Skip to main content

वॅलेंटाईन डे ! ___ शतशब्दकथा

लेखक तुमचा अभिषेक यांनी शुक्रवार, 09/08/2013 21:43 या दिवशी प्रकाशित केले.

सालाबादाप्रमाणे येणारा प्रेमदिवस.. उधळायला संस्कृतीरक्षकांची जय्यत तयारी होतीच..
निषेधाचे बॅनर शहरभर लागले होते..

कट्ट्यावरच्या राहुल’चीही तयारी झाली होती.. चॉकलेट परफ्यूम ग्रीटींग अन फुले...
आणखी काय लागते..!

गेल्या तीन वर्षांचा त्याचा रेकॉर्ड होता, एकही वॅलेंटाईन डे फेल गेला नव्हता..
यावेळी मात्र अंदाज फसला.. त्याला हसूनच नकार देत ती पुढच्याकडे वळली..

टाय विस्कटतच त्याने पुष्पगुच्छ जमिनीवर आदळला..
अर्थातच, अपमान अन पराभवाची निशाणी कोणाला आवडते !

ते निघून गेले अन एवढा वेळ जवळच उभी.. नुसतेच बघत असलेली ‘ती’ ... लगबगीने पुढे आली..
पडलेली फुले उचलून हृदयाशी कवटाळली..
डोळ्यात काहीतरी तरळले आणि तिच्याही नकळत दोन अश्रू कोसळले..

तिची अन तिच्या पोरांच्या, आजच्या जेवणाची सोय झाली होती !

- तुमचा अभिषेक

लेखनविषय:
लेखनप्रकार
वाचने 5723
प्रतिक्रिया 27

प्रतिक्रिया

तुमचा अभिषेक शुक्रवार, 09/08/2013 21:43

पहिल्या शतशब्दकथेला मिळालेला प्रतिसाद दुसरी लिहिण्याचा हुरुप देण्यास पुरेसा होता..
आता हिच्यावर मिळणारे प्रामाणिक प्रतिसाद सल्ले अन सूचना तिसरीच्या वेळी नक्कीच कामाला येतील.. :)

विटेकर शुक्रवार, 09/08/2013 22:40

टर्न आहे शेवटल्या १० शब्दात ! झक्कास ! असे लिहित राहीलात तर या तंत्राचे गुरु व्हाल.
उत्तम आणि पुलेशु..

प्रसाद गोडबोले शनिवार, 10/08/2013 01:16

बरेच दिवसांनी कही नवीन फॉर्मॅट वाचाअयला मिळाला . छान आहे कथा.

पहाटवारा शनिवार, 10/08/2013 02:36

तुम्हि आतिवास यांच्या चिमुरडिच्या शतशब्द्कथा वाचल्या नाहि का इथे मिपा वर ? बटाटा भाजी, फुस्स..., वाट ( हि मला वाटते पहिली होती )..

तिमा शनिवार, 10/08/2013 11:04

पहिल्या प्रयत्नापेक्षा ही कथा भिडली. लवकरच आतिवास यांना हेल्दी काँपिटिशन!

- तिमा

आतिवास शनिवार, 10/08/2013 12:39

लवकरच आतिवास यांना हेल्दी काँपिटिशन!
!!
"काँपिटिशन" कशाला?
अजून लोकांनी लिहावं.. त्यातून शतशब्दकथा अधिक भक्कम होईल - ते महत्त्वाचं :-)

तिमा शनिवार, 10/08/2013 14:21

काँपिटिशन नाही. मिपा समृद्ध होण्याची वाटचाल सुरु, असं म्हणतो.

- तिरशिंगराव माणुसघाणे

तुमचा अभिषेक शनिवार, 10/08/2013 19:24

सहमत तिमा .. आपण जे म्हणालात त्यातील हेल्दी शब्द महत्वाचा.. मग ती स्पर्धा ईतरांशी नाही तर स्वताशी असते, आणि ईंतरांच्या पुढे जाण्यासाठी नाही तर ईतरांना पुढे नेण्यासाठी असते :)

प्रभाकर पेठकर शनिवार, 10/08/2013 11:16

सुंदर आशयगर्भ शतशब्दकथा.

दोन भिन्न दिशांचे लेखनप्रकार मिपावरच वाचावयास मिळतात. एकीकडे अशी आशयगर्भ शतशब्दकथा तर दूसरीकडे आशयविहीन लक्षशब्द लेख.

किणकिनाट शनिवार, 10/08/2013 12:09

काका, तुमचा प्रतिसाद वाचून एकदम धडधडून हसायला आलं.

आणि अर्थातच १००% सहमत. सुंदर आशयगर्भ शतशब्दकथा.

लगे रहो, तु.अभि.

किणकिनाट.

तुमचा अभिषेक शनिवार, 10/08/2013 19:20

तिसरीसाठी हुरुप वाढावा इतपत अपेक्षा होती, इथे अगदी दडपण यावे ईतके चांगले प्रतिसाद आलेत.. मनापासून धन्यवाद सर्वांचे :)

अभ्या.. रविवार, 11/08/2013 14:40

तुम्ही नका हो दडपण घेउ.
आणि प्रतिसाद पण किती सुरेख देता तुम्ही.
आम्ही असं काही लिहील गोग्गोड की, लोकांना मानभावी वाटतं. ;-)

चिगो शुक्रवार, 16/08/2013 18:02

आतिवास ह्यांच्या कथा जरा मिष्कील, निरागसपणाकडे झुकणार्‍या.. तर तुमचारावांच्या कथा धक्कातंत्र, कलाटणीबाज.. झक्कास ! मिपा आणि शतशब्दकथाप्रकार समृद्ध होत आहे.. :-)

प्रा.डॉ.दिलीप बिरुटे शुक्रवार, 16/08/2013 18:42

लेखनाचा फॉर्मेट आवडलाच आहे. अजून येऊ दे....!!!

-दिलीप बिरुटे