आयटीवाले !

काय विजुभौ !
आज सुट्टी का मधेच?

बाकी प्रश्न विचार करण्यासारखे हाएत खरं !
(शॉपफ्लोर वाला ) खेडूत ….

माझा पास. या गोष्टींबद्दल बोलण्यात पण अर्थ नाही. आधीच एव्हढे सगळीकडे बोलून झाले आहे.
जाता जाता - पूर्वी मला कोणी काम काय करता असे विचारले तर कंपनीचे नाव सांगायचो. हल्ली फक्त आयटी मध्ये आहे असे सांगतो. विचारणारा किंवा त्याची मुले आयटीमधलीच असेल तर कंपनी वगैरे विचारतो. नाहीतर तो पण आयटी म्हणल्यावर गप्प बसतो. तरी पण कोणी फारच मागे लागला तर तुम्हाला कंपनी माहीत नाही असे सांगतो.

१)आयटीवाले भरपूर पगार मिळवतात.
भारतातली आजची परिस्थिती ठाऊक नाही पण सात आठ वर्षांअगोदर किमान आठ दहा वर्ष किंवा अधिक अनुभव असणारे त्यांच्या अमेरिकेन काउंटरपार्टच्या तुलनेत खूपच चांगला पगार मिळवायचे. याउलट फ्रेशर्सचा पगार त्यांच्या अमेरिकन काउंटरपार्टच्या तुलनेत अतिशय लाजीरवाणा असायचा. (म्हणायचा अर्थ हा की अमेरिकेत फ्रेशरच्या दुप्पट पगार मिळवायला कदाचित १२-१३ वर्षे लागू शकतात. भारतात १२-१३ वर्षे अनुभव असणारा मा.तं अभियंता कदाचित फ्रेशच्या आठ नऊ पट पगारही मिळवायचा (आजचे ठाऊक नाही).
२) एसी मधे बसून नुस्ते इंटरनेट बघायचे हेच तर नुस्ते काम असते. बाकी काय करतात.
जगात कुणी कुणाला फुकट पैसे (पगार) देत नसते. संगणकीकरणामुळे एसी आजकाल प्रत्येक ठिकाणी सरकारी वा खाजगी कार्यालयात असतो. उगाच एसींना मध्ये आणू नये
३) फोनवर बोलायचे यात कसले आले काम ?
अगदी जुजबी अनुभव असताना परदेशातल्या व्यक्तींकडून काम वा त्याबाबतच्या अपेक्षा काही मिनिटांच्या फोन कॉलमध्ये समजावून घेऊन ते पार पाडणे हे काही वेळा चांगलेच आव्हानात्मक काम असू शकते.
४) आयटी वाल्यांकडे भरपूर पैसे असतात त्यामुळे ते पैसे कसेही उडवतात. त्यामुळे महागाइ वाढते. जागांच्या किमती,इथपासून भाज्या आणि डाळींच्या किमती, रिक्षाचे दर वाढण्याचे कारण आयटीवाले आहेत.
भारतातील मोठ्या शहरांमधल्या जागांच्या किमती वाढण्यासाठी भारतात काळा पैसा असणारे श्रीमंत लोक सर्वाधिक जबाबदार आहेत. त्यानंतर काही निवडक शहरांत खूप सार्‍या मा. तं. कंपन्यांना कार्यालये थाटू देऊन त्यांचे संख्येने अधिक शहरांत विकेंद्रीकरण होऊ न देणे हे अत्यंत अदुरदर्शी धोरण भारतातल्या विविध राज्यांच्या सरकारांनी राबवले आहे त्याचेही दुष्परिणाम सर्वांनाच सहन करावे लागत आहेत.
५) तुमची काय मज्जा आहे एकदा ऑन साईट मिळाले की नुसते पैसे छापायचे असतात. वर्षाकाठी पन्नास एक लाख काय सहज मिळतात तुम्हाला.
परदेशात जगण्यासाठीही पैसे लागतात. तिथला आयकर व इतर कर भारतापेक्षा अधिक असतो. त्यामुळे या दाव्यातली कमाईची रक्कम अतिरंजित आहे.
६) सगळे आयटीवाले ऑनसाईट म्ह्णून अमेरीकेतच जातात.
ऑनसाईट मगरपट्ट्यापासून रत्नागिरी व जळगावलाही असलेले पाहिले आहे.
७)तुम्हा आयटीवाल्यांमुळे उत्पादन ( म्यान्युफॅक्चरिंग) क्षेत्रात काम करणार्‍या मुलाना लग्नासाठी मुली मिळत नाहीत. मुलींच्या अपेक्षा वाढल्या आहेत. (मुलाला किमान पन्नास हजार पगार /३ बी एच के/सासू सासरे नको वगैरे..)
याबाबत शून्य अनुभव असल्याने भाष्य करू शकत नाही.
८) आयटीवाल्या मुलीना घरकाम अजिब्बात येत नाही.
समानतेच्या युगात याबाबतीत केवळ मुलींचा विचार करणे चुकीचे आहे. मी या क्षेत्रात करियर केले असल्याने बहुतांश तरुण तरुणींना व्यवस्थित घरकाम करताना पाहिले आहे. मी व माझी बायकोही व्यवस्थित घरकाम करणार्‍या गटातच मोडतो.
९) भारत आयटीतील महसत्ता आहे तर आपल्या भारतीय कंपन्या मायक्रोसॉफ्ट इतक्या मोठ्या का नाहीत? इतकी वर्षे आपण फक्त सेवा उद्योगात का आहोत? अजूनपर्यन्त मायक्रोसॉफ्ट विंडोज सारखे एकही भारतीय प्रॉडक्ट आपण का बनवू शकलो नाही
याबाबत फार अभ्यास नाही पण अमेरिकेसारखे नवउद्योजकांसाठी मैत्रीपूर्ण वातावरण आपल्याकडे अजिबात नव्हते. शिक्षणक्षेत्रही अजिबात प्रॅक्टिकल ओरिएन्टेड नाही. १९९१ नंतर उदारीकरणामुळे बरेच काही शक्य झाले. हेच १५-२० वर्षे आधी सुरु झाले असते तर कदाचित आज चित्र बरेच वेगळे असते.
१०)सगळे भारतीय आयटीवाले जर भारताने परत बोलावून घेतले तर अमेरीकेचा सगळा माज एका फटक्यात उतरेल.
असे करणे अशक्य असल्याने हे विधान भाष्य करण्याजोगे नाही.

हम्म वाचतेय.
पाहुया तरी काय काय (गैर)समज आहेत आमच्याबद्दल.
नंतर सवडीने प्रतिवाद करेन.

फॉर नाउ, ही येऊन गेल्याची पावती

टीआरपीचा मोह वाइट!

जगातल्या प्रत्येक कामधंद्यात चांगल्या न वाईट गोष्टी आहेत. आयटीवाल्यांना इतरांच्या तुलनेत ऑनसाईटच्या, पैसा छापण्याच्या जास्त संधी आहेत. कामही एसी ऑफिसमध्ये बसुन असतेच (पण त्यात शाररिक दगदग नसते एवढंच.. मानसिक ताण पुष्कळ असतो.. पण तो सगळ्याच क्षेत्रात असतो म्हणुन एसीत तर किमान बसता येतय ह्यांना असा बाकिच्यांचा सुर लागत असावा.)

कॉलेजमधुन बाहेर पडुन बर्‍यापैकी पैसा मिळवायला हे एक बरे क्षेत्र आहे म्हणुन आयटीत नसणार्‍यांना आयटीत असणार्‍यांचा हेवा वाटत असणार. आणि हाच समज लोकांचाही असल्याने रिक्षावाले, भाज्यावाले स्वतःच भाव वाढवुन ठेवतात. खिशात पैसा खुळखुळणारे जर मोलभाव करत नसतील तर तसा अंदाज बांधणं स्वाभाविकही आहेच.

पण आता जे आहे ते आहे.. उगाच गिगाबायटी चर्चा करुन काय होणारे?

एकदा लग्जरी गाड्या , घरे घेणाऱ्या लोकांची यादी बनवा ( BMX merc etc etc ) त्यात आएती वाले किती आणि नोन आएती वाले किती ते शोधा ,
दुसरी बाजू डॉक्टर कडे येणर्या लोकांची यादी तपासा ( मुले होण्यासाठी त्रीत्मेंत ते हृदय रोग पर्यंत ) त्यात आएती वाले किती ते शोधा आणि मग ठरवा.

भारतात आयटीवाल्यामुळे चंगळवाद फोफावला आहे ,पुण्यासारख्या सांस्कृतीक शहराचे वातावरण बिघडायला हेच लोक कारणीभूत आहेत.व्यसनं करणे ,त्याचं उद्दातीकरण करणे ,पैश्याचा माज दाखवणे,रेव्हपार्ट्या करणे,वासनेला खतपाणी घालणारे शरीरसौष्ठव दाखवत फिरणार्या आयटीतील तरुणी,यांच्यामुळे ईतरांची मनं कलुषीत होतात,मग गुन्हे आणी बलात्कार झाले की हेच आयटील लोक मस्त एसीत बसून ' सिक इंडीयन मेंटॅलीटिवर' लांबचौड्या पोस्ट सोशल मिडीयावर टाकतात.पैसा कमावण्याला कोणाचीच हरकत नाही, पण त्याबरोबर सामाजिक भानसुद्धा ठेवने गरजेचे आहे.

पुण्यात ५ ते ६ फ्रेशर आईटी इंजीनियर एकाच २बीएचके मध्ये राहताना सर्रास दिसतात. विशेषत वाकड, औंध, पिंपळे सौदागर, बाणेर, हिंजवडी , येरवडा अन विमान नगर या भागात. त्यांचाकडे बघून असे काही वाटत नाही कि ते पैश्यांची उधळपट्टी, चंगळवादी जीवन वगैरे जगतात. आणि क्याम्पस प्लेसमेंट न मिळालेले उमेदवार अगदी ७ हझारांवर करीयर सुरु करताना पाहिले आहेत. तेदेखील दोन वर्षांच्या बाँड वर. स्वीच मारताना २/ ३ महिन्यांचा नोटीस पिरेड असतो, अन तेवढे थांबण्याची दुसर्या कंपनीची तयारी नसते. कंपनी दिवसाला १२ तास राबवून घेते, यातून काहींना मणक्याचे अन डोळ्यांचे विकार जडतात. थोडक्यात सरसकटीकरण योग्य होणार नाही.
ऑन साईट बद्दल बोलायचे झाले तर टीम मधल्या सर्वांनाच परदेशात जायचे असते अन संधी कमी असतात त्यामुळे टीममध्ये भयानक स्पर्धा, हेवे दावे, परस्पर चुगल्या, अविश्वास राजकारण चालते. थोडक्यात मला असे म्हणायचे आहे कि बाहेरून दिसते तेवढे आत सुखासुखी नसते.

चान चान लेख वाचुन मनोरंजन झाले. मिपाकरांच्या माहितीत भर घालणारे काही जिनियस प्रतिसाद तर त्याहुनही रोचक.

वाचतोय.....

पण

वरील गोष्टीचा आणि आमचा काही संबंध नाही... आढळल्यास एक योगायोग समजावा....

आयटीवाले भरपूर पगार मिळवतात.
- होय. (फ्रेशर्स न्हवे)

२) एसी मधे बसून नुस्ते इंटरनेट बघायचे हेच तर नुस्ते काम असते. बाकी काय करतात.
- मिसळपाववरुन वेळ मिळाला की बरीच कामे असतात. ती वेळेत उरकावी लागतातच. जशी एखादी कुटूंबवत्सल नोकरदार स्त्री घरातील सर्व जबाबदार्‍या पार पाडून नोकरीही व्यवस्थीत सांभाळते तसेच आय्टीवाले नेटसर्फींग करुनही क्लायंट रिक्वायरमेंट्स हसत हसत पुर्ण करत असतात. (पण यात कुम्टुंबसुख प्रकारचा बोर्‍या वाजतो, ज्याची भरपाइ घसघशीत इनकम स्वरुपात होउन जाते)

३) फोनवर बोलायचे यात कसले आले काम ?
- ते नुकसान झाले की बरोबर लक्षात येते.

४) आयटी वाल्यांकडे भरपूर पैसे असतात त्यामुळे ते पैसे कसेही उडवतात. त्यामुळे महागाइ वाढते. जागांच्या
किमती,इथपासून भाज्या आणि डाळींच्या किमती, रिक्षाचे दर वाढण्याचे कारण आयटीवाले आहेत.
- होय. यात बर्‍यापैकी तथ्य आहे.

५) तुमची काय मज्जा आहे एकदा ऑन साईट मिळाले की नुसते पैसे छापायचे असतात. वर्षाकाठी पन्नास एक लाख काय सहज मिळतात तुम्हाला.
एव्हडे नाही पण नोकरदार या वर्गात मोडुनही तोंडात बोटे जातील इतकी प्रचंड रक्कम बरेचदा नक्किच मिळुन जाते.

६) सगळे आयटीवाले ऑनसाईट म्ह्णून अमेरीकेतच जातात.
- होय. पण त्यांना फक्त तिथेच जावे लागते असे नाही.

७)तुम्हा आयटीवाल्यांमुळे उत्पादन ( म्यान्युफॅक्चरिंग) क्षेत्रात काम करणार्‍या मुलाना लग्नासाठी मुली मिळत नाहीत. मुलींच्या अपेक्षा वाढल्या आहेत. (मुलाला किमान पन्नास हजार पगार /३ बी एच के/सासू सासरे नको वगैरे..)
- होय.

८) आयटीवाल्या मुलीना घरकाम अजिब्बात येत नाही.
- आधी वाटायचे त्यांना मेकप करणे जमत नाही, पण परप्रांतीयांशी कंपिटीशन बघता बघता म्राठी पोरी ज्या आधी पोस्टात नोकरीला आल्या आहेत प्रमाणे भासत त्या सॉलीड काँम्पीटीटीव झाल्या आहेत. असो मुळात आय्टीवाल्या मुलीने घरकाम का करावे ? आय्टीतच काम करावेना ?

९) भारत आयटीतील महसत्ता आहे तर आपल्या भारतीय कंपन्या मायक्रोसॉफ्ट इतक्या मोठ्या का नाहीत? इतकी वर्षे आपण फक्त सेवा उद्योगात का आहोत? अजूनपर्यन्त मायक्रोसॉफ्ट विंडोज सारखे एकही भारतीय प्रॉडक्ट आपण का बनवू शकलो नाही

आत्मविश्वासाचा आभाव. मराठी लोक धंध्यात ज्यामुले मागे आहेत बरेचदा तेच कारण भारतीय लोक सेवा उद्योग का सोडु शकत नाहीत याला लागु होते. अर्थात काळ बदलत आहे पण अजुन लायकी आलेली नसल्याने चाचपडणॅच चालु आहे.

१०)सगळे भारतीय आयटीवाले जर भारताने परत बोलावून घेतले तर अमेरीकेचा सगळा माज एका फटक्यात उतरेल.
दिवास्वप्न आहे.

फक्त पगार दिसतो . तो हि १० पैकी ३-४ जणांना तसा मिळतो .

पण १० पैकी १० लोकांना वयाच्या २५-२६ व्या वर्षी झालेले पाठीचे विकार . डोळे / डोके दुखी , अपुऱ्या आणि कैच्या काय वेळेला झालेली / न झालेली झोप आणि त्यामुळे इतर विकार .

हे सगळं बघता का ?

आता म्हणाल या आणि अश्या गोष्टी असतातच कि इतर व्यवसायात .. हो असतात .. जरूर असतात .
पण मग याहून जास्त पैसा पण असतो . काही लोक लेथ मशीन समोर १४ तास राबतात . . काही लोक कम्प्युटर समोर १४ तास राबतात . शेवटी हिशोब तोच .

त्यामुळे . असोच

विजुभाऊ, वेळ जात नै वाट्टं!!

भरपूर पॉप्कॉर्न घेऊन क्लाऊडात जावून बसलोय! होऊन जाऊद्या!

अजूनपर्यन्त मायक्रोसॉफ्ट विंडोज सारखे एकही भारतीय प्रॉडक्ट आपण का बनवू शकलो नाही ?

काय करायचं काय तुम्हाला मायक्रोसॉफ्ट विंडोज सारखे प्रॉडक्ट बनवून ? लिनक्सवर आधारीत इतक्या मोफत ऑपरेटींग सिस्टम बाजारात उपलब्ध असतांना आणि त्याच्यावर घरातल्या वापरातली जवळपास सर्वच कामे होऊ शकत असतांना (नेट सर्फिंग, चित्रपट बघणे, गाणि ऐकणे आणी बरेच काही) घरी पायरेटेड विंडोज का बरे वापरतात लोक ?

बाकी आयटी म्हणजे फक्त सॉफ्टवेअरवालेच असा बर्‍याच जणांचा गोड गैरसमज आहे असे दिसते. हार्डवेअरवाल्यांना स्वतः आयटीवाले तरी आयटी क्षेत्राचे मानतात की नाही देव जाणे !!!

वासनेला खतपाणी घालणारे शरीरसौष्ठव दाखवत फिरणार्या आयटीतील तरुणी

फुलथ्रॉटल जिनियस : अगदी जोक ऑफ द इयर बरं का ! तुमची शरीरसौष्ठवाची व्याख्या आम्हाला कळु द्या एकदा.

काय वाटेल ते शिकलेले लोक आयटीत असतात ना?

माझे काही अनुभव

मी स्वत: आयटीमध्ये एका प्रॉडक्ट बेस्ड कंपनीत ०२ वर्षे नोकरी करून सोडून दिली कारण कोअर इंडस्ट्रीचा अनुभव नसताना स्वत:ला बिजनेस अ‍ॅनालिस्ट/कन्सलटंट वगैरे म्हणवून घेणं मला मूर्खपणाचं वाटत होतं.

२००८ची पुण्याच्या आमच्या प्रथितयश इंजिनीयरींग कॉलेजमधील गोष्ट.कॉलेजमध्ये एल अ‍ॅण्ड टी कंपनी कॅम्पससाठी आली होती. त्यांच्या दोन्ही बिजनेससाठी म्हणजे कोअर आणि एल अ‍ॅण्ड टी इंफोटेकसाठी त्यांना भरती करायची होती. दोन्हीची वेगवेगळी प्रेझेंटेशन्स झाली. कोअरच्या प्रेझेंटेशनमध्ये त्यांनी त्यांचा नवा पॉवर प्लॅण्ट बॉयलर व स्पेअर्सच्या कारखान्याचा एक विडीओ दाखवला. त्यातलं हेवी इंजिनीयरींग पाहून अनेक मुलं अ‍ॅप्टीट्यूडला बसलीच नाहीत पण दुपारच्या सेशनमध्ये इन्फोटेकसाठी परीक्षा द्यायला मात्र 'ही' गर्दी झाली.

आज जसे प्रतिभावान मुले इंजिनीयरींग/सायन्स कडे गेल्याने कॉमर्स व आर्टसमध्ये एक टॅलेंट डेफिसिट तयार झाले आहे त्याचप्रकारे बहुसंख्य नवे इंजिनीयर्स,त्यांचे शिक्षण आयटीसंबंधित नसले तरी, आयटीमध्ये जात असल्याने कोअर इंडस्ट्रीत आणि त्यातही पीएसयु सेक्टरमध्येही(उत्तम वेतन असूनही) एक टॅलेंट डेफिसिट तयार झाले आहे.मेहनतीचे काम बहुसंख्यांना नको आहे. निदान मराठी इंजिनीयर्समध्ये तरी ही प्रवृत्ती मला जाणवते.

आयटीचं आकर्षण असल्याच्या अनेक कारणामध्ये महत्वाची काही कारणं म्हणजे ०१. मेट्रोत राहायला मिळणे व पर्यायाने ग्लॅमरस लाइफस्टाईल जगायला मिळणे ०२.जनसंपर्क नसणे म्हणजे समाजातील तथाकथित खालच्या वर्गाशी उदा.बॅंकेत हरतर्‍हेचे कस्टमर किंवा कोअर इंडस्ट्रीमधला लेबर क्लास इत्यादींशी रोजच्या कामासाठी संपर्क येत नाही. सतत घरी व कामावर चांगल्याचुंगल्या 'दिसणार्‍या/राहणार्‍या' लोकात वावरल्यामुळे एक सुखकर, हवाहवासा असा सुपीरीआरीटी भाव मनात येतो. ०३. मेट्रोत काम करणारे अनेक आयटीवाले हे 'मायग्रंटस' आहेत याला स्थानिक पातळीवर संधींचा अभाव याबरोबरच आपल्याच गावात राहून काम केले तर आपण काय काम करतो,कसे राहतो हे इतरांना लगेच माहिती होते,समाजाची आयुष्यातली दखल वाढते हेही एक कारण आहे.त्याउलट गावापासून दूर राहिले की आपच एक दुरावा निर्माण होतो व प्रायव्हसी मिळते हाही विचार आहे. हा मुद्दा नवीन लग्न करून सासरी जाणार्‍या मुलींच्या बाबतीत जास्त जाणवतो.असो.