Skip to main content

मिपाचे वैभव..!

लेखक विसोबा खेचर यांनी गुरुवार, 27/11/2008 10:53 या दिवशी प्रकाशित केले.
राम राम मिपाकरहो.. नुकताच मिपाकर सुनील यांनी 'मिपाचे बंद पडणे..' अशी तक्रार केली होती. त्या तक्रारीस तिथे आम्ही उत्तर दिले आहेच परंतु आमच्या उत्तराला सपोर्टिंग म्हणून आम्ही खाली काही चित्रे प्रकाशित करत आहोत.. या वरून मिपाची वाढती लोकप्रियता सहज लक्षात यावी.. आणि म्हणूनच आजूबाजूच्या संकेतथळावरील काही मिपाद्वेष्टी मंडळी मिपाच्या सर्व्हरवर अतिरिक्त कृत्रीम ताण आणून मिपा वारंवार बंद पाडत आहेत हे उघड आहे... असो, या बाबतीत शक्य ते सर्व प्रयत्न सुरू आहेत. लौकरच मिपावरील या भ्याड हल्ल्यांचा बंदोबस्त करण्यात येईल.. सर्व मिपाकरांनी आजपर्यंत जसे सहकार्य केले तसेच यापुढेही करावे अशी मायबाप मिपाकरांना कळकळीची विनंती... हे पाहा मिपाचे वैभव...! आपला, (कृतज्ञ आणि कृतार्थ!) तात्या अभ्यंकर.
लेखनविषय:
लेखनप्रकार
वाचने 10544
प्रतिक्रिया 30

प्रतिक्रिया

अवलिया गुरुवार, 27/11/2008 11:08
तात्यानु लय म्हंजे लय भारी फक्त मिपावर जे लोक भ्याड हल्ला करतात त्यांना शिवराज पाटिल प्रमाणे गोड गोड बोलुन सोडुन देवु नका. तुमच्या बरोबर आम्ही आहोतच पुढील वाटचालीस शुभेच्छा अवलिया(उर्फ नाना चेंगट)

अभिजीत गुरुवार, 27/11/2008 12:26
सहमत. झारीतल्या 'शुक्राचार्यां'चे निर्दालन कराच. - अभिजीत

जैनाचं कार्ट (verified= न पडताळणी केलेला) गुरुवार, 27/11/2008 11:14
बापरे !!!! १० जीबी बान्डविथ एकट्या अमेरिके हून =)) उत्तर समोरच आहे तात्या ! मनो मनो !!!!! जैनाचं कार्ट देहि शिवा वर मोहि इहै... शुभ करमन ते कबहूं न टरूं... न डरूं अरि सौं जब जाई लरूं... निसचै कर अपनी जीत करूं... आपले संकेतस्थळ

सुनील गुरुवार, 27/11/2008 20:26
१० जीबी बान्डविथ एकट्या अमेरिके हून उत्तर समोरच आहे तात्या ! उत्तर नाही कार्ट्या, प्रश्न समोरच आहे, उत्तर शोधायचयं! Doing what you like is freedom. Liking what you do is happiness.

आंबोळी गुरुवार, 27/11/2008 11:14
अभिनंदन तात्या, आपण लावलेल्या रोपट्याचा वर्षाभरातच वटव्रुक्ष झालेला पाहताना आपणास नक्कीच कृतज्ञ आणि कृतार्थ वाटत असणार. पुनःश्च अभिनंदन. बाकी नानांशी सहमत. आंबोळी

आनंदयात्री गुरुवार, 27/11/2008 11:18
या लिचर्स वर उपाय म्हणुन मिपावर कॅपचा ऍक्टिव्हेट करावा का असे ऑफलाईन डिस्कशन आम्हा मित्रलोकात (मी, नीलकांत, कैवल्य, विनायक) झालेले स्मरते. बहुतेक आता ती वेळ आलेली असावी !

जैनाचं कार्ट (verified= न पडताळणी केलेला) गुरुवार, 27/11/2008 11:22
कॅपचा चा उपयोग नाही होनार.... कारण कॅपचा संगणकीय हिट्स नाही थांबवू शकत ! जैनाचं कार्ट देहि शिवा वर मोहि इहै... शुभ करमन ते कबहूं न टरूं... न डरूं अरि सौं जब जाई लरूं... निसचै कर अपनी जीत करूं... आपले संकेतस्थळ

आनंदयात्री गुरुवार, 27/11/2008 11:26
जर का कॅपचा संगणकीय हिट्स थांबवु शकला नसता तर तो अस्तित्वातच कशाला आला असता ??

जैनाचं कार्ट (verified= न पडताळणी केलेला) गुरुवार, 27/11/2008 11:42
कॅपचा ! स्पॅम प्रोटेक्टर आहे.... ! मिपावर स्पॅमची अडचण नाही आहे.. हिट्स ची आहे... विनाकारण केलेली व्हिजिट ! जैनाचं कार्ट देहि शिवा वर मोहि इहै... शुभ करमन ते कबहूं न टरूं... न डरूं अरि सौं जब जाई लरूं... निसचै कर अपनी जीत करूं... आपले संकेतस्थळ

आनंदयात्री गुरुवार, 27/11/2008 12:01
तुम्ही म्हणताय तर तसे समजु .. पण ती वरची लिंक वाचुन बघा एकदा.

जैनाचं कार्ट (verified= न पडताळणी केलेला) गुरुवार, 27/11/2008 12:09
युवा अड्डावर मी कॅपचा वापरला आहे भाऊ ! जैनाचं कार्ट देहि शिवा वर मोहि इहै... शुभ करमन ते कबहूं न टरूं... न डरूं अरि सौं जब जाई लरूं... निसचै कर अपनी जीत करूं... आपले संकेतस्थळ

आनंदयात्री गुरुवार, 27/11/2008 12:15
मग तुमचे अभिनंदन अन वाढदिवसाच्या शुभेच्छा !

धमाल मुलगा गुरुवार, 27/11/2008 11:28
ह्यामुळे निदान स्वयंचलित शोषकांवर निर्बंध येतील. अर्थात हे घरचं खाऊन बाहेरच्या उस्तवार्‍या करणार्‍यांनाही ठाऊक असणारच, ते लॉग इन करुन उद्योग करतील पण निदान त्यामुळे त्यांचा सुगावा तरी लागेल. आणि हो, जेव्हा हे सगळं पुर्ण निस्तरलं जाईल तेव्हा तात्या, ह्या विघ्नसंतोष्यांची ऑनलाईन धिंड काढायला विसरु नका हो! आम्ही येतोच हलग्या- लेझिम घेऊन ;) एकदा का ह्या उद्योगांच्या बोलावत्या धन्याचं नाव उघड झालं की मग त्याला कोणी जवळ करणार नाही. असल्या उद्योगी प्राण्यांना इतरही कोणी त्यांच्या संस्थळाला असलेल्या संभाव्य धोक्यामुळे दारात उभे करणार नाहीत. असो, मिपाची ही होणारी भरभराट पाहुन आम्हालाही अत्यानंद (प्रमोदकाका नव्हे) झाला :)

आनंदयात्री गुरुवार, 27/11/2008 11:34
सदस्यांना सुद्धा लॉगिन झाले की एकदा किंवा से दर १०० पाने वाचल्यावर कॅपचा पेज आपोआप दिसेल अशीही व्यवस्था करता येईल बहुदा. मग ना सर्वर बदलायची गरज पडेल ना फुक्कटचा ताण सहन करायची. मालकांनी, विश्वकर्म्यानी अन संपादन मंडळानी काय तो निर्णय घ्यावा असे इथे आवाहन करु इच्छितो.

ऋषिकेश गुरुवार, 27/11/2008 21:25
कॅपचा हा उत्तम उपाय वाटतो.. आनंदयात्रीशी सहमत मराठी संस्थळाला कॅपचाचा विचार करावा लागावा यातच सारं काहि आलं.. अभिनंदन! -(टोपीचा) ऋषिकेश

सरपंच गुरुवार, 27/11/2008 11:28
एका टायमाला ५३ सदस्य ऑनलाईन? मेल्यानो मिपा बंद पडेल नायतर काय होईल? :) तात्या.

जैनाचं कार्ट (verified= न पडताळणी केलेला) गुरुवार, 27/11/2008 11:43
लिस्ट मध्ये माझं नाव पण आहे.... मेलो ! =)) जैनाचं कार्ट देहि शिवा वर मोहि इहै... शुभ करमन ते कबहूं न टरूं... न डरूं अरि सौं जब जाई लरूं... निसचै कर अपनी जीत करूं... आपले संकेतस्थळ

अवलिया गुरुवार, 27/11/2008 11:47
खरेच की मी पण आहे ह्या लिस्टमधे #:S

यशोधरा गुरुवार, 27/11/2008 12:25
>>आजूबाजूच्या संकेतथळावरील काही मिपाद्वेष्टी मंडळी मिपाच्या सर्व्हरवर अतिरिक्त कृत्रीम ताण हे अजून एक वेगळ्या प्रकारचे दहशतवादी!! :O ठीक बंदोबस्त करा यांचा तात्या..

राघव गुरुवार, 27/11/2008 12:38
लय भारी! आमी समदे हाय तुमच्यासंगं... मारा, झोडा... अजाबात सोडायचे काम नाय! मुमुक्षु

वेताळ गुरुवार, 27/11/2008 18:34
पण तात्या आपली काही तक्रार नाय बा. ह्या लोकाचं असच असत दुसर्‍याच चांगल चाललेले बगवत नाय. बाकी मिसळपाव एका वर्शात एकदम जोरात आल आहे. वेताळ

सर्वसाक्षी गुरुवार, 27/11/2008 19:59
तात्या, हाटेलात आलेल्यांना बाहेर तिष्ठत रांगेत उभे ठेवण्यापेक्षा छप्पर वाढवा हो! मागच्या कट्ट्याला झालेल्या चर्चेचा आणि सूचनांचा विचार करावा ही नम्र विनंती.

शक्तिमान गुरुवार, 27/11/2008 21:06
मागच्या कट्ट्याला काय झाले ते माहीत नाही.. पण छप्पर वाढवले तर उत्तमच!

कुशंका गुरुवार, 27/11/2008 20:59
बापरे. मराठी संकेतस्थळांवर असेही प्रकार होतात? मराठी संकेतस्थळांचा जीव तो केवढा. त्यातही तंगड्या ओढणे वगैरे ....

शक्तिमान गुरुवार, 27/11/2008 21:04
माझाही विश्वास बसत नव्हता असल्याप्रकारावर! नुसतेच वाचले होते DOS बद्दल. आता प्रात्यक्षिकही पहायला मिळत आहे.

ब्रिटिश टिंग्या गुरुवार, 27/11/2008 21:02
:O ग्रेट ब्रिटनमध्ये ४५,६१३ हिट्स? - ब्रिटिश टिंग्या अंगात 'दम' असणं चांगलं.....पण तो सारखा लागणं वाईट! अवांतर : माझ्याच हिट्स जास्त आहेत की काय :?

शक्तिमान गुरुवार, 27/11/2008 21:10
Traffic not viewed (bandwidth = 1.30GB) या वरून अंदाज काढला आहे का DOS attack चा?

कपिल काळे गुरुवार, 27/11/2008 21:14
> ह्या साठी मिपावर लॉगिन होण्याआधी वर्ड व्हेरिफिकेशन टाकता आले तर? म्हणजे अगदी पाहुण्यांसाठीसुद्धा तसेच. अड्रेस बार मधे मिपा.कॉम असे टाइप केल्यावर पहिल्यांदा वर्ड व्हेरिफिकेशन नंतर प्रवेश. http://kalekapil.blogspot.com/

चतुरंग गुरुवार, 27/11/2008 21:33
ठराविक काळानंतर तुम्ही कोणतीच ऍक्टिविटी केली नाहीत तर आपोआप तुमचा आय्.डी. गमन करुन टाकायचा असे काही करण्याने बँडविड्थ वापरावर थोडा आळा बसेल असे वाटते. सध्या मी एकदा मिपावर आलो की स्वतःहून गमन करेपर्यंत जेव्हा जेव्हा संगणक चालू करेन तेव्हा आपोआप 'आलेल्या सदस्यांमधे' गणला जातो! ('उपक्रम' हे संकेतस्थळ असे आहे. मी एकदा लॉग इन झालो आणि ठराविक काळ (साधारण ४८ तास असावे अंदाजे) फिरकलो नाही तर पुन्हा आल्यावर मला लॉगइन करावे लागते.) चतुरंग

कोलबेर गुरुवार, 27/11/2008 21:37
अमेरिकेतील सभासद संखेने भारतातील सभासदांपेक्षा जास्त नसावेत. तरिही अमेरिकेतुन भारताच्या तुलनेत इतक्या पटीत हीट्स कशा काय? आणि सर्वात आश्चर्याची गोष्ट म्हणजे ऑस्ट्रेलियामधुन भारतापेक्षा अधिक ट्रॅफिक कसा काय?