Skip to main content

आनंद - कार्लसन - डाव ४

लेखक आनन्दा यांनी बुधवार, 13/11/2013 15:13 या दिवशी प्रकाशित केले.
चौथा डाव सुरू झालाय -- हा डाव निकाली निघणार असे वाटतेय.
लेखनविषय:
लेखनप्रकार
वाचने 31077
प्रतिक्रिया 251

प्रतिक्रिया

चतुरंग बुधवार, 13/11/2013 18:51
नंतर काय हा प्रश्न आहे! आणि नंतर मॅग्नुसला एक हत्ती हलवणे भाग आहे. त्यामधला सगळा गोंधळ विचार करुन विंचरायला पाहिजे!

निखिल देशपांडे बुधवार, 13/11/2013 19:01
राजा इ ३ च्या जागी घ्यावा असे ते कॉमेंट्र्री सजेस्ट करत होते. पण आनंद ने दुसरा मुव्ह केला त्याचा काय परीणाम होणार?

रमताराम बुधवार, 13/11/2013 19:04
बहुधा मॅग्नस चेक्सची झड लावू शकतो. ती टाळण्यासाठी राजा प्यादे नि हत्तीच्या आड सुरक्षित करणे हा हेतू असेल. हे करत असतानाच राजा ए आणि बी पट्ट्यांकडे सरकल्याने मॅग्नसच्या पुढे येऊ पाहणार्‍या प्याद्यांना अटकाव करण्यात आपल्या प्याद्याला आधार देणे हा ही हेतू असू शकतो.

चतुरंग बुधवार, 13/11/2013 19:07
घोड्यामागे राजा घेण्यात तो धोका होता की राजा दोन पट्ट्यात अडकला असता! आणि वजिराच्या बाजूची दोन प्यादी काळ्या राजासह पुढे सरकली असती. आता घोड्याने डी२ घर धरल्याने हत्ती तिथे येऊन चेक देऊ शकत नाही.

चतुरंग बुधवार, 13/11/2013 19:04
आनंदचा राजा मागे गेला बी२ मधे. आता हत्ती घोड्यावर येणार ई३ मधे.मग बहुदा आनंदचा सी १ मधला हत्ती सी ३ मधे येऊन घोड्याला सपोर्ट करेल असा अंदाज.

चतुरंग बुधवार, 13/11/2013 19:11
ई६ प्याद्यासाठी काळ्याचे जी प्यादे पडेल आणि डाव पुन्हा ड्रॉ होण्याकडे चालू लागेल असे दिसते!

मृत्युन्जय बुधवार, 13/11/2013 19:15
आनंदने हत्ती वरती का घेतल म्हणे. आता हत्ती घोडा आणि हत्ती उंटाचे बळी दिले गेल्यानंतर अनुषंगाने दोघांचेही एक एक प्यादे सुद्धा मरणार. मग आनंद दुबळा नाही का पडत एका प्याद्याने?

चतुरंग बुधवार, 13/11/2013 19:21
नो मारामारी! मॅग्नुसने ह्त्ती डी३ मधे आणला. आता बहुदा हत्ती सी ४ मधे आणेल आनंद

रमताराम बुधवार, 13/11/2013 19:26
हत्ती डबल झालेत हे इसरायचं न्हाई. उंट उचलाया एक हत्ती तिकड न्हेला आनंदनं ते त्ये हिकडं पटात घुसतील न्हवं.

कपिलमुनी बुधवार, 13/11/2013 19:23
मॅग्नस प्लेईंग टू किल ! आनंद ..लौकर काहीतरी कर रे !! फास आवळत आणला आहे

आतिवास बुधवार, 13/11/2013 19:32
ऊंट (इ ८) हलला नाही तर इ ६ चे काही होणार नाही. ७-८ मध्ये बाकी काही नाहीये ना! का काही आहे शक्यता?

चतुरंग बुधवार, 13/11/2013 19:38
राजा हलला उंट आणि घोडा गेले. आता दोन दोन हत्ती आणि मॅग्नुसकडे ३ तर आनंदकडे २ प्यादी! अजूनही डाव डायनामिक आहे. मॅग्नुस जिंकण्यासाठीच खेळतोय! तो ड्रॉसाठी जाणार नाही असे दिसते.

चतुरंग बुधवार, 13/11/2013 19:41
आता लै कळीची पोझीशन आहे. मॅग्नुसने चेक दिला तरी राजा ए३ मधे द्डी मारुन बसेल आणि हत्ती मोकळे राहू शकतात!

चतुरंग बुधवार, 13/11/2013 19:46
ई स्तंभातून हलू शकत नाही! कारण तो हलला रे हलला की आनंदचा हत्ती ई८ मधून बाहेर पडतो आणि वजीर होणे अटळ! त्यामुळे मॅग्नुसला प्रॅक्टिकली एकाच हत्तीने खेळायला लागणार आहे. तसेच आनंदचे आहे त्याचा हत्ती ई८ मधून निघू शकत नाही. पण आता मॅग्नुसला त्याच जी ६ वरचे प्यादे वाचवायला लागेल. कारण पुढची खेळी आनंदची हत्ती जी १ अशी प्याद्यावर हल्ला करणारी असेल.

कपिलमुनी बुधवार, 13/11/2013 20:00
कार्लसन ने मारामारी केली तर त्याला फायदाच आहे ! त्याचे २ पॉन्स दो बाजूला आहे ..एका राजाने ते डीफेंड करणे जमणार नाही.

चतुरंग बुधवार, 13/11/2013 20:05
तिसर्‍या पट्टीत आलेत. आणि राजा ए२ मधे गेलाय. आता बी३ चे प्यादे घेतले तर हत्तीने बी८ मधे चेक देईल आनंद आणि राजाने हत्ती घेतला प्याद्याचा वजीर होईल!

अग्निकोल्हा बुधवार, 13/11/2013 20:08
पण कार्ल मात्र लढत सोडायला तयार नाही! आनंद सारखा अनुभवी सामना टाय चे प्रेडिक्शन चुकेल असे नसताना कार्लचा अट्टहास गाढ्वापणा समजायचा की आत्मविश्वास ?

चतुरंग बुधवार, 13/11/2013 20:13
दोन दोन हत्ती आणि पुढे सरकलेली प्यादी आहेत तोपर्यंत खेळ सुरु राहणार. असे एंडगेम्स फार इंटरेस्टिंग असतात.

रमताराम बुधवार, 13/11/2013 20:14
एक लाईन चेक करायला हवा. हत्ती बी-५ मधे आणला मॅग्नसने तर तो जी प्याद्याला आधार देईल नि त्याच वेळी जी पट्ट्यातल्या दुसर्‍या हत्तीला बी-३ प्यादे मटकावून आनंदच्या राजाशी सलगी करण्याची संधी देईल. अ‍ॅडवांटेज मॅग्नस.

रमताराम बुधवार, 13/11/2013 20:16
आनंदला त्याचे सातव्या फळीतले प्यादे पुश करण्याची संधी न देता... इंट्रेस्टिंग.

तिरकीट बुधवार, 13/11/2013 20:14
मोबाईल मधे बघितलं तर...... ५० चाली झालेल्या दाखवतायत... काही ठरावीक चाली झाल्यानंतर प्रत्येक चालीला वेळेची मर्यादा होती ना?