Skip to main content

जेवणाची चव

लेखक कहर यांनी बुधवार, 17/09/2014 09:04 या दिवशी प्रकाशित केले.
लहानपणी आईसोबत बाजारात जायला मला कधीच आवडले नाही पण ती आवर्जून मला घेऊन जायची. रविवार आणि गुरुवार असे दोनच दिवस बाजार भरायचा. पण या दोन तीन दिवसाचा बाजार खरेदी करतानाही आईला तास का लागायचा मला त्यावेळी कधीच समजले नाही. ती आधी सगळीकडील भाजी पहात, भाव विचारीत पूर्ण शेवटपर्यंत जायची आणि परत येताना खरेदी चालू करायची. अगदी चार दोन रुपयांसाठी पण मोलभाव करायची. ढिगामधील एखादी गवारी भेंडी मोडून, काकडी दुधीमधे नख खुपसुन त्याचा कोवळेपणा तपासायची. भुईमुगाच्या किंवा वाटाण्याच्या शेंगा फोडून खाउन मगच घ्यायची. फळेच काय पण अगदी बटाटे आणि टोमाटोसुद्धा स्वतः एकेक निवडून घ्यायची. आणि वरती त्या भाजी किंवा फळविक्याला "अहो मावशी अहो मामा" म्हणत वर एक्स्ट्रा भाजी किंवा फळ घ्यायची. मला हे सारे त्यावेळी कसेतरीच वाटायचे. काल येताना अशीच एक थोडीशी वेगळ्या रूपातील आई मला पाहायला भेटली. आई म्हणतोय कारण एक चिमुरडी तिच्या आजूबाजूला फिरत होती. घट्ट जीन्स, वर सैल टीशर्ट अशा रूपात ती एका भैय्याच्या हातगाड्यावरून भाजी खरेदी करत होती. एका हाताने मोबाईल कानाशी धरून बोलणे चालू होते आणि ड्रेसला शोभेल अशा नेलपोलीश लावलेल्या, मोठे नख असलेल्या तर्जनीने, भाजीकडे न पहाताच आणि बहुधा चुकून भाजीला स्पर्श झाला तर शॉक बसेल कि काय अशा समजाने अर्ध्या फुटाचे अंतर ठेऊन ती भैय्याला म्हणत होती "आधा किलो टमाटर, आधा किलो कांदा, पाव किलो मटार ,एक गोभी …. और पाच कि मिरची देना" बस संपला बाजार.. हल्ली रासायनिक खतांमुळे भाजीचा कस तर उतरलाच आहे पण जेवणाची चव हि का उतरली आहे याचे उत्तर मिळाले bazar
वाचने 53849
प्रतिक्रिया 172

प्रतिक्रिया

स्पंदना बुधवार, 17/09/2014 11:17
आमच्याकडे आई कध्धीच भाजी आणायची नाही. नेहमी बाबाच आणायचे. या चिमुरडीचे बाबा का बरे भाजी आणात नाही आहेत? किती बर त्या आईने करायचं? आजकाल प्रत्येकाला कमावती सेक्सी बायको हवी असते. तिने गचाळ राहुन चालत नाही. वर तिने कमवुन आणलेलं स्वतःच बाजारात जाउन विकत आणुन घरच्यांना खायला घालायच. बाबा काय बरे करत असतील? कोठे मित्रांबरोबर अड्डा जमवला असेल? की कोठे बार मध्ये पित बसले असतील? घरी रामरक्षा वगैरे संस्कार हे बाबालोक करत असतील का? भाजी आणताना सुद्धा त्या बाळाची जबाबदारी तिच्या बापाने घेउ नये? कोणी सांगितलय प्रोजेक्ट अन फिजेक्ट करायला?

गवि बुधवार, 17/09/2014 11:32
बापही तसलेच.. हे नवीन पिढीचे बाप..स्नानसंध्या, परवचा , संस्कार यांची जबाबदारी धुडकावून क्लबात दारु पीत बिझनेस वाढवत बसायचे.. बाहेर बापाच्या चपला वाजल्या की पोरांची डोकी अभ्यासाच्या पुस्तकात जात.. ती बापांची पिढी आता गेली. आता बाप लोक दारु पैसा अन लाचखोरीच्या मार्गाला लागलेत. मुलांकडून काय अपेक्षा करणार ?

विजुभाऊ बुधवार, 17/09/2014 13:29
बर्रोब्बर बोल्लात गवि. हे बाप लोक तसलेच. उगाच नाही पब आणि बाप या दोन्ही शब्दांत सारखीच अक्षरे आहेत. रमा आणि मार तसेच मर आणि रम या शब्दांचेही तसेच नैका. आपल्या संस्कृतीने भाषेवर सुद्धा कित्त्त्त्त्त्त्त्ती छाआआआआआआन संस्कार केलेले आहेत.

गवि बुधवार, 17/09/2014 13:38
विजुभाऊ, मुळात पाश्चात्य देशांनी आपल्या देशाची नवी कोवळी पिढी मुळातूनच पोखरण्यासाठी हे कोक, पेप्सी, जंकफूड, पिझ्झे, मद्यसंस्कृती, तोकडे कपडे या गोष्टी इकडे पाठवल्या आहेत हे षडयंत्र कोणाच्याच लक्षात येत नाही हे आजच्या भारताचे दुर्दैव.

विजुभाऊ बुधवार, 17/09/2014 13:49
हे कोक, पेप्सी, जंकफूड, पिझ्झे, मद्यसंस्कृती, तोकडे कपडे या गोष्टी इकडे पाठवल्या आहेत हे षडयंत्र कोणाच्याच लक्षात येत नाही हे आजच्या भारताचे दुर्दैव
. हे आजचे नाही. पुरातन काळी सोमरस वैग्रे असायचे. त्यावेळेस तर मोठमोठ्ठे ऋषी देखील सोमयाग करायचे. यज्ञाच्या नावाखाली बार्बेक्यू करायचे. तोकडे कपडे तर आपल्या सारख्या देशाला नवे नाहीत. आपली मुळी वल्कल संस्कृती होती. मोंगल आले आणि त्यानी त्यांचे संपूर्ण अंग झाकणारे कपडे आपल्यावर लादले. अन्यथा आपले बहुतेक पुरण पुरुष अर्धवस्त्र असायचे. आपण आपला दैदीप्यमान इतिहास विसरलो हीच आपली मोठ्ठी घोडचूऊऊऊऊऊऊऊक आहे. अन्यथा त्या पाश्चात्य देशांतील भुरट्या गोष्टीनी कशाला आपल्याला काही झाले असते. आपल्या संस्कृतीतील गांजा ( सोमवल्ली) , अफू , भांग या पुढे तंबाखु / विदेशी दारू क्षुल्लकच की....

विजुभाऊ बुधवार, 17/09/2014 13:31
रामरक्षा म्हणणं/पाठ करणं हे संस्काराचा भाग का आहे?
हे काय बोलणं झाल्लं भौ. श्रावणीला पंचगव्य खाणे हा देखील संस्काराचाच भाग आहे.

धन्या गुरुवार, 18/09/2014 00:20
आमच्या संस्कृतच्या मास्तरीण बाईंनी वर्षभर रामरक्षा घोकून घेतली होती. संस्कार बिंस्कार होणे खुप दुरची गोष्ट आपण जे घोकतोय त्याचा अर्थ काय असावा हे ही कधी कळले नाही. आम्ही कधी सार्थ रामरक्षा वाचली नाही, मास्तरीण बाई कधी अर्थ समजावून देण्याच्या भानगडीत पडल्या नाहीत. बरं लोक म्हणतात तसे उच्चार स्पष्ट होतात, जीभेला वळण लागते वगैरे म्हणतात तसेही काही झाले नाही. "आत सज्जा धनुषा विशूष स्पूशा" वगैरे म्हणताना जीव अगदी मेताकुटीला यायचा.

समीरसूर बुधवार, 17/09/2014 14:42
>>> आजकाल प्रत्येकाला कमावती सेक्सी बायको हवी असते. तिने गचाळ राहुन चालत नाही. वर तिने कमवुन आणलेलं स्वतःच बाजारात जाउन विकत आणुन घरच्यांना खायला घालायच. बाबा काय बरे करत असतील? कोठे मित्रांबरोबर अड्डा जमवला असेल? की कोठे बार मध्ये पित बसले असतील? घरी रामरक्षा वगैरे संस्कार हे बाबालोक करत असतील का? भाजी आणताना सुद्धा त्या बाळाची जबाबदारी तिच्या बापाने घेउ नये? कोणी सांगितलय प्रोजेक्ट अन फिजेक्ट करायला? पटलं. विशेषतः बोल्डमधलं जास्त पटलं. पण बायकांनादेखील हँडसम, पाच आकडी पगार असणारा, शहरात राहणारा, किमान एक फ्लॅट नावावर असणारा नवरा हवा असतो हे ही खरं. पण पुरुषांपेक्षा घरातल्या बायका (कमवत्या असल्या तर अधिकच आणि कमवत्या नसल्या तरीही कमवत्या नवर्‍यापेक्षा नक्कीच जास्त) नवर्‍यापेक्षा जास्त कामे करतात असे मला वाटते. नवरा कामावर गेला म्हणजे त्याची ९-१० तास बर्‍याच कटकटीच्या कामांतून सुटका होते. शिवाय कामाच्या ठिकाणी मन रमावे असे बरेच काही असते. कँटीन, गप्पा, इंटरनेट, वातानुकुलन, छान छान दिसणार्‍या मुली/बायका, त्यांच्याशी थोडे मनाला गुदगुल्या करणारे फ्लर्टिंग, चहा-बिडीचे हक्काचे ब्रेक्स, लंचटाईममधला टाईमपास, वगैरे. आमच्या कंपनीत शुक्रवारी पोरींना अक्षरश: ऊत येतो. कंपनीचे नियम आहेत म्हणून नाहीतर पोरी वन पीस बिकीनीतच आल्या असत्या (हे मला कळले नाही अजून कधीच, असे कपडे घालण्यामध्ये मुलींचा नेमका काय उद्देश असावा? म्हणजे डीप नेक किंवा सौष्ठव दाखवणारे कपडे घालणे याचा उद्देश काय? कुणी सांगू शकेल काय?). असो. त्यामानाने बायकांचे आयुष्य थोडे कटकटीचे असते. स्वयंपाक, मुले, घराची स्वच्छता, बाजार, भाजी, मुलांचा अभ्यास, त्यांच्या विविध स्पर्धांची तयारी, चहा-नाश्ता, पाहुण्यांची सरबराई, कुठे काही तुटले मोडले ते दुरुस्त करणे, घरातल्या प्रत्येकाला आवडेल असा स्वयंपाक करणे आणि वागणे, बोलणे, घरात कलह न होऊ देणे, नातेवाईकांचे समारंभ लक्षात ठेवणे, आवश्यक फोन्स करणे...यादी खूप मोठी आहे. आणि ही कामे खरोखर किचकट आणि कंटाळवाणी आहेत. कमवती बायको असेल तर तिची तर कमालच आहे. घरातल्या स्त्रीने नेहमीच एका मर्यादेत वागणे-बोलणे अपेक्षित असते. शिवाय घरातल्या पुरुषांची अरेरावी सहन करावी लागते ते निराळेच. निमूटपणे इच्छा नसतांना नवर्‍याच्या हो ला हो म्हणावे लागते. निर्णयस्वातंत्र्य मर्यादित असतेच. एवढं सगळं करून चेहर्‍यावर हसू ठेवणार्‍या बायकांना सलाम! :-) या पार्श्वभूमीवर नवर्‍यांनी घरातल्या काही कामांना हातभार लावणे आणि बायकोला थोडा दिलासा मिळेल असे वागणे ही काळाची गरज आहे.

बॅटमॅन बुधवार, 17/09/2014 14:46
पण बायकांनादेखील हँडसम, पाच आकडी पगार असणारा, शहरात राहणारा, किमान एक फ्लॅट नावावर असणारा नवरा हवा असतो हे ही खरं.
हे पाहिजे असणं नैसर्गिक अन सेक्सी बायको पाहिजे असणं म्हणजे हावरटपणा आहे म्हणे.

प्रभाकर पेठकर बुधवार, 17/09/2014 14:50
त्यामानाने बायकांचे आयुष्य थोडे कटकटीचे असते. स्वयंपाक, मुले, घराची स्वच्छता, बाजार, भाजी, मुलांचा अभ्यास, त्यांच्या विविध स्पर्धांची तयारी, चहा-नाश्ता, पाहुण्यांची सरबराई, कुठे काही तुटले मोडले ते दुरुस्त करणे, घरातल्या प्रत्येकाला आवडेल असा स्वयंपाक करणे आणि वागणे, बोलणे, घरात कलह न होऊ देणे, नातेवाईकांचे समारंभ लक्षात ठेवणे, आवश्यक फोन्स करणे...यादी खूप मोठी आहे. अगदी हिच सर्व कामे, नोकरी करून आणि कुरकुर न करता, करणारे अनेक नवरे (माझ्यासकट) पाहिलेले आहेत. म्हणजे, बा

समीरसूर बुधवार, 17/09/2014 14:56
नक्कीच आहेत. पण घराचा गाडा ओढणार्‍या बायकांच्या तुलनेत त्यांचे प्रमाण अगदीच नगण्य असावे.

प्रभाकर पेठकर बुधवार, 17/09/2014 16:59
सहमत आहे. पण नवर्‍यांच्या कित्येक वाईट सवयी त्यांना त्यांच्या बायकांनीच लावलेल्या असतात. (माझ्या काळा बद्दल बोलतो आहे). नवर्‍याने हातात कुंचा घेऊन कचरा काढणे, स्वयंपाक करणे, बायकोच्या कपड्यांच्या घड्या घालणे, गिरणीत दळण नेणे/आणणे, भाजी आणणे आदी अनेक कामांना कांही बायका विरोध करतात. 'आमच्या ह्यांना अगदी माझ्या हातचा गरम गरम स्वयंपाकच लागतो.' 'आमच्याकडे तिन्ही वेळेला ताज्या गरम गरमच पोळ्या पानात पडाव्या लागतात.' वगैरे वाक्य अगदी अभिमानाने मिरविणार्‍या बायका पाहिल्या आहेत. मुलांना (मुलग्यांना), नवर्‍यांना चुकीच्या पद्धतीने लाडावून ठेवणार्‍या बायकाही कमी नाहीत.

प्रा.डॉ.दिलीप बिरुटे बुधवार, 17/09/2014 14:51
>>>>घरातल्या स्त्रीने नेहमीच एका मर्यादेत वागणे-बोलणे अपेक्षित असते. शिवाय घरातल्या पुरुषांची अरेरावी सहन करावी लागते ते निराळेच. निमूटपणे इच्छा नसतांना नवर्‍याच्या हो ला हो म्हणावे लागते. निर्णयस्वातंत्र्य मर्यादित असतेच. एवढं सगळं करून चेहर्‍यावर हसू ठेवणार्‍या बायकांना सलाम! आपलाही सलाम

सुहास पाटील गुरुवार, 18/09/2014 16:43
> निर्णयस्वातंत्र्य मर्यादित असतेच !! खरे कि काय? कि आजकाल बायकाच घरातले सगळे निर्णय घेतात फक्त व्यवहार सोडून ?

कहर बुधवार, 17/09/2014 15:00
हे मला कळले नाही अजून कधीच, असे कपडे घालण्यामध्ये मुलींचा नेमका काय उद्देश असावा? म्हणजे डीप नेक किंवा सौष्ठव दाखवणारे कपडे घालणे याचा उद्देश काय? कुणी सांगू शकेल काय? खरे तर मलाही नाही कळले हे… याच्यावर चर्चा व्हायलाच हवी

समीरसूर बुधवार, 17/09/2014 15:04
खरोखर उत्तर मिळणार असेल तरच चर्चेला अर्थ आहे बाप्येच बडबडणार असतील तर प्रत्येक शब्द व्यर्थ आहे...

कवितानागेश बुधवार, 17/09/2014 17:31
कदाचित प्रत्येकीचं उत्तर वेगळं असेल. १. प्रचन्ड उकाडा- त्यामुळे फार कपडे सहन होत नाहीत. (सरळ कारण) २. हल्ली तसेच मिळतात. फॅशन आहे. शिम्पी तसेच शिवतो. (लाटेत वाहाणं.) ३. अमकीतमकी हिरॉईन हेच घालते. (हे सगळ्यात मोठं कारण.) ४. बॉयफ्रेन्डला आवडतं. (वेडेपणा) ५. ज्याला बॉयफ्रेन्ड बनवून घ्ययचय, त्याला आवडेल असं वाटतं. (अजून एक वेडेपणा) ६. लोक लक्ष देतात (?). मस्त वाटतं. (नाहीतर घरात कुणी लक्षच देत नव्हतं!) ७. मी किती सुंदर दिसते! ते दाखवायलाच हवं. (स्वतःला वस्तू समजून मिरवणं) ८. लोक बघत बसतात. त्यांना गंड्वता येतं.( हुशारी/लबाडी) अशीच अजून पुष्कळ कारणं मिळतील..

डॉ सुहास म्हात्रे शनिवार, 20/09/2014 12:19
आजकाल प्रत्येकाला कमावती सेक्सी बायको हवी असते. यात वाईट काहीच नाही. फक्त आपण पण तितकेच योग्य असायला / व्हायला हवे हे ही तितकेच खरे आहे :)

सस्नेह बुधवार, 17/09/2014 11:40
अहो मग तुम्हीच जात जा ना भाजी खरेदीला ? क्वालिटी भाजीपण मिळेल अन वेळही मस्त जाईल जीन्स टीशर्ट बघत ! बायकांनीच भाजी खरेदी करायचं पेटंट घेतलंय का ?

टवाळ कार्टा बुधवार, 17/09/2014 11:48
शीतावरुन भाताची परिक्षा
ढिगामधील एखादी गवारी भेंडी मोडून, काकडी दुधीमधे नख खुपसुन त्याचा कोवळेपणा तपासायची. भुईमुगाच्या किंवा वाटाण्याच्या शेंगा फोडून खाउन मगच घ्यायची.
हे म्हणजे त्या भाजीवाल्याचे नुस्कान नाही का? आधीच कोणितरी नख खुपसलेली काकडी/दुधी कोण घेणार?

पोटे बुधवार, 17/09/2014 12:09
मॉलमध्ये असे वागतात का ?

ज्ञानोबाचे पैजार बुधवार, 17/09/2014 12:10
च्यायला, सगळे वर्णन वाचल्यावर मोठ्या उत्सुकतेने फोटु पाहिला. पण त्यात घट्ट जीन्स, वर सैल टीशर्ट अशा रूपातली ती ललना कुठेच न दिसल्या मुळे प्रचंड निराश झालो. तिचा फोटु असायला पाहिजे होता म्हणजे मग लेखकाचे ऑब्जेक्षन नक्की कशाला आहे ते समजले असते. पैजारबुवा,

डॉ सुहास म्हात्रे बुधवार, 17/09/2014 12:53
या धाग्याच्या लेखक आणि प्रतिसादकांना प्रेम्ळ सूच्ना: हा धागा (प्रतिसादांसकट) पी दिपीकाला पाठवला आहे. आता तुम्चं तुमीच सांभाळा ! ;) :)

मनीषा बुधवार, 17/09/2014 12:56
*sad* :-( :( +( =( :-(( :(( +(( =(( :sad: कहर झाला आता . त्या मॉ डर्न ललनेला कुणीतरी चंगलं वळण लावायला पाहिजे .

कवितानागेश बुधवार, 17/09/2014 13:06
नक्की ऑब्जेक्शन कशाला आहे? मी आजपर्यंत कुणालाही सैल जीन्स घातलेलं पाहिलं नाहीये. जीन्स घट्टच असायला हवी. भाजी नीट बघून निवडून घ्यावी हे मात्र खरंय. :)

स्वप्नांची राणी बुधवार, 17/09/2014 17:48
खरच गं...जरा सैल जीन्स घातली आणि ति घसरली की मागूनही ऑब्जेक्शनच ऑब्जेक्शन असेल....जगु द्या जरा..

कानडाऊ योगेशु शनिवार, 20/09/2014 09:56
मागूनही ऑब्जेक्शनच ऑब्जेक्शन असेल
असे झाले तर मग मागे वळुन म्हणायचे "आता माझी सटकली" हा.का.ना.का!

बॅटमॅन बुधवार, 17/09/2014 13:14
इतके नियम धडाधड मोडणार्‍या त्या अहंकारी, दुष्ट वैट्ट इ.इ. ललनेचा फोटो न टाकल्यामुळे या धाग्याचा अन धागाकर्त्याचाही निषेध म्हणून काहीतरी करावे म्हणतो. काय सुचवता लोक्स?

बॅटमॅन बुधवार, 17/09/2014 14:13
हे चित्र बघून काही रोचक टिप्पण्या कराव्याशा वाटताहेत, पण संमं पंख लावणार त्या प्रतिसादाला म्हणून थांबतो. :)

ज्ञानोबाचे पैजार बुधवार, 17/09/2014 14:13
1234 भाजीचा ललनेचा आणि खट्याळा छकुल्याचा जीन्स चा आणि सैलसर टीशर्टचा पैजारबुवा (फोटु अंजा वरुन साभार)

बॅटमॅन बुधवार, 17/09/2014 14:19
ही नक्की ललना आहे का???? =)) अंमळ कन्फ्यूजनच होतंय खरं. पण तरी धन्यवाद पैजारबुवा!

इरसाल बुधवार, 17/09/2014 17:02
ती ललना नाही तो लल्लन असावा. (चुभु देघे. ज्यायला ते माकड की माकडीन हे किलेर झाले तर हा तोडगा काढता यावा)

कवितानागेश बुधवार, 17/09/2014 13:16
हायला!! आत्ता नीट वाचलं. तिनी पाच किलो मिरची घेतली??? :P ............... लोणचं घालेल की धुरी देइल? एक्स्पर्ट्स कोमेन्ट्स प्लीज.

विजुभाऊ बुधवार, 17/09/2014 13:34
पाचकिलो मिरची घेतली या आब्जेक्षनेबल काय आहे? तिला बहुतेक मिरचीचे वाळवण करायचे असेल किंवा हिरवी मिरची वाळ्वून त्याचे पांढरे तिखट करायचे असेल रच्याकाने : पांढरे तिखट वापरले की चटणीला तो तपकिरी रंग येत नै म्हणे.

विजुभाऊ शुक्रवार, 19/09/2014 10:58
स पेठेत. . ते "जिवाला खा जिवाला खा.अनरसे सामोसेवाले "त्यांच्या समोर. ज्ञानप्रबोधिनीच्या लायनीत हत्तीगणपतीच्या जवळपास. इतका पत्ता बास झाला का? आणखी एक तुम्ही दुकाना कडे तोंड केले तर डावा कान उत्तर आनि उजवा कान दक्षीण दिशेत राहील अशा अवस्थेतच पांढरे तिखट उपलब्ध होईल.

सूड बुधवार, 17/09/2014 15:31
>>५ किलो नाही ५ कि मिरची म्हणजे ५ रुपयाची मिरची काय सांगता?? तुम्ही सांगितलंत म्हणून हो, नाहीतर आम्हाला शिंचं कुठलं कळायला!