सॅन बर्नार्डिनोचे अतिरेकी दांपत्य

झालं...? एवढ्या प्रतिसादाचा मूळ मुद्द्याशी काहीही संबंध नाही. मुस्लिम धर्मात भयंकर समस्या आहेत. २५च कशाला १०० टक्के म्हणा. काहीच प्रश्न नाही. पण त्यासाठी हिंदूंना मधे आणायची काय गरज आहे काय? जे लोक हिंदूहितविरोधी बोलत, करत असतील त्यांना आपण हिंदूद्वेष्टे म्हणा. काहीच प्रश्न नाही. जे लोक देशहितविरोधी बोलतात, करतात त्यांना तुम्ही देशद्रोही म्हणा. काहीच प्रश्न नाही. जे मुस्लिमांचे लांगूलचालन करतात त्यांना मुस्लिमप्रेमी म्हणा. काहीच प्रश्न नाही. हा संपूर्ण धागा अमरिकेत एका मुस्लिमाने केलेल्या गोळीबाराशी संबंधीत आहे. ओके? त्यात तुम्ही जो प्रतिसाद दिलाय त्यात हिंदूंना 'असेच तसेच' असे म्हणून टोमणे मारायची काय गरज? चला तुमचा प्रतिसाद पुन्हा बघूया.

का आणि किती दिवस आपणच या लोकांना पाठीशी घालणार आहोत? सगळेच मुसलमान अतिरेकी असतात असं नाही पण ते कधी पण बनू शकतात हे मान्य करायला पाहिजे आता. जेव्हा त्यांचा धर्म मध्ये येतो तेव्हा ते आक्रमक होतात. इस्लाम खतरेमे है म्हणलं की एरवी साधे सुधे दिसणारे पण जिहाद वर उतरतात. आत्ता मुसलमानांवर दाखवल्या जाणाऱ्या अविश्वासाला तेच कारणीभूत आहेत. कोणी तथाकथित चांगला मुसलमान या अतिरेक्यांची जाहीर निंदा करतो का? यांचे धर्मगुरू या जिहादींना धर्मातून बेदखल करतात का? उलट लोकमतवर मात्र हे सहज हल्ला करतात आणि आपण त्याचा साधा निषेध ही करत नाही.

ह्याला एकही शंका न उपस्थित करता पूर्ण अनुमोदन. लोकमतवर झालेल्या हल्ल्यासंबंधित धाग्यावर मी माझे योग्य ते मत दिले आहेच.

या उलट हिंदू! आपणच आपल्या लोकांना शिव्या देत बसतो, अर्थात तो शापच आहे आपल्याला. आपल्याला आपल्या धर्माशी काही घेणं नसतं ना अभिमान असतो. उलट आपला धर्म कसा फालतू आहे आणि इस्लाम कसा चांगला आहे हे सांगितलं की कसे आपण पुरोगामी आहोत हे सिद्ध होतं. दुर्दैव आहे.

इथे हिंदूंचाच उल्लेख करण्याचे काय कारण? मी इथे हे सतत पेस्ट करत आहे कारण आपण अगदी स्वैर पद्धतीने वरील वाक्ये सरळ ठोकून दिली आहेत. त्याची कुठलीही जबाबदारी घेतलेली नाही. तुम्हाला केवळ ह्याच विधानांबद्दल विचारले असता आपण फक्त मुस्लिमकेंद्रित प्रतिसाद देत आहात. म्हणजे विधाने हिंदूंकेंद्रित आहेत आणि त्याचे उत्तर म्हणून मुस्लिम केंद्रित प्रतिसाद कसे चालतील?

इथे मी काही हिंदू लोकांबद्दल बोलतोय जे जर मुसलमान विरोधी बोललं की लगेच हिंदूंमध्ये कश्या वाईट गोष्टी आहेत ते सांगतात. जे तुम्ही पण त्याच प्रतिसादात केलंय. तर सुधारणा सरसकट सगळ्या हिंदूंना नको असून फक्त याच परिच्छेदातील पहिल्या वाक्यात सांगितल्याप्रमाणे जे लोक करतात त्यांच्यासाठी हवी आहे. आणि सुधारणा काय पाहिजे तर तुलना नीट तरी करावी,

हिंदूंमधे काय वाईट गोष्टी आहेत हे मी सांगितले कारण तुम्हीच म्हटले कि ह्यांना फक्त आपल्या धर्मात सुधारणा करायचं आठवतं, त्यासाठी उदाहरणं दिलीत. एका मिनिटासाठी मुस्लिमप्रश्न विसरून जा. मी जेव्हा म्हणतो माझ्या धर्मात सुधारणा हवी तेव्हा त्याची तीव्रता किती आहे ते मी माझ्या पातळीवर ठरवणार, त्याचे मूळ कारण आणि उपाय मला समजतात कारण मी हिंदु घरात, समाजात वाढलोय. त्याची फूटपट्टी म्हणून इतर कुठला धर्म का निवडायचा? मी माझ्या धर्मात सुधारणा नाही करू शकत का? माझ्या धर्मात किती टक्के समस्या आहेत हे मी दुसर्‍या धर्माकडे पाहून का ठरवावं? की दुसर्‍या धर्मात तर लोक सरळ माना कापतात, आपण तर फक्त जात-बहिष्कार घालतो. दुसरे तर हात कापतात, आपण तर फक्त तोंडात विष्ठा घालतो. ही तुलना करायची तरी का? हिंदू धर्मातल्या सुधारणा ह्या वेगळ्या पातळीवर आहेत. त्या करणे एक हिंदू म्हणून माझ्यासाठी आजही आवश्यक आहे. मला माझा धर्म व त्याचे लोक सर्वोत्तम पाहिजेत. त्यांचा बेंचमार्क तेच असले पाहिजेत. वर्गातल्या दुसर्‍या मुलाला किती मार्क्स मिळाले ह्यावर आपल्याला किती मिळवायचे हे ठरत नसते. आपल्याला आता ९० मिळाले तर पुढच्यावेळेस ९५ ची तयारी करावी. दुसर्‍याला ४५ मिळतात मग मला ६० मिळाले तरी पुरे असे कोणी करतं का? तेव्हा हिंदूंची धर्म सुधारणा हा माझ्यासाठी वेगळा विषय आहे. त्याचा मुस्लिम धर्माशी संबंध जोडायचे काहीच कारण नाही.

जे चूक आहे त्याला चूक म्हणावं (त्यात धर्म आड आणू नये) आणि सर्वांना समान वागणूक द्यावी एवढंच.

'सर्वांना समान वागणूक द्यावी' म्हणजे काय? हे विधान फक्त बुद्धीभ्रम निर्माण करण्यासाठी आहे. इथे माझ्याच धर्मातल्या काही चालिरीतींबद्दल उल्लेख केला तर जळफळाट होतोय लोकांचा. इथे माझ्याच धर्मातले लोक माझ्याच धर्मातल्या लोकांना समान वागणूक द्यायला तयार नाहीत. कोण्या प्रकारच्या समान वागणूकीची अपेक्षा आहे आपल्याला?

सगळ्याचं म्हणणं एवढच आहे की मुसलमानांनी धर्माच्या नावावर चालू असलेले अत्याचार बंद करावेत.

ह्याला कोणीच विरोध करत नाहीये. प्रश्न विचारांचा आहे. मुसलमानांचे कर्म त्यांच्या धार्मिक विचारसरणीतून, दुराग्रहातून येत आहेत. ते तर बदललेच पाहिजे. पण ते बॉम्ब टाकून किंवा द्वेष-तिरस्कार-संशय ठेवून शक्य नाही. कारण अशाने ते मुख्य समाजापासून अधिकाधिक दूर जाऊन कोंडाळं करून राहतील. हे विचार कधीच मरणार नाहीत, ते नवे नवे अवतार घेऊन बाहेर येतच राहतील. पण त्यासाठी हिंदूंना ओढून आणायचे कारण काय? 'आपले लोक आपल्याच लोकांना शिव्या घालतात' वैगेरे बोलायच्या मागचे खरे कारण काय? शिव्या घालणारे आपले हिंदू लोक कोण आहेत? आपल्याच हिंदू लोकांना म्हणजे कोणाला व नेमक्या कशासाठी शिव्या घालत आहेत? ह्याचा इस्लाम व जगभरातल्या आतंकवादाच्या समस्यांशी नक्की काय संबंध आहे? हेच सतत विचारत आहे. पण तुम्ही पुर्वग्रहदूषित मताने फक्त वितंडवाद घालत आहात. माझ्या ह्या धाग्यावर मी एकाही वाक्यात मुस्लिमांबद्दल काहीच मत मांडलेले नव्हते. तुम्हीच त्यांची हिंदूंशी तुलना करत आहात पहिल्यापासून. ह्या धाग्यावर हिंदूंबद्दल चर्चा व्हायचे काहीच कारण नव्हते. हिंदूधर्मातल्या चालीरीतींवर बोट ठेवणे म्हणजे इस्लामप्रेमी, हिंदूद्वेष्टे असणे हे तुमचे तुम्हीच ठरवून मोकळे झालात. हिंदूंच्या धर्मसुधारणेवर बोलत आहेत पण जिहाद वर "तुम्हाला हवे तसे" बोलत नाही म्हणून इस्लामप्रेमी आहेत हे तुमचे तुम्हीच ठरवून मोकळे झालात. तुम्ही दोन धर्म, दोन संस्कृती वेगळ्या ठेवून विचार करू शकत नाही म्हणून इतरांनीही तसेच करावे असा आपला आग्रह दिसतो. एकतर असे असावे की हिंदूंच्या कुठल्याही सुधारणेला तुमचा पाठिंबा नाही. काही हिंदू लोक चळवळी, आंदोलने करतात ते तुम्हाला मान्य नाही. इस्लाममध्ये जसे कट्टर वातावरण आहे की कुराण, पैगंबर बद्दल कोणी विरुद्ध बोलले की कापले जाते तेच वातावरण तुम्हाला हिंदू धर्मात अपेक्षित असावे. तसे नसेल तर सुधारणावादी हिंदूंबद्दल आकस असण्याचे कारण काय? तुम्ही इथे एक विधान करता त्याची जबाबदारी घ्या. सवंग विधाने करणे तुम्हाला आवडत असेल पण इथे मिसळपावसारख्या सार्वजनिक संस्थळावर पुराव्याशिवाय विधाने करू नये असे इथल्या ज्येष्ठांनीच दंडक घालून दिलाय. ते तुमचे वैयक्तिक मत असेल तर तसे मान्य करा. म्हणजे आम्हालाही तुमच्याबद्दल काय मत बनवावे याचा निर्णय घेता येईल. दुसऱ्या एका धाग्यावर मुसलमानांना बोललं म्हणून तुम्ही चिडलात. बेछूट व्यक्तिगत आरोप करण्यापूर्वी ह्याचा पुरावा द्या. अशाच अर्थाची अनेक विधाने आपण ह्या धाग्यावर माझ्याबाबतीत केली आहेत. एका सदस्याने दुसर्‍या सदस्याबद्दल इतके पराकोटीचे व्यक्तिगत मत बनवणे ह्याला आम्ही शिक्के मारणे म्हणतो. तस्मात् तुमचे शिक्के तुमच्याजवळ ठेवा. इथे सार्वजनिक ठिकाणी प्रदर्शन करू नका. बरं दिसत नाही ते. बाकी, ब्रेनवॉश्ड दुनियेबद्दल एक वेगळा धागा काढायला लागेल. आता तेवढा वेळ आणि मूडही नाही. उद्या उस्मानिया युनिवर्सिटीत काय होते ते पाहूया. दोन्ही बाजूने जोरदार षड्डू ठोकणे सूरु आहे. सामान्य जनांचे जीवन दंग्यांच्या भीतीने व्याप्त आहे. एक भारतीय म्हणून मला माझे जे घर जळते आहे ते जास्त महत्त्वाचे आहे. अमेरिकेने निर्माण केलेले प्रश्न अमेरिकेने सोडवावेत.

डांगेजि ,मी फार छोटा सामान्य माणूस आहे आणि वर हिन्दू आहे. जितेंद्र आव्हाड जेव्हा इशरत जहां च्या एनकॉउंटर वर मत देतात तेव्हा रक्त उसळते. इस्लामी दहशतवाद आता पराकोटिला पोहोचला आहे. पवार आणि कोम्पनी ला हेच उमजत नाही आहे. दिवसातून ५ वेळी कर्कश आवाजात भोंगे लावणे ,मदर्शामधुन दिवसभर गाणी वाजवने हां दहशतवाद नाही का? मी स्वतः काही काळ हिन्दू बहुसंख्य भागात राहिलेला आहे. तिथे जेव्हा लाउड स्पीकरवर गाणी लावायचे तेव्हा मी एक्ट्याने जाऊन ते बंद करायला लावले आहेत. कारण मला विश्वास आहे की हे लोक माझ्यावर पाळत ठेऊन भेकड़ हल्ला करणार नाही. मी आता रहात असलेल्या वस्तीत जी मुस्लिम बहुसंख्य आहे तिथे कोणी असा विरोध केलाच तर दुसऱ्या दिवशी लाउडस्पीकरची भिंत त्याच्या घरासमोर उभी केली जाते. पोलिस फ़क्त बघ्यांची भूमिका घेतात. लग्न ,नामकर, चिश्तिचा वाढदिवस, पैगबराचा वाढदिवस, हुसैणचे बलिदान,आमदाराचा वाढदिवस, काहीही कारण चालते

अर्र माफ़ करा! चुकुन गैरी भाऊ लिहिले!! हात जोडून माफ़ी मागतो तुमची :)

अमेरिकन मुसलमान लोकांनी केलेला अभिव्यक्तिचा दंगा अन त्याला अमेरिकन सरकार ने दिलेला कड़क इशारा दोन्ही डिटेलवार वाचायला आवडेल म्हणजे स्वतःचा अभ्यास तितका वाढवता येईल ! :)