Skip to main content

मृत्युषडाष्टक

लेखक नितीनचंद्र यांनी गुरुवार, 19/02/2015 23:29 या दिवशी प्रकाशित केले.
आजच एक जोडी माझ्याकडे सल्ल्यासाठी आली होती. मुलाचे जन्मनक्षत्र आर्द्रा म्हणजे मिथुन रास तर मुलीचे जन्मनक्षत्र जेष्ठा म्हणजे वृश्चिक रास. या दोन्ही राशी एकमेकांपासुन सहाव्या आठव्या येतात म्हणजे षडाष्टक योगात गुणमेलनाचे गुण एकदम कमी होऊन कोणी ज्योतिषी लग्न करा असा सल्ला द्यायला धजावत नाही. यातुन मृत्यु हा शब्दामुळे दोघेही भांबावलेले / धास्तावलेले होते. दोघेही वडीलधार्‍या व्यक्तीच्या सोबत न येता फक्त दोघेच आले होते त्यामुळे हा मामला प्रेमाचा आहे हे समजावयला वेळ लागला नाही. अधीक चौकशीत ते एकमेकांचे ( विवाहाला अडथळा नसलेले नातेवाईक म्हणजे मुलाच्या मामाची मुलगी ) आहे हे समजले. दोघे एकमेकांना लहान पणा पासुन चांगले एकमेकांच्या स्वभावाचा परिचय असलेले आणि एकमेकांवर अत्यंतीक प्रेम असलेले दिसत होते. गावाकडे गुणमेलनाच्या सॉफ्टवेअरमधे लग्न जुळत नाही हा शिक्का लागलेला कागद घेऊन आले होते. दाते पंचांगात याला पर्याय म्हणजे दोघांच्या नवांश कुंडल्या मांडुन नवांशस्वामी एकमेकांचे मित्र असल्यास षडाष्टक योग असुनही विवाह वर्ज नाही हा सल्ला तर दिलाच त्या शिवाय मुलीला जेष्ठा नक्षत्र शांती करावयाचा सल्ला दिला जी झालेली नव्हती. जेष्ठा नक्षत्र हे जेष्ठता मिळवण्यासाठी आतुर नक्षत्र समजले जाते. त्यांना डावललेले चालत नाही. प्रत्येक गोष्टीत पतीने पत्नीचा सल्ला घेणे आणि आपली बाजु समजाऊन सांगुन जर दुमत असेल तर एकमत बनवणे ही शहाण्या जोडप्याने वागायची रितही समजाऊन सांगीतली. लग्न हे समजुतदारपणाने निभावले जाते हेही सांगायला मी विसरलो नाही. मंगळ आणि बुध हे एकमेकाचे शत्रु असल्याने एकमेकांचे पटत नाही हे शास्त्र झाल. व्यवहारात अनेक वेळा अश्या राशीच्या लोकांना नोकरी/व्यवसायात एकमेकांना पटवावे लागते. बुध हा शब्द्प्रभु असल्यामुळे त्याला फार भावनेच्या आहारी न जाता असे पटवणे सोपे जाते. मिसळपाववर षडाष्टक योगाची चर्चा झाली आहे आणि स्वभाव न पटल्यास एकत्र रहाणे म्हणजे मृत्युसम या अर्थाने याला मृत्युषडाष्टक म्हणणे योग्य ठरेल हे विधान मलातरी पटले आहे. दोघांनी एकमेकांना पसंत केले आहे. त्यांच्या म्हणण्यानुसार त्यांचे एकमेकांशी संघर्ष कधी झालेच नाहीत आणि होणारही नाहीत इतक्या खात्रीने ते विवाह करत असतील तर उगाच भिती दाखवुन तो विवाह टाळण्यास सांगण्याचा सल्ला देण्यात काही हशील नव्हता. शिवाय एकमेकांशी विवाह न करता ते किती सुखी होतील असा प्रश्न विचारल्यावर अजिबात नाही असे उत्तर दोघेही देत होते. असे असताना आणि त्यांची वये पाहुन हे फक्त आकर्षण नाही हे स्पष्ट समजत होते. आर्थीक सुसंपन्नता तर आहेच. अस असताना या दोन आत्म्यांना माझ्या अंतरात्म्याला न पटलेला सल्ला देणे म्हणजे काहीतरी पाप करणे वाटत होते. यातला अजुन एक भाग म्हणजे दोघांची एकनाड आहे. परंतु दोघांचे पंचमेश दोषमुक्त आहेत. पंचम स्थान आणि गुरु देखील सुस्थीतीत आहेत. याशिवाय आज सायन्स इतके पुढे गेले आहे त्यामुळे दोष असलाच तर किमान एक संतती होणे सायन्स च्या सहायाने अशक्य नाही. शभंभवतु हा आशिर्वाद मी दिलाच आहे. मिसळपावकरांना माझे म्हणणे पटेल.
वाचने 49820
प्रतिक्रिया 110

प्रतिक्रिया

कपिलमुनी गुरुवार, 19/02/2015 23:37
बर्‍याच दिवसांनी फलज्योतिषावर लेख आला. ( पुन्हा जुनाच धुरळा न उडवता मिपाकर सुज्ञपणा दाखवतीलच)

अर्धवटराव गुरुवार, 19/02/2015 23:47
पण लग्न करण्याची इच्छा असणार्‍या एका जोडप्याला तुम्ही कुंडली मेचींगच्या जंजाळातुन सोडवलं इतकं समजलं. बरं आहे.

पिवळा डांबिस शुक्रवार, 20/02/2015 01:50
चला, बरं झालं! पण आता आम्हां मिपाकरांना रडवायला त्या जोडप्याला अपत्यप्रातीत अडचण वगैरे काही दाखवू नका हां! अहो जोडप्याची कुचंबणा दाखवून, मिपाकरांना रडवून, प्रतिसाद मिळवायचे म्हणजे पाऽऽप हो!!!

कंजूस शुक्रवार, 20/02/2015 07:05
१)ज्योतिषात जर त्यांच्याच शास्त्राप्रमाणे जातकाच्या कुंडलीतील ग्रहमानाप्रमाणेच गोष्टी घडणार आहेत तर गुणमेलन पत्रिका जुळवणे हा खटाटोप ज्योतिषांनी करू नये असं माझं मत आहे. २)मुलाची मिथुन चंद्ररास सांगते की निर्णय घेण्यास असमर्थ असणे, प्रत्येक गोष्टीचा कीस काढणे, ठामपणा नसतो. ३)प्रेमविवाह करणाऱ्यांना सरळ सांगा ज्योतिष पाहात नाही. ४)योग हे जोडयोग असतात. मुलास वाहनयोग असल्यास बापाकडे पैसा असतोच. मुलास अल्पमृत्यु आणि आइवडिलांस पुत्रशोक योग असतोच. ५)मुलीस वैधव्य असेल तर नवऱ्यास अल्पमृत्युयोग असणाराच असतो. हे तुम्हाला कळले तरी ते तुम्ही तोंडावर सांगू शकत नाही. सांगण्यास टाळाटाळ केली तर आणखी शंका येते. थोडक्यात लग्न जुळवाजुळवीच्या भानगडीत {ज्योतिषी लोकांनी तरी}अजिबात पडू नये.

आयुर्हित शुक्रवार, 20/02/2015 10:53
वाह व्वा कंजूसजी, (फक्त)क्रमांक ४चा मुद्दा आवडला व पटला देखील. क्रमांक १,२,3,५ वर नितीनचंद्रजी काय म्हणतात बघू या!

hitesh शुक्रवार, 20/02/2015 11:12
मग ज्योतिष ज्ञानाचा उपयोग काय ? उलट असे प्रकार व्यवस्थीत डोक्युमेंट केले तर ज्योतिष हे शास्त्र आहे हे सिद्ध व्यायला मदत होइल ना ?

पिवळा डांबिस शुक्रवार, 20/02/2015 23:26
....तर ज्योतिष हे शास्त्र आहे हे सिद्ध व्यायला मदत होइल ना ?
व्यायला मदत करायला हरकत नाही हो, पण दर वेळेस भरंवशीच्या म्हशीला टोणगाच होतोय, त्याचं काय? :) (तुमचा टायपो आहे हे लक्षात आलं होतं, पण प्रसंगानुरूप म्हण वापरायचा मोह आवरला नाही. ह. घ्या)

नितीनचंद्र शुक्रवार, 20/02/2015 12:18
१)ज्योतिषात जर त्यांच्याच शास्त्राप्रमाणे जातकाच्या कुंडलीतील ग्रहमानाप्रमाणेच गोष्टी घडणार आहेत तर गुणमेलन पत्रिका जुळवणे हा खटाटोप ज्योतिषांनी करू नये असं माझं मत आहे. उत्तर : आपल्याला पुण्याहुन दिल्लीला जायचे आहे तर सोयीची गाडी शोधाल की चेन्नईला जाऊन तिकडुन दिल्लीला जाल ? वैवाहीक जीवन काही लोकांना सुखावह नसते. अश्यावेळी त्यातल्या त्यात सुखावह व्यक्तीशी विवाह करणे आपल्या हातात असते. २)मुलाची मिथुन चंद्ररास सांगते की निर्णय घेण्यास असमर्थ असणे, प्रत्येक गोष्टीचा कीस काढणे, ठामपणा नसतो. उत्तर : म्हणुन तर जोडी माझ्याकडे आली होती. मी नुसते ज्योतीष पहात नाही तर समापुदेशन पण करतो. ३)प्रेमविवाह करणाऱ्यांना सरळ सांगा ज्योतिष पाहात नाही. उत्तर : हे आपण का ठरवावे ? ते विवाह करणारच आहेत. यावर उपाय काय आणि किती रिस्क आहे याची असेसमेंट त्यांना हवी होती. ४)योग हे जोडयोग असतात. मुलास वाहनयोग असल्यास बापाकडे पैसा असतोच. मुलास अल्पमृत्यु आणि आइवडिलांस पुत्रशोक योग असतोच. उत्तर : वहानयोग ड्रायव्हरला पण असतो. फरक इतकाच की त्याला वहानाचे सुख नसते. मुलास अपमृत्यु ( अल्पमृत्यु नसतो ) याचा वरील लेखाशी काय संबंध ? लग्नामुळे मृत्यु असा योग मुळी नसतो. मी दोघांच्या पत्रीका आयुष्यमान पहाण्याकरता सुध्दा तपासल्या. दोघांना दिर्घायुष्य आहे. हीच भिती घालवणे महत्वाचे. ५)मुलीस वैधव्य असेल तर नवऱ्यास अल्पमृत्युयोग असणाराच असतो. हे तुम्हाला कळले तरी ते तुम्ही तोंडावर सांगू शकत नाही. सांगण्यास टाळाटाळ केली तर आणखी शंका येते. उत्तर : असले कोणतेही योग दोघांच्या पत्रीकेत नव्हते. लेखन विस्ताराच्या भयाने हे लिहणे टाळले इतकेच. थोडक्यात लग्न जुळवाजुळवीच्या भानगडीत {ज्योतिषी लोकांनी तरी}अजिबात पडू नये. याचे उत्तर वेगळे लिहले आहे.

नितीनचंद्र शुक्रवार, 20/02/2015 11:49
थोडक्यात लग्न जुळवाजुळवीच्या भानगडीत {ज्योतिषी लोकांनी तरी}अजिबात पडू नये. आपण मला सल्ला देण्याच्या आधी विषय समजाऊन घेतला असता तर बरे झाले असते. माझे वधु-वर सुचक मंडळ नाही. लोक दुकान मांडुन खरा सल्ला भिती/आत्मविश्वास अभावा पोटी देत नाहीत. लग्न झाल्यामुळे मृत्यु असा कर्मविपाक माझ्या पहाण्यात नाही. त्या जोडीला हीच भिती होती. मी माझी कामे माझ्या विवेकानुसार करतो.

सूड शुक्रवार, 20/02/2015 14:14
>>योग हे जोडयोग असतात. मुलास वाहनयोग असल्यास बापाकडे पैसा असतोच. मुलास अल्पमृत्यु आणि आइवडिलांस पुत्रशोक योग असतोच. ५)मुलीस वैधव्य असेल तर नवऱ्यास अल्पमृत्युयोग असणाराच असतो. हे तुम्हाला कळले तरी ते तुम्ही तोंडावर सांगू शकत नाही
ह्यासाठी तुम्हाला एक मँगो केशर मस्तानी!!

डॉ सुहास म्हात्रे शुक्रवार, 20/02/2015 19:47
हे भविष्यकथन नव्हे तर व्यावहारीक लॉजिक आहे... पण त्यामध्ये एक खडा आहे, तो हा... मुलास वाहनयोग असल्यास बापाकडे पैसा असतोच. हे असेच असेलच असे नाही. कारण... अ) "मुलगा लहानपणापासून गाडीतून फिरणार" असा असल्यास ती गाडी वडिलांचीच असेल असे कशावरून... आईने अथवा एकत्र कुटूंबातील इतर कोणी (आजोबा, काका, इ) घेतलेली असू शकेल. आ) मुलगा मोठा झाल्यावर स्वतःची गाडी घेऊ शकेल... सद्या कित्त्येक तरुणांकडे विशीच्या दशकात स्वतःची (हप्त्याने घेतलेली का होईना) पण गाडी आहेच ना ? :)

पैसा शुक्रवार, 20/02/2015 11:03
बाकी गोष्टींबद्दल आपला पास. पण एकूण परिस्थिती पाहून अतिशय योग्यप्रकारे वागलात!

गवि शुक्रवार, 20/02/2015 12:22
प्रसंग छान वर्णिला आहे. लिखाणाची हातोटी आवडली. मुळात इतका समंजसपणा असताना हे नक्षत्रांचे आणि ग्रहांचे आणि त्यांना शांत वगैरे करण्याचे हातचे हवेतच कशाला? ज्योतिषाधारे कोणतेही निर्णय घेणे हा मूळ भागच अशासाठी चुकीचा वाटतो की उदा. या लग्नाबाबत हे जोडपे तुमच्याकडे आले म्हणून ठीक. या नक्षत्ररचना अन योग त्यांच्या मार्गात धोंड बनून राहिले नाहीत. पण ज्योतिषावर विश्वास ठेवून निर्णय घ्यायचे ही पद्धत रुजलेलीच राहिली असेल तर अशी जोडपी इतर ज्योतिष्यांकडेही जातील आणि जातच असणार. त्यांना असा समजूतदार ज्योतिषी मिळेलच असं नाही. म्हणून या एकूण पद्धतीविषयीच पुनर्विचार करायला हवा.

गिरकी शुक्रवार, 20/02/2015 12:27
+१ आणि जरी ज्योतिषाने कितीही वाईट सांगितले तरी लग्न करण्याचा विचार पक्का असेल तर उगीच ज्योतिषाकडे जाऊन असेसमेंट किंवा रिस्कच प्रमाण कशाला शोधत बसायचं?

नितीनचंद्र शुक्रवार, 20/02/2015 12:29
नक्षत्र शांतीने अनेक अडचणी दुर होतात. घरच्यांचा थोडासा विरोध आहे ज्याला त्यांना पटेल असा उपायही आवश्यक आहे. नक्षत्रशांती आणि अडचणी दुर होणे हे पटायला अवघड आहे. अनुभव मला आहे. अनुभुती जातकांनी घ्यावी. एकूण पद्धतीविषयीच पुनर्विचार करायला हवा. +१११११

ब़जरबट्टू शुक्रवार, 20/02/2015 14:02
परंतू तो जर तुम्ही विरुध्द जरी दिला असता, तरी हे जोडपे जोपर्यन्त त्यांच्या सोयीनुसार सांगणारा ज्योतीषी भेटत नाही तोपर्यन्त भटकले असते... मुळात बेस्ट ज्योतिषी कोण असतो ? जो माझ्या बद्दल ग्रेट बोलतो... :) दुसरे काही नसते हो ऐकायचे....

डॉ सुहास म्हात्रे शुक्रवार, 20/02/2015 23:42
जोतिष्याच्या नादी लागलेल्या बर्‍याच जणांचे असेच वागणे असते. मनासारखे भविष्य सांगणारा मिळेपर्यंत शोधत राहतात आणि एखाद्याने सागितलेले भविष्य एकदा खरे ठरले की नंतर कितीही वेळा त्याची भाकीते खोटी ठरली तरी त्याला सोडणे जमत नाही.

डॉ सुहास म्हात्रे शुक्रवार, 20/02/2015 19:54
सहमत. मी तरी इतर कोणत्याही प्राण्याला राज्याभिषेक झालेला पाहिले/ऐकले/वाचले नाही ! +D

नाखु सोमवार, 23/02/2015 09:42
माणूस (बाप्या) राजा होतोच. सकाळची सुरवातच मुळी राज्या उठ तुला शाळेला जायचयनां पासून होऊन "गाढवा/गधड्या" पर्यंत थांबते तस्मात राजा होणे अटळ आहे. प्रेमी युगुलांचे "राजा-राणी" वेगळे प्रकरण आहे स्वानुभवी-जाणकार अनुभव दाखले देतीलच.

कंजूस शुक्रवार, 20/02/2015 14:54
ड्राइवर ला वाहनयोग आहे असे म्हणत नाहीत मागच्या सीटवर बसणाऱ्याला तो योग असतो. प्रेमविवाह करणाऱ्या जोडप्याने ज्योतिषाचा सल्ला मागायला जाणे हा शुद्ध दांभिकपणा आहे. प्रेम केलं आणि विवाहही केला {दुसऱ्याशी}असा प्रकार झाला. नितिनचंद्र तुमची मतं ही नितिनचंद्र यांची न धरता ज्योतिष विषयाची सांगितलेली मतं असं धरतो आहोत. आता एक उदाहरण टी एन शेशन यांचे घ्या(त्यांच्याच पुस्तकातून)त्यांना स्थळं सांगून आली की त्यांचेच ज्योतिषी वडील प्रत्येक कुंडली नाकारायचे. असं का विचारल्यावर वडील म्हणाले तुलाच संततियोग नाहीये त्यामुळे संततियोग नसलेली मुलगी पाहतो आहे. आता हाच योग वरील लग्न करू इच्छिणाऱ्या मुलाच्या कुंडलीत असता तर तुम्ही तोंडावर सांगू शकला असता का ? ज्योतिष, मंत्रतंत्र आणि जादू या तीन{वाईट} विद्या कधितरी त्यांनाच गोत्यात आणतात.वाईट योगावर घरातच कोणी जन्मला असेल की ज्योतिष खोटं ठरू दे अशी तो सतत प्रार्थना करतो.ज्योतिष कळणे ही फार क्लेशदायक गोष्ट ठरते.

नितीनचंद्र शुक्रवार, 20/02/2015 15:19
वाईट योगावर घरातच कोणी जन्मला असेल की ज्योतिष खोटं ठरू दे अशी तो सतत प्रार्थना करतो.ज्योतिष कळणे ही फार क्लेशदायक गोष्ट ठरते. सुदैवाने मला असा अनुभव नाही. किमान माझी धारणा " जे बदलता येणार नाही ते स्विकारण्याची आहे". आपण कर्माचा सिध्दांत हे हरीभाई ठक्कर यांचे पुस्तक वाचले नसेल तर वाचावे. प्रारब्ध जे पक्व आहे सोडुन प्रयत्नपुर्वक बरेच काही बदलता येते यावर माझा विश्वास आहे. अर्थात सामान्य अपेक्षा गृहीत धरुन हे वाक्य लिहले आहे. माझ्या पहाण्यात असे अनेक जातक आहेत ज्यांच्या पत्रीकेत संतती योग कठीण असताना " नवसाने " त्यांना किमान एक कन्या वा पुत्र रत्न प्राप्त झाले आहे. आजकाल सायन्स इतके पुढे गेले आहे कि संतती योग कठीण म्हणजे पैसे खर्च करणे असे झाले आहे. पुर्वीही अनेक उपायाने संतती प्राप्त करण्याचे मार्ग सांगीतले जायचे. अस असताना इतके खात्रीपुर्वक वागणारे श्री शेषन यांचे वडील एक अजब व्यक्तीमत्व मानायला हवे.

हाडक्या शुक्रवार, 20/02/2015 23:04
आजकाल सायन्स इतके पुढे गेले आहे कि संतती योग कठीण म्हणजे पैसे खर्च करणे असे झाले आहे.
ह्म्म्म ... काहीही बोलण्यापासून स्वतःला रोखतो आहे, धाग्याचे वधु-वर करण्याची अजिबात इच्छा नाही म्हणून. ;) तेव्हढे "सायन्स" पुढे गेलेय तर "विज्ञाना"लापण थोडे आणा पुढे आणि वापरा जरा. आणि हो, "कि" हा हिंदीत आहे, मराठीत अजूनतरी "की"च आहे. असो, मातृभाषा-दिनाच्या आगाऊ शुभेच्छा.. :)

सिरुसेरि शुक्रवार, 20/02/2015 23:51
म्हैशीस चालते का हो तुमचे ज्योतिषशास्त्र ? शांत केलीन म्हणजे झाले .

अत्रुप्त आत्मा शनिवार, 21/02/2015 00:27
ख्याक्क! :-D @म्हैशीस चालते का हो तुमचे ज्योतिषशास्त्र ? …>>> अंहों कां नै चांलणांर? माणसांस चांलतें,तर म्हैशिनी कांय घोंडं मारलंनीत??? ;-) पथ्य पांळलनीत म्हणजें झांलं! ;-)

पिवळा डांबिस शनिवार, 21/02/2015 03:32
ज्योतिषशास्त्राची पथ्य फार कडक हां !!
"सायन्सचं आणि तुमचं एव्हढं का हो वाकडं?" "सायन्समध्ये लॉजिक नांवाचं विष असतं!" "छे! लॉजिक तत्वज्ञानात असतं. सायन्समध्ये 'इंपरिकल एव्हिडन्स' की कायतरी असतं!" "वाटेल ते बोलू नका! इंपरिकल एव्हिडन्स? इंपरिकल एव्हिडन्स म्हणजे ज्योतिषशास्त्राची शवपेटिका!!!!" बोलणारे गृहस्थ पिडांकाका असावेत... नायतर इथे मिपावर इतक्या ठणकावून बोलणार कोण? :)

आनन्दिता शनिवार, 21/02/2015 04:48
ज्योतिषशास्त्राच्या धाग्यात सायन्स, तत्वज्ञान, इंपिरिकल एव्हीडन्स सारखे शब्द ऐकुन काही अनुभवी मिपाकरांनी टपावरुन आपले बिस्तरे खाली उतरवले. आता १०० प्रतिसादांची निश्चिंती झाली आत्मुदादा !!! शंभर??? अरे खुळां काय तुं हाडक्यां ... मागे मुविंनी "अपेक्षांची" मेख मारलीन, तर मिपाकरांनी हजाराचा धुरळा उडवलानीत. इथं तर अखंड कुंडलीये, त्या अपेक्षाना हजार तर, कुंड्लीतल्या प्रत्येक घरास किती???? घाल बोटें मोज !! =))

अत्रुप्त आत्मा शनिवार, 21/02/2015 16:12
@ कुंड्लीतल्या प्रत्येक घरास किती???? घाल बोटें मोज !! >>> खुळा की काय तू? आडवा हो काश्मिर होइस्तर! " धाग्यावर प्रतिसाद उलगडीत मुवि नानांनी आपलं मत मांडलं. इकडे धागा रणरणायला लागला होता. मंडळी आग ओकणार्‍या प्रतिसादांचा आश्रय शोधित होती. अत्यंत ओळखिचा धागा-अत्यंत ओळखिचेच प्रतिसाद. मग ''एकमेका सहाय्य करु",म्हणून कोणी डु आय डींच्या शोधार्थ निघाले. फेक अकाऊंट - अदली बदली व्हायला लागली. संपादकांच्या गाड्याबिड्या डु आय डीं ना पकडायला सुटल्या. तेव्हढ्यात एकानी अवांतर करायला सुरवात केली. ================ भ्रमशः =))

कॅप्टन जॅक स्पॅरो शनिवार, 21/02/2015 16:51
@ कुंड्लीतल्या प्रत्येक घरास किती???? घाल बोटें मोज !! >>> खुळा की काय तू? आडवा हो काश्मिर होइस्तर! " धाग्यावर प्रतिसाद उलगडीत मुवि नानांनी आपलं मत मांडलं. इकडे धागा रणरणायला लागला होता. मंडळी आग ओकणार्‍या प्रतिसादांचा आश्रय शोधित होती. अत्यंत ओळखिचा धागा-अत्यंत ओळखिचेच प्रतिसाद. मग ''एकमेका सहाय्य करु",म्हणून कोणी डु आय डींच्या शोधार्थ निघाले. फेक अकाऊंट - अदली बदली व्हायला लागली. संपादकांच्या गाड्याबिड्या डु आय डीं ना पकडायला सुटल्या. तेव्हढ्यात एकानी अवांतर करायला सुरवात केली. ================ भ्रमशः Lol
=)) एकमेका सहाय्य करु....कैच्या कै ओ...कंपु अस्तित्वात नै मिपावर =))...

कंजूस शनिवार, 21/02/2015 07:02
मूळ मुद्दा कुंडली लग्नासाठी जुळवणे हा आहे. हे करणेच चुकीचे आहे. नितीनचंद्र अथवा दुसरे अचुक सल्ला देतात का हे गौण आहे. वरच्या उदाहरणात त्या मुलीला असे सांगणार का या तुझ्या होणाऱ्या नवऱ्याच्या कुंडलीत संतति योग नाही दुसऱ्याशी व्यवहाराने लग्न कर आणि प्रेमाखातर अधूनमधून याच्याशी पत्रे भेटीगाठी कर? अजूनही काही जोडपी सायन्स पुढे गेले तरी अपत्यहीन राहतात अथवा दत्तक घेतात अथवा टेस्ट ट्युब काय ते करवतात सरोगेट करवतात तरी संततियोग नाही हे भाकित खरं ठरतंच. आपल्या मुलालाच स्पष्टपणे संततियोग नाही हे सांगणे याला म्हणतात शास्त्रावर विश्वास. यातूनच ज्योतिष हे शास्त्र आहे याची खात्री पटते. ड्रायविंगची नोकरीला वाहनयोग नसतो. गाडी स्वत:ची चालवणे हा निश्चितच वाहनसुखयोग आहे.

तिमा शनिवार, 21/02/2015 14:00
नितीनचंद्र यांनी हा धागा ज्योतिषशास्त्र खरे की खोटे? यासाठी काढलेला नाहीये. त्यांनी त्यांचा अनुभव, त्या शास्त्रातले ज्ञान, प्रॅक्टिकली कसे वापरता येते, हे सांगण्यासाठी काढलेला आहे. त्यामुळे ज्यांना या विषयांत रस आहे त्यांनीच थांबावे, बाकीच्यांनी चपला घालाव्या, (तात्याचे वाक्य, तात्या म्हणजे ओरिजिनल मालक), असा प्रस्ताव मांडत आहे.

परिंदा शनिवार, 21/02/2015 15:12
+१ ज्योतिष ह्या विषयावर लिहीले की असा धुरळा उडतोच. मग कोणी इथे ज्योतिषावर काही लिहु नयेच का? तसे असेल तर स्पष्ट सांगावे.

नितीनचंद्र शनिवार, 21/02/2015 22:42
नितीनचंद्र यांनी हा धागा ज्योतिषशास्त्र खरे की खोटे? यासाठी काढलेला नाहीये. जो पर्यंत तांत्रीक चर्चा चालु आहे तो पर्यंत मला काही अडचण नाही. चर्चा करण्याऐवजी जेव्हा वैयक्तीक चिखलफेक होते तेव्हा जरा मन खट्टु होत इतकच. सावित्रीबाई फुले विद्यापिठात ज्योतिष विषयाच अध्यासन सुरु करायला काही तथाकथीत पुरोगामी वाद्यांनी झारीतल्या शुक्राचार्याची भुमिका बजावत खोडा घातला. अध्यासनाच्या माध्यमातुन ज्योतिषविषयक नियम पुन्हा संशोधनातुन तपासता आले असते. पण असे घडले नाही. आज तथाकथीत पुरोगामी ज्योतिषाला शास्त्र मानायला तयार नाहीत. संशोधनातुन जर काही नियम सिध्द झाले असते तर ज्योतिषशास्त्राला मानावे लागले असते. काही नियम आपोआपच सिध्द न झाल्याने ज्योतिषशास्त्रातुन बाजुला निघाले असते. पण स्वतः विज्ञाननिष्ठ मानणारे लोक सुध्दा ज्योतिषशास्त्राला आणि ज्योतिषाला झुरळासारखे झटकु पहातात. गेल्या वीस वर्षात परिस्थीती बदलली आहे. जनमानसात ज्योतिषशास्त्राला मान्यता मिळत आहे त्यामुळे अश्या टीकात्मक विचाराला फारसे महत्व मी देत नाही.

एस रविवार, 22/02/2015 00:16
माझ्या पहाण्यात असे अनेक जातक आहेत ज्यांच्या पत्रीकेत संतती योग कठीण असताना " नवसाने " त्यांना किमान एक कन्या वा पुत्र रत्न प्राप्त झाले आहे.
बहुधा तुकोबांच्या पाहण्यात नसावेत. नाहीतर 'नवससायासे कन्यापुत्र होती, तरी का लागती पती?' असला कैच्याकै प्रश्न त्या काळात विचारण्यास त्यांची लेखणी धजावली नसती.

सूड सोमवार, 23/02/2015 14:39
" नवसाने " त्यांना किमान एक कन्या वा पुत्र रत्न प्राप्त झाले आहे.
ओह्ह ओके, त्याला नवस म्हणतात तर !!

सूड सोमवार, 23/02/2015 15:47
माझी लेखनसीमा यापुढे नसल्याने गप्प बसत आहे. व्यनि किंवा प्रत्यक्ष भेटीत उत्तर देण्यात येईल. =))))

टवाळ कार्टा सोमवार, 23/02/2015 16:09
त्यापेक्षा जौन भेट त्येला...बहुसंख्य बिगर-पुणेकर पुणे म्हणून ज्या भागाला ओळखतात तिथेच कुठेतरी र्हातो तो =))

बॅटमॅन सोमवार, 23/02/2015 18:10
सावित्रीबाई फुले विद्यापिठात ज्योतिष विषयाच अध्यासन सुरु करायला काही तथाकथीत पुरोगामी वाद्यांनी झारीतल्या शुक्राचार्याची भुमिका बजावत खोडा घातला.
अगदी योग्य काम केले. नाणेफेकीपेक्षा किंवा द्राक्षासवमत्त गृहस्थांच्या कोलांटीच्या दिशाबदलापेक्षाही कमी अचूकतेच्या या ज्योतिषास शास्त्र म्हणण्यात काहीच अर्थ नाही.

प्रकाश घाटपांडे रविवार, 22/02/2015 16:09
नितिनचंद्र जी योग्य सल्ला दिलात.