`मिपा'वर गोंधळ.. (शिर्षक संपादीत)

एक हरवून गेल्याचं फिलींग या काळात सगळ्यांना आलं होतं.त्यामुळे एकाच विषयावर अनेक धागे एकाच वेळी सुरु झाले असण्याची शक्यता आहे .
वेगळेपण आणि वैशिष्ट्य इतक्या सहजासहजी हरवणार नाही.आपण सगळे आहोतच की एकत्र.
(बाकी बजबजपुरी या शब्दाबद्दल तुम्ही काय ती दुरुस्ती केली आहेच.)

या विषयासाठी तरी नवा टॉपिक सुरू करण्याची काय गरज होती, असा `विनोद' काही जण करू पाहतील. त्यांना शुभेच्छा!

आगाऊ शुभेच्छांबद्दल धण्यवाद आणि आपल्यालाही वाढदिवसाच्या हार्डिक शुभेच्छा !!

बाकी नावं न घेता लिहिलं असतं तरी ज्याला त्याला आपापलं समजलं असतं असं वाटून गेलं, असो पु.ले.शु

- टारझन

अहो गोंधळ आणि बजबजपुरी कसली? आपल्या सर्वांना ओलीस धरले आहे इथल्या काही लेखकांनी.

दिसली बातमी टाकला लेख.
दिसला विडिओ टाकली चर्चा.
घडली घटना केली कविता.

त्या कसाबला वाचायला लावा सर्व लेख आणि प्रतिसाद, पोपटासारखा बोलू लागेल टरकून.

-------------
दोन वेगळी मतं असतील तर करा चर्चा. तीन वेगळी मतं असतील तर टाका कौल.

रामदास यांच्याशी सहमत -

>> एका दिवशी शिवराज पाटलांच्या राजीनाम्याचे तीन-तीन विषय होते! ..
मला वाटतं त्यात व इतर काही धाग्यांवर 'बातम्या' या सदरात मोडतील असे विषय होते.
बर्‍याच विकसीत सोशल नेटवर्कींग साइट्स वर असं होताना दिसतं. त्यामुळे, याबाबतीत मिपा अजून प्रगल्भ होत असल्याचं लक्षण आहे असे मला वाटते.

मिपा चं दर्शनी पान नवे लेख आणि ताजे प्रतिसाद दाखवायला अपुरं पडतंय हेही कारण असु शकेल?
हा थोडा सेंसिटिव मुद्दा आहे याची मला जाणिव आहे.

- अभिजीत

मिसळपाववर माणसे का येतात ? त्यांना इथे लिहावेसे का वाटते ? या प्रश्नांमधे तुमच्या मनातल्या प्रश्नांची उत्तरे सामील आहेत.

ज्याला आजवर कधी लिहिता आले नव्हते त्या सर्वाना लिहायचे आहे. याआधी लिहिले तरी मराठीमधे लिहिता येत नव्हते. लिहिले तरी वाचणारे कुणी नव्हते. लिहिण्यावर विषयाचे , शब्दांच्या संख्येचे निर्बंध नको आहेत. कुणाची परवानगी नको आहे. लिहिण्याची पद्धत साधी सोपी हवी , फॉंट डाऊनलोड ची भानगड नको.

हे सर्व मिसळपाव वर आहे. तर मग इतक्या संख्येने मिसळपाववर लेखन होते याचे आश्चर्य वाटायला नको. मराठी साईट्स च्या तुलनेत इथला टर्न्-आउट प्रचंड आहे. पाचेक मिनिटाला एक नवी प्रतिक्रिया येतेच. दिवसात तासाला एक या ऍव्हरेजने सुमारे वीसेक नवे विषय येतात. या सार्‍याचा एक परिणाम म्हणजे - असंख्य नवे विषय, प्रतिक्रिया. ज्याना काहीतरी सांगावेसे वाटते अशा सगळ्यांना मोकळे असे हे व्यासपीठ आहे. एक गोष्ट सरळ आहे : जे लिखाण लोकांना हलके वाटते, कंटाळवाणे वाटते ते आपोआपच मागे पडते. ज्या विषयाबद्दल जास्त-जास्त लोकांना इंटरेस्ट आहे , तीव्रपणे वाटते , ते धागे जिवंत रहातात. बाकीचे मागे पडत रहातात. एकाच वाक्यातल्या नवीन धाग्यांना मी पाठिंबा देत नाही आहे ; पण अशा प्रकारच्या घटना का घडतात ते समजावून घेतो आहे.

लक्षात घ्या की मी इथे सर्व्हरवर पडलेला ताण , त्याची क्षमता वगैरे गोष्टी बोलत नाही. तो विषय वेगळा आहे . मला (आणि तात्या सोडून कुणालाही ) त्याबाबत काही करता येईल अशी आज परिस्थिती नाही.

ही झाली मला समजलेली कारणीमीमांसा. मिपाची लोकप्रियता अबाधित ठेवून काय करता येईल याबाबतची माझी मते :

१. विषयांची वर्गवारी. ही गोष्ट आजही होतेच. पण मिपाच्या मुख्यपृष्ठावरच एका खाली एक अशी वर्गवारी केली आणि नवनवे धागे/प्रतिक्रिया तिथेच येत राहिल्यास , लोकांना आपल्याला हव्या त्याच सेक्शन मधे जाता येईल , पण "सर्वात नवीन" पोस्ट्/प्रतिक्रिया असणारेच नेहमी टॉपला राहिल्याने कुणाचा हिरमोड होणार नाही. प्रत्येक वर्गाच्या शीर्षकावर क्लिक केले असता , त्या त्या वर्गातील धाग्यांचे पान उघडेल.

उदाहरणादाखल इंग्रजीतील एका फोरमचा ले-आउट पहा. नवे लिखाण केलेले धागे नेहमीच टॉपवर असतात.

वर्गवारीच्या शीर्षकावर क्लिक केले असता , मिपाच्या मुखपृष्ठासारखे पान येते - पण लेख फक्त त्या वर्गातलेच.

२. संपादकांनी विविध धाग्यांना एकत्र करणे. एक संपादक म्हणून मी हे शिकायला हवे. आणि मला न समजल्यास इतर कुणाला हे विचारायला हवे. पण अजून मिपावर हे होत नाही. एकाच विषयावरील अनेक छोटे छोटे धागे एकत्र आणल्यास गोंधळ कमी होण्यास मदत होऊ शकेल.

अभिजीत,
हे जरा जास्तच होतेय.
आपण माझ्या धाग्याचा आपल्या लेखात उल्लेख केलेला पाहून आश्चर्य वाटले.
माझा धागा नीट वाचावात हि विनंती.
कलंत्री ह्यांच्या "गांधीवाद" या तीनहि भागात ह्याविषयावर नीटसि चर्चा झालेली नाही असे वाटते.
माझा धागा ह्या धाग्याचा उपधागा समजता येइल, परंतु हा अतिरेक्यांचे निर्मुलन येवढ्या पुरता मर्यादित नाहि.
त्याहून हि संपादक मंडळाला हे लिखाण मिपावर बजबजपुरी माजवते आहे असे वाटत असेल तर ते जरुर उडवावे.

अभिज्ञ.

मग राव आम्च्याबद्दल काय.
अहो पहिल्या दिवशी मी अवघ्या १ तासात ७ लेख टाकले.फक्त काय तर लिहिलेले वाचले जावे म्हणुन पण आम्हि आत सुधरलो आहोत जावु दे.

असहमत आहे तुमच्या शी. अहो मिपावर लिखाण स्वातंत्र्य आहे म्हणुन सगळे इथे लेखन करण्यास उत्सुक असतात.त्याना आपण कसे अडवणार? बाकी ज्याना लिखाण करावयाचे आहे त्यांनी काय लिहावे ह्याचे भान ठेवणे उत्तम.मुक्तसुनित ने जे मुद्दे लिहले आहेत त्याच्या सर्व मुद्द्यांशी सहमत.अभिज्ञ चा 'वाद' हा धागा उलट खुप चांगला आहे. माझे मत आहे कि त्यावर खुप चर्चा व्हायला हवी होती तेवढी अजुन झाली नाही आहे.
लिखाण स्वातंत्र आहे म्हणुन काहीही लिहु नये ह्या मताचा मी आहे.
वेताळ

अभिजीत, ( इथे महागुरु फेम हास्य )

आपल्या धाग्याच्या पहिल्याच वाक्यात मिपा चे वेगळेपण अधोरेखित होत नाही का?

(च्यायला जमलं की शास्त्रीय लिहायला!!!!)

(नवज्योत सिद्धू फेम हास्य)

अभिजित,

कळकळीने लिहिल्याबद्दल कृतज्ञ आहे..

सध्या गडबडीत आहे. आपल्या सर्वांच्या सूचना विचाराधीन आहेत..

आपला,
(कृतज्ञ) तात्या.

नवे खाद्यपदार्थ, नव्या कविता-विडंबने यासाठीही वेगळा विभाग करावा, असे सुचवावेसे वाटते.

कविता आणि पाकक्रुती याकरता वेगळे विभाग ऑलरेडी आहेतच..

ज्यांना या विषयात रस नाही, ते थेट तो वगळू शकतील.

थेट वगळणे म्हणजे काय? ज्यांना हे विषय बघायचे नाहीत त्यांनी या विषयांवर क्लिक करू नये..शिंपल.!

(विभाग वेगळे आहेत, याची कल्पना आहे. पण'`नवे विषय' या सदराखाली ते एकत्र दिसतात!)

ते तर दिसणारच. प्रत्येक नवा विषय, नवा धागा हा मिपाच्या मुख्य प्रवाहात सुरवातीला आला पाहिजे आणि ज्याला प्रतिसाद मिळेल तो विषय ताजा समजून नव्याने वर आला पाहिजे अशी सोय प्रथमपासूनच ठेवली आहे..

असो..

तसं चाल्लंय ते एकंदरीत बरंच चाल्लंय म्हणायचं! तरीही अभिजितराव, आपण दाखवलेल्या कन्सर्नबद्दल मनोमन आहे..

आपलाच,
तात्या.

कुणीही जो reply देतो तो धागा वरती यायला हवा. जसे ईतर forum मध्ये होते.
त्या मुळे जिवंत धागा वर दिसावा.
-( सणकी )पाषाणभेद
-( सणकी )पाषाणभेद

जगाला हादरवणारी घटना आपल्या देशात घडल्यावर त्याचे असे प्रतिसाद उमटणं स्वाभावीक आहे. त्याचा बाऊ करू नये. "अमिताभ को ठंड लगी" अशा आषयाचे टॉपीक निघाले नाहियेत. चिंता करू नये.

मिपावर अर्थशास्त्र आणि व्यवस्थापन या विषयावर फार कमी लेख लिहिले गेलेले आहेत.

आपण मिपावर फक्त "शेवटची प्रतिक्रिया कधी आली" ह्या निकषावर त्या त्या धाग्याची लोकप्रियता ठरवतो (म्हणजेच तो धागा मुखपृष्ठावर किती वेळ राहिल हे)
ह्याच्या जोडीला आपण अजुन एक निकष वापरला तर? उ.दा. - "आपल्याला हा विषय किती आवडला/उपयोगी वाटला मत द्या (Radio button vote) - १:अतिशय कंटाळवाणा १०:जीव ओवळुन टाकावा असा"
अर्थात हा निकष परिपुर्ण आहे असे नाही पण निव्वळ "शेवटच्या मताची वेळ" ह्या पेक्षा निश्चितच बरा आहे.
कदाचित "किती वाचने झाली" हा ही निकष ह्याजोडीला लावता येईल

अर्थात, हे सर्व ड्रुपल मध्ये कसे बसवायचे हा निराळा विषय आहे म्हणा.