नारायण धारप यांच्या भयकथा !!!

डेलिहंट ऍप वर बरीच पुस्तके उपलब्ध आहेत धारप यांची

विधाता ही त्यांची शेवटची विज्ञानकथा नाहीये. ती पूर्वी १९९० च्या सुमारास स्वतंत्र प्रकाशित झाली होती. रू १० किंमत होती. आता त्यांनी महावीर आर्य ची कथा अपूर्ण ठेवल्यामुळे महावीर आर्य़ आणि विधाता ह्या एकत्र प्रकाशित कराव्या लागल्या.

अनेक धन्यवाद. अजब चं प्रदर्शन असणार ते पण. इथे कोल्हापूरात पण मिळतील या अंदाजाने काल गेलेलो. पाच सहा पुस्तकं आहेत. त्यातलं एक काल घेतलं. फक्त पन्नास रुपयाला! लैच भारी. आठवड्याभरात सगळी घरी येतील!

नाहीत ते आता. २०११ला त्यांचे निधन झाले.

आजच्या काळात मराठीमध्ये असे प्रयोग होतात की नाही हे मला ठाऊक नाही.

नव्या लेखकांपैकी हृषिकेश गुप्ते यांचा "अंधारवारी" हा भयकथासंग्रह अतिशय आवडला.

@स्पारायण गाळप >>> =))))))

काका, धारपांचं घर/दुकान टिळक रस्त्यावर बादशाही बोर्डिंगसमोर होतं का हो?

सुभाष देशपांडे ह्यांची अजून पुस्तके वाचायला मिळाली नाही ह्या बद्दल खंत वाटते. बाकी धारप व मतकरी तुलना अयोग्य धारपांच्या कथेत वाड्याचे किंवा एखाद्या परिसराचे किंवा व्यक्तीचे त्याच्या सामाजिक व इतर बाबीचे तपशिलावर वर्णन वाचता वाचता आपण कथेत डुबून जायचो , थरार अंगात भिनायला लागतो. अशी पुस्तके रात्री वाचवण्यात खरी गंमत आहे.

चंद्राची सावली मला तितकेसे आवडले नाही. त्यापेक्षा चेटकीण किती तरी सरस आहे. पण शेवटी पसंद अपनी अपनी :) मला धारपांची ओळख समर्थ सिरीज पासून झाली, त्यातली खास करून "यो अस्माकं द्वेष्टी" आणी "समर्थाचिया सेवका" या दोन गोष्टी वाचून तर अंगावर सरसरून काटा आला होता. लुचाई हे अजून एक जबरदस्त पुस्तक. नारायण धारपांच्या कथाना तितक्या जबरदस्तपणे पडद्यावर फक्त राहिल अनिल बर्वेच प्रस्तुत करू शकतात हे त्यांचा तुंबाड सिनेमा बघून वाटलं. बाकी लोकांनी त्या वाटेला जाऊच नये. तसाही कथा वाचण्यात जी मजा आहे ती चित्रपट बघण्यात नाही.

लुचाई भन्नाट होतं. ह्याशिवाय धारपांच्या कादंबर्‍यांची मुखपृष्ठं अतिशय कल्पक असत. वाचकाला घाबरवण्याची सुरुवात त्यापासूनच झालेली असे.

"लुचाई" आऊट ऑफ प्रिन्ट आहे. शिवम प्रकाशनने काढले आहे.

ओ तात्या, असे घाबरवणारे फोटो नका टाकत जाऊ!!

अहो ते वर एकानं लिहिलंय ना तसं टीळक स्मारक मंदीर समोर प्रदर्शनात ५० रुपयात एक अशी धारपांची पुस्तकं मिळतात. मी जवळ जवळ सर्व घेतली आहेत.

पांढर्‍या रंगाने एक पंचकोनी चांदणीचे जमीनीवर रेखन करा. येती अमावस्येची रात्र निवडा. शिजवलेला भात, गुलाल ई पाची त्रिकोणात टाका. पंच महाभुते त्यामूळे तुमचे संरक्षण करतील. मध्यावरील पंचकोनात आसनस्थ व्हा.बरोबर बाराच्या ठोक्याला एक थंडगार वार्‍याचा उदगम खिडकीतून होईल. झाडाची पाने सळसळू लागतील. मग स्वस्त पुस्तके ....स्वस्त पुस्तके ,,,असा मंत्र म्हणायला सुरूवात करा. एकदम खोलीत काहीतरी हिरवे, ओंगळ , हिडीस दरवाजात उभे असलेले दिसेल. तो प्रकाशक असोशीशन अध्यक्ष बरं का? तुम्हाला केवळ त्रास देण्यासाठी आलाय वेळ साधून ... मंत्र चालूच ठेवा,,,,, विश्वाला तिरका छेद गेल्याचे कळून येईल. तो पाचव्याया मितीत शिरून तमच्याकडे चाल करून येईल . चांदणी भोवती पुस्तकांचा अक्राळ विक्राळ फेर तमच्या भोवती धरला जाईल.... त्यावर मराठी साहित्याची सखोल समीक्षा.... साहित्य आणि समाज एक चिकित्सक अभ्यास... काव्य आणि पर्यावरण यांचा परस्पर संबध - एक मागोवा असले काही कव्हस्र वर दिसेल.कुठेही न खपणारे ते जटील ग्रंथ तुमचा ग्रास घेण्यासाठी पुङे सरसावतील. शेवटी खिशातले नोटांचे पुडके त्या अभद्र प्रकाशकावर फेका......सारे काही शांत.....तुमच्या नोटा गायब.. समोर नारायण धारपांची सर्व पुस्तके रचलेली आढळतील.