अरविंद बरोबर दीड तास!

बोलायला काय माणूस काहीपण बोलतो, आणि त्यातून राजकारणी माणसाला तर वाट्टेल ते बोलायची जणू मुभाच असते. असल्या बोलण्यावर कितपत विश्वास ठेवावा याचं भान आपल्याला हवं.

तेहसीन पूनावालाचा प्रश्न आणि अपेक्षा ऐकून हसायला आलं... :)

आपण ह्यांना पाहिलेत का

अजून एक मिळाले... असे किती असतील कोण जाणे... :) केजूसमर्थकांकडून काय उत्तर मिळेल ह्याची जाणीव आहे. पण तशी देखील करमणूक होते आहे...

राजकारणात तरबेज होतोय (कि झालाय ?) हा माणुस. गुजराथ का सच देखने गया था. त्यांनी जितका डाटा दिला गुजरात दौर्‍याचा, आणि ज्या घडामोडी झाल्या त्यादरम्यान... कोणि नि:ष्पक्षपणे अभ्यास करायला गेला तर खरच २-३ दिवसात इतका अभ्यास शक्य आहे काय? मला नाहि वाटत प्रॅक्टीकली शक्य आहे, अन्लेस तुम्ही अगोदर ठरवलं असेल कि काय "पहायचय" आणि काय सांगायचय. १०० गोष्टी ऐकवल्या मोदिंच्या विरुद्ध. एका अभ्यास दौर्‍यात त्यांना स्वतःहुन एक गोष्ट सुद्धा चांगली दिसु नये? मला नाहि वाटत. त्यांना गुजरात विकासाचय मॉडेलचं खरं रूप बघायचं होतं म्हणतात. मध्यंतरी मी एका टायर टु सिटी चा अभ्यास करायला घेतला होता. एकंदर कामाचं स्वरुप बघुन त्याकरता मला कमितकमि एक महिना लागेल असं एस्टीमेट समोर आलं. मी एक सर्व साधारण बुद्धीचा माणुस आहे. केजरीसाहेब माझ्यापेक्षा १० पट हुषार असावेत. तरीसुद्धा "गुजरात राज्याचं विकास मॉडेल" या पि.एच.डी. लेव्हलच्या अभ्यास विषयाला त्यांना किमान काहि महिने लागावे... अगदी डेडीकेटेड. अन्यथा २ दिवसाच्या ऑब्जर्व्हेशनमधे मोदीविरोधी केजरीवाल १० वाईट मुद्दे मांडेल व मोदीसमर्थक क्ष व्यक्ती १० चांगले मुद्दे मांडेल, मामला बराबर. त्यांच्या समोर काहि शिख शेतकरी रडले तसे कोणासमोर काहि शिख शेतकरी आनंदाने मोदिंचे गुणगान देखील गातील. काहि शाळा आणि दवाखान्यांची हालत खराब असेल तर काहिंची चांगलीही झाली असेल. केजरीवाल एक बायस्ड निर्णय अगोदरच ठरवुन गुजराथला गेले, त्याच दृष्टीकोनातुन त्यांना निवडक स्पॉट दाखवण्यात आले (कि त्यांनी स्वतःच ते निवडले) व तिथुन परतुन त्यांनी आपले बायस्ड निर्णय जनतेसमोर मांडले. त्यांना खरच मोदिंना भेटायचं होतं काय? कॉमनसेन्स आहे कि भेटायचं असेल तर चप्पल पायात चढवण्यापुर्वीच त्यांनी मोदिंच्या संपर्क विभागाला मोदिंची उपलब्धता विचारुन घ्यावी. पण हे महाराज तडक निघाले. आणि अगदी मोदिंच्या गेटसमोर तमाशा होण्यापेक्षा पोलिसांनी अगोदरच हस्तक्षेप करुन त्यांना थांबवलं तर भारताच्या आतिथ्यधर्माची दुहाई द्यायला लागले. कमॉन सर... यांच्या गाडीच्या काचा खरच मोदिंनी फोडल्या असतील? ऐन निवडणुकीच्या हंगामात अगदी युपी-बिहारचे राजकारणी देखील दहादा विचार करतील असं वागताना... कमॉन सर. प्रश्नोत्तरे पण भारी झालीत. काहि उत्तरे खरच छान दिली साहेबांनी. सोमनाथ भारतींच्या प्रश्नावर मात्र विकेट आणि चेहेरा, दोन्हि पडले साहेबांचे. आणि जबरी पडले बरं का. ऊर्जा मंडळाच्या प्रॉफीटवर देखील काहि उत्तर नाहि साहेबांकडे. म्हणाले उद्या सांगेन. त्यांच्याकडे सर्वच डाटा उपलब्ध असावा अशी काहि अट नाहि म्हणा. पण ते गुजराथच्या विकासाचा अभ्यास करायला गेले होते ना... मग हा चांगला मुद्दा खरच दिसला नाहि त्यांना? कि बघायचच नव्हतं? अपोझीशन पार्टीच्या लोकांना मोदि विकत घेतात म्हणतात... शक्य आहे... पण मरवा देते है?? गुजरात दंगलींबाबत मोदिंना जंग जंग पछाडणारं केंद्रातलं काँग्रेस सरकार १० वर्ष आपल्याच पार्टीच्या लोकांचं शिरकाण खपवुन घेतं? त्याहिपेक्षा भयंकर म्हणजे विरोधकांना खतम करण्यासारखा लोकशाहितला सर्वात गंभीर गुन्हा केजरीसाहेबांसमोर आला आणि त्यांचं हृदय पिळवटुन नाहि निघालं? अशावेळी त्यांच्याकडुन आपले बाकी सर्व प्रोग्राम रद्द करुन ताबडतोब आंदोलन करण्याची अपेक्षा होती. दिल्लीतल्या वेश्या व्यवसायाला थांबवायला आपण आंदोलन केलंत... इथे १० वर्षे शिरकाण चाललय-भलेही दुसर्‍या पार्टीच्या लोकांचं, दुसर्‍याच राज्यात- तरिही साहेबांना काहिच हालचाल करवली नाहि? इजण्ट इट स्ट्रेंज? आणि हा आरोप मोदिंवर करण्याबरोबरच केंद्रीय गृहमंत्रालयाला जाब विचारण्याची गरज वाटली नाहि? कमॉन सर... कॅगच्या स्पेशल बॉडीकडुन विजकंपन्यांचं ऑडीट होतं असं एकजण म्हणाला. तर हे साहेब म्हणतात कि प्रत्यक्ष्य कॅगकडुन का नाहि? अरे पण दुसर्‍या बॉडीकडुन ऑडीट होतय ना? त्यात काहि कमतरता असतील तर तुम्ही त्या समोर आणल्या का? त्यांचं विश्लेषण केलं का? कि जाहीरनाम्यात म्हटलय म्हणुन उगाच एक प्रोसेस वाढवायची? साहेबांनी पांच दिनमे ऑडीट के ऑर्डर निकाले म्हणतात... पाच दिवसात या दुसर्‍या ऑडीटच्या कमतरता समोर आल्या असतीलं असं मानुन चलु. भारताच्या विकासाच्या मूलभूत गरजा उत्तम मांडल्या साहेबांनी. सुरक्षा, शिक्षण, आरोग्य, भ्रष्टाचाररहित राज्यकारभार... अगदी नेमकेपणानी मांडलं. उद्योग समुहांचे राजकीय लागेबांधे, त्यांच्यापुढे राजकारणी लोकांचं मिंधेपण, रिटेल क्षेत्र ओपन का करु नये वगैरे मुद्दे त्यांच्या दृष्टीकोनातुन व्यवस्थीत मांडले. देशात समुद्रमंथन चाललय, ट्रांझीशन फेजमधे देश आहे, आता नाहि सावरलं तर फार उशीर होईल, परिवर्तन घडवुन आणायला लोकांनी आता समोर यावं वगैरे संदेश देखील उत्तम मांडले. पण हे सर्व इतर पक्ष देखील म्हणतात. काँग्रेस, भाजपला नाकारुन आआपचा पर्याय निवडायचं आवाहन देखील केलं. आपल्याला कुठल्याच पदाची अभिलाषा नाहि वगैरे पालुपद लावलं शेवटी, पण राजकारणी केजरीवालांना तसं म्हणावच लागेल. एक अत्यंत महत्वाची गोष्ट मात्र दाद देण्यालायक. देश उम्मीद खो बैठा था. आम्हि ति उम्मीद परत जागवली हा त्यांचा दावा अगदी १०० % मान्य. मोदिंचे समर्थक देखील मोदिंना उम्मीद म्हणुनच बघतात. आआपच्या लोकांनी भाजप कार्यालयावर केलेल्या हुल्लडबाजीबद्द्ल देखील विनम्रतेने माफि मागितली. फुकटची मुजोरी केली नाहि. थोडक्यात काय, तर विरोधी पक्षावर पोकळ टिका केली, देशाच्या प्रगतीच्या सर्वमान्य गरजा सांगितल्या, आपल्या चुकांवर पांघरुण घालु शकले नाहित, व आपल्या प्रचाराने समरोप केला. एका नवीन राजकीय पक्षाची टिपीकल मुलाखत.

कमालच आहे गुजरात च्या जनतेची ! असल्या विकास न करणार्‍या आणि निव्वळ पोकळ दावे करणार्‍या माणसाला गुजरात पुनःपुन्हा निवडून देते आहे ! किती हा मूर्खपणा ! अच्र्त बावल्ट कुथले ! हे तारणहार केजरीवाल आले नसते तर भारतीयांचे खरे नव्हते ! कल्की कल्की अवतार म्हणतात तो हाच असावा की काय ? ( जाणकार अधिक प्रकाश टाकतीलच ) की नॉस्त्रेडेमस चे भविष्य खरे ठरु लागले आहे ? . . . . . . . आवरा !

प्रचलित व्यवस्था बदलून टाकू, भ्रष्टाचार संप वू, रामराज्य (सगळं आलबेल असलेलं प्रशासन नि सुशासन ह्याला काही लोकांनी दिलेलं नाव) आणू, सगळे समान असतील अशा प्रकारच्या आशा/ स्वप्नं सामान्य माणसाला दाखवायची नि स्वतःच्या वागण्यानं पूर्वीच्या लोकांपेक्षा प्रचंड वेगानं दाण्णकन जमिनीवर असं आपटायचं की पुन्हा सुशासनाचं स्वप्न बघण्याचं धाडस सामान्यांनी करु नये. ३००-३५० वर्षं एकाच शिवाजी महाराजांचं नाव घेण्याची वेळ आपल्यावर येत राहते. अजून किती वर्षं येत राहील कुणास ठाऊक. (आज महाराज असते तर त्यांना लोकांनी काय त्रास दिला असता कुणाला माहिती)

प्रतिसाद दिला नाही. काय हे?

'शामची आई' पुस्तक वाचून लोकांची आयुष्यं बदलतात आणि केजरीवाल यांचा व्हिडिओ बघून लोकांचा त्यावर विश्वास बसतो. आणि या दोन्ही गोष्टींवर लोकांचा विश्वास बसतो, यावरून सत्ययुग नक्की येणार याची खात्री पटली आहे. तसं तर बिचारे राहुल गांधीसुद्धा फार प्रामाणिकपणे अर्णवला उत्तरे देत होते पण तुम्हा इंटरनेटवाल्यांनी त्या कार्यक्रमाचं विनोदी कार्यक्रमात रूपांतर की हो केलं! कुठे फेडाल ही पापं?!

केजुहून प्रभावी व हृदयस्पर्शी , प्रेरणादायक मुलाखती एकेकाळी वाजपेयी, महाजन , अडवाणी ह्यांच्या असायच्या. त्यांच्या भाषणाचे चाहते भारतात अनेक होते त्यात कितीतरी त्यांचे निस्सीम समर्थक होते. पण जेव्हा जनतेच्या अपेक्षा पूर्ण करण्याची वेळ आली तेव्हा प्रशासन करण्यास ते अयशस्वी ठरले त्याची परिणीती शेवटी सत्ता जाण्यास आली.

ज्यांनी भरभरून मते दिली त्यांनी शेवटी नाकारले. केजू चे दिल्ली प्रकरणाने नेमके हेच होणार आहे. मोदी , पर्रीकर , चौहान ह्यांना यशस्वी प्रशासन करण्याचा अनुभव आहे त्यांना तसे करू देण्यासाठी त्यांच्या राज्यातील जनता त्यांच्या पाठीशी आहे. ह्याच जोरावर ह्या निवडणुकीत ते मतांचा जोगवा मागत आहेत. केजू ह्यांच्याकडे अनुभव नाही ,पक्षात अनेक हवशे नवशे आले आहेत. त्यांना हाताळण्यात केजू चा अर्धा वेळ जातो. बोलबच्चन वर जनतेला मूर्ख बनवण्याचे दिवस सरले. नमो नमः उद्या नमो ह्यांनी राम मंदिरांचा मुद्दा उठवला व त्यांच्यासमवेत संधीसाधू , साधू संत , महंत , भणंग जमा झाले देशात धार्मिक उन्माद निर्माण झाला तर त्याला माझा पाठिंबा राहणार नाही. नमो ह्यांचा आंधळा समर्थक मी नक्कीच नाही आहे. केजू ह्यांच्या समर्थकांनी त्याला प्रश्नच नाही विचारले तर तो त्याची एकाधिकारशाही पक्षात निर्माण करेल. सध्या त्याच्यामुळे कम्युनिस्ट व इतर अनेक पक्षातील स्वयंभू तारे प्रसार माध्यमांनी नजरेआड केले आहेत. एवढे मात्र नक्की

देशोद्धारक, निर्मोही आणि "अखंड स्थितीचा निर्धारु" आदरणीय राजमान्य राजश्री अरविंद केजरीवालांचं राखी बिडला हीला लोकसभेचं टिकीट देण्यावर पत्रकारांनी प्रश्न विचारल्यावर उत्तर होते, "वादा तोड दिया तो क्या गलत किया?"ही विनम्र मुजोरी मला त्यांच्या धिंगाण्याचा फॅन बनायला भाग पाडते, बघा.. ;-)

अतिरंजतिकरण आहे पण नक्की पहा..मी एके समर्थक नाहीये पण बंदेमे कुछ है