(इच्छामटण)

आकुडेला, मटण खाल्ले. तांबडा रस्सा आणि पांढरा रस्सा भरपूर देतात. मटण तसे बरे होते. आमच्या डोंबोलीत, सत्कार (टिळक टॉकीज, जवळ) मध्ये वडे-मटण उत्तम मिळते. असो, मुद्दाम मटण खायला म्हणून पुण्याला जाण्यात अर्थ नाही. आमच्या शोलेतील बलदेवसिंग ठाकूरच्या भाषेत सांगायचे तर, खाने के लिये तो सिर्फ हमारी डोंबोली ही का़फी हय. मांसाहारी साठी "सत्कार" आणि शाकाहारी साठी "बोडस." ये दोनो ही पुणे के लिये काफी़ हय.

या कधी वर्हाडात !!! अस्सल वर्हाड़ी रस्सा खाऊ पडले राहु वाळ्याचे ताटे लावुन!!!

कोणी पाया सुप चा आस्वाद घेतलाय का? ठाण्यात लुईसवाडीला बबन पायासूप खूप प्रसिध्द होते. आठवड्यातून एकदा पायासूपचा आस्वाद घेतल्यास प्रक्रुती ठणठणीत रहाते असा स्वाणुभव आहे.

भन्नाट चर्चा होऊ रायली … येत्या रव्वारी तिरंगा व्हीझीट कराव लागते …

एक लक्षात घ्या - मांसाहार करणा-यांनीच या जगातला अन्नधान्याचा समतोल सांभाळला आहे. सगळेच शाकाहारी असते तर या जगातली सगळी जंगलं शेतजमिनीखाली आली असती. आणि शाकाहार हाही मांसाहाराचाच एक प्रकार आहे. वनस्पतींनाही जीव असतो. म्हणजे आपण वनस्पती खाताना जीवहत्याच करतो. मग कसला शाकाहार आणि कसला मांसाहार? उलट वेदकालीन ब्राम्हण सगळं खायचे. आणि नसतील खात तर गेले खड्ड्यात. आम्ही खाणार. सगळ्यांच्या नाकावर टिच्चून, भुरका मारत घाम पुसत ओरपणार.

आताच पाया खाउन तृप्त झालो. अँटॉप हिलच्या पंजाबी पाया हाउस मध्ये मिळणारा मटण खीमा , पाया ,बटर राईस अन क्लियर सूप अगदी अप्रतिम...

अश्याप्रकारे इच्छामटणाचा खीमा झाला !!

अरे काय चालवलंय हे ????? आँ ????? इथे मटण-चिकन-माश्यांची खर्रीखुर्री चायपे चर्चा सुरू करून (इच्छामटना)चा पार खिमा करून टाकलात की, राव !!!!!!!!!!!!!!! =))

काहि प्रतिसाद तर राजा एकदमच हेकोडे तिकोडे होउन राहिले ना..म्हंजे स्क्रिन च्या निरा उजविकडेच चाल्ले ना ते.वाच्याले लय तरास होउन राह्यला :)

बामणानं मटण महाग केलं दलितांनं पुस्तक महाग केलं समाजवादाचं ओझं एकमेकांच्या दाराशी नेलं त्यात आपल्या बापाचं काय गेलं? ( रामदास फुटाणे यांची चारोळी)

हा असला मस्त विषय चर्चायला श्रावणच का निवडलात?? जखमेवर मीठ (मीट) लावायचा प्रकार झाला हा...

वैष्णव पंथीयांनीच हे सगळं सुरू केलं आहे, कि सात्विक गुणांसाठी शाकाहार करणे वगैरे. आणि हिंदू धर्मात वैष्णव पंथ जास्ती प्रभावी असल्यामुळे हिंदूधर्मामध्ये मांसाहार निषिद्ध आहे असा त्यांनी प्रसार केला. आणि तोच समज आजही बहुतेकांचा आहे कि हिंदू धर्मात मांसाहार नको आहे. आपण जर अभ्यासपूर्ण निरिक्षण केल्यास असे लक्षात कि वैष्णव पंथीयच यथाशक्ती प्रयत्न करून असे सांगतात कि मांसाहार करू नये. उदा.- वारकरी संप्रदाय इस्काॅन आणि बरेच त्यामुळे मांसाहार केल्यामुळे पाप वगैरे लागते म्हणजे कहरच झाला. आणि गीतेमध्ये जे काही मांसाहाराबद्दल असेल तर ते वैष्णवपंथीयांनीच नंतर घुसडले असणार हे नक्की.तेव्हा मित्रांनो काही होत नाही हादडा तुम्ही पोट भरून,फक्त अतिरेक नको व्हायला एवढेच. स्वामी विवेकानंद मांसाहारी होते माहित आहे ना? कारण ते शाक्त पंथ मानणारे होते,आणि बंगालीही होते. आणि आत्मा मरत नाही त्यामुळे त्या प्राण्याला(पशू,पक्षी,श्वापदे,मानव नव्हे) मारणे म्हणजे त्याचे शरीर मारणे होय.फक्त हे सार्वजनिक असू नये इतकेच.

पुण्यात चांगला सावजी मटण कुठे मिळते ?

काय तर मग? झाला की नाही 'लंगोटकट्टा'? निदान 'गोटकट्टा' तरी?

नगर रोडला खराडीपासून जवळच असलेले कावेरी!!!! काय मटन आहे तेच्यायला, लयच मज्या आली राव खाऊन. रस्सापण असला चविष्ट, आहाहाहा....ह्याऽऽ मोठाल्या भाकर्‍या आणि हे चविष्ट मटन....तोंडाला चव आली हे लिहूनसुद्धा.