सरकारने घाईघाईत बंदी घातली आणि तितक्याच वेगात काढली. या दरम्यान कोणकोणत्या साईट्सवर बंदी आहे याची 825 नावांची लिस्ट वर्तमानपत्रांनी दिलेली.ज्यांना 10-15 साईट्सची नाव माहीत होती त्यांना आयती 825 नाव उपलब्ध करून दिली. मग फायदा कुणाचा झाला?

खजुराहो आणि कामशास्त्राने, जर ह्या भारतीय समाजमानावर परीणाम होत नसेल, तर ह्या निळ्या-पिवळ्या साहित्याने पण नक्कीच होणार नाही.>>> खजुराहो आणि कामशास्त्राची आणि हल्लीच्या पोर्न ची तुलना करणाऱ्यांची कीव करावीशी वाटते . 'कामशास्त्र'. नावातच शास्त्र आहे त्याच्या . एवढा तणाव यायचं कारण काय ? दुसरे काही कामधंदे नाहीत का ? पोर्न कितीही बघितलं बघावसं वाटतं . सारखं सारखं तेच बघून जाणीवा बोथट होतात आणि मग अजून वेगळं , फांटसी ,हिंसक बघावसं वाटतं आणि मग ते करून सुधा बघावसं वाटतं त्यामुळे उलट अत्याचाराचं प्रमाण वाढण्याचा धोका आहे . आयला कुठं चाललाय भारतीय समाज ?काही लोक एकवेळच्या अन्न खाण्यासाठी मरतायेत .काही पैशे खाण्यासाठी . काही पोर्न मध्ये बुडून गेलेत . काही ह्या देशाला उध्वस्त कसं करता येईल ह्या प्रयत्नात आहेत . पुन्हा पारतंत्र्य आलं तर आश्चर्य वाटायला नको . लगे रहो . पुढच्या पिढीला आर्थिक सुरक्षितता देण्यासाठी आपण जेवढे प्रयत्न करतो तेवढे सामाजिक , संस्कारी सुरक्षितता देण्यासाठी करत नाही .

अजून खूप गोष्टी भारताला पहायच्या आहेत. "पॉर्नवर बंदी असावी की नसावी" हा जरी चर्चेचा मुळ विषय असला तरी अवांतर गोष्टी डोकावणारच. सध्या हा पॉर्नचा प्रॉबलेम भारताला भेडसावत आहे आणि बंदी वगैरे प्रश्न डोकं वर काढत आहे. अशाच प्रश्नामधून अमेरिका अंदाजे ३०,३५ वर्षापूर्वी गेली आहे.अशाच चर्चा झाल्या आहेत.चर्चमधे पण हाच चर्चेचा विषय असायचा. अमेरिका नेहमीच विकसीत होत राहिली आहे.आणि भारत त्यात गुरफटला जात आहे.(America evolves and India gets involved) ग्लोबल ओपनींगमुळे हे जास्तच होत राहिलं आहे.नाहीपेक्षा मॉल कुठे होते?,escalator-सरकता जिना-कुठे होता?,पिझे कुठे होते,?सेलफोन कुठे होते?,वॉलमार्ट कुठे होतं?,बिएमडब्ल्यू,आवडी,लेक्सस गाड्या कुठे होत्या,? कंप्युटर्स कुठे होते? आणि आता ज्यामुळे प्रचंड अडतंय ते इंटर्नेट कुठे होतं? ऑनलाईनमुळे तर सर्वच संपलं. ऑनलाईनचा प्रश्न आला त्यामुळे पॉर्नचा प्रश्न आला आणि बंदीचा प्रश्न आला. पण थांबा एव्हड्यावरच राहू नका.ह्याच्याच संबंधाने आणखी मोठे प्रश्न येऊं घातले आहेत.त्यावर नक्कीच बंदी येणार आहे.त्यावर नक्कीच चर्चा होणार आहे. व्यक्तीस्वातंत्र्याचा हक्क गाजणार आहे.आणि वयात आलेल्या मुलांचा/मुलींचा प्रश्नं पुन्हा भेडसावणार आहेत. आलं का लक्षात? नाही ना? कारण आपण भारतीय फक्त इन्व्हॉल्व्ह होणार आहो.अमेरिका पूर्वीच इव्हाल झालेली आहे. कदाचीत पेडर रोड,मरीन ड्राईव्हला ह्याचा वापर अगोदरच चालू असेलही.पण हा प्रकार आम-आदमी पर्यंत अजून नक्कीच आलेला नसावा. "सेक्स टूल्स." "संभोग साधनं/खेळ" अमेरिकेत याची केव्हाच दुकानं उघडली आहेत.डाऊन टाऊनमधे प्रकर्षाने दिसतात.पेनीस,व्हायब्रेटर्स,स्टीम्युलेटर्स वगैरे.सहज मिळतात.size as preferred शिवाय,बाहुला विथ पेनीस,बाहुली विथ व्हजाईन ऍन्ड ब्रेस्ट, हे मिळतील किंवा मिळत असावेत? size as preferred (निसर्गाने मेंदुला दिलेल्या अचाट कल्पकतेचा आणि देशाने दिलेल्या संपूर्ण स्वातंत्र्याचा उपयोग करून सर्व प्रांतात अमेरिका evolve होत असताना हे शक्य झालंय)भारतात जर का एव्हडं स्वातंत्र्य असतं तर भारताकडे कल्पकतेला वाण नाही.पण तेव्हडं स्वातंत्र्य नाही ना! आणि दहाएक वर्षांनी पुण्यातच, "पितळे ह्यांचे,संभोग साधने आणि खेळांचे भव्य दुकान" दुपारी बारा ते तीन दुकान बंद राहिल.आमच्या कुठेही शाखा नाहीत" असा बोर्ड लागल्यास आश्चर्य वाटायला नको.मी तरी ते पहायला जीवंत नसणार हे निश्चीत. जरा विनोद जास्तच झाला.पण ह्या विषयावर,कोणताही संकोच न ठेवता(अश्लिलता किंवा कसं),जाणकरानी लिहिलेले प्रतिसाद पाहून,संकोच न ठेवता मी ही लिहिण्याचं थोडं धाडस केलं. ही खेळणी भारतात इंपोर्ट झाली तर काय करावं? पहिली बंदी येईल.मग अमुकच टूल्सना परवानगी आहे असं जाहिर होईल.व्यक्तीस्वातंत्र्याचा बोलबाला झाल्यावर हायकोर्टला तसा निकाल द्यावाच लागेल आणि कालांतराने अमेरिकेत आता आहे तशी दुकानं, पुण्य नगरीत,लॉ कॉलेज रोड्वर,टिळक रोड्वर,कर्वे रोडवर(माफ करा मला पुण्याच्या रस्त्याची तेव्हडी माहिती नाही.)प्रकर्षाने दिसतील. आणि नंतर पुढे मिपावर चर्चाही होईल. तुर्तास एव्हडं पुरे!

सदाहरित धागामध्ये मी अशा प्रकारचा प्रश्न विचारल होता. http://www.misalpav.com/comment/706693#comment-706693 सेक्स टॉय / डॉल चे फायदे. १) वेश्येकडे जाण्याचे प्रमाण घटेल. २) एड्स सारख्या रोगांची भिती नसेल. ३) स्त्री व पुरुषाची सेक्स फँटासीची भुक पुर्ण होउ शकेल. सरकारने सेक्स टॉय / डॉलच्या विक्रीला व बाळगायला परवानगी दिली पाहिजे.

जे काही असेल ते मुळात तुम्हीतरी नीट अभ्यासलं आहे का?>> होय . मी अभ्यासल आहे . तुम्ही अभ्यासलं आहे का? पोर्न ची एवढी जीव तोडून बाजू घेताना काम्शास्त्रा च्या नावाने ठणाणा करण्याचं कारण हेच दर्शवत कि तुमचा अभ्यास नाही . ना कामशास्त्राचा ना पोर्न चा . काम्शास्त्रात कुठं सांगितलंय कि गरज नसताना , केवळ मोकळं होण्यासाठी , थिल्लरपणा साठी काम्शास्त्राचा वापर करा म्हणून ? आपल्या जोडीदाराला पूर्ण तृप्त करण्यासाठी कामशास्त्राची रचना करण्यात आली आहे .ते हि योग्य वयात, योग्य वेळी . उगीच भडकपणा , किळसपणा , हिंसकपणा कामशास्त्रात कुठंही नाहीये . संदीप डांगे च्या प्रतिसादांशी सहमत आहे .

जेवण करण हे शरीर जगवण्यासाठी आवश्यक आहे . योग्य आहार , योग्य व्यायाम हे तर फार चांगलं . पण म्हणून प्रमाणापेक्षा जास्त आहार , जास्त व्यायाम , जास्त विचार , किवा कुठलीही गोष्ट जास्त होत असेल तर त्याचे वाईट परिणाम होणारच . तसंच ह्या गोष्टीचं पण आहे . आवश्यकतेपेक्षा जास्त एक्साइट होणं , नको ते बघणं , नको ते करणं हे शारीरिक, मानसिक , सामाजिक , अध्यात्मिक सगळ्याच दृष्टीने वाईट असतं . तुम्ही रोज २ तास पोर्न बघत असाल तर दीड तासावर या . काही दिवसांनी १ तास . मग अर्धा . मग काही दिवस अजिबात बघू नका . तुमच्या लक्षात येईल काही बिघडत नाही पोर्न नाही बघितलं तर . त्यापेक्षा कितीतरी सुंदर सुंदर गोष्टी आहेत करण्यासारख्या .

पोर्न बघणं हेच स्वतःवर कंट्रोल नसण्याचं लक्षण आहे . ;-) बिभ शिल्पेच आहेत>>> हि बीभत्स शिल्पं कोरण्यामागचं कारण आज कोणाला माहित आहे का ? पोर्न बघण्याचा उद्देश आणि मंदिरांवर अशी शिल्प कोरण्याचा उद्देश ह्यात खूप मोठा फरक असावा . मंदिरांवर कशाला कोण शिल्पं कोरील हो असली त्यात काहीतरी वेगळा उद्देश असणार आहे . त्याचा शोध घ्यायचा प्रयत्न कोणीही करत नाही . फक्त तसली शिल्पं आहेत एवढंच बघितलं जातं . तुम्हाला वाटते म्हणून तुमची मते"च" बरोबर >>> हे हे हे . मी फक्त माझं मत मांडल आहे . ते मला बरोबर वाटतं . इतरांना बरोबर वाटतं कि चूक ह्याच्याशी मला काही देणं घेणं नाही . पण कोणाला बरोबर वाटलंच तर त्यातून फायदाच होणार आहे . तोटा नाही

सादर ___/\___

कहर आणि प्रगो व त्यांच्याशी सहमत इतर माननीय सदस्य यांना: तुम्ही जे नितांतसुंदर पोर्न म्हणताय ते नेमकं काय आहे हे मला तरी कळले नाही. कदाचित माझ्या बघण्यात व विचारात दोष आहे बहुधा. पण पोर्नबद्दल चुकीचे समज पसरू नये म्हणून थोडे प्रत्यक्ष बोलतो. (सांसदीय भाषेत बसणार नाही पण विषय गंभीर आहे म्हणून...) दोन्ही अ‍ॅडल्ट फिल्म असल्या तरी पोर्न आणि इरोटिका यात फरक आहे हे वर स्पष्ट केले आहेच. आता पुढे, प्रचलित पोर्नफिल्म्समधे गुदा-मैथुन, मुखमैथुन, वीर्य-प्राशन, योनित-गुदेत हात व इतर वस्तू घालणे, स्त्री-पुरुषांचे लैंगिक अवयव बांधून फटके देणे, एकाच वेळेस गुदा आणि योनी यात दोन लिंग असणे, या व अशा अनेक अनैसर्गिक क्रिया संभोग म्हणून सादर केल्या जातात. यातल्या कुठल्याच क्रिया दोहोंपैकी कुणालाच नैसर्गिक आनंद देणार्‍या नसतात. त्या फक्त दृश्यात्मक मानसिक परिणाम साधण्यासाठी असतात. म्हणजे हे फक्त बघून उद्दिपीत होता येते. प्रत्यक्ष संभोगात यातून काम-आनंद मिळवणे अशक्य आहे. मानवी मनाच्या उद्दिपनासाठी अशी प्रक्षोभक दृश्ये कल्पना-पातळीवर (प्युअर फँटसी) राहिली तरच ठिक आहे.पण असे चित्रण अजाणत्या वयात - अशा वयात ज्यामधे प्रत्यक्ष संभोगाचा अनुभव येणे केवळ अशक्य गोष्ट असते - कुतूहल म्हणून बघितल्या जाणे एकूण संभोगक्रियेबद्दलची चुकीची मते बनवण्यास कारणीभूत ठरते. असे चित्रण वरचेवर योग्य मार्गदर्शनाशिवाय बघितल्या जाऊन मुलांमधे चुकीचे समज अधिक घट्ट होत जातात. उदाहरणार्थ, ह्या फिल्म्समधे अगदी वीस ते चाळीस मिनिटेपर्यंत पेनिट्रेशन चालू असते. प्रत्यक्षात असे होत नसते हे अनुभवाशिवाय कळायला काय मार्ग असतो? शिवाय एखाद्या मुलाने असं काही वयाच्या १८व्या वर्षापासून बघायला सुरुवात केली, साधारणपणे लग्नापर्यंत (म्हणजे आपल्याकडे २८-३० वर्षे वयापर्यंत) त्याच्यावर ह्याच गोष्टीचा मारा होत राहिला तर बायकोशी वागतांना तो कितीतरी अनैसर्गिक गोष्टींची मागणी करू शकतो. आपण फिल्ममधल्या हिरोसारखे तासभर टिकू शकत नाही हे लक्षात आल्यावर त्याच्या मागचे शास्त्रीय कारण शोधण्याऐवजी आपल्यात काहीतरी कमी आहे असा न्यूनगंड घेऊन जगायला लागतो. मुख-मैथून वा गुदा-मैथुनासाठी पत्नी/प्रेयसी तयार होत नाही तेव्हा संबंधांमधे येणारे तणाव-गैरसमज, फिल्ममधे दाखवल्यासारख्या स्त्रिया प्रत्यक्षात वागत नसतात. हेही फार उशिरा लक्षात येते. विवाहपूर्व समुपदेशन ह्या घट्टे पडलेल्या मनावर परिणाम करू शकत नाही. मुळात अशाप्रकारच्या चित्रणांमुळे संभोगाचा मूळ उद्देश व साध्य पार कुठच्या कुठे दूर पडतं आणि दाम्पत्य विविध मानसिक-शारिरीक तणावांना सामोरे जातं जे ते कुठेच बोलू शकत नाहीत. पोर्नमधे दाखवतात तसं काही प्रत्यक्षात नसतं पण हे इथं बोलणं म्हणून ठिक आहे. बेडरूममधे ज्यांना सामोरे जावं लागतं त्यांच्या मानसिकतेला ते माहित असेलच असं नाही. कारण योग्य आणि अयोग्य याची कुठेच, कुणीच ओळख करून देत नाही. वडिलधार्‍यांनी सगळा अनुभव घेऊन शहाणे झाले असतात पण 'पाण्यात पडलं की पोहायला येतं' असं म्हणून मार्गदर्शन करायचे टाळतात. पण पोहणे म्हणजे बाँडपटात दाखवल्यासारखे एक श्वास घेऊन पाण्याखालीच १० मिनिटे राहणे असते असे एखाद्या मुलाला वाटत असेल तर तो मरेलच. बर्‍याच जणांना योग्य ते सांगूनही पटत नाही. का तर फिल्ममधे दाखवतात ते खोटं कसं असेल असा भाबडा आणि मूर्ख विचार. बर्‍याच जणांना संभोग हा द्वी-मार्गी रस्ता आहे हेच कळत नाही. स्त्रिया आपल्या मनातल्या कल्पना वापरून पाहण्याचे फक्त साधन आहेत असंच त्यांना वाटतं. चावी फिरवली की गाडी सुरू होते तसे आपण हात लावला की मुली लगेच पेटून आपल्या पँटला हात घालतील अशा काय काय महान कल्पना असतात मुलांच्या. स्त्रिया ह्या फक्त उपभोग्य वस्तू आहेत असे यच्चयावत माध्यमांतून मांडले जात असतांना अशा विचारांवर अखेरचा खिळा मारण्याचे काम ह्या पोर्न-फिल्म करतात. या सगळ्यांचे परिणाम भयानक आहेत कारण ते कुठेच दिसून येत नाहीत. उद्ध्वस्त होण्याची शेवटची पायरी गाठेपर्यंत लक्षात येत नाहीत. काही लोक अनुभवाने शहाणे होतात पण सुरुवातीलाच अनोळखी दाम्पत्यामधे तणाव निर्माण होणे दिर्घ-आयुष्यासाठी योग्य ठरत नाही. आपल्याकडे टीनेज-सेक्स पाश्चात्यांच्या प्रमाणात होत नाही. बहुसंख्य लोक फार उशिरा लग्न करतात. वयात आल्यापासून ज्या कारणासाठी वयात आलोय त्याची फक्त स्वप्ने बघत मुले १० ते १८ वर्षे काढतात. या सर्व काळात कुणाशी वारंवार संभोग होण्याची व त्यातून काही शिकण्याची संधी फार क्वचित लोकांना मिळते. मी दहावीत असतांना माझ्या वर्गातल्या काही मुलांनी घरी वीसीआर आणून ह्या फिल्म्स बघण्याचे उद्योग केले होते. त्यांची वर्गणी देण्याची ऐपत नसल्याने मी त्यात सामिल नव्हतो. पण त्या मुलांच्या एकूणच सर्व स्त्रियांकडे पाहण्याच्या झटकन बदलेल्या नजरा अजूनही लक्षात आहेत. असंच दृश्य बालक-पालक मधेही दाखवलंय जे अक्षरशः खरं आहे. याच चुकीच्या कल्पनांचा कसा पगडा असतो हे एका उदाहरणावरून सांगतो. एडस व सुरक्षित शरिरसंबंध याबद्दल संशोधन व जनजागृती करणार्‍या एका निमसरकारी संस्थेचे अधिकारी जेजे मधे एका स्पर्धेच्या आयोजनासाठी आले होते. त्या पोस्टर स्पर्धेविषयी विस्तृत माहीती देत असतांना एक किस्सा त्यांनी सांगितला. अनेक लोक त्यांच्या कडे लैंगिक समस्या घेऊन येतात. त्यापैकी एकजण म्हणाला, की "डॉक्टरसाहेब, कायतरी औषध द्या भारीपैकी. अहो पाच मिनिटाच्या वर टिकत नाही मी" डॉक्टर त्याला शांतपणे म्हणाले, "घड्याळ आहे तुझ्याकडे. इथेच जरा पाच मिनिटे होइस्तोवर त्याकडे बघ शांतपणे. बघ ती पाच मिनिटे किती असतात ती मग अंदाज बांध की तू खरंच शिघ्रपतनाचा रूग्ण आहेस का." वरील सर्व प्रतिसाद लग्न होऊन दोन-चार मुले झालेल्या लोकांबद्दल नाही. त्यांना गरजही नाही. ज्यांना गरज आहे त्यांच्यापर्यंत योग्य वेळेत योग्य माहिती पोचणे आवश्यक आहे. मिसळपाव वाचणार्‍यांमधे अजून वर्जिन असलेली, नुकतीच वयात आलेली मुले-मुली असतील, तेही वाचत असतील. इथे कशाचेही समर्थन करतांना त्या कोवळ्या मनाचा विचार करणे आवश्यक आहे. सगळे अनुभव घेऊन जगाला शहाणपणा शिकवणे फारच सोपे असते. पण योग्य मार्गदर्शन करणे फार कठीण. इथल्या जाणकार डॉक्टरांना जास्त खात्रीशीर आणि योग्य शास्त्रिय माहीती असेलच त्यामुळे त्यांना नम्र विनंती की त्यांनी याबाजूवर प्रकाश टाकणारे प्रतिसाद द्यावेत. बाकी, प्रत्येकाची आवड काय असावी व काय पाहावे, पाहू नये हा मुद्दा माझ्यादृष्टीने कायमच कुठल्याही वादाच्या पलिकडे आहे.

काय हे, इतकी सगळी चर्चा झाली, पण त्याअगोदर (किंवा आतापर्यंतही) कोणी तरी, कमीत कमी खालील शब्दांच्या "सर्वमान्य व्याख्या" ठरवल्या / दिल्या आहेत का ? १. इरोटिका २. पोर्न ३. संभोगविकृती (अननॅचरल सेक्स) यांच्याबद्दल प्रत्येकाच्या मनातल्या कल्पना वेगवेगळ्या असू शकतात. या व्याख्या सुरुवातीलाच स्पष्ट केल्याशिवाय केलेल्या वादविवादात कोण नक्की कश्याबद्दल बोलत आहे हे कसे समजणार ?!

प्रा.डॉ.दिलीप बिरुटे यांनी अतिशय नाजूक विषयाला "तोंड फोडून" (मालवणी वाकप्रचार), अश्लिल विषयात जास्तीत जास्त शील ठेवून, प्रतिसाद देणारे प्रतिसाद देतील ह्याचा, धोका पत्करून चर्चा घडवून आणली याबद्दल ते सर्वांच्या कौतूकास पात्र आहेत असं मला स्वतःला वाटतं. एकूण सर्व प्रतिसाद वाचून जून्या माहितीची उजळणी झाली आणि नवीन माहिती काही तरी शिकवून गेली असं मला वाटलं.सर्वांनी प्रतिसाद उत्तम दिले आहेत. त्यातल्यात्यात श्री.सुबोध खरे यांचे प्रतिसाद अतिशय उद्बोधक वाटले.हे वाखाणण्यासारखे आहे. धागाकर्त्याने विषयाचा समारोप केला असल्याने,यापुढे मला या विषयावर जास्त प्रतिसाद देणे नलगे.मात्र इतरांचे प्रतिसाद आल्यास जरूर वाचिन.

डांगे यांनी एकदम योग्य विचार मांडले आहेत. खासकरून शेवटचा विचार ! एकुणच दृकश्राव्य माध्यमे एवढी वाढली आहेत की मेंदूचा वापर कमी होत चालला आहे । जे काही दूरचित्रवाणी , संगणक ,आणि भ्रमण कवनीच्या पडदयावर दिसतं ते तसंच गिळंकृत करण्याची सवय लागत चालली आहे. पुढच्या पिढीत हे अजुनच वाढणार आहे कारण एकुणच शिक्षणाबिषयीचे धोरण . स्वतःचा विचार करणे,मांडणे हीच गोष्ट दुर्मिळ होत चालली आहे

परिपोर्न परिवारिक प्रहसन करु शकले जर हिरिरीचे समर्थक तर नक्कीच संपूर्ण समाज संभोगातून समाधीकडे पोहोचलाच म्हणून समजा. काय १-१ तारे चमकले, विचारु नका. मेक इन इंडिया सुरु झाले तर नक्कीच उत्कट शृंगारिक प्रणय सा-रा विश्वात तळपत राहिल याची खात्रीशीर चाचपणी व तज्ञ मंडळी शोधण्यासाठीच हे "बंदी" प्रकरण करण्यात आले आहे का असा वास येतोय. पुढे पुरेपुर पोर्नापूर- कामातुरं न भयं न लज्जा!

200 गाठण्यासाठी 'हात'भार.