माझे सर्वात जास्त हाल झाले. सुटी चालू असल्यामुळे काही मौजमजा करावी म्हटलं तर मिपावर भला मोठा येरर. कितीही रिफ्रेश मार तो उदास येरर माझ्या स्वागतासाठी दात वेंगाडून हजर. कोणत्या जन्माचा बदला घेत होता माहिती नै पण माझ्या मनात त्या येररचा लैच द्वेष निर्माण झाला. बाकी, माझा एक कलमी कार्यक्रम सकाळ, दुपार, संध्याकाळ मिपाच्या पानावर रिफ्रेश मारणे. आणि जमलंच तर मिपा मालकांना, मालक करा ना राव मिपा चालू असा एसेमेस करणे. आता तुम्हाला म्हणून सांगतो मायबोलीवर काही कविता आणि गझला चाळल्या पण तिकडेही साचेबद्ध, सुबक, गझलांवर काफिया,रदीफ, आणि मतलात रमणा-या आणि आशयाचा पत्ता नसणा-या गझलांशी सालं आपलं काही जमलं नाही. फ़ेसबूकवर एका थोर जाल साहित्यिकाराने महानुभाव संप्रदायात चारोळी प्रकार लिहिल्या जात होता असा विचार मांडून मला बेशुद्ध पाडण्याचा प्रयत्न केला. बाकी, फेसबूकवर काही मित्रांच्या पोष्टी लाईक केल्या. फेसबूकवर माझ्या भिंतीवर आजतागायत एकही पोष्ट मी टाकली नाही. पण, अन्य मित्रांच्या भिंती रंगवल्या पण काही खास नाही. एक चरित्रवजा 'जगी ऐसा बाप व्हावा' चाळून काढले. बाकी, एककलमी कार्यक्रम मिपाच्या पानावर रिफ्रेश मारणे. -दिलीप बिरुटे

झी क्लासिक वर नवरंग पाहिला. त्याच्यातला कवी मला भावला. आवडला. गाणी तर मस्तच. ट्रीपल एक्स पाहिला. आणि एकदा आमच्या कुटुंबाच्या नादाला लागून एक दोन दिवस 'पवित्र रिश्ता' मालिकाही पाहिली. लै भारी आहे म्हणे, या मालिकेत अर्चना का कोण तरी ती म्हातारीचा रोल करणार नाही म्हणून कोमात गेली की मेली त्या दिवशी आमचं सर्व घर चकचक करत होतं. मला काही ते समजलं नाही. तुम्हाला नै माहिती, तिच्यामुळेच ही मालिका चालू होती वगैरे बरचं ऐकलं. मग, मीही त्यांच्यासोबत त्या दिवशी सिरियस राहीलो. एक दिवस शिर्डीला गेलो. वाटर पार्कात दिवसभर डुबत राहीलो.... अजून काय काय केलं ते आठवणीनं लिहितो. -दिलीप बिरुटे

मुद्द्याशी सहमत. मिपा एक तांत्रिक गोष्ट असेल पण त्याच्याभोवतीचा पाफटपसार्‍यालाही मिपाच म्हटलं पाहिजे, त्याला ना स्पॅमर्स अडवू शकतात ना, अन्य कोणी. आणि अशा मिपा गणगोतात तांत्रिकदृष्ट्या येरर येऊ शकत नाही, याची प्रचिती अनेकांना अशा काळात येते. मिपाकरांशी तसा संवाद सुरुच असतो. -दिलीप बिरुटे

लंबर एक आवडले. :) -दिलीप बिरुटे