Submitted by चतुरंग on
लेखनविषय (Tags)
क्रीडा
लेखनप्रकार (Writing Type)
आस्वाद
४-२ गुणांनी मागे पडलेल्या आनंदसाठी अत्यंत कळीचा डाव! आज त्याला जिंकायलाच हवे. ड्रॉ होणारा प्रत्येक डाव कार्लसनला विजयाच्या जवळ नेतोय अर्ध्या गुणानी. कोणते ओपनिंग? कोणती स्ट्रॅटॅजी? २० कोटी लोक जगभरातून हा गेम फॉलो करताहेत. कदाचित क्रिकेट्पेक्षा जास्त प्रसिद्धी मिळाली आहे! चला गेम बघूयात.

प्रतिक्रिया

Submitted by चतुरंग on Mon, 11/18/2013 - 15:59

Permalink

एच प्यादे सरकवले आनंदने. उत्तम. आता उंट जी ५ अशी धमकी. कारण कार्लसन घोडा बी८ ला न्यायला बघत होता ती खेळी थांबली.

Submitted by चतुरंग on Mon, 11/18/2013 - 16:06

Permalink

प्यादे एच ५ आता हत्ती पुढे काढून ई४ प्याद्याला सपोर्ट करायचा इरादा दिसतोय. मॅग्नुसने उंट मारला. पुढल्या २ खेळ्या चटचट झाल्यात. एच प्यादी पटावरुन गेलीत. काळ्याचा डाव सॉलिड आहे. अजूनतरी काही वीकनेस नाही.

Submitted by चतुरंग on Mon, 11/18/2013 - 16:11

Permalink

फार हुषार आहे. डाव लाँग एंडगेमम्धे नेणे हे त्याचे उद्दिष्ट तो साध्य करतोय. आनंदला प्यादी सुद्धा सहज सरकवता येणार नाहीत. रुक एंडगेम तर आनंदसाठी चांगला नाहीच्.\जी ३ प्यादे सरकवले.

मग डी ३ घर दुबळे होते. शिवाय एफ४ वरती मारामारी झाली तर घोडा मदतीला नाहीये.

Submitted by चतुरंग on Mon, 11/18/2013 - 16:22

Permalink

पहिल्यांदा मॅग्नुस विचारात पडलेला दिसतोय. गुरुची विद्या गुरुला करण्याशिवाय आनंदकडे पर्याय दिसत नाही. तुला लाँग एंडगेम हवाय का घे मग आणि त्यातही मी जिंकून दाखवतो!

आज त्याला चुक करावीच लागेल! आनंद आज जिंकणार आहे :)

Submitted by चतुरंग on Mon, 11/18/2013 - 16:28

Permalink

या संपूर्ण सामन्यात कार्लसन आनंदला कोणत्याही डावात फार मोठे पोझीशनल अ‍ॅडवांटेज घेऊ देणार नाही त्यामुळे होम प्रिपरेशनचा फारसा उपयोग नाही. काय खेळायचे ते आत्ता इथे पटावर. मॅग्नुस खेळलाय ए ५! नेहेमीप्रमाणेच अनपेक्षित खेळी. तो राजाच्या बाजूला प्याद्यांची मोर्चे बांधणी करतच नहिये. सध्या जागा बळकावणे आणि वेटिंग मूव, आनंदला आव्हान आहे तुझा प्लॅन दाखव!

Submitted by चतुरंग on Mon, 11/18/2013 - 16:34

Permalink

आक्रमक खेळी हत्ती एच ७! आता हत्तींची मारामारी होणार का? दुसरा हत्ती एच स्तंभात आणून हत्तींची मारामारी झाली. आता वजीर एफ ६ असा घेणार मॅग्नुस.

Submitted by चतुरंग on Mon, 11/18/2013 - 16:44

Permalink

आता मॅग्नुस बहुदा हत्ती एच ८ आणि हत्तींचे एक्स्चेंज कारायला लावणार.

Submitted by रमताराम on Mon, 11/18/2013 - 16:46

Permalink

हत्ती एक्स्चेंज करावेच लागणार. मॅग्नस ड्रॉ साठीच खेळतोय हे स्पष्ट झाले.

Submitted by चतुरंग on Mon, 11/18/2013 - 16:48

Permalink

आनंदने फक्त एक गोष्ट साध्य केली आहे की त्याची प्याद्यांची रचना उअत्तम आहे. आणि मॅग्नुसचे दी प्यादे डबल आहे. एवढ्या तुटपुंज्या भांडवलावर त्याला विजय मिळवायचा आहे!!

त्या डबल झालेल्या प्याद्यांनीच उत्तर कोट करून ठेवला आहे त्याच्या राजासाठी. याउलट आनंदचा राजा शेवटच्या पट्टीत असल्याने आणि पुढची तीनही प्यादी जागीच असल्याने लास्ट-फाईल चेक चा धोका कायम ध्यानात ठेवून चाल करावी लागते आहे. हे बंधन काहीसे परवाच्या एच पट्टीतला बंधनासारखे ठरू नये म्हणजे मिळवली.

Submitted by चतुरंग on Mon, 11/18/2013 - 16:55

Permalink

स्थितीत बरोबर आहे. परंतु एंडगेम मधे त्याचे भांडवल करणे महत्त्वाचे ठरणार आहे, आनंदसमोर दुसरा पर्याय नाहीच आहे!

Submitted by रमताराम on Mon, 11/18/2013 - 16:50

Permalink

आनंदने ई प्यादे घेण्याची घाई का केली कोण जाणे. कोपर्‍यात गेलेला वजीर पुन्हा सक्रीय झाला मॅग्नसचा. शेवटच्या फळीतला मेट-थ्रेट वाचवायला इतर पर्याय होते. खरंतर घोडा पुरेसा आहे. आणि घोड्यासाठी वजीर अडकवून ठेवणे परवडले नसते मॅग्नसला. :(

Submitted by चतुरंग on Mon, 11/18/2013 - 16:51

Permalink

झपाट्याने ड्रॉकडे निघालाय असे दिसते. आता कार्लसन एफ ५ अशी धमकी देतोय. त्यामुळे एफ ३ मधे वजीर.

Submitted by चतुरंग on Mon, 11/18/2013 - 17:08

Permalink

तो मानसिक दृष्ट्या खचलेला वाटतोय. किंवा त्याला असे वाटत असावे की आत्ता बरोबरी तरी जमयेत का ते बघू जिंकायचे नंतर बघता येईल!!

आज तो रुक-पॉन एन्डिंगचा बराच अभ्यास करून आला असावा आणि मॅग्नसने झटपट दोन्ही हत्ती पटाबाहेर काढून त्याचा डाव उधळून लावला असे दिसते. :)

Submitted by रमताराम on Mon, 11/18/2013 - 17:11

Permalink

(हे रिकामे प्रतिसाद कसे पडतायत) कदाचित असं असेल की आनंद आज रूक-पॉन एन्डिंगचा भरपूर अभ्यास करून आला असावा. पण दोन्ही हत्ती झटपट पटाबाहेर काढून मॅग्नसने त्याचा प्लान उधळून लावला असे दिसते.

कारण बर्‍याचदा या खेळी पटावरच्या स्थितीप्रमाणेच खेळाव्या लागतात फारसा अभ्यास करण्यासारखे नसावे. त्याने एनर्जी वाचवली. काळ्या मोहोर्‍यांकडून खेळण्याचे त्याने नक्की केले आहे. कारण आनंदकडे फार पर्याय आहेत असे वाटत नाही. कार्लसनला खेळी करु द्यायची आणि त्यावर उत्तम पर्याय शोधायचा हीच स्ट्रॅटेजी त्याला काही देऊ शकेल असा माझा अंदाज!

पण ते खुप म्हणजे फारच म्हणजे लैच म्हणजे अतिचशय अवघड आहे !! आणि ह्यात नशिबाचा काही भाग नाही ... बाकी हीच गोष्ट आपल्याला चेस बाबत आवडते .... इट्स अ गेम विदाऊट चान्स !! पाऊस पडला म्हणुन डकवर्थ लुईस नाही की दव पडल म्हणुन स्पिनरला अ‍ॅडव्हान्टेज नाही .... नो लक फॅक्टर ... प्रत्येक पॉईट हा झगडुनच मिळवावा लागेल !!

त्या नेहमीच्या सांऽबर-बाऽत वाल्याकडून 'स्सार, डू यू येक्स्पेक्ट द्येम टू कान्फर बारतरत्न टू यू आफ्टर दिस चाम्पियनशिप म्याच?'

Submitted by चतुरंग on Mon, 11/18/2013 - 17:13

Permalink

आनंद प्रेस कॉन्फरन्स मधे बराच रिलॅक्स्ड वाटतोय. नक्कीच काळ्या मोहोर्‍यांकडून प्लॅन आहे. त्यामुळे त्याने आज एनर्जी वाया घालवली नाही!

Submitted by संजय क्षीरसागर on Mon, 11/18/2013 - 17:15

Permalink

आनंदची जराशी चूक आणि कार्लसन संधी घेईल कारण प्याद्यांच्या एंडगेमवर राजाच्या मदतीनं खेळण्यात त्याचं कमालीचं कसब आहे (सहावा गेम!). ड्रॉ झाला तर आनंदचं नशिब (म्हणजे वजीरावजीरी करुन). नाही तर कार्लसन सहजासहजी ड्रॉ सुद्धा होऊ देत नाही असा मागच्या सर्व गेम्सचा अनुभव आहे.