गोष्ट छोटी डोंगरा एवढी.....( वर्गणीचा हिशोब )

माझ्या एका मित्राच्या ऑफ़िसमध्ये एका मंडळाचे काही कार्यकर्ते गणेशोत्सवात सी सी टि व्ही संदर्भात चर्चा करण्यास आले होते. पण अजून फ़्लेक्स स्टार अध्यक्ष आले नव्हते म्हणून ते गप्पा मारत बसले होते. कार्यकर्ता नं 1- आपण ह्या वर्षी काहितरी वेगळा देखावा करुया. कार्यकर्ता नं 2- आयला खरच आपण कायतर वेगळे केल पाह्यजे. साले ते वरच्या मंडळाचा तो अमर्या लय भाव खातो. का. 1- आं काय? अमर्या साला त्याचा काय संबंध? का. 2- तसं नाय ते काय करतय नगरसेवकाच्या हापीस वर पडीक असतय ना मग तिथ कामासाठी आलेले त्याला ओळखत्यात मग वर्गणीच्या येळेला सालं चांगल्या पावत्या फ़ाडतय. का. 1-अरे पण आपण देखाव्याचा विषय का. 2- नाय रे देखावा कधी चांगली वर्गणी जमा झाल्याशिवाय करणार का? का. 1- मागची शिल्लक कुठाय रे तुच खजिनदार होतास. का.2- हा ते ना, त्याच ना, मी ना हिशोब दिलाय रे त्या आपल्या ह्याला अरे आठवलं साला तो तुझ्या आयट्म च्या मागे असतो. का.1- क्काय!!! तिच्या मागे आय शप्पथ आज संपलाच माझ्या हातुन. का.2- ए येड्या संपला काय, मी हाय ना.साल्याला हिशोब दिलाय तरी म्हणतय नाय दिला? जरा डोक्यानं काटा काढायला शिक. फ़क्त तु साथ दे रे बघच कसा अडकवतो. का.1- कसा रे? का.2- तु संध्याकाळी भेट निवांत क्काय ये एक 90 गेली ना डोक्यात मग बघ कश्या आयडीया येत्यात. आता कस हे वर्गणी म्हणल्यावर थोडं हिकडं तिकडं व्हणार.ते बघु नंतर तु हे ना माझ्यावर सोड. पुढे अजुन काय विषय होतोय ह्याची मला पण उत्सुकता होती पण तेवढ्यात फ़्लेक्स स्टार आले आणि विषय तिथेच थांबला. वर्गणीच्या छोट्याशा हिशोबाची गोष्ट लपवण्यासाठी लफड्यातल्या विषया इतकी मोठी केली गेली.