्थक असले तरी बहुसंख्य लोक विचार, अभ्यास करुन प्रतिसाद देत असतात. हा दर्जा मात्र सोशलमिडीयावर नाही. माझे भाजप समर्थकांना इतकेच म्हणणे आहे की बाबांनो, चूकत नाही असा जगात कोणी माणूस नाही. आपली चूक असेल तर मन मोठं करुन मान्य करायला शिका. इथे कोणी टिका केली तर लगेच भाजपचं सरकार अल्पमतात येऊन पडणार नाही. पाच वर्ष पुर्ण होतील. थोडा आत्मविश्वास ठेवा आणि दुर्लक्ष करायला शिका. वातावरण शांत ठेवाल तर येणार्‍या सर्व टर्म्स तुमच्याच असतील. चांगल्या आणि सत्य बातम्या कुठलाही अभिनिवेश न दाखवता द्या. टिकेवर रिअ‍ॅक्ट होऊ नका, योग्य असेल तिथे रिस्पॉन्स करा. अन्य्था दुर्लक्ष करा. टिकाकारांना उत्तर देऊन तुम्ही त्यांना महत्त्व देताय. काँग्रेसकडून हा एकमेव चांगला गुण घ्या. ते कधीच आक्रस्ताळेपणाने उत्तर देत बसत नाहीत. तुम्ही सरकारला जमत असेल तर जनमत कळवत राहा. त्यायोगे सरकार सकारात्मक वातावरनासाठी प्रयत्न करेल. आम्हीही सहकार्य करु. बाकी काँग्रेस व इतर लोक आपल्या कर्माने मरतील. त्यांची चिंता, राहुल, केजरी यांना प्रत्येक बाबतीत ओढणे उपयोगाचे नाही. देशाने भाजपाला पूर्ण बहुमत दिले आहे. त्याचा अपमान करु नका. जमिनीवर राहा. प्रगती करा. आपोआप लोक डोक्यावर घेतील. आधीच नाचायला लागलेत तर विसरु नका हा भारत आहे.