Skip to main content

माझ्या घरचा बाप्पा!

लेखक संपादक मंडळ यांनी रविवार, 31/08/2014 10:08 या दिवशी प्रकाशित केले.
नमस्कार मंडळी! घरोघरी गणपती बाप्पा विराजमान झाले आहेत. काहीजणांकडे बाप्पांना पुढच्या वर्षी यायचे निमंत्रण देऊन निरोपही दिला आहे. सगळी मंडळी मोदकांवर ताव मारून सुस्त झालेली असणार! गेल्या वर्षी आपण घरोघरच्या गणेशासाठीच्या सजावटी, मखरे यांच्या फोटोंची स्पर्धा आयोजित केली होती आणि तिला उत्तम प्रतिसाद मिळाला होता. यावर्षी मात्र छायाचित्रणकलेच्या १७५ व्या वाढदिवसानिमित्त "महास्पर्धा" चालू असल्याने श्रीगणेश सजावटीची स्पर्धा रद्द करत आहोत. मात्र घरबसल्या सर्वांना इतर मिपाकरांच्या घरच्या गणपतीबाप्पाचे दर्शन व्हावे म्हणून हा धागा काढत आहोत. आपापल्या घरच्या सजावटीची छायाचित्रे इथे सादर करा, आणि इतरांची छायाचित्रे पाहून आनंद मिळवा!

गणपती बाप्पा मोरया!

------------
लेखनविषय:
लेखनप्रकार
वाचने 25179
प्रतिक्रिया 55

प्रतिक्रिया

अनन्न्या रविवार, 31/08/2014 13:05
ही सजावट करण्यासाठी आमच्या दुकानातील जाहिरातीच्या जुन्या बोर्डची मेटल फ्रेम सायल्यानी सजवलीय! bappa

पैसा रविवार, 31/08/2014 21:18
अनन्या, अजया, माम्लेदारचा पंखा, मस्त वाटले फोटो पाहून. @ माम्लेदारचा पंखा, मूर्तीचा रंग असा आहे की लाईटिंग केले आहे?

ज्ञानोबाचे पैजार सोमवार, 01/09/2014 09:40
गणपती बप्पा मोरया मस्त सजावट केलेले बप्पा पाहुन मन प्रसन्न झाले. मागा वत्सांनो मागा काय आशिर्वाद देउ तुम्हाला? पैजारबुवा,

शिद सोमवार, 01/09/2014 17:51
हे गणपतीच्या अंगावर धागेदोरे कसले आहेत? म्हणजे हा काही वेगळा विधी वैगरे आहे का? बाकी सगळ्याच गणेशमुर्ती व सजावट सुंदरच आहेत.

सुहास झेले मंगळवार, 02/09/2014 14:12
मला वाटतं सजावटीसाठी लावलेल्या लाईट्सच्या केबल आहेत त्या...

माम्लेदारचा पन्खा रविवार, 07/09/2014 20:19
गणपतीच्या अंगावर सजावट करणे शक्यतो टाळावे बाकी तुमची इच्छा

दिपक.कुवेत सोमवार, 01/09/2014 17:00
सगळ्यांचे सगळे बाप्पा आणि त्यासाठि केलेली सजावट आवडुन गेली.

सूड गुरुवार, 04/09/2014 21:37
तुमच्या सासरच्या गौरीच्या चेहर्‍यावरचे भाव आश्वासक आणि माहेरच्या गौरीचे करारी आहेत. :)

पैसा गुरुवार, 04/09/2014 21:40
त्यांच्या वयातही फरक दिसतो आहे ना! सासरच्या तरूण आहेत तर माहेरच्या जरा प्रौढ.

लव उ शुक्रवार, 05/09/2014 11:08
माहेरच्या गौरी ५० - ६० वर्षांपासुन याच आहेत. सासरच्या त्या मानाने अलिकड्च्या साधारण १५ - २० वर्षांपुर्विच्या आहेत.

सूड शुक्रवार, 05/09/2014 21:15
गौरी म्हणजे बायकांच्या जिव्हाळ्याचा विषय!! त्यामुळे वयाबद्दल जाणीवपूर्वक लिहीलं नाही म्हणा. ;) ह. घ्या. हो.

लव उ शुक्रवार, 05/09/2014 11:01
@ सूड - इतक्या वर्षांत त्या चेहर्यांवर फक्त मायाच दिसायची मला त्यामुळे हा नविन दॄष्टिकोन आवडला. धन्यवाद!

लव उ शुक्रवार, 05/09/2014 11:01
@ सूड - इतक्या वर्षांत त्या चेहर्यांवर फक्त मायाच दिसायची मला त्यामुळे हा नविन दॄष्टिकोन आवडला. धन्यवाद!

चिगो गुरुवार, 04/09/2014 13:58
ह्या आमच्या गावच्या घरच्या महालक्ष्मी / गौरी.. ही सजावटीची पद्धत पुर्वापार (किमान पणजोबांपासून) तशीच आहे. जेष्ठा-कनिष्ठा गौरीसमोर कुमार आणि कुमारीपण मांडल्या जातात. दुसर्‍या फोटोत केळीच्या पानावर मांडलेले पुजेचे-प्रसादाचे ताट आहे. पक्वान्नांसोबतच आणखी एक वैशिष्ट्य म्हणजे प्रसादात सोळा प्रकारच्या भाज्या असतात. a b यंदा महालक्ष्म्यांकरीता गावी जाऊ शकलो नाही, त्यामुळे व्हॉट्सअ‍ॅपवर दर्शन घेऊन, प्रसादाच्या ताटाच्या आठवणीत उसासे सोडण्याखेरीज काहीही हाती नाही. :(

पैसा गुरुवार, 04/09/2014 17:10
लव उ आणि चिगो, गौराया, महालक्ष्म्या मस्त आहेत! @चिगो, एवढ्या सगळ्या प्रकारच्या भाज्या कुठून गोळा करतात?

मुक्त विहारि गुरुवार, 04/09/2014 22:13
यानबूत बसल्या बसल्या, गौरी-गणपतींचे दर्शन झाले. एक मिपाकर म्हणून आनंद झाला.

केदार-मिसळपाव शुक्रवार, 05/09/2014 19:12
सुरेख गौरी-गणपती. सर्वांचे अभिनंदन. सुरेख सजावट केली आहे. जियो मिपा.

सानिकास्वप्निल रविवार, 07/09/2014 20:30
पैसाताईच्या सांगण्यावरुन माझ्या घरच्या हरितालिकेच्या पुजेचे व आमच्या शेफिल्डच्या राजाचे फोटो देत आहे. आमच्या घरी इथे गणपती नसतो पण आम्ही सगळे मिळून दरवर्षी इथल्या मंदिरात गणपती आणतो :) हरितालिका पूजा . . शेफिल्डचा राजा . .

डॉ सुहास म्हात्रे सोमवार, 08/09/2014 18:18
आमच्या सोसायटीचा बाप्पा...

.

सोसायटीचे सभासद हिंदू व मुस्लीम साधारण समसमान संख्येने आणि काही थोडे ख्रिश्चन असे आहे. पण गेल्या दहा-एक वर्षांपासून १० दिवसांचा बाप्पांचा उत्सव सकाळ-संध्याकळची आरती, सगळ्यांनी आणलेला प्रसाद, रोज मुलांचे खेळ आणि एक सामुदायीक जेवण असा बहुसंख्य सभासदांच्या उपस्थितीत साजरा केला जातो.