मिपा हे नविन सदस्याकरीता अडचणीचे तर ठरत नाहीये ना??

ऑ... अच्च जाल्ल

मनावर घेऊ नका हो... be cool...

चांगल्या गोष्टींचाही अतिरेक केल्यास दुष्परिणाम होतो असं म्हणतात ! तुमचे लेखन वाचकांना जरा श्वास घेण्यास मोकळीक मिळेस अश्या दमाने (कमीत कमी दोनचार दिवसांच्या अंतराने) टाकल्यास प्रतिसादांत सुधार होऊ शकेल. अहो, श्वास रोखला गेला की कोणीही हातपाय झाडतोच की :) बाकी थोडे दिवस वावरलात की मिपाकरांच्या खोचकपणातील खोडकरपणाची मजा ध्यानात येऊन इथे रुळून जाल !

तुमचे घागे पाहिले नाहित मी.. कदाचीत बर्याच सदश्यांना कामामुळे जास्त वेळ येथे देता येत नसेल. त्यामुळे आल्यावर ज्या गोष्टी आवडतात ते तिकडे जास्त लक्ष देतात, माझे म्हणाल तर भटकंती नंतर कलादालन आणि राजकारण - चर्चा मला आवडतात मिपावर आल्यावर मी भटकंती सर्वात पहिली पाहतो. नविन असल्यावर थोडा वेळ जावुन द्यावा.. दागा टाकण्यापेक्षा आपण दूसर्‍याचे धागे वाचुन त्याला कसे रिप्लाय देतो हे जास्त महत्वाचे.. तुमच्या आवडीनुसार तुम्ही वाचन करा.. रिप्लाय द्या .. नंतर तुमचे विचार पाण येवुद्या . आल्या आल्या लगेच लेख (काही प्रॉब्लेम नाही) पण लगेच रिप्लाय ची अपेक्षा कश्यासाठी .. असे असेल तर माझ्या धाग्यावर १०-१२ रिप्लाय असतात म्हणुन मी लगेच मिपाच वाईट म्हणावे का ? धागा हा रिप्लाय साठी नसुन आपले विचार मांडण्यासाठी असावा.. तसेच रिप्लाय चे पण . असो.. हळु हळु सरावताल

मिपा हे नवीन सदस्याकरीता मुळीच अडचणीचे ठरत नाही तर जिलब्यापाडू सदस्यांकरता अडचणीचे ठरते. आता थोडा गंभीर प्रतिसाद. पटतोय तर व्हय म्हणा नाहीतर सोडून द्या. मिपा हे नेहमीच जुन्या/नव्या लेखकांचे स्वागत करते. पण येथे येणारा बहुसंख्य वर्ग हा कोरडवाहू शेतकरी आहे. तो वर्षातून एक किंवा दोनच पिके घेतो आणि तुम्ही पडले बागायती शेतकरी एकाच वेळी चार चार पिके घेणारे. सांगायचा मुद्दा हा की एक / दोन दिवसांत एखादाच धागा / चर्चाप्रस्ताव / लेख टाकावा. तसे केले की एकाच लेखावर लक्ष केंद्रित करणे सदस्यांना सोयीचे पडते आणि सोईप्रमाणे प्रतिक्रिया, सुचना करता येतात. मराठी माणसाचे / जागतिकीकरणाचे विषय किंवा कोणताही मोठा आवाका असणारा विषय मांडण्याअगोदर त्या विषयावरील मिपावरील लेखांवर एक नजर टाका. काही सदस्यांचे प्रतिसाद खरोखरच माहितीपुर्ण असतात तर काही प्रतिसाद फक्त टिंगलटवाळीचे / मजेमजेचे असतात. मुख्य म्हणजे विषय मांडताना तुमची त्या विषयाप्रती कळकळ दिसू द्या. नुसतेच टाळ्या मिळविणारी / पुस्तकी छापाची वाक्ये इथल्या लोकांना आवडत नाहीत. जेव्हा तुम्ही (किंवा हवतर मी म्हणा) बाजारात माल विकायला आणतो (उदा. आंबे) तर चार जण तो दाबून बघतील, दोन जण नाकाला लावून वास घेऊन बघतील. एखादाच विकत देखील घेईल. तेव्हा हताश न होता बाजारात उभे राहत चला. अर्थात लिखाण चालू ठेवा. तुमचा माल चांगला असेल तर नक्कीच विकला जाईल. आज बर्‍याच जणांचा सुर हेटाळणीचा वाटला तरी नंतर तुम्हाला इथूनच तुमच्या आयुष्यातले सुंदर क्षण / मित्र सापडतील याची खात्री बाळगा. तेव्हा कीप ईट अप. निराश होऊ नका आणि आम्हालाही निराश करु नका.

जुनी लोकं सांगत्यात.. सरवायवल आफ डी फिटेस्ट काकायतर.. येत रहा सवय होईल

अरे बापरे तुम्ही तर एकदम षटकारच ठोकलात की.... तुंमच्या धाग्यांवर धिंगाणा घांलणारे नां हें पुंणेकर असावेत बरिक कांय संमजंले. ते असेच असतात नविन कोणी आलं की... :-))) जावुद्या तुम्हाला समजेल ह ळु ह ळू. तुम्ही तुमची ताठ ठेवा मान म्हणतोय मी. अजिबात घाबरु नका नाउमेद होवु नका. बाकी साहेबांनी किती दिवसांची रजा दिलेय तुम्हाला? नाही म्हणजे एका दिवसात एवढ्या जिल्ब्या पाडताव ते. बाजारातली साखर महागली की.

झालं ! जिथंतिथं पुण्याचीच लाल करा राव. मिपा पुणे पकडून होल वर्ल्ड मधे फेमस आहे म्हटलं. जरा क्रेडीट बाकीच्यांनाही द्या की !

कोकरे साहेब तुमच लिखाण वाचल आहे या पुर्वी . चांगल लिहिता . फ़क़्त वर्तमान पत्र वाचक आणि मिपा वाचक यांच्या प्रकृती मध्ये फरक आहे . तो तुम्हाला अनुभवाने कळेलच . फ़क़्त थोडा gap राहू द्या दोन लिखाणामध्ये . बाकी तुमच्यात क्षमता आहेच . Just keep floating .

तुम्ही भटकंती का नाही टाकलीत हो एखादी? मला भटकंतीसंबंधी लेख खूप खूप आवडतात. लिहा ना प्लीज.

..बरोब्बर.. मिपाकर अत्यंत हलकट आहेत.. पण त्यांच्यावाचून राहवतही नाही. ..तुम्ही टाका हो लेख..

रॅगिंग चाल्लय ओ ! थोड्या दिवसात अलिकड्च्या बाजूला येउन तुम्ही पण नव्या कोकरांची वाट बघाल ! ( नव्या मिपाकरांसाठी FAQ काढावा काय ;) )

तस पण आहे. इथ काही कोकरं येताना शिंग पण घेवुन येतात कधी कधी.

वर गवि म्हणतात त्याच्याशी १००% सहमत. लै हलकट, टवाळ आणि डँबिस लोक्स आहेत हो इथे. मी नवीन असताना एका साडेचार अक्षरी, एका सव्वा अक्षरी, एका पंचाक्षरी वगैरे वगैरे लोकांनी मला पण पि़ळला होता ज्याम. पण नंतर जसा लिहित आणि वाचत गेलो तसं तसं मलाही ही लोकं कळत गेली आणि कदाचित त्यांनाही मी. एका लोकप्रिय मिपा सल्लागाराशी जब्राट वादही घातले होते. =)) पण हेचं लोकं तेवढेचं प्रेमळही आहेत. अतिशय उत्तम लेखक कवी आहेत. चार पावसाळे जास्त पाहिलेत त्यांनी बाहेर जगात आणि मिपावर. त्यांचा तेवढा अधिकार आहे. जरा गमतीनी घ्या. दोन-चार उलटी उत्तर मर्यादेत राहुन दिलीत तरी कोणी काहीही बोलणार नाही. एकदा सरावलात ना की मिपासारखं मोकळं वातावरण नाही. ३-४ महिन्यात सरावाल. तेव्हा जे नवीन येतील तेव्हा तुम्हीही त्याला असेचं रिंगणात घ्याल. लोकांना एक लेख पचायला वेळ लागतो. तस्मात लेखात अंतर ठेवा आणि इथे नक्की येतं चला. :)

वर्तमानपत्रात एकाच दिवशी तुमचं एवढं साहित्य छापून येईल का? त्यात मिपावर किंवा कुठल्याही अशा संस्थळावर लिहिल्यावर सर्व प्रकारच्या प्रतिक्रिया मिळतील, हे गृहीत धरायला हवे. त्यातून तुम्हाला तुमच्या लेखनातल्या मर्यादा कळतील. आणि सर्वात महत्वाचे, तुम्ही आधी विषयांचा नीट अभ्यास करा आणि मगच लिहा. केवळ कमी वेळात प्रसिद्धी मिळवण्याचे माध्यम म्हणून याकडे बघू नका. आधी भरपूर वाचा, मिपावरच्या इतर लेखांवरही प्रतिकिया द्या आणि मग लिहायला सुरूवात करा. हे केवळ तुम्ही नाउमेद होऊ नये, यासाठी सांगितलंय. पटलं तर स्वीकारा.

आपल्याकडे रस्त्यात लक्ष देत नसतील तर आपण उगाचच घसरून पडायचं. तिकडे परदेशात फेसबुकवर लाईक मिळाले नाहीत की काही मुलींना फारच डिप्रेशन येतं आणि त्याच्यासाठी स्पेशालिस्ट ,साइकॉलजिस्टची ट्रीटमेंटही घ्यावी लागते. तुमच्या बाबतीत मिपाने झिडकारले असा काही न्यूनगंड येणार नाही याची खात्री आहे. हा 'जालीय आभास आहे'(श्रेय कल्पना एक मिपाकर )आता हे श्रेय कोणाला आहे ते मिपावरचे सर्व लेख अभ्यासून शोधा. हे शोधताना तुमच्या अंगावर साळिंदरचे काटे उगवतील आणि तुम्ही पक्के मिपाकर व्हाल.

संजयराव , मिपा एक होस्टेल आहे. सुरवातीला त्रास होतो पण फर्स्ट इयर नंतर जसे होस्टेल आवडू लागते तसेच मिपाचे होते. माझे अनुभव सांगतो - १.मिपावर भविष्य , जातीव्यवस्था , हिंदुत्व , देव , भूत , नाडी , गांधी , सावरकर , आंबेडकर , ब्रिगेड यावर भरपूर लेखन , चर्चा , टिंगल झाली आहे. ह्या विषयावर लिहिणे सुरवातीला टाळणे योग्य. २.लिहिताना किमान शुद्धलेखन अपेक्षित असते. त्याकडे लक्ष ध्यावे. ३. मार्मिक ,खवचट , तिखट प्रतिक्रिया देण्यास मात्र घाबरू नका. लेखकाला नाही तर वाचकांना नेहमीच अश्या प्रतिक्रिया नेहमी आवडतात. ४. मिपाचे काही परवलीचे शब्द आहेत , ते समजून घ्या . ५. थोड्याच दिवसात आपला कंपू तयार करा आणि पहा काय मजा येते येथे ! नाराज होवू नका म्हणजेच "निगरगट्ट"" व्हा !

हा धागा तर प्रचंड हिट झालेला दिसतोय. दुसर्‍याच दिवशी पहिलं अर्धशतक होणार बहुतेक.

मिपावर लिहित राहा. नाऊमेद करणा-या प्रतिसादांना घाबरु नका. मिपावर तुम्ही चांगलं लिहाल असं वाटतं. एकदा मिपाची प्रवृत्ती समजली की मग तुम्ही नक्की रमाल. आपले दोन्ही तिन्ही धागे वाचले छान लिहिता. लिहित राहा. -दिलीप बिरुटे

हजर सदस्यांत आत्ता जेपी दिसत नसल्याने - पदार्पणातच पण्णास झाल्याबद्दल संजयभौंचा सत्कार एक स्पेअर कीबोर्ड देऊन करण्यात येत आहे.

मला तर मराठी पण धड लिहिता येत नाही, चक्क हिंदी शब्द वापरतो, तरी ही मिपावकर सहन करतात. लोकांच्या आवडी निवडीची पर्वा न करता लिहित रहा.

अभिनंदन संजय साहेब. तुमचा धागा पदार्पणातच सेंच्युरी मारणार.

चांगले वाईट अनुभव येतच असतात..जास्त विचार नका करु..

मिपावर येताना, नांवच एकदम 'कडक' घ्यायचं. आन, पायाने जमीन उकरतच यायचं. लोकांना तुमचा दबदबा वाटला पाहिजे. शिवाय महत्वाचं म्हणजे लेखन हे एकतर 'उच्च' नाहीतर 'हुच्चं' असलं पाहिजे. वर सांगितल्याप्रमाणे, दोन मुलांत योग्य अंतरही ठेवावे. लिहित रहा.

हा शांतेचं कार्ट चालू आहे मधला संवाद तुमच्यासाठी, श्यामः तुम्ही मला एक वचन द्या. मिस माया साने: कसलं वचन? श्यामः घाबरू नका मला मदत करायचं. मिस माया साने: हा, ते दिलं. श्यामः आता तुम्ही या घरात राहणार कि नाही, मग तुम्हाला तुमचे नाव बदलावं लागेल. मिस माया साने: काय हो, तुम्ही सगळेजण ईथे नाव बदलून राहता? श्यामः नाही, आम्ही सगळे एकमेकांना नावं ठेउन राहतो. :D

तुम्हाला अजून आजची कविता, राजकारण सदरात लेख, झालच तर जनातल मनातल मधे काहितरी अस ब्रच काहि ल्हायचय. प्रतिक्रियाकदडे कुठे लक्ष देतात? चक्की चालु ठेवा.

तुमची कविता खुप आवडली...असंच लिहीत राहा..आणि काही मिपाकर जर तुमची चेष्टा करत असतील तर जास्त विचार नका करु..तसे सगळे मिपाकर मनाने एकदम चांगले आहेत..मदतीसाठी याच मिपाकरांचे हात लगेच पुढे सरसावतात..या सर्वांची मला सगळ्यात जास्त मदत झालीये..

अभ्यासपूर्ण लिहिलं की इतरांना काही शंका, झब्बू, दंगा करायला राहतच नै ना. यापुढं अभ्यासनपूर्ण लिहित चला म्हणजे तुंबळ हाणामारी होईल प्रतिसादांची.

अता काय सेन्चुरी लावता काय पदार्पणातच..!! भारीये.. :)

१००

१०१

तुम्हाला आवडतं म्हणून लिहिता की लोकांनी तुमचे कौतुक करावे म्हणून ? तुम्हाला जो विषय आवडतो त्या विषयावर तुम्ही जर लिहिलं, मनापासून लिहिलं तर लोकांना आवडेलंच की .. - शेखर काळे

माईसाहेब मोड ऑनः अरे संजया, लगेच इतका निराश होऊ नकोस रे बाळा. इथले काही सदस्य ना खूप खोडकर आहेत बाई आणि नवीन माणसाची ते खूप टर उडवतात. पण हे म्हणतात की जीवनात थोडी तरी थट्टामस्करी पाहिजेच नाही तर जीवन अगदीच एकसुरी व कंटाळवाणं होईल. माईसाहेब मोड ऑफः

=))

श्री.संजयजी कोकरे साहेब, प्रथमतः तुमचे अभिनंदन,ज्याप्रकारे तुम्ही हा लेख लिहुन एका अन्यायाला वाचा फोडली आहे त्यास तोड नाही. ज्या प्रमाणे महाभारातील संजय युद्धभुमीचे वर्णन करायचा, ज्या प्रमाणे सामना चे संजय विरोधकावर तुटुन पडतात, ज्या प्रमाणे आमचे हेवनवासी गुर्रदेव लोकांना भ्रमातुन बाहेर काढायचे, त्याच प्रमाणे तुम्ही नवीन मिपाकरांवर होणर्‍या अन्यायावर लेख लिहीला आहे. आज आल्यावर प्रथम तुमचे सर्व लेख वाचले.सर्व लेखांबद्दल ईथेच टोपी काढुन सलाम. असेच लेख लिहीत रहा.आमची संघटना तुमच्या पाठीशी आहे.गरज भासल्यास यावर एक आंदोलन हि करु, तसाही पयल्या आंदोलनाला बराच काळ लोटला आहे.सध्या कार्यकर्त व्यस्त आहेत वेळ मिळाला की आंदोलनाची दिशा ठरवु. लेखापेक्षा प्रतिसाद मोठा होऊ नये या साठी थांबतो. जाता जाता- हाफ शेंच्युरी निमीत्त श्री आदुबाळ यांनी तुमचा सत्कार केला आहे.त्या बद्दल त्यांचे आभार आणी आता शेंचुरी निमीत्त तुमचा आणी श्री.आदुदादु यांचा सत्कार (काय द्यावे बर!!) करण्यात येत आहे. . . कळावे आपला नम्र. जेपी, गाव- लातुर तालुका- महाराष्ट्र जिल्हा- भारत जय हिंद ,जय मिपा.

तुम्ही मिपावर नवीन असला तरी आभासी जगतात नक्कीच चार पावसाळे पाहिलेले वाटतात. पदार्पणातच लक्ष वेधून घेऊन सनसनाटी निर्माण करण्यासाठी हा धागा काढला , येथे कोणताही आयडी जिलब्या पाडाव्या तसे धागे पाडताना दिसत नाही मात्र तुम्ही त्या पाडल्या. अनेक नवीन आयडी ही चूक करतात तुमचे नशीब थोर आहे तुम्ही सध्या मिपावर आला आहात सध्या मला येथे कंपू बाजी अजिबात दिसत नाही आहे त्यांचा बाजार केव्हाच उठला

पदार्पणाटंच शभंरी भरवणारे आणि जेष्ठ सदस्यांच्या "जुलमी" राजवटीविरुद्ध आवाज उठवुन नौमिपाकंरासं स्वातत्र्यांचे किंरण दाखवणांरे स्वातत्र्यंसेनानी, तसेच लेखप्रसवरत्न लेखकश्रेष्ठ नौमिपाकर श्रीं.श्रीं. सजंयजी ह्यांना विनम्रं प्रणांम. आपल्यां ह्या प्रयत्नासं याक्टीव पाठिंबा म्हणुन दिनाकं १४ फेब्रुवारी व १५ फेब्रुवारीरोजी कंशेंळें येथे मेंणंबंत्तीं मोर्चा काढण्यांचा ठराव आमच्या अस्तित्वात नसलेल्या कपुंने केलेला आहे. तरी आमच्या दुकानातुन एक एक बॉक्स मेणबत्त्या विकतं घेउन ह्या स्वायत्तातत्रं आदोंलनास सक्रीयं पांठिबां द्यावा ही नम्र विनंती. पेश्शल ऑफर एंक बॉक्स मेणबंत्तीवर १ कांडेपेंटी फ्री. आणि एक गिफ्ट कुपन ज्यात तुम्ही जिकुं शकतां जींवंनं ह्यांनां कंळंलें हों ह्या कुंथांसंग्रंहांचीं एंकं लिंमिंटेंडं काँपीं. त्वंरां कंरां. ऑफर सं.मं.ची वक्रदृष्टी वळेपर्यंत किंवा जेष्ठ सभासदांनी कंपुंसेंनां घेउन "ब्लित्झ क्रिग" करेपर्यंतचं लांगुं. (जेंष्ठंही नै आणि नौमिपाकरही नै अश्या कात्रीत अडकलेला आणि जीवनकथांमधला गुंढं अर्थावर पिंपळ्गाव ढेम्शे विंटर्नॅशनल उणिव-सिटी मधुन पींएचंडीं करणारा) कॅफ्टन खिक्क पारो!! =))